 | ດ່າລາດ - Chuncheon: ແລກປ່ຽນວັດທະນະທຳ, ເຊື່ອມຕໍ່ນ້ຳໃຈມິດຕະພາບ |
| ໂຄສະນາ ແລະເຜີຍແຜ່ພາບພົດຂອງປະເທດຊາດ, ວັດທະນະທຳ ແລະ ປະຊາຊົນ ຫວຽດນາມ ຢູ່ ອາເມລິກາ |
 |
| ທ່ານເລຂາທິການໃຫຍ່ ໂຕເລີມ ໄດ້ຕ້ອນຮັບທ່ານ Nicholas Berggruen, ຜູ້ກໍ່ຕັ້ງ, ປະທານບໍລິສັດລົງທຶນ Berggruen Holdings ແລະ ສະຖາບັນ Berggruen. |
ທ່ານເລຂາທິການໃຫຍ່ ໂຕເລີມ ໄດ້ຕີລາຄາສູງການໜູນຊ່ວຍຂອງທ່ານ Nicholas Berggruen ແລະ ທ່ານນາງ ຫງວຽນທິລຽນຮັ່ງ ຕໍ່ການພັດທະນາການພົວພັນ ຫວຽດນາມ - ອາເມລິກາ ໃນໄລຍະຜ່ານມາ. ທ່ານເລຂາທິການໃຫຍ່ ໂຕເລີມ ຢືນຢັນວ່າ ຫວຽດນາມ ຖືເປັນສຳຄັນການພົວພັນກັບ ອາເມລິກາ ແລະ ປາດຖະໜາຢາກຊຸກຍູ້ການພົວພັນ 2 ຝ່າຍເພື່ອຜົນປະໂຫຍດຂອງປະຊາຊົນ ແລະ ວິສາຫະກິດ 2 ປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ພັດທະນາແບບຍືນຍົງໃນພາກພື້ນ ແລະ ທົ່ວໂລກ.
ໂດຍຕີລາຄາບັນດາບາດກ້າວການພັດທະນາຢ່າງແທ້ຈິງ, ມີປະສິດທິຜົນຂອງການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ໃນໄລຍະຜ່ານມາ ໄດ້ມີການປະກອບສ່ວນສຳຄັນຂອງວິສາຫະກິດ, ນັກວິຊາການ ແລະ ປະຊາຊົນສອງປະເທດ, ທ່ານເລຂາທິການໃຫຍ່ ໂຕເລີມ ສະເໜີທ່ານ Nicholas Berggruen ແລະ ທ່ານນາງ ຫງວຽນທິລຽນຮັ່ງ ສືບຕໍ່ແລກປ່ຽນ ແລະ ຊອກຮູ້ບັນດາກາລະໂອກາດລົງທຶນ, ຄົ້ນຄ້ວາໃໝ່ຢູ່ ຫວຽດນາມ, ພ້ອມກັນນັ້ນ ກໍ່ສົມທົບກັນຜັນຂະຫຍາຍບັນດາຂໍ້ຕົກລົງຮ່ວມມືລະຫວ່າງ 2 ມະຫາວິທະຍາໄລ Columbia ກັບບັນດາມະຫາວິທະຍາໄລຢູ່ ຫວຽດນາມ.
 |
| ທ່ານເລຂາທິການໃຫຍ່ ໂຕເລີມ ໄດ້ຕ້ອນຮັບທ່ານ Nicholas Berggruen, ຜູ້ກໍ່ຕັ້ງ ແລະ ປະທານບໍລິສັດລົງທຶນ Berggruen Holdings ແລະ ສະຖາບັນ Berggruen. |
ທ່ານເລຂາທິການໃຫຍ່ ໂຕເລີມ ເນັ້ນໜັກວ່າ ຫວຽດນາມ ພວມກ້າວເຂົ້າສູ່ສັງກາດໃໝ່; ທົ່ວພັກ ແລະ ທົ່ວປວງຊົນ ຫວຽດນາມ ພວມມານະພະຍາຍາມ ແລະ ຮີບດ່ວນປະຕິບັດບັນດາໜ້າທີ່ທີ່ກອງປະຊຸມໃຫຍ່ຂອງພັກຄັ້ງທີ 13 ໄດ້ວາງອອກ ແມ່ນຮອດປີ 2030 ຫວຽດນາມ ຈະກາຍເປັນປະເທດພວມພັດທະນາ, ມີລາຍຮັບສູງປານກາງສູງ ແລະ ເປັນປະເທດພັດທະນາ, ມີລາຍຮັບສູງ ໃນປີ 2045.
