| ກອງປະຊຸມພົບປະຢູ່ຫຼັກໝາຍຈຸດຕັດກັນຂອງເສັ້ນຊາຍແດນ ຫວຽດນາມ - ລາວ - ຈີນ | |
| ຫວຽດນາມ ນອນໃນ top 2 ຂອງຈຳນວນນັກທ່ອງທ່ຽວສາກົນມາລາວ |
ຕາມຂໍ້ມູນສະຖິຕິຈາກສະມາຄົມໝາກພິກໄທ ຫວຽດນາມ (VPA), ການສົ່ງອອກໝາກເຜັດຂອງ ຫວຽດນາມ ໃນເດືອນເມສາ ບັນລຸ 1.935 ໂຕນ ດ້ວຍມູນຄ່າກວ່າ 4,7 ລ້ານ USD, ເພີ່ມຂຶ້ນ 27,1% ເມື່ອທຽບໃສ່ປະລິມານຂອງເດືອນກ່ອນ. ໃນເດືອນເມສານີ້, ຈີນ ກວມເອົາ 91% ປະລິມານການສົ່ງອອກຂອງ ຫວຽດນາມ ດ້ວຍ 1.765 ໂຕນ, ເພີ່ມຂຶ້ນ 31,8% ເມື່ອທຽບໃສ່ເດືອນກ່ອນ.
 |
| ການສົ່ງອອກໝາກເຜັດຂອງ ຫວຽດນາມ ໃນເດືອນເມສາ ບັນລຸ 1.935 ໂຕນ ດ້ວຍມູນຄ່າກວ່າ 4,7 ລ້ານ USD. |
ໄລຮອດວັນທີ 30 ເມສານີ້, ປະລິມານການສົ່ງອອກໝາກເຜັດຂອງ ຫວຽດນາມ ບັນລຸ 5.076 ໂຕນ ດ້ວຍວົງເງິນບັນລຸ 12,7 ລ້ານ USD, ເພີ່ມຂຶ້ນ 18,5% ກ່ຽວກັບປະລິມານ ແລະ ເພີ່ມຂຶ້ນ 46,8% ກ່ຽວກັບມູນຄ່າ. ຈີນ ແລະ ລາວ ແມ່ນ 2 ທ້ອງຕະຫຼາດສົ່ງອອກຕົ້ນຕໍ ດ້ວຍປະລິມານບັນລຸ 4.518 ໂຕນ ແລະ 340 ໂຕນ, ກວມເອົາ 95,7% ປະລິມານການສົ່ງອອກ.
ໝາກເຜັດ ແມ່ນຜະລິດຕະພັນທີ່ຊ່ວຍຫວຽດນາມ ສ້າງລາຍຮັບໄດ້ຫຼາຍລ້ານ USD ໃນປີ 2023. ຕາມຂໍ້ມູນຂອງສະມາຄົມໝາກພິກໄທ ຫວຽດນາມ (VPSA), ໃນປີ 2023, ຫວຽດນາມ ໄດ້ສົ່ງອອກໝາກເຜັດ ບັນລຸ 20 ລ້ານ USD, ທຽບເທົ່າກັບ 10.173 ໂຕນ, ເພີ່ມຂຶ້ນ 107% ເມື່ອທຽບໃສ່ປີ 2022.
ຈີນ ແລະ ລາວ ແມ່ນສອງທ້ອງຕະຫຼາດສົ່ງອອກໝາກເຜັດໃຫຍ່ທີ່ສຸດຂອງຫວຽດນາມ, ດ້ວຍປະລິມານບັນລຸກວ່າ 8.600 ໂຕນ ແລະ 1.100 ໂຕນ, ກວມເອົາ 85% ແລະ 10.9% ຂອງອັດຕາສ່ວນກວມທ້ອງຕະຫຼາດ.
ນັບແຕ່ເດືອນມີນາ ປີ 2022, ໝາກເຜັດສົດຂອງ ຫວຽດນາມ ໄດ້ຮັບການອະນຸມັດສົ່ງອອກໄປທ້ອງຕະຫຼາດ ຈີນ. ຕາມນັ້ນແລ້ວ, ບັນດາການຂົນສົ່ງໝາກເຜັດສົດທັງໝົດ ຕ້ອງຖືກກັກກັນໂດຍບັນດາຫົວໜ່ວຍທີ່ມີໜ້າທີ່ຂອງ ຫວຽດນາມ ຫຼື ໂດຍບັນດາຫົວໜ່ວຍທີ່ມີໜ້າທີ່ຂອງ ຫວຽດນາມ ມອບສິດ, ພ້ອມທັງ ຕ້ອງໝາຍເຫດບັນດາຂໍ້ມູນທີ່ກ່ຽວຂ້ອງໃນໃບຢັ້ງຢືນການກັກກັນພືດຢ່າງຊັດເຈນ. ລາຄາຂາຍໝາກເຜັດ ກໍດີຂຶ້ນກວ່າປີ 2022, ຊ່ວຍໃຫ້ຊາວກະສິກອນມີກຳໄລທີ່ເປັນປົກກະຕິ.
