| ດ່ານັ້ງ ມີຄວາມສາມາດບົ່ມຊ້ອນຈະກາຍເປັນ "Silicon Valley" ຂອງ ອາຊີຕາເວັນອອກສ່ຽງໃຕ້ | |
| ທ່ຽວໃນທ້າຍລະດູຮ້ອນຢູ່ບັນດາຈຸດໝາຍປາຍທາງຢູ່ແຂວງ ດົ່ງນາຍ |
 |
| ພິທີມອບຮັບໂຮງຮຽນປະຖົມມິດຕະພາບແຂວງ ຈຳປາສັກ (ພາບ: danang.gov.vn) |
ໂຮງຮຽນປະຖົມມິດຕະພາບແຂວງ ຈຳປາສັກ ໄດ້ອອກແບບ 2 ຊັ້ນ, ລວມມີ ຫ້ອງຮຽນ 6 ຫ້ອງ, ຫ້ອງພັກຄູ 1 ຫ້ອງ, ຫ້ອງເຮັດວຽກຂອງສະມາຄົມຊາວຫວຽດນາມ 1 ຫ້ອງ, ລວມມີບັນດາວັດຖຸອຸປະກອນຄື: ໂຕະ, ຕັ່ງ, ກະດານ... ບັນດາກິດຈະກຳຕ່າງໆ, ຍອດມູນຄ່າລົງທຶນແມ່ນ 7 ຕື້ດົ່ງ.
ພາຍລັງການກໍ່ສ້າງມາເປັນເວລາ 6 ເດືອນ, ໂຄງການຍົກລະດັບ ໂຮງຮຽນປະຖົມມິດຕະພາບແຂວງ ຈຳປາສັກ ໄດ້ຮັບການກໍ່ສ້າງສຳເລັດ ແລະ ມອບໃຫ້ສະມາຄົມຊາວຫວຽດນາມ ອາໄສຢູ່ຕ່າງ ແຂວງ ຈຳປາສັກ ດ້ວຍການເປັນສັກຂີພິຍານຂອງຜູ້ຕາງໜ້າພະແນນການຕ່າງປະເທດ, ພະແນກການສຶກສາ ແລະ ກິລາ ແຂວງ ຈຳປາສັກ ແລະ ສະຖານກົງສູນໃຫຍ່ ຫວຽດນາມ ປະຈຳ ປາກເຊ.
ແບ່ງປັນທີ່ພິທີມອບຮັບ, ທ່ານ ດົ່ງກົງຢຸງ - ປະທານສະມາຄົມຊາວຫວຽດນາມ ອາໄສຢູ່ແຂວງຈຳປາສັກໄດ້ສະແດງຄວາມຂອບອົກຂອບໃຈຕໍ່ນະຄອນດ່ານັ້ງ ທີ່ໄດ້ມອບໂຮງຮຽນໃຫ້ແກ່ສະມາຄົມ. ໂຮງຮຽນນຳເຂົ້າສູູ່ການເຄື່ອນໄຫວແມ່ນຄວາມເອກອ້າງທະນົງໃຈຂອງພໍ່ແມ່ປະຊາຊົນຊາວຫວຽດນາມ ອາໄສຢູ່ແຂວງຈຳປາສັກ, ແມ່ນສະຖານທີ່ຮ່ຳຮຽນບໍ່ພຽງແຕ່ຂອງລູກຫຼານຊາວຫວຽດນາມ ເທົ່ານັ້ນ, ຫາກຍັງແມ່ນບ່ອນຮ່ຳຮຽນ, ພົບປະແລກປ່ຽນຂອງລູກຫຼານຊາວທ້ອງຖິ່ນໃກ້ຄຽງນຳອີກ, ພ້ອມທັງນີ້ກໍ່ແມ່ນສະຖານທີ່ພໍ່ແມ່ປະຊາຊົນຊາວຫວຽດນາມ ອາໄສຢູ່ຈຳປາສັກເຕົ້າໂຮມກັນ, ພົວພັນແລກປ່ຽນ, ພ້ອມກັນມຸ່ງໄປເຖິງບ້ານເກີດເມືອງນອນ, ປະເທດຊາດ.
ຫວັງວ່າໂຮງຮຽນມິດຕະພາບຫຼັງນີ້ ຈະສືບຕໍ່ແມ່ນສະຖານທີ່ຮັກສາ, ໂຄສະນາພາສາຫວຽດ ແລະ ວັດທະນະທຳຫວຽດນາມ ໄປຍັງເພື່ອນມິດລາວຢູ່ຈຳປາສັກ, ແມ່ນຂົວເຊື່ອມໃຫ້ແກ່ນ້ຳໃຈມິດຕະພາບແບບພິເສດລະຫວ່າງສອງປະເທດ ຫວຽດ - ລາວ, ລະຫວ່າງນະຄອນດ່ານັ້ງ ແລະ ແຂວງຈຳປາສັກ.
ບຸນຄົງ
