ການຮ່ວມມືຢູ່ທ້ອງຖິ່ນແມ່ນຊ່ອງທາງທີ່ແທ້ຈິງໃນການພົວພັນ ຫວຽດນາມ - ຍີ່ປຸ່ນ

16:15 | 17/02/2025

ຍສໝ - ວັນທີ 13 ກຸມພາ, ຢູ່ສໍານັກງານກະຊວງການຕ່າງປະເທດ ຫວຽດນາມ, ທ່ານ ຮອງລັດຖະມົນຕີຜູ້ປະຈຳການ ກະຊວງການຕ່າງປະເທດ ຫງວຽນມີ່ງຫວູ ໄດ້ຕ້ອນຮັບ ທ່ານ ເຈົ້າຄອງນະຄອນ Fukushima Kohata Hiroshi, ພ້ອມກັນເຂົ້າຮ່ວມມີທ່ານ Ito Naoki ເອກອັກຄະລັດຖະທູດ ຍີ່ປຸ່ນ.

	ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ
	ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ

ການຮ່ວມມືຢູ່ທ້ອງຖິ່ນແມ່ນຊ່ອງທາງທີ່ແທ້ຈິງໃນການພົວພັນ ຫວຽດນາມ - ຍີ່ປຸ່ນ

ທ່ານຮອງລັດຖະມົນຕີຜູ້ປະຈຳການ ກະຊວງການຕ່າງປະເທດ ຫວຽດນາມ ຫງວຽນມີ່ງວູ ປິຕິຊົມຊື່ນຕ້ອນຮັບ ເຈົ້າຄອງນະຄອນ Fukushima ທ່ານ Kohata Hiroshi ມາຢ້ຽມຢາມ ຫວຽດນາມ ເປັນຄັ້ງທຳອິດ. (ຮູບ: ກວາງຮ່ວາ)

ທີ່ການຕ້ອນຮັບ, ທ່ານ ຮອງລັດຖະມົນຕີຜູ້ປະຈຳການ ຫງວຽນມີ່ງຫວູ ສະແດງຄວາມປິຕິຊົມຊື່ນຕໍ່ການພັດທະນາອັນດີງາມຂອງການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ ດ້ວຍຄວາມເຊື່ອໝັ້ນທາງດ້ານການເມືອງສູງ, ການຮ່ວມມືໃນບັນດາຂົງເຂດເສດຖະກິດ, ການຄ້າ, ການລົງທຶນ, ຕິດພັນກັບແຫຼ່ງຊັບພະຍາກອນມະນຸດ, ການສຶກສາ - ບຳລຸງສ້າງ, ການຮ່ວມມືທ້ອງຖິ່ນ, ການແລກປ່ຽນວັດທະນະທຳ, ການພົບປະແລກປ່ຽນປະຊາຊົນໄດ້ຮັບການຊຸກຍູ້ຢ່າງເຂັ້ມແຂງ. ລັດຖະບານ ຫວຽດນາມ ຍາມໃດກໍຖືການພົວພັນຮ່ວມມືຢູ່ທ້ອງຖິ່ນແມ່ນຊ່ອງທາງທີ່ແທ້ຈິງໃນການຜັນຂະຫຍາຍຂອບເຂດການພົວພັນຄູ່ຮ່ວມມືຍຸດທະສາດຮອບດ້ານກັບ ຍີ່ປຸ່ນ.

ຕີລາຄາວ່າ ການພົວພັນຮ່ວມມືລະຫວ່າງນະຄອນ Fukushima ກັບ ຫວຽດນາມ ນັບມື້ນັບໄດ້ຮັບຄວາມສົນໃຈ ແລະ ຊຸກຍູ້ຢ່າງຕັ້ງໜ້າ, ທ່ານ ຮອງລັດຖະມົນຕີຜູ້ປະຈຳການ ຫງວຽນມີ່ງຫວູ ໄດ້ຂອບໃຈການໃຫ້ຄວາມສົນໃຈ ແລະ ການຊີ້ນຳຂອງ ທ່ານ ເຈົ້າຄອງນະ ຄອນ Kohata ກໍ່ຄືການໜູນຊ່ວຍ ແລະ ສ້າງເງື່ອນໄຂສະດວກໃຫ້ປະຊາຄົມຊາວຫວຽດນາມ ອາໄສ, ເຮັດວຽກ ແລະ ຮ່ຳຮຽນຢູ່ນະຄອນ Fukushima.

ທ່ານຮອງນາຍົກລັດຖະມົນຕີ ຫງວຽນມີ່ງຫວູ ປາດຖະໜາວ່າ ວິສາຫະກິດ Fukushima ຈະເພີ່ມທະວີການລົງທຶນເຂົ້າ ຫວຽດນາມ, ເຊີນນະຄອນ Fukushima ສົ່ງຄະນະເຂົ້າຮ່ວມເວທີປາໄສເຊື່ອມຕໍ່ກັບທ້ອງຖິ່ນ ຫວຽດນາມ - ຍີ່ປຸ່ນ ໃນທ້າຍປີ 2025. (ຮູບ: ກວາງຮວ່າ)

ເຈົ້າຄອງນະຄອນ Fukushima ທ່ານ Kohata Hiroshi ໄດ້ສະແດງຄວາມຍິນດີທີ່ໄດ້ຮັບການຕ້ອນຮັບຈາກທ່ານຮອງລັດຖະມົນຕີຜູ້ປະຈຳການ ກະຊວງການຕ່າງປະເທດ ຫງວຽນມີ່ງວູ ໃນໂອກາດທີ່ທ່ານມາຢ້ຽມຢາມ ຫວຽດນາມ ຄັ້ງທຳອິດ. ເຫັນດີກັບຄຳເຫັນຂອງທ່ານຮອງລັດຖະມົນຕີ, ທ່ານ Kohata ຢືນຢັນວ່າ ນະຄອນ Fukushima ປາດຖະໜາຢາກຊຸກຍູ້ການຮ່ວມມືໃນຫຼາຍຂົງເຂດກັບ ຫວຽດນາມ, ບັນດາວິສາຫະກິດນະຄອນ Fukushima ມາລົງທຶນຢູ່ ຫວຽດນາມ ກ່ວາອີກ, ຮັບເອົາພະນັກງານຝຶກງານ ຄົນງານຫວຽດນາມ ເຂົ້າມາຮ່ຳຮຽນ ແລະ ເຮັດວຽກນັບມື້ນັບຫຼາຍ, ເປີດຖ້ຽວບິນເພື່ອຊຸກຍູ້ການຮ່ວມມືດ້ານການທ່ອງທ່ຽວລະຫວ່າງນະຄອນ Fukushima ແລະ ຫວຽດນາມ.

ໂດຍແຈ້ງກ່ຽວກັບແຜນການພັດທະນາເສດຖະກິດຂອງ ຫວຽດນາມ ໃນໄລຍະຈະມາເຖິງ, ດ້ວຍເປົ້າໝາຍສູ້ຊົນກາຍເປັນປະເທດພັດທະນາທີ່ມີລາຍຮັບສູງໃນປີ 2045, ທ່ານ ຮອງລັດຖະມົນຕີຜູ້ປະຈຳການ ຫງວຽນມີ່ງຫວູ ສະເໜີໃຫ້ນະຄອນ Fukushima ແບ່ງປັນປະສົບການໃນການຜ່ານຜ່າບັນດາບັນຫາທີ່ເກີດຂື້ນໃນຂະບວນການພັດທະນາຄື ສິ່ງແວດລ້ອມ; ຫວັງວ່າບັນດາວິສາຫະກິດ Fukushima ຈະລົງທຶນເຂົ້າ ຫວຽດນາມ ໃນບັນດາຂົງເຂດທີ່ມີທ່າແຮງ, ເຊີນນະຄອນ Fukushima ສົ່ງຄະນະເຂົ້າຮ່ວມເວທີປາໄສການເຊື່ອມຕໍ່ກັບທ້ອງຖິ່ນ ຫວຽດນາມ - ຍີ່ປຸ່ນ ຄາດວ່າຈະຈັດຂຶ້ນໃນທ້າຍປີ 2025.

ເນື່ອງໃນໂອກາດນີ້, ທ່ານ ເຈົ້າຄອງນະຄອນ Kohata ໄດ້ສະແດງຄວາມຂອບອົກຂອບໃຈ ແລະ ປາດຖະໜາວ່າ ກະຊວງການຕ່າງປະເທດ ຫວຽດນາມ ຈະສືບຕໍ່ເອົາໃຈໃສ່, ໜູນຊ່ວຍບັນດາການເຄື່ອນໄຫວຂອງນະຄອນ Fukushima, ກໍ່ຄືຊຸກຍູ້ການພົວພັນມິດຕະພາບການຮ່ວມມືລະຫວ່າງນະຄອນ Fukushima ກັບບັນດາທ້ອງຖິ່ນ ຫວຽດນາມ ໃນໄລຍະຈະມາເຖິງ.

"ຄົ້ນຫາ ຍີ່ປຸ່ນ" ພ້ອມກັບ NHK World-Japan

ຍສໝ - ນັບແຕ່ວັນທີ 17-23 ມັງກອນ, ຢູ່ສູນການຄ້າ Aeon Mall ຮ່າດົງ (ຮ່າໂນ້ຍ), NHK (ຍີ່ປຸ່ນ) ຈະຈັດຕັ້ງເຫດການ “ຄົ້ນຫາ ຍີ່ປຸ່ນ” ພ້ອມກັບ NHK World-Japan ດ້ວຍບັນດາການເຄື່ອນໄຫວສີສັນພິເສດ, ແນໃສ່ຍົກສູງຄຸນນະພາບຮັບໃຊ້ຜູ້ຊົມ, ຜູ້ຟັງ ແລະ ໂຄສະນາພາບພົດປະເທດຊາດ, ວັດທະນະທໍາ ຍີ່ປຸ່ນ.