 | ສະມາຄົມມິດຕະພາບ ຫວຽດນາມ - ລາວ: ເຄິ່ງສະຕະວັດເພີ່ມພູນຄູນສ້າງມິດຕະພາບແບບພິເສດ ຫວຽດນາມ - ລາວ |
| ສະມາຄົມມິດຕະພາບ ຫວຽດນາມ - ອາແຊກໄບຊານ ໄດ້ຈັດຕັ້ງການພົບປະໃນທ້າຍປີ |
ທີ່ການພົບປະ, ທ່ານ ຫງວຽນແມ້ງຮຸ່ງ ໄດ້ສົ່ງຄວາມຊົມເຊີຍເຖິງທ່ານນາງ ຄຳເພົາ ເອີນທະວັນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ, ພ້ອມດ້ວຍພະນັກງານສະຖານທູດ ແລະ ປະຊາຊົນລາວ ທຸກຄົນ.
 |
| ຄະນະຜູ້ແທນສະມາຄົມມິດຕະພາບຫວຽດນາມ - ລາວ ໄດ້ອວຍພອນສະຖານທູດລາວ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງພັກປະຊາຊົນປະຕິວັດລາວ. (ພາບ: Dinh Hoa) |
ທ່ານ ຫງວຽນແມ້ງຮຸ່ງ ເນັ້ນໜັກວ່າ ພັກປະຊາຊົນປະຕິວັດລາວ ແລະ ພັກກອມມູນິດຫວຽດນາມ ມີຕົ້ນກຳເນີດອັນດຽວກັນຈາກພັກກອມມູນິດອິນດູຈີນ ສ້າງຕັ້ງໂດຍປະທານ ໂຮ່ຈີມິນ. ສອງພັກໄດ້ຕໍ່ສູ້ຮ່ວມກັນເພື່ອເອກະລາດ, ເສລີພາບ ແລະ ຮ່ວມເດີນທາງຕາມເສັ້ນທາງແຫ່ງການພັດທະນາປະເທດຊາດ. ເຖິງວ່າຈະປະສົບກັບການທ້າທາຍຫຼາຍຢ່າງ, ສອງຝ່າຍໄດ້ມານະພະຍາຍາມຢ່າງບໍ່ຢຸດຢັ້ງເພື່ອຄວາມຈະເລີນຮຸ່ງເຮືອງຂອງແຕ່ລະປະເທດ, ສືບຕໍ່ປັບປຸງການພົວພັນມິດຕະພາບທີ່ເປັນມູນເຊື້ອອັນສະໜິດສະໜົມລະຫວ່າງປະຊາຊົນສອງປະເທດ.
 |
| ທ່ານ ຫງວຽນແມ້ງຮຸ່ງ ໄດ້ສົ່ງຄຳຊົມເຊີຍເຖິງບັນດາພະນັກງານ, ລັດຖະກອນຂອງສະຖານທູດ ແລະ ປະຊາຊົນລາວ. (ພາບ: Dinh Hoa) |
ທ່ານເຊື່ອໝັ້ນວ່າ ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນ ປະຕິວັດລາວ, ປະເທດລາວຈະສືບຕໍ່ພັດທະນາແບບຍືນຍົງ, ນຳມາເຊິ່ງຊີວິດການເປັນຢູ່ຂອງປະຊາຊົນນັບມື້ນັບຈະເລີນຮຸ່ງເຮືອງ ແລະ ມີຄວາມຜາສຸກ. ພ້ອມກັນນັ້ນ, ທ່ານຍັງຢືນຢັນວ່າ ສະມາຄົມມິດຕະພາບຫວຽດນາມ - ລາວ ຍາມໃດກໍ່ມານະພະຍາຍາມຢ່າງສຸດຈິດສຸໃຈ ເພື່ອເພ່ມພຸນຄຸນສ້າງຄວາມສາມັກຄີແບບພິເສດລະຫວ່າງສອງປະເທດ, ປະກອບສ່ວນຊຸກຍູ້ການພົວພັນມິດຕະພາບລະຫວ່າງສອງປະເທດນັບມື້ນັບພັດທະນາແບບຍືນຍົງ ແລະ ເລິກເຊິ່ງ.
