 | ທ່ານເລຂາທິການໃຫຍ່ ຫວຽດນາມ: ຄະນະພົວພັນຕ່າງປະເທດສູນກາງ ຕ້ອງຕັ້ງຜົນປະໂຫຍດແຫ່ງຊາດ, ຊົນເຜົ່າເປັນອັນດັບໜຶ່ງ |
| ຍູ້ແຮງການຜັນຂະຫຍາຍບັນດາໂຄງການໃຫຍ່ເຊື່ອມຕໍ່ສອງພື້ນຖານເສດຖະກິດ ຫວຽດນາມ - ລາວ |
ທ່ານເລຂາທິການໃຫຍ່ພັກກອມມູນິດຫວຽດນາມ ໂຕເລີມ ໄດ້ຕີລາຄາສູງຄວາມໝາຍການໄປຢ້ຽມຢາມຂອງທ່ານ ວິໄລ ຫຼ້າຄຳຟອງ, ເຊິ່ງໄດ້ປະກອບສ່ວນເຂົ້າໃນການຫັນສັນຍາຂັ້ນສູງກ່ຽວກັບການຮ່ວມມືດ້ານຄວາມປອດໄພ, ການປ້ອງກັນຊາດລະຫວ່າງ 2 ປະເທດເປັນລະອຽດ, ເຮັດໃຫ້ສາຍພົວພັນສາມັກຄີແບບພິເສດລະຫວ່າງຫວຽດນາມ - ລາວ ເລິກເຊິ່ງກ່ວາອີກ.
 |
| ທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລີມ ຕ້ອນຮັບທ່ານ ວິໄລ ຫຼ້າຄຳຟອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ລາວ |
ທ່ານເລຂາທິການໃຫຍ່ ໂຕເລີມ ໄດ້ຊົມເຊີຍ ແລະ ຕີລາຄາສູງບັນດາຜົນງານສຳຄັນທີ່ລາວ ບັນລຸໄດ້ໃນໄລຍະມໍ່ໆມານີ້, ພິເສດ ແມ່ນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ 11 ຂອງພັກ, ໃນນັ້ນ ມີການຮັກສາສະຖຽນລະພາບດ້ານການເມືອງ, ການປ້ອງກັນຊາດ - ປ້ອງກັນຄວາມສະຫງົບ ໄດ້ຮັບຄວາມປັບປຸງ, ສະພາບການພັດທະນາເສດຖະກິດ-ສັງຄົມຂອງລາວ ມີຫຼາຍຈຸດທີ່ປະກາຍແຈ້ງຢ່າງຕັ້ງໜ້າ, ວຽກງານການທູດບັນລຸໄດ້ຫຼາຍຜົນງານ ແລະ ຂີດໝາຍ ດ້ວຍການເປັນປະທານອາຊຽນ ແລະ ການເປັນປະທານ AIPA 45 ຢ່າງຜົນສຳເລັດ ປະກອບສ່ວນຍົກສູງທີ່ຕັ້ງ ແລະ ອິດທິພົນຂອງ ສປປ ລາວ ໃນເວທີສາກົນ ແລະ ພາກພື້ນ, ອັນນີ້ແມ່ນພື້ນຖານອັນສຳຄັນເພື່ອໃຫ້ ລາວ ກະກຽມ ແລະ ຈັດຕັ້ງກອງປະຊຸມໃຫຍ່ທຸກຂັ້ນ ເພື່ອກ້າວໄປສູ່ການຈັດຕັ້ງກອງປະຊຸມໃຫຍ່ຄັ້ງທີ 12 ຂອງພັກໃຫ້ສຳເລັດຜົນ.
ທ່ານເລຂາທິການໃຫຍ່ ໂຕເລີມ ໄດ້ສະແດງຄວາມດີໃຈຕໍ່ການພັດທະນາອັນດີງາມຂອງການພົວພັນຫວຽດນາມ - ລາວ, ໃນນັ້ນມີການປະກອບສ່ວນສຳຄັນຂອງກຳລັງປ້ອງກັນຄວາມສະຫງົບຂອງ 2 ປະເທດ; ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃນການປັບປຸງ ແລະ ເພີ່ມທະວີສາຍພົວພັນສາມັກຄີແບບພິເສດຫວຽດນາມ - ລາວ, ຖືວ່າ ນີ້ແມ່ນໜ້າທີ່ຍຸດທະສາດ, ທີ່ມີຄວາມໝາຍສຳຄັນຕໍ່ການພັດທະນາຂອງແຕ່ລະປະເທດ; ເນັ້ນໜັກວ່າ ຫວຽດນາມ ຍາມໃດກໍ່ເປັນອັນໜຶ່ງອັນດຽວ ໃນການສະໜັບສະໜູນການພັດທະນາຂອງລາວ, ພ້ອມແລ້ວທີ່ຈະແບ່ງປັນປະສົບການກັບລາວ ໃນທຸກຂົງເຂດ, ຫວຽດນາມ ແລະ ລາວ ຈະຮ່ວມມືຢ່າງແໜ້ນແຟ້ນເພື່ອພ້ອມກັນພັດທະນາ.