ເພື່ອບັນລຸໄດ້ເປົ້າໝາຍນັ້ນ, ຫວຽດນາມ ຢຶດໝັ້ນວາງແຜນສ້າງພື້ນຖານເສດຖະກິດທີ່ເປັນເອກະລາດ, ເປັນເຈົ້າຕົນເອງ, ເຊື່ອມໂຍງຢ່າງເລິກເຊິ່ງ, ກຳນົດທິດວິທະຍາສາດ - ເຕັກໂນໂລຢີ, ນະວັດຕະກຳ ແລະ ກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງສວມບົດບາດບຸກທະລຸຍຸດທະສາດ, ເປັນປັດໄຈກຳນົດຍົກສູງຄວາມສາມາດແກ່ງແຍ່ງຂອງຊາດ ແລະ ການພັດທະນາແບບຍືນຍົງ, ສົມທົບຢ່າງກົມກຽວກັນ ແລະ ມີປະສິດທິຜົນລະຫວ່າງການພັດທະນາກຳລັງຄວາມສາມາດ ກັບຕັ້ງໜ້ໝູນໃຊ້ກາລະໂອກາດ ແລະ ແຫຼ່ງກຳລັງພາຍນອກຢ່າງສູງສຸດ.
ທ່ານເລຂາທິການໃຫຍ່ຢືນຢັນວ່າ ຫວຽດນາມ ຈະສືບຕໍ່ສ້າງບັນດາເງື່ອນໄຂສະດວກໃຫ້ແກ່ການເຄື່ອນໄຫວຂອງບັນດານັກລົງທຶນຕ່າງປະເທດ, ໃນນັ້ນມີ ອາເມລິກາ ຢູ່ ຫວຽດນາມ, ຖືເປັນສຳຄັນການຊຸກຍູ້ການຮ່ວມມືດ້ານການສຶກສາ, ແລກປ່ຽນວັດທະນະທຳ ແລະ ປະຊາຊົນສອງປະເທດ.
 |
| ທ່ານເລຂາທິການໃຫຍ່ ໂຕເລີມ ໄດ້ຕ້ອນຮັບທ່ານ Nicholas Berggruen, ຜູ້ກໍ່ຕັ້ງ ແລະ ປະທານບໍລິສັດລົງທຶນ Berggruen Holdings ແລະ ສະຖາບັນ Berggruen. |
ໂດຍສະແດງຄວາມຂອບອົກຂອບໃຈຢ່າງຈິງໃຈຕໍ່ທ່ານເລຂາທິການໃຫຍ່ ໂຕເລີມ ທີ່ໄດ້ສະຫຼະເວລາຕ້ອນຮັບ, ທ່ານ Nicholas Berggruen ແລະ ທ່ານນາງ ຫງວຽນທິລຽນຮັ່ງ ໄດ້ມີຄວາມປິຕິທີ່ໄດ້ເຫັນບັນດາຜົນງານການພັດທະນາຂອງ ຫວຽດນາມ ກໍ່ຄືຄວາມຄືບໜ້າທີ່ຕັ້ງໜ້າໃນການພົວພັນ ຫວຽດນາມ - ອາເມລິກາ ໃນໄລຍະຜ່ານມາ.
ທ່ານ Nicholas Berggruen ແລະ ທ່aານນາງ ຫງວຽນທິລຽນຮັ່ງ ໄດ້ສະແດງການຕີລາຄາສູງຕໍ່ວິໄສທັດຂອງການນຳ ຫວຽດນາມ ແລະ ທ່ານເລຂາທິການໃຫຍ່ ໂຕເລີມ, ຢືນຢັນຈະຕັ້ງໜ້າສະໜັບສະໜູນບັນດາຄວາມມານະພະຍາຍາມໃນການຊຸກຍູ້ການພົວພັນ ສອງປະເທດໃນໄລຍະຈະມາເຖິງ; ຊຸກຍູ້ບັນດາກາລະໂອກາດລົງທຶນທີ່ເໝາະສົມ, ປະກອບສ່ວນຊຸກຍູ້ການພົວພັນລະຫວ່າງ ອາເມລິກາ - ຫວຽດນາມ, ກໍ່ຄືໜູນຊ່ວຍ ຫວຽດນາມ ບັນລຸໄດ້ບັນດາເປົ້າໝາຍ.
 | ຍສໝ - ຕອນເຊົ້າວັນທີ 16 ພະຈິກ, ຢູ່ San Francisco, ທ່ານປະທານປະເທດ ຫວຽດນາມ ຫວໍວັນເຖືອງ ໄດ້ຕ້ອນຮັບທູດພິເສດຂອງປະທານາທິບໍດີ ອາເມລິກາ John Kerry ເນື່ອງໃນໂອກາດເຂົ້າຮ່ວມສັບປະດາຂັ້ນສູງ APEC 2023. |
 | ຍສໝ - ຕອນຄ່ຳວັນທີ 10 ກັນຍາ, ຢູ່ຮ່າໂນ້ຍ, ພາຍຫຼັງການເຈລະຈາຂັ້ນສູງ, ທ່ານເລຂາ ທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ແລະ ທ່ານປະທານາທິບໍດີ ອາເມລິກາ Joe Biden ໄດ້ປະກາດຕໍ່ສື່ມວນຊົນກ່ຽວກັບໝາກ ຜົນອັນດີງາມຂອງການເຈລະຈາ ແລະ ປະກາດວ່າ ສອງຝ່າຍໄດ້ຮັບຮອງເອົາຖະແຫຼງການ ຮ່ວມ, ຍົກລະດັບການພົວພັນ ຫວຽດນາມ - ... |
ແທັງຮັ່ງ
