 | ດ້ຽນບຽນ: ເພີ່ມທະວີການຮ່ວມມືວຽກງານກວດກາກັບ 3 ແຂວງພາກເໜືອຂອງລາວ |
| ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ໄປຢ້ຽມຢາມ ແລະ ມອບຂອງຂວັນຢູ່ ດ້ຽນບຽນ |
 |
| ສະຫະພັນແມ່ຍິງ 4 ແຂວງ ໄດ້ລົງນາມໃນບົດບັນທຶກຊ່ວຍຈຳ ໄລຍະ 2024-2026. (ພາບ: TTXVN) |
ວັນທີ 12 ພະຈິກ, ຢູ່ນະຄອນ ດ້ຽນບຽນຝູ, ສະຫະພັນແມ່ຍິງແຂວງ ດ້ຽນບຽນ ໄດ້ເປັນປະທານການພົບປະແລກປ່ຽນກັບຄະນະຜູ້ແທນສະຫະພັນແມ່ຍິງ 3 ແຂວງຄື: ແຂວງ ຜົ້ງສາລີ, ອຸດົມໄຊ ແລະ ຫຼວງພະບາງ ຂອງ ລາວ.
ໂດຍບົນຈິດໃຈສາມັກຄີ, ມິດຕະພາບແບບພິເສດ, ຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນ, ສະຫະພັນແມ່ຍິງແຂວງ ດ້ຽນບຽນ ແລະ ສະຫະພັນແມ່ຍິງ 3 ແຂວງ ລາວ ໄດ້ແລກປ່ຽນຂໍ້ມູນຂ່າວສານ, ຜົນສຳເລັດ ແລະ ບົດຮຽນປະສົມການໃນພາລະກິດແຫ່ງການປົກປັກຮັກສາ, ສ້າງສາ ແລະ ພັດທະນາປະເທດຊາດ , ຂະບວນການຂອງແມ່ຍິງ ແລະ ການເຄື່ອນໄຫວໃນໄລຍະມໍ່ໆມານີ້. ພ້ອມກັນນັ້ນ, ກໍ່ປຶກສາຫາລື ແລະ ປຶກສາບັນດາວິທີການເພື່ອແກ້ໄຂຄວາມຫຍຸ້ງຍາກ, ສິ່ງຄົງຄ້າງໃນການປະຕິບັດວຽກງານຂອງສະຫະພັນ; ເປັນເອກະພາບຕີລາຄາໝາກຜົນການປະຕິບັດບົດບັນທຶກການຮ່ວມມື ໄລຍະ 2022-2024.
ສະຫະພັນແມ່ຍິງຂອງ 4 ແຂວງໄດ້ແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ-ສັງຄົມຂອງແຕ່ລະແຂວງຢ່າງເປັນປະຈຳ...
ຕາມທ່ານນາງ ໂດ໊ທິທູຖຸຍ ປະທານສະຫະພັນແມ່ຍິງແຂວງ ດ້ຽນບຽນ ແລ້ວ, ໃນໄລຍະມໍ່ໆມານີ້, ສາຍພົວພັນຂອງສະຫະພັນແມ່ຍິງ 4 ແຂວງໄດ້ຮັບການເພີ່ມທະວີຮັດແໜ້ນ, ປັບປຸງຢ່າງບໍ່ຢຸດຢັ້ງ.
ບັນດາຫົວໜ່ວຍໄດ້ປະຕິບັດໜ້າທີ່ທີ່ໄດ້ຮັບມອບໝາຍເປັນຢ່າງດີ. ຖັນແຖວພະນັກງານຂອງສະຫະພັນພວມພັດທະນາ, ປະດິດສ້າງ, ເປັນເຈົ້າການໃນການເຊື່ອມໂຍງຢ່າງບໍ່ຢຸດຢັ້ງ, ນຳຂະບວນການຂອງແມ່ຍິງນັບມື້ນັບພັດທະນາ, ກໍ່ສ້າງອົງການສະຫະພັນຢ່າງເຂັ້ມແຂງ; ຕັ້ງໜ້າກໍ່ສ້າງພັກ ແລະ ລະບົບການເມືອງ, ປົກປັກຮັກສາສິດ ແລະ ຜົນປະໂຫຍດທີ່ຊອບທຳຂອງບັນດາຊັ້ນວັນນະແມ່ຍິງຢູ່ແຕ່ລະປະເທດ.