ທ່ານນາງ ເອກອັກຄະລັດຖະທູດລາວ ປະຈຳຫວຽດນາມ ຄຳເພົາ ເອີນທະວັນ, ຕາງໜ້າໃຫ້ບັນດາພະນັກງານ, ລັດຖະກອນສະຖານທູດ ເພື່ອສະແດງຄວາມຂອບອົກຂອບໃຈຕໍ່ບັນດາຄຳອວຍພອນອັນດີງາມຂອງສະມາຄົມມິດຕະພາບ ຫວຽດນາມ - ລາວ. ທ່ານເອກອັກຄະລັດຖະທູດເນັ້ນໜັກວ່າ ການພົວພັນລະຫວ່າງສອງພັກ, ສອງລັດ ແລະ ປະຊາຊົນສອງປະເທດມີຄຸນລັກສະນະພິເສດ ແລະ ຫາຍາກໃນໂລກ. ເຖິງວ່າຈະປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງກໍ່ຕາມ, ແຕ່ສອງພັກຍາມໃດກໍ່ພ້ອມກັນສະໜັບສະໜູນເຊິ່ງກັນ ແລະ ກັນ ໃນໄລຍະຕໍ່ສູ້ຍາດເອົາເອກະລາດມາຮອດປະຈຸບັນໃນການກໍ່ສ້າງ, ປ້ອງກັນປະເທດ ແລະ ພັດທະນາ.
ທ່ານນາງ ເອກອັກຄະລັດຖະທູດ ຄຳເພົາ ເອີນທະວັນ ຫວັງວ່າ ສະມາຄົມມິດຕະພາບຫວຽດນາມ - ລາວ ຈະສືບຕໍ່ເສີມຂະຫຍາຍບົດບາດເປັນຂົວຕໍ່, ຮັກສາການພົວພັນລະຫວ່າງ 2 ປະເທດຢ່າງແໜ້ນແຟ້ນ, ໜູນຊ່ວຍສະຖານທູດໃນການເຄື່ອນໄຫວ ເພື່ອເພີ່ມທະວີການຮ່ວມມືມິດຕະພາບ. ທ່ານເອກອັກຄະລັດຖະທູດຢືນຢັນວ່າ ພັກ, ລັດ ແລະ ປະຊາຊົນລາວ ຍາມໃດກໍ່ເຄົາລົບການຊ່ວຍເຫຼືອຂອງຫວຽດນາມ ແລະ ຫວັງວ່າ ຫວຽດນາມ ຈະສືບຕໍ່ພ້ອມກັບ ແລະ ໜູນຊ່ວຍລາວໃນຂະບວນການພັດທະນາ.