ທ່ານເລຂາທິການໃຫຍ່ ກໍ່ໄດ້ຕີລາຄາສູງການພົວພັນຮ່ວມມືຢ່າງແໜ້ນແຟ້ນ, ມີປະສິດທິຜົນລະຫວ່າງກະຊວງຕຳຫຼວດ 2 ປະເທດ, ສົມເປັນໜຶ່ງໃນບັນດາເສົາຄ້ຳໃນການພົວພັນລະຫວ່າງ 2 ປະເທດ, ປະກອບສ່ວນຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຄວາມປອດໄພທາງສັງຄົງຂອງແຕ່ລະປະເທດ.
ທ່ານເລຂາທິການໃຫຍ່ ສະເໜີວ່າ ໃນໄລຍະຈະມາເຖິງ, ກະຊວງຕຳຫຼວດຂອງສອງປະເທດຕ້ອງສືບຕໍ່ເສີມຂະຫຍາຍບັນດາມູນເຊື້ອອັນດີງາມ, ເພີ່ມທະວີການໜູນຊ່ວຍເຊິ່ງກັນ ແລະ ກັນ, ສົມທົບກັນຢ່າງແໜ້ນແຟ້ນ, ເພີ່ມທະວີການແລກປ່ຽນຂໍ້ມູນ, ປະສົບການວຽກງານ, ກຳແໜ້ນສະພາບການ, ສົມທົບກັນຢ່າງມີປະສິດທິຜົນໃນການຕໍ່ສູ້ກັບບັນດາການເຄື່ອນໄຫວຕ້ານ ແລະ ມ້າງທຳລາຍກຳລັງສັດຕູ; ຮ່ວມມືກັນຢ່າງແໜ້ນແຟ້ນໃນການປ້ອງກັນ ແລະ ຕ້ານການປັນແປທາງສັນຕິພາບ, ການປະທະກັນ ແລະ ໂຄ່ນລົ້ມ, ປ້ອງກັນ, ຄວບຄຸມ ແລະ ຕ້ານອາດຊະຍາກຳຂ້າມຊາດທຸກປະເພດ, ພິເສດແມ່ນອາດຊະຍາກຳຢາເສບຕິດ... ຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍ ແລະ ສ້າງເສັ້ນຊາຍແດນສັນຕິພາບ ແລະ ສະຖຽນລະພາບລະຫວ່າງສອງປະເທດ; ທັງສອງຝ່າຍມີຄວາມຢຶດໝັ້ນ ແລະ ເດັດດ່ຽວບໍ່ປ່ອຍໃຫ້ກຳລັງສັດຕູສວຍໃຊ້ດິນແດນຂອງປະເທດນີ້ເພື່ອບຸກໂຈມຕີອື່ນ.
ທ່ານ ວິໄລ ຫຼ້າຄຳຟອງ ໄດ້ສະແດງຄວາມຂອບອົກຂອບໃຈທ່ານເລຂາທິການໃຫຍ່ ໂຕເລີມ ທີ່ໄດ້ສະຫຼະເວລາຕ້ອນຮັບຄະນະຜູ້ແທນ; ສົ່ງຄຳຢື້ຢາມຢ່າງເຄົາລົບຈິງໃຈຂອງທ່ານ ເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ເຖິງທ່ານເລຂາທິການໃຫຍ່ ໂຕເລີມ; ຊົມເຊີຍບັນດາຜົນງານສຳຄັນທີ່ປະຊາຊົນ ຫວຽດນາມ ບັນລຸໄດ້ໃນໄລຍະຜ່ານມາ; ເຊື່ອໝັ້ນວ່າ ພາຍໃຕ້ການຊີ້ນຳນຳພາຂອງພັກກອມມູນິດຫວຽດນາມ ໂດຍທ່ານເລຂາທິການໃຫຍ່ ໂຕເລີມ ນຳໜ້າ, ປະຊາຊົນ ຫວຽດນາມ ຈະສືບຕໍ່ໄດ້ຮັບຜົນງານໃໝ່, ໃຫຍ່ຫຼວງກວ່າ, ປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກຢ່າງມີໄຊ, ຈັດຕັ້ງຢ່າງສຳເລັດຜົນກອງປະຊຸມໃຫຍ່ທຸກຂັ້ນ ກ້າວໄປສູ່ກອງປະຊຸມຜູ້ແທນທົ່ວໂລກ ຄັ້ງທີ 14 ຂອງພັກໃນຕົ້ນປີ 2026.
