 | ສະຖາບັນການເມືອງ ແລະການປົກຄອງແຫ່ງຊາດ ລາວ ໄປຢ້ຽມຢາມ ແລະ ເຮັດວຽກຢູ່ ໄທຫງວຽນ |
| ນາຍົກລັດຖະມົນຕີ ຟ້າມມິງຈິ້ງ ແລະພັນລະຍາ ໄປຢ້ຽມຢາມ ແລະເຮັດວຽກຢູ່ ບຣາຊິນ ແລະ ສາທາລະນະລັດ Dominica |
ໂດຍຕ້ອນຮັບຄະນະຜູ້ແທນຢູ່ສະໜາມບິນສາກົນ ໂນ້ຍບ່າຍ ມີ ທ່ານລັດຖະມົນຕີ ຫົວໜ້າຫ້ອງວ່າການລັດຖະບານ ເຈີ່ນວັນເຊີນ; ທ່ານຮອງລັດຖະມົນຕີກະຊວງການຕ່າງປະເທດ ນາງ ເລທິທູຮັ່ງ; ທ່ານເອກອັກຄະລັດຖະທູດຫວຽດນາມ ປະຈຳສະຫະພັນລັດເຊຍ ດັ້ງມິງຄອຍ; ທ່ານເອກອັກຄະລັດຖະທູດສະຫະພັນລັດເຊຍ ປະຈຳ ຫວຽດນາມ Bezdetko Gennady Stepanovich ແລະ ພະນັກງານຂອງສະຖານທູດສະຫະພັນລັດເຊຍ ປະຈຳຫວຽດນາມ ຈຳນວນໜຶ່ງ.
 |
| ທ່ານລັດຖະມົນຕີ ຫົວໜ້າຫ້ອງວ່າການລັດຖະບານ ເຈີ່ນວັນເຊີນ ( ເບື້ອງຂວາ) ໄດ້ຕ້ອນຮັບທ່ານນາຍົກລັດຖະມົນຕີ ສະຫະພັນລັດເຊຍ Mikhail Vladimirovich Mishustin (ທີ່ສອງຈາກຊ້າຍ) ທີ່ສະໜາມບິນສາກົນ ໂນ້ຍບ່າຍ, ຮ່າໂນ້ຍ. (ພາບ: TTXVN) |
ນີ້ແມ່ນການຢ້ຽມຢາມຫວຽດນາມຄັ້ງທຳອິດຂອງທ່ານນາຍົກລັດຖະມົນຕີ Mishustin.
ໃນການໃຫ້ສຳພາດຕໍ່ນັກຂ່າວກ່ອນການຢ້ຽມຢາມ, ທ່ານເອກອັກຄະລັດຖະທູດສະຫະພັນລັດເຊຍ ປະຈຳ ຫວຽດນາມ Bezdetko Gennady Stepanovich ເນັ້ນໜັກວ່າ ນີ້ແມ່ນເຫດການສຳຄັນທີ່ເປັນສັນຍາລັກໃນສະພາບການຂອງ 2 ປະເທດ ມຸ່ງໄປເຖິງການສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ (30 ມັງກອນ 1950 –30 ມັງກອນ 2025).
ຕາມທ່ານເອກອັກຄະລັດຖະທູດ Bezdetko ແລ້ວ, ໃນການຢ້ຽມຢາມຫວຽດນາມ ຢ່າງເປັນທາງການ, ທ່ານນາຍົກລັດຖະມົນຕີ Mikhail Mishustin ຈະມີການພົບປະເຈລະຈາລະຫວ່າງລັດຖະບານກັບທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ. ນາຍົກລັດຖະມົນຕີສອງທ່ານ ຈະປຶກສາຫາລືກ່ຽວກັບບັນດາບັນຫາການຮ່ວມມືລະຫວ່າງ ຫວຽດນາມ - ລັດເຊຍ ໃນຂົງເຂດການຄ້າ, ເສດຖະກິດ, ວັດທະນະທຳ ແລະ ມະນຸດສະທຳ, ໃນນັ້ນ ໂດຍໄດ້ເອົາໃຈໃສ່ເປັນພິເສດເຖິງການຜັນຂະຫຍາຍບັນດາໂຄງການລວມໃນຂົງເຂດພະລັງງານ, ຄົມມະນາຄົມຂົນສົ່ງ, ອຸດສາຫະກຳ, ກະສິກຳ ແລະ ອື່ນໆ.
ຢູ່ຮ່າໂນ້ຍ, ທ່ານນາຍົກລັດຖະມົນຕີ Mikhail Mishustin ກໍ່ຈະມີການພົບປະກັບທ່ານເລຂາທິການໃຫຍ່ພັກກອມມູນິດຫວຽດນາມ ໂຕເລີມ, ທ່ານປະທານປະເທດ ເລືອງເກື່ອງ ແລະ ທ່ານປະທານສະພາແຫ່ງຊາດ ເຈີ່ນແທງເໝີນ. ທ່ານນາຍົກລັດຖະມົນຕີ Mikhail Mishustin ພ້ອມກັນກັບບັນດາການນຳ ຫວຽດນາມ ຈະປຶກສາຫາລືບັນດາມາດຕະການເພີ່ມທະວີການຮ່ວມມືໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈ, ປຶກສາຫາລືຊຸກຍູ້ການສົມທົບກັນຢູ່ບັນດາເວທີປາໄສສາກົນ, ພິເສດແມ່ນໃນຂອບເຂດຂອງສະຫະປະຊາຊາດ ແລະ ອາຊຽນ.