ໝາກເຜັດ ກໍໄດ້ຮັບຂະໜານນາມວ່າ ເປັນໝາກໄມ້ປະເພດທີ່ລົງທຶນ 1 ແຕ່ມີກຳໄລ 10 ເມື່ອສາມາດນຳມາປູກປະສົມກັຍຕົ້ນໄມ້ອື່ນໆຫຼາຍຊະນິດ, ບໍ່ຈຳເປັນຕ້ອງມີການດູແລຫຼາຍ ແລະ ມີເວລາເກັບກ່ຽວສັ້ນ. ສຳລັບໝາກເຜັດໃນເນື້ອທີ່ 360 ຕາແມັດ, ຊາວກະສິກອນ ຈະໄດ້ຮັບໝາກເຜັດກວ່າ 1 ໂຕນໃນແຕ່ລະປີ. ສະນັ້ນ, ດ້ວຍລາຄາຂາຍໃນປະຈຸບັນແຕ່ 30.000 – 40.000 ດົ່ງ/ກິໂລ, ຊາວກະສິກອນ ຈະມີລາຍຮັບແຕ່ 30 – 50 ລ້ານດົ່ງ.
ໃນໂລກ, ບັນດາປະເທດທີ່ປູກໝາກເຜັດຕົ້ນຕໍແມ່ນອິນເດຍ, ມຽນມາ, ບັງກະລາເທດ, ປາກິດສະຖານ, ໄທ, ຫວຽດນາມ, ຣູມາເນຍ, ຈີນ, ໄນຈີເຣຍ ແລະ ເມັກຊິໂກ… ໂດຍສະເພາະໝາກເຜັດແຫ້ງ, ອິນເດຍ ແມ່ນປະເທດຜະລິດ ແລະ ສົ່ງອອກໝາກເຜັດແຫ້ງແຖວໜ້າໃນໂລກ, ກວມເອົາຫຼາຍກວ່າ 6,11% ໃນປີ 2021, ຖັດມາແມ່ນ ຫວຽດນາມ, ຈີນ ແລະ ອິນໂດເນເຊຍ. ອິນເດຍ ຍັງເປັນປະເທດຜະລິດ ແລະ ບໍລິໂພກໝາກເຜັດແຖວໜ້າຂອງໂລກ ດ້ວຍປະມານ 36% ຂອງປະລິມານການຜະລິດທົ່ວໂລກ, ສົ່ງອອກປະມານ 30% ຂອງປະລິມານການຜະລິດທັງໝົດ.
ຂໍ້ມູນຈາກກົມປູກຝັງ ໃຫ້ເຫັນວ່າ ໝາກເຜັດ ໄດ້ປູກຫຼາຍທີ່ສຸດຢູ່ບັນດາແຂວງ ດົ່ງທາບ, ອານຢາງ, ຕ່ຽນຢາງ, ຊ໋ອກຈັງ, ຫວີງລອງ ແລະ ຈ່າວິງ ດ້ວຍເນື້ອທີ່ທັງໝົດກວ່າ 7.000 ເຮັກຕາ, ປະລິມານການຜະລິດປະມານ 100.000 ໂຕນ/ປີ. ໃນຂະນະນັ້ນ, ຢູ່ ໄຕງວຽນ, ເນື້ອທີ່ປູກແມ່ນປະມານ 4.000 – 5.000 ເຮັກຕາ ດ້ວຍປະລິມານການຜະລິດ 60.000 ໂຕນ/ປີ. ນອກຈາກນັ້ນ, ລ້າງເຊີນ ຍັງແມ່ນໜຶ່ງໃນບັນດາເຂດປູກໝາກເຜັດທີ່ສຳຄັນ, ເນື້ອທີ່ປູກໝາກເຜັດໃນບໍລິເວນແຂວງບັນລຸກວ່າ 1.479 ເຮັກຕາ, ເພີ່ມຂຶ້ນ 91 ເຮັກຕາເມື່ອທຽບໃສ່ປີ 2022.
ມິງດຶກ