ທ່ານປະທານສະຫະພັນແມ່ຍິງແຂວງ ດ້ຽນບຽນ ຫວັງວ່າ 4 ສະຫະພັນແມ່ຍິງຈະສືບຕໍ່ແລກປ່ຽນ ແລະ ແບ່ງປັນປະສົບການບົນຈິດໃຈສະເໝີພາບ, ມິດຕະພາບ ແລະ ການຮ່ວມມືເພື່ອນຳມາເຊິ່ງບັນດາໝາກຜົນອັນຕັ້ງໜ້າ.
ພາຍຫຼັງການພົບປະແລກປ່ຽນ, ຈະມີຫຼາຍວິທີທາງເພື່ອຜັນຂະຫຍາຍເຄື່ອງໝາຍ “ດ້ຽນບຽນ-ຫຼວງພະບາງ-ຜົ້ງສາລີ-ອຸດົມໄຊ”, ປະກອບສ່ວນເພີ່ມທະວີສາຍພົວພັນມິດຕະພາບແບບພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນ ຫວຽດນາມ - ລາວ, ໃນນັ້ນ ມີສະມາຊີກ, ແມ່ຍິງແຂວງດ້ຽນບຽນ ແລະ ແຂວງຫຼວງພະບາງ, ຜົ້ງສາລີ, ອຸດົມໄຊ...
 |
| ທ່ານນາງ ຢ່າງທິຮວ່າ, ຮອງປະທານສະພາປະຊາຊົນແຂວງ ດ້ຽນບຽນ ໄດ້ມອບຂອງຂວັນໃຫ້ສະຫະພັນແມ່ຍິງບັນດາແຂວງ ຜົ້ງສາລີ, ແຂວງ ອຸດົມໄຊ ແລະ ແຂວງ ຫຼວງພະບາງ. (ພາບ: TTXVN) |
ທີ່ການພົບປະແລກປ່ຽນ, ບັນດາຜູ້ແທນໄດ້ປຶກສາຫາລື ແລະ ເຫັນດີເປັນເອກະສັນກັນລົງນາມໃນບົດບັນທຶກຊ່ວຍຈຳ, ໃນນັ້ນ ຈະສຸມໃສ່ປະຕິບັດບາງເນື້ອໃນຈຸດສຸມ. ນັ້ນແມ່ນການປະສານງານໂຄສະນາການສຶກສາມູນເຊື້ອການປະຕິວັດ; ສະມາຊິກ, ແມ່ຍິງ ຮັກສາ ແລະ ເສີມຂະຫຍາຍສາຍພົວພັນມິດຕະພາບສາມັກຄີແບບພິເສດ ຫວຽດນາມ-ລາວ ແລະ ລະຫວ່າງ ແຂວງ ດ້ຽນບຽນ ກັບບັນດາແຂວງ ຜົ້ງສາລີ, ອຸດົມໄຊ ແລະ ຫຼວງພະບາງ.
ສະຫະພັນແມ່ຍິງ 4 ແຂວງຈະສົມທົບກັນກັບນຳພາ, ຊີ້ນຳ, ແນະນຳສະຫະພັນແມ່ຍິງບັນດາທ້ອງຖິ່ນ, ພິເສດແມ່ນເມືອງ, ຕາແສງທີ່ມີຊາຍແດນຮ່ວມກັນ, ຕັ້ງໜ້າປະຕິບັດບັນດາບົດບັນທຶກການຮ່ວມມືທີ່ໄດ້ລົງນາມ; ເພີ່ມທະວີການແລກປ່ຽນ, ມິດຕະພາບ ແລະ ແຮກສ່ຽວ; ຢ້ຽມຢາມຖາມຂ່າວ, ແລກປ່ຽນ, ແບ່ງປັນປະສົບການວຽກງານ, ພັດທະນາອົງການຂອງສະຫະພັນ ແລະ ຊອກຮູ້ກ່ຽວກັບມູນເຊື້ອວັດທະນະທໍາບັນດາຊາດຢູ່ແຕ່ລະແຂວງ...
ເນື່ອງໃນໂອກາດນີ້, ການນຳສະພາປະຊາຊົນແຂວງ ດ້ຽນບຽນ ແລະ ສະຫະພັນແມ່ຍິງແຂວງ ດ້ຽນບຽນ ໄດ້ມອບຂອງຂວັນ ແລະ ໜູນຊ່ວຍການຫາລ້ຽງຊີບໃຫ້ສະມາຊິກແມ່ຍິງຜູ້ທຸກຍາກຂອງ 3 ແຂວງ ຜົ້ງສາລີ, ອຸດົມໄຊ ແລະ ແຂວງຫຼວງພະບາງ.
ແທັງຮັ່ງ