ທ່ານ ວິໄລ ຫຼ້າຄຳຟອງ ໄດ້ສະແດງຄວາມຂອບອົກຂອບໃຈຕໍ່ຕໍ່ການໜູນຊ່ວຍ, ການຊ່ວຍເຫຼືອອັນໃຫຍ່ຫຼວງ, ທັນການ ແລະ ມີປະສິດທິຜົນ ເຊິ່ງຫວຽດນາມ ມອບໃຫ້ລາວ ນັບເເຕ່ອະດີດມາຮອດປະຈຸບັນ, ໃນນັ້ນ ມີການໜູນຊ່ວຍສປປ ລາວ ຈັດຕັ້ງກອງປະຊຸມຂັ້ນສູງ ອາຊຽນ ແລະ AIPA ໃນປີ 2024 ຢ່າງສຳເລັດຜົນ.
ທ່ານ ວິໄລ ຫຼ້າຄຳຟອງ ໄດ້ແຈ້ງໃຫ້ທ່ານເລຂາທິການໃຫຍ່ ໂຕເລີມ ກ່ຽວກັບສະພາບການຢູ່ລາວ ໃນຫວ່າງມໍ່ໆມານີ້, ການປະຕິບັດມະຕິກອງປະຊຸມໃຫຍ່ຄັ້ງທີ 11 ແລະ ການຮ່ວມມືລະຫວ່າງສອງກະຊວງຕຳຫຼວດຂອງສອງປະເທດ; ສະແດງຄວາມຂອບອົກຂອບໃຈຕໍ່ການຕີລາຄາອັນດີງາມກ່ຽວກັບການພົວພັນລະຫວ່າງສອງພັກ, ສອງປະເທດ ແລະ ການຮ່ວມມືລະຫວ່າງສອງກະຊວງຕຳຫຼວດ ກໍ່ຄືກຳລັງປ້ອງກັນຄວາມສະຫງົບຂອງສອງປະເທດ; ຢືນຢັນວ່າ ກະຊວງປ້ອງກັນຄວາມສະຫງົບລາວ ຈະສືບຕໍ່ເສີມຂະຫຍາຍມູນເຊື້ອ, ສົມທົບກັນຢ່າງແໜ້ນແຟ້ນກັບກະຊວງຕຳຫຼວດ ຫວຽດນາມ ໃນການປົກປັກຮັກສາຄວາມໝັ້ນຄົງແຫ່ງຊາດ, ຮັກສາຄວາມເປັນລະບຽບຮຽບຮ້ອຍ, ຄວາມປອດໄພສັງຄົມໃນທຸກສະພາບການ ເພື່ອປະກອບສ່ວນປັບປຸງ ແລະ ເພີ່ມທະວີສາຍພົວພັນແບບພິເສດ ລາວ - ຫວຽດນາມ.
 | ທ່ານ ດົ່ງຮຸຍເກືອງ ໄດ້ຮັບເລືອກຕັ້ງເປັນຮອງປະທານສະຫະພັນບັນດາອົງການມິດຕະພາບຫວຽດນາມ ຍສໝ - ວັນທີ 21 ຕຸລາ 2024, ຢູ່ ຮ່າໂນ້ຍ, ສະຫະພັນບັນດາອົງການມິດຕະພາບຫວຽດນາມ ໄດ້ຈັດຕັ້ງກອງປະຊຸມຄະນະປະທານ ຄັ້ງທີ 12, ຊຸດທີ 6, ອາຍຸການ 2019-2024 |
 | ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ພົບປະກັບ ທ່ານປະທານາທິບໍດີ ອາເມລິກາ Joe Biden ຍສໝ - ໃນຂອບເຂດການເຂົ້າຮ່ວມກອງປະຊຸມສຸດຍອດອະນາຄົດ, ສະມັດຊາໃຫຍ່ສະຫະປະຊາຊາດ ຊຸດທີ 79, ເຮັດວຽກຢູ່ ອາເມລິກາ, ວັນທີ 25 ກັນຍານີ້, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການພົບປະກັບທ່ານປະທານາທິບໍດີ ອາເມລິກາ Joe Biden. |
ມີງດຶກ
