ປ້ອງກັນການລະບາດພະຍາດ COVID-19 ຢູ່ເຂດຊາຍແດນຫວຽດນາມ
	ພິທີເຂົ້າສັນຊາດຫວຽດນາມ ໃຫ້ປະຊາຊົນ ລາວ 350 ຄົນ ຢູ່ເຂດຊາຍແດນຫວຽດນາມ - ລາວ

ວັນທີ 7 ກໍລະກົດ, ຄ້າຍທະຫານຊາຍແດນ ເຮື໊ອງຟຸ່ງ (ກອງບັນຊາການທະຫານຊາຍແດນແຂວງກວາງຈິ) ໄດ້ສົມທົບກັບຄະນະຊາວໜຸ່ມທະນາຄານ Agribank ແຂວງທ໊າຍບິ່ງ ຈັດຕັ້ງພິທີລົງມືກໍ່ສ້າງໂຄງການນໍ້າສະອາດ ແລະຫ້ອງນໍ້າ ໃຫ້ແກ່ປະຊາຊົນຢູ່ບ້ານມາລາຍປູນ, ຕາແສງ ເຮື໊ອງຟຸ່ງ, ເມືອງເຮື໊ອງຮວ໊າ, ແຂວງກວາງຈິ ດ້ວຍມູນຄ່າ 35 ລ້ານດົ່ງ.

ທ່ານພັນຕີ ຫງວຽນວັນບັ່ງ, ຮອງຫົວໜ້າການເມືອງ ຄ້າຍທະຫານຊາຍແດນເຮື໊ອງຟຸ່ງ ໃຫ້ຮູ້ວ່າ: ຍ້ອນສະພາບພູມສັນຖານມີຄວາມຫຍຸ້ງຍາກ, ແຫຼ່ງນ້ຳທຳມະຊາດຂາດແຄນຫຼາຍ, ສະນັ້ນ ບໍ່ຕອບສະໜອງໄດ້ຄວາມຕ້ອງການດໍາເນີນຊີວິດໃຫ້ຊາວບ້ານມາລາຍປູນ. ສະນັ້ນ, ທາງກົມກອງໄດ້ເປັນເຈົ້າການສົມທົບກັບຄະນະຊາວໜຸ່ມທະນາຄານ Agribank ແຂວງທ໊໊າຍບິ່ງ ມອບເງິນໜູນ ເພື່ອໜູນຊ່ວຍປະຊາຊົນປັບປຸງຄຸນນະພາບຊີວິດການເປັນຢູ່.

ນັກຮົບທະຫານຊາຍແດນ ນຳເອົານ້ຳປະປາ ແລະແສງໄຟຟ້າມາໃຫ້ປະຊາຊົນ ຢູ່ເຂດຊາຍແດນຫວຽດນາມ - ລາວ. ພາບ: tienphong.vn

ເນື່ອງໃນໂອກາດນີ້, ຢູ່ຫຼັກໝາຍຊາຍແດນຫວຽດນາມ-ລາວ ທີ 597, ຄ້າຍທະຫານຊາຍແດນເຮື໊ອງຟຸ່ງ ແລະຄະນະຊາວໜຸ່ມທະນາຄານ Agribank ແຂວງທ໊າຍບິ່ງ ໄດ້ມອບໂຄງການ “ແສງໄຟຟ້າຢູ່ເສັ້ນຊາຍແດນ” ແລະມອບທຶນການສຶກສາ 20 ທຶນ ໃຫ້ແກ່ນັກຮຽນ 20 ຄົນ ຢູ່ກຸ່ມບ້ານໄໝ່, ເມືອງເຊໂປ, ແຂວງສະຫວັນນະເຂດ (ລາວ) ດ້ວຍມູນຄ່າທັງໝົດ 25 ລ້ານດົ່ງ.