| ໄຂຊຸດຝຶກອົບຮົມວຽກງານກູ້ຊີບ, ກູ້ໄພພິບັດທຳມະຊາດໃຫ້ແກ່ພະນັກງານກອງທັບປະຊາຊົນລາວ ປີ 2023 | |
| ປີ APEC 2023: ຫວຽດນາມ ໄດ້ຕີລາຄາສູງຄຳໝັ້ນສັນຍາຂອງຕົນ ກ່ຽວກັບການເງິນສີຂຽວ |
ທີ່ການພົບປະ, ທ່່ານທູດພິເສດ John Kerry ໄດ້ສະແດງຄວາມຂອບໃຈຢ່າງຈິງໃຈຕໍ່ຫວຽດນາມ ທີ່ໄດ້ໃຫ້ການຕ້ອນຮັບທ່ານປະທານາທິບໍດີ ອາເມລິກາ Joe Biden ແລະ ຄະນະຜູ້ແທນຂັ້ນສູງ ອາເມລິກາ ໃນການຢ້ຽມຢາມ ຫວຽດນາມ ຫວ່າງແລ້ວນີ້; ຖືວ່າ ການຢ້ຽມຢາມດ້ວຍຜົນສຳເລັດລະອຽດ ແລະ ການຍົກລະດັບການພົວພັນຄູ່ຮ່ວມມືຍຸດທະສາດຮອບດ້ານເປັນຂີດໝາຍໃໝ່ໃນການພົວພັນລະຫວ່າງ 2 ປະເທດ.
 |
ທ່ານປະທານປະເທດ ຫວຽດນາມ ຫວໍວັນເຖືອງ ຕ້ອນຮັບທູດພິເສດຂອງປະທານາທິບໍດີ ອາເມລິກາ John Kerry ເນື່ອງໃນໂອກາດເຂົ້າຮ່ວມສັບປະດາຂັ້ນສູງ APEC 2023. |
ທ່ານປະທານປະເທດ ຫວໍວັນເຖືອງ ໄດ້ຕີລາຄາສູງເລື່ອງ 2 ຝ່າຍຕັ້ງໜ້າຜັນຂະຫຍາຍບັນດາຕົກລົງກັນຂັ້ນສູງທີ່ບັນລຸໄດ້ໃນໄລຍະຢ້ຽມຢາມ ຫວຽດນາມ ຂອງທ່ານປະທານາທິບໍດີ Joe Biden, ພັດທະນາການພົວພັນຮ່ວມມືນັບມື້ນບຢ່າງແທດຈິງ, ກ້າວເຂົ້າສູ່ລວງເລິກ, ເປັນປົກກະຕິ.
ທ່ານປະທານປະເທດ ຊົມເຊີຍ ອາເມລິກາ ທີ່ເພີ່ມທະວີການຮ່ວມມືກັບ ຫວຽດນາມ, ໂດຍສະເພາະແມ່ນບັນດາຂົງເຂດທີ່ທ່ານທູດພິເສດ John Kerry ໄດ້ມີຄວາມເອົາໃຈໃສ່ຊຸກຍູ້ການເຄື່ອນໄຫວໃນໄລຍະຜ່ານມາຄື: ການຮັບມືກ່ຽວກັບການປ່ຽນແປງຂອງດິນຟ້າອາກາດ ແລະ ການຫັນປ່ຽນພະລັງງານ.
ທ່ານປະທານປະເທດ ຫວໍວັນເຖືອງ ໄດ້ຕີລາຄາສູງບັນດາຄວາມມານະພະຍາຍາມຂອງທ່ານປະທານາທິບໍດີ Joe Biden ແລະ ທູດພິເສດ John Kerry ໃນການຍົກສູງຄວາມຮັບຮູ້ ແລະ ການກະທຳຮັບມືກ່ຽວກັບການປ່ຽນແປງຂອງດິນຟ້າອາກາດ. ທ່ານປະທານປະເທດ ຢືນຢັນວ່າ ຫວຽດນາມຫວັງຢາກຮ່ວມມືກັບ ອາເມລິກາ ໃນບັນດາຂົງເຂດນີ້, ເໝາະສົມກັບເງື່ອນໄຂເສດຖະກິດ - ສັງຄົມຂອງ ຫວຽດນາມ, ຕອບສະໜອງຜົນປະໂຫຍດ ແລະ ຄວາມສົນໃຈຂອງປະຊາຊົນ 2 ປະເທດ.
