 | ສະມາຄົມມິດຕະພາບ ຫວຽດນາມ-ລາວ ຊົມເຊີຍວັນຊາດ ລາວ ຄົບຮອບ 49 ປີ |
| ສະມາຄົມມິດຕະພາບ ຫວຽດນາມ - ໄທ ເຂົ້າຮ່ວມພິທີຖວາຍຜ້າ ກະຖິນ ຢູ່ ຖາຍບີ່ງ |
ກ່າວຄຳປາໄສທີ່ເຫດການ, ທ່ານປະທານ ສະມາຄົມມິດຕະພາບ ຫວຽດນາມ - ອາແຊກໄບຊານ ດັ້ງເທວິງ ໄດ້ເນັ້ນໜັກເຖິງຄວາມໝາຍສຳຄັນຂອງການຢ້ຽມຢາມ ວັນທີ 23 ກໍລະກົດ 1959 ຂອງປະທານ ໂຮ່ຈີມິນ ໄປຍັງ ອາແຊກໄບຊານ. ການຢ້ຽມຢາມບໍ່ພຽງແຕ່ໄດ້ວາງພື້ນຖານໃຫ້ແກ່ການພົວພັນມິດຕະພາບອັນໜັກແໜ້ນລະຫວ່າງສອງປະເທດເທົ່ານັ້ນ, ຫາກຍັງເປີດກວ້າງຄວາມສາມາດບົ່ມຊ້ອນໃນການຮ່ວມມືໃນຂົງເຂດນ້ຳມັນອາຍແກັສ, ປະກອບສ່ວນເຮັດໃຫ້ ຫວຽດນາມ ກາຍເປັນພື້ນຖານເສດຖະກິດເຕີບໂຕໄວຢູ່ເຂດ ອາຊີຕາເວັນອອກສ່ຽງໃຕ້.
 |
| ການພົບປະທ້າຍປີນໂດຍສະມາຄົມມິດຕະພາບ ຫວຽດນາມ - ອາແຊກໄບຊານ ສົມທົບກັບສະຖານທູດ ອາແຊກໄບຊານ ປະຈຳ ຫວຽດນາມ ຈັດຕັ້ງ. |
ໂດຍສືບຕໍ່ມູນເຊື້ອອັນດີງາມນີ້, ໃນຊຸມປີມໍ່ໆມານີ້, ການພົວພັນມິດຕະພາບ ແລະ ການຮ່ວມມືຮອບດ້ານ ຫວຽດນາມ - ອາແຊກໄບຊານ ໄດ້ ແລະ ພວມເປີດກາລະໂອກາດຮ່ວມມືຫລາຍຢ່າງ, ພິເສດແມ່ນໃນບັນດາຂົງເຂດເສດຖະກິດ, ການຄ້າ ແລະ ການລົງທຶນ…
ທ່ານ ດັ້ງເທວິງ ກໍ່ຫວນຄືນການຢ້ຽມຢາມ ອາແຊກໄບຊານ ເມື່ອບໍ່ດົນມານີ້ຂອງຄະນະຜູ້ແທນສະມາຄົມມິດຕະພາບຫວຽດນາມ - ອາແຊກໄບຊານ ໂດຍທ່ານຮອງປະທານທັງເປັນເລຂາທິການ ຟ້າມຮົ່ງກວາງ ນຳໜ້າ. ໃນການເດີທາງໄປຢ້ຽມຢາມຄັ້ງນີ້, ຄະນະໄດ້ຮັບການຕ້ອນຮັບຢ່າງສົມກຽດຈາກຄະນະກໍາມະການແຫ່ງລັດກ່ຽວກັບຊາວ ອາແຊກໄບຊານ ຢູ່ຕ່າງປະເທດຂອງ ສາທາລະນະລັດ ອາແຊກໄບຊານ, ບັນດາອົງການ, ກະຊວງ, ຄະນະ, ຂະແໜງການ, ບັນດາຮາກຖານການສຶກສາຂອງ ອາແຊກໄບຊານ. ບັນດາການພົບປະ ແລະ ແລກປ່ຽນໄດ້ດຳເນີນໄປໃນບັນຍາກາດເປີດໃຈ, ເປັນມິດ ດ້ວຍຈິດໃຈສືບຕໍ່ຍູ້ແຮງການພົວພັນມິດຕະພາບ ແລະ ການຮ່ວມມືໃນບັນດາຂົງເຂດວິທະຍາສາດ, ເຕັກໂນໂລຢີ, ການສຶກສາ - ບຳລຸງສ້າງ, ອຸດສາຫະກຳນ້ຳມັນອາຍແກັສ ແລະ ທ່ອງທ່ຽວ.