“ຂ້າພະເຈົ້າເຊື່ອວ່າ ບັນດາການພົບປະ ແລະ ການເຈລະຈາຄັ້ງນີ້ ຈະສ້າງກຳລັງຜັກດັນເພື່ອເພີ່ມທະວີການຮ່ວມມືລະຫວ່າງ 2 ປະເທດໃນບັນດາຂົງເຂດທີ່ເປັນມູນເຊື້ອ ກໍ່ຄືບັນດາຂົງເຂດໃໝ່ທີ່ເຕັມໄປດ້ວຍແງ່ຫວັງຕາມຈິດໃຈມິດຕະພາບ, ຄວາມເຂົ້າໃຈເຊິ່ງກັນແລະກັນ ແລະ ການພົວພັນຄູ່ຮ່ວມມືຍຸດທະສາດຮອບດ້ານ", ທ່ານເອກອັກຄະລັດຖະທູດ Bezdetko ກ່າວ.
 |
| ທ່ານເອກອັກຄະລັດຖະທູດ ສະຫະພັນລັດເຊຍ ປະຈຳຫວຽດນາມ Bezdetko Gennady Stepanovich. |
ຕາມທ່ານເອກອັກຄະລັດຖະທູດຫວຽດນາມ ປະຈຳສະຫະພັນລັດເຊຍ ດັ້ງມິງຄອຍ ແລ້ວ, ການຢ້ຽມຢາມສະແດງໃຫ້ເຫັນວ່າ 2 ປະເທດຖືການພົວພັນມິດຕະພາບທີ່ເປັນມູນເຊື້ອເປັນສຳຄັນ, ສະແດງໃຫ້ເຫັນຄວາມຕັດສິນໃຈສືບຕໍ່ປັບປຸງແລະ ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ. ນີ້ກໍ່ແມ່ນໂອກາດເພື່ອໃຫ້ການນຳສອງປະເທດໄດ້ພົບປະ, ປຶກສາຫາລື, ເຫັນດີເປັນເອກະພາບບັນດາບັນຫາສຳຄັນ ແລະ ທິດທາງຍຸດທະສາດໃຫ້ອະນາຄົດ, ກຳນົດບັນດາຂົງເຂດຮ່ວມມືທີ່ສຳຄັນ, ນັບແຕ່ເສດຖະກິດ, ການຄ້າ, ພະລັງງານ, ວິທະຍາສາດເຕັກໂນໂລຢີ ຕະຫຼອດເຖິງການສຶກສາ, ວັດທະນະທຳ ແລະ ການປ້ອງກັນຊາດ - ປ້ອງກັນຄວາມສະຫງົບ.
ການຢ້ຽມຢາມກໍ່ແມ່ນໂອກາດເພື່ອໃຫ້ 2 ຝ່າຍກວດກາຄືນ, ປຶກສາຫາລື ແລະ ຊອກຫາວິທີແກ້ໄຂ ເພື່ອຊຸກຍູ້ການຮ່ວມມື, ແລກປ່ຽນກ່ຽວກັບຄວາມຄືບໜ້າຂອງການປະຕິບັດບັນດາໂຄງການຮ່ວມມືສຳຄັນໃນຂົງເຂດພະລັງງານ, ອຸດສາຫະກຳ…, ສົມທົບກັນເພື່ອສະເໜີບັນດາມາດຕະການເປີດກວ້າງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນ, ສ້າງກຳລັງຜັກດັນຊຸກຍູ້ການພົວພັນລະຫວ່າງ ຫວຽດນາມ ແລະ ລັດເຊຍ.
 | ຄະນະຜູ້ແທນໜັງສືພິມ ປະຊາຊົນ ຫວຽດນາມ ໄປຢ້ຽມຢາມ ແລະ ເຮັດວຽກຢູ່ແຂວງ ຫຼວງພະບາງ (ລາວ) ຍສໝ - ໃນຂອບເຂດການຢ້ຽມຢາມ ແລະ ເຮັດວຽກຢູ່ ລາວ, ສະຫາຍ ເລກວັກມິນ, ກຳມະການສູນກາງພັກ, ບັນນາທິການໃຫຍ່ໜັງສືພິມ ປະຊາຊົນ ຫວຽດນາມ, ຮອງຫົວໜ້າກົມໂຄສະນາສຶກສາສູນກາງ, ປະທານສະມາຄົມນັກຂ່າວ ຫວຽດນາມ ນຳໜ້າຄະນະຜູ້ແທນໜັງສືພິມ ປະຊາຊົນ ຫວຽດນາມ ໄປຢ້ຽມຢາມແຂວງ ຫຼວງພະບາງ. |
 | ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ໄປຢ້ຽມຢາມ ແລະ ມອບຂອງຂວັນຢູ່ ດ້ຽນບຽນ ຍສໝ - ວັນທີ 20 ເມສາ, ຄະນະປະຕິບັດງານຂອງສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ສົມທົບກັບກຸ່ມຜູ້ແທນມິດຕະພາບ ຫວຽດນາມ - ຝຣັ່ງ; ຄະນະຜູ້ແທນສະພາແຫ່ງຊາດແຂວງ ດ້ຽນບຽນ; ກອງທຶນປົກປ້ອງເດັກນ້ອຍ ຫວຽດນາມ; ໂຮງໝໍມິດຕະພາບ ຫວຽດດຶກ ໄດ້ຈັດຕັ້ງລາຍການເຮັດວຽກ ແລະ ມອບຂອງຂວັນຢູ່ເມືອງ ດ້ຽນບຽນດົງ, ... |
ມີງດຶກ