| ກ່ອນໜ້ານັ້ນ, ວັນທີ 19 ມີນາ, ທ່ານ ຫງວຽນດັກວິງ, ກໍາມະການສູນກາງພັກ, ປະທານຄະນະກໍາມາທິການວັດທະນະທໍາ-ສັງຄົມຂອງສະພາແຫ່ງຊາດ, ປະທານສະມາຄົມມິດຕະພາບຫວຽດນາມ-ລາວ ໄດ້ສົ່ງຈົດໝາຍອວຍພອນເຖິງທ່ານ ບໍ່ວຽງຄໍາ ວົງດາລາ, ກໍາມະການບໍລິຫານງານສູນກາງພັກປະຊາຊົນປະຕິວັດລາວ, ລັດຖະມົນຕີກະຊວງເຕັກໂນໂລຢີ ແລະ ສື່ສານລາວ, ປະທານສູນກາງສະມາຄົມມິດຕະພາບລາວ-ຫວຽດນາມ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງພັກປະຊາຊົນປະຕິວັດລາວ. ໃນຈົດໝາຍ, ທ່ານ ຫງວຽນດັກວິງ ໄດ້ສະແດງຄວາມປິຕິຊົມຊື່ນຕໍ່ບັນດາຜົນງານທີ່ປະຊາຊົນລາວ ບັນລຸໄດ້ພາຍໃຕ້ການນຳພາຂອງພັກປະຊາຊົນປະຕິວັດລາວ, ຈາກການປົກປັກຮັກສາ, ກໍ່ສ້າງປະເທດ ເຖິງການພັດທະນາເສດຖະກິດ, ເປີດກວ້າງການພົວພັນຕ່າງປະເທດ ແລະ ຍົກສູງທີ່ຕັ້ງສາກົນ. ທ່ານເຊື່ອໝັ້ນວ່າ ລາວຈະສືບຕໍ່ພັດທະນາແບບຍືນຍົງ, ປະຕິບັດບັນດາເປັ້າໝາຍຂອງມະຕິກອງປະຊຸມໃຫຍ່ຄັ້ງທີ 11 ແລະ ແຜນການພັດທະນາເສດຖະກິດ-ສັງຄົມ 5 ປີຄັ້ງທີ 9 ຢ່າງມີຜົນສຳເລັດ, ມຸ່ງໄປເຖິງກອງປະຊຸມໃຫຍ່ຄັ້ງທີ 12 ຂອງພັກ. ທ່ານ ຫງວຽນດັກວິງ ກໍ່ເນັ້ນໜັກເຖິງບົດບາດສຳຄັນຂອງສອງສະມາຄົມມິດຕະພາບຫວຽດນາມ - ລາວ ແລະ ລາວ - ຫວຽດນາມ ໃນການປັບປຸງຄວາມສາມັກຄີແບບພິເສດລະຫວ່າງ 2 ປະເທດ. ເນື່ອງໃນໂອກາດນີ້, ທ່ານຫວັງວ່າ 2 ສະມາຄົມຈະສືບຕໍ່ສົມທົບກັນຢ່າງແໜ້ນແຟ້ນ ແລະ ຈັດຕັ້ງການເຄື່ອນໄຫວຕົວຈິງຫຼາຍຢ່າງ, ປະກອບສ່ວນເພີ່ມທະວີການພົວພັນມິດຕະພາບ ແລະ ການຮ່ວມມືຮອບດ້ານ ຫວຽດນາມ - ລາວ. |
 | ສະມາຄົມມິດຕະພາບ ຫວຽດນາມ-ລາວ ຊົມເຊີຍວັນຊາດ ລາວ ຄົບຮອບ 49 ປີ ຍສໝ - ຫວ່າງມໍ່ໆມານີ້, ຢູ່ ຮ່າໂນ້ຍ, ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ ໂດຍທ່ານພົນຕີ ເລວັນເຮິນ, ຮອງປະທານສະມາຄົມນຳໜ້າຄະນະ ໄດ້ໄປຢ້ຽມຢາມ ແລະ ອວຍພອນສະຖານທູດ ລາວ ປະຈໍາ ຫວຽດນາມ ເນື່ອງໃນໂອກາດສະເຫຼີມສະຫຼອງ 49 ປີແຫ່ງວັນຊາດ ສາທາລະນະລັດ ປະຊາທິປະໄຕ ປະຊາຊົນ ລາວ. |
 | ຫວຽດນາມ - ມົງໂກລີ: 70 ປີແຫ່ງການພົວພັນມິດຕະພາບ ແລະການຮ່ວມມືຮອບດ້ານ ຍສໝ - ວັນທີ 15 ພະຈິກ, ສະມາຄົມມິດຕະພາບ ຫວຽດນາມ - ມົງໂກລີ ໄດ້ຈັດຕັ້ງການພົບປະມິດຕະພາບ ຫວຽດນາມ - ມົງໂກລີ ຢູ່ນະຄອນ ໂຮ່ຈີມິນ, ເປີດບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ. |
ມີງດຶກ