 |
| ຮູບພາບເຄິ່ງຄີງຂອງທ່ານອະດີດປະທານາທິບໍດີ Heydar Aliyev ໄດ້ວາງສະແດງຢູ່ເຮືອນມິດຕະພາບຂອງສະຫະພັນບັນດາອົງການມິດຕະພາບ ຫວຽດນາມ. |
ທ່ານ Shovgi Kamal Oglu Mehdizade ເອກອັກຄະລັດຖະທູດ ອາແຊກໄບຊານ ປະຈຳ ຫວຽດນາມ ໄດ້ສະແດງຄວາມເຄົາລົບນັບຖືຕໍ່ບົດບາດໃນປະຫວັດສາດຂອງປະທານ ໂຮ່ຈີມິນ ແລະ ທ່ານອະດີດປະທານາທິບໍດີ Azerbaijan Heydar Aliyev ໃນການກໍ່ສ້າງພື້ນຖານການພົວພັນມິດຕະພາບລະຫວ່າງ 2 ປະເທດ. ທ່ານຫວັງໃຫ້ສາຍພົວພັນນີ້ນັບມື້ນັບໄດ້ຮັບການປັບປຸງ ແລະ ພັດທະນາຂຶ້ນສູ່ລະດັບສູງໃໝ່. ທ່ານເອກອັກຄະລັດຖະທູດ ກໍ່ຂອບໃຈສະຫະພັນບັນດາອົງການມິດຕະພາບ ຫວຽດນາມ ທີ່ໄດ້ເຊີດຊູທ່ານອະດີດປະທານາທິບໍດີ Heydar Aliyev ຜ່ານຮູບພາບເຄິ່ງຄີງທີ່ວາງສະແດງຢູ່ ເຮືອນມິດຕະພາບ. ພ້ອມກັນນັ້ນ, ທ່ານກໍ່ໄດ້ຊົມເຊີຍ ຫວຽດນາມ ຕໍ່ຜົນສຳເລັດຂອງພິທີເປີດງານວາງສະແດງປ້ອງກັນຊາດສາກົນປີ 2024, ແມ່ນເຫດການທີ່ຢືນຢັນທ່າແຮງດ້ານການທະຫານ ແລະ ຖານະທາງການທູດຂອງ ຫວຽດນາມ.
 |
| ສະມາຄົມມິດຕະພາບ ຫວຽດນາມ - ອາແຊກໄບຊານ ໄດ້ມອບຂອງຂວັນທີ່ລະນຶກໃຫ້ແກ່ທ່ານເອກອັກຄະລັດຖະທູດ ອາແຊກໄບຊານ ປະຈຳ ຫວຽດນາມ. |
ເນື່ອງໃນໂອກາດນີ້, ສະມາຄົມມິດຕະພາບ ຫວຽດນາມ - ອາແຊກໄບຊານ ໄດ້ມອບຂອງຂວັນທີ່ລະນຶກໃຫ້ທ່ານເອກອັກຄະລັດຖະທູດ ອາແຊກໄບຊານ ແລະ ຜູ້ຕາງໜ້າຄະນະກະຊວງປ້ອງກັນປະເທດ ອາແຊກໄບຊານ ເນື່ອງໃນໂອກາດທີ່ຄະນະມາ ຫວຽດນາມ ເຂົ້າຮ່ວມງານວາງສະແດງການປ້ອງກັນຊາດສາກົນ 2024. ບັນດາຜູ້ແທນເຂົ້າຮ່ວມເຫດການ ໄດ້ຮັບຊົມວິດີໂອສະຫຼຸບບັນດາຂີດໝາຍທີ່ສຳຄັນໃນການພົວພັນລະຫວ່າງສອງປະເທດ, ປະກອບສ່ວນເພີ່ມທະວີຄວາມເຂົ້າໃຈ ແລະ ການເຊື່ອມຕໍ່ລະຫວ່າງ 2 ຝ່າຍ.
 | ສະມາຄົມມິດຕະພາບ ຫວຽດນາມ-ລາວ ຊົມເຊີຍວັນຊາດ ລາວ ຄົບຮອບ 49 ປີ ຍສໝ - ຫວ່າງມໍ່ໆມານີ້, ຢູ່ ຮ່າໂນ້ຍ, ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ ໂດຍທ່ານພົນຕີ ເລວັນເຮິນ, ຮອງປະທານສະມາຄົມນຳໜ້າຄະນະ ໄດ້ໄປຢ້ຽມຢາມ ແລະ ອວຍພອນສະຖານທູດ ລາວ ປະຈໍາ ຫວຽດນາມ ເນື່ອງໃນໂອກາດສະເຫຼີມສະຫຼອງ 49 ປີແຫ່ງວັນຊາດ ສາທາລະນະລັດ ປະຊາທິປະໄຕ ປະຊາຊົນ ລາວ. |
 | ສະມາຄົມມິດຕະພາບ ຫວຽດນາມ - ລາວ ນະຄອນ ຫາຍຟ່ອງ ຕ້ອງເພີ່ມທະວີການເຂົ້າຮ່ວມຂອງລຸ້ນໜຸ່ມ ຍສໝ - ນັ້ນແມ່ນຄຳປາໄສຂອງທ່ານ ຮ່ວາງມິງເກື່ອງ, ຮອງປະທານຄະນະກຳມະການປະຊາຊົນນະຄອນ ຫາຍຟ່ອງ ທີ່ພິທີສະເຫຼີມສະຫຼອງ 30 ປີແຫ່ງວັນສ້າງຕັ້ງສະມາຄົມມິດຕະພາບ ຫວຽດນາມ - ລາວ (ສະມາຄົມ) ທີ່ໄດ້ດຳເນີນໄປໃນວັນທີ 17 ທັນວາ. |
ແທັງຮັ່ງ