ທ່ານປະທານປະເທດເນັ້ນໜັກວ່າ ການຫັນປ່ຽນດ້ານພະລັງງານຕ້ອງຮັບປະກັນບັນດາຫຼັກການຢ່າງສະເໝີພາບ. ຫວຽດນາມ ພວມສືບຕໍ່ປະຕິບັດບັນດາມາດຕະການຮອບດ້ານ ແລະ ຂ້ຽວຂາດເພື່ອຊຸກຍູ້ການເຕີບໂຕສີຂຽວ ແລະ ຕອບສະໜອງການປ່ຽນແປງຂອງດິນຟ້າອາກາດ, ໃນນັ້ນ ມີການຮັບຮອງເອົາການວາງແຜນພັດທະນາໄຟຟ້າແຫ່ງຊາດ ໄລຍະ 2021-2030, ວິໄສທັດຮອດປີ 2050 ດ້ວຍຈຸດໜັກແມ່ນການຫັນປ່ຽນຈາກເຊື້ອເຟີງຟອັກຊິວເປັນພະລັງງານທົດແທນແລະ ພະລັງງານໃໝ່, ເພື່ອມຸ່ງໄປສູ່ການປ່ອຍອາຍພິດລົງເປັນ “0” ຂອງຫວຽດນາມ ໃນປີ 2050.
ທ່ານປະທານປະເທດ ຊົມເຊີຍບັນດາຂໍ້ສະເໜີແນະຂອງທ່ານທູດພິເສດ Kerry, ຫວັງວ່າຝ່າຍ ອາເມລິກາ ຈະສືບຕໍ່ເພີ່ມທະວີການຜັນຂະຫຍາຍບັນດາໂຄງການຊ່ວຍເຫຼືອການຫັນປ່ຽນພະລັງງານ, ເພີ່ມທະວີຄວາມສາມາດດ້ານພະລັງງານທົດແທນຂອງ ຫວຽດນາມ, ປະກອບສ່ວນຮັບປະກັນຄວາມໝັ້ນຄົງດ້ານພະລັງງານໃນໄລຍະຍາວ.
ທ່ານທູດພິເສດ John Kerry ໄດ້ສະແດງຄວາມຂອບໃຈທ່ານປະທານປະເທດ ຫວໍວັນເຖືອງ ທີ່ໄດ້ສະຫຼະເວລາມາຕ້ອນຮັບຄະນະ, ຢືນຢັນວ່າ ອາເມລິກາຖືສາຍສຳພັນກັບ ຫວຽດນາມ ເປັນສຳຄັນ, ສະໜັບສະໜູນ ຫວຽດນາມ ໃນການສວມບົດບາດເປັນເຈົ້າການ ແລະ ແທດຈິງໃນພາກພື້ນ.
ທ່ານທູດພິເສດ John Kerry ຢືນຢັນວ່າ ອາເມລິກາ ຈະສືບຕໍ່ການຊ່ວຍເຫຼືອຫວຽດນາມ ໃນການຍົກສູງຄວາມສາມາດຮັບມືກັບການປ່ຽນແປງຂອງດິນຟ້າອາກາດ, ຄວບຄຸມມົນລະພິດ, ຄຸ້ມຄອງຊັບພະຍາກອນຢ່າງໝັ້ນຄົງ, ຊ່ວຍເຫຼືອການຂຸດຄົ້ນ, ນຳໃຊ້ຊັບພະຍາກອນທຳມະຊາດທີ່ມີຢູ່ແລ້ວຕາມແບບວິທີທີ່ເປັນມິດກັບສິ່ງແວດລ້ອມ ແລະ ດ້ວຍຄ່າໃຊ້ຈ່າຍທີ່ສົມເຫດສົມຜົນເພື່ອຫຼຸດການຂຶ້ນກັບແຫຼ່ງວັດຖຸດິບນຳເຂົ້າ; ຊ່ວຍເພີ່ມທະວີການຄຸ້ມຄອງດ້ານສິ່ງແວດລ້ອມ, ເໝາະສົມກັບຫວຽດນາມ.
ທ່ານທູດພິເສດ John Kerry ໄດ້ຕີລາຄາສູງເລື່ອງພາຍຫຼັງໄດ້ຮັບຮອງເອົາຖະແຫຼງການການເມືອງສ້າງຕັ້ງການພົວພັນຄູ່ຮ່ວມມືການຫັນປ່ຽນພະລັງງານທີ່ສະເໝີພາບ (JETP), ຫວຽດນາມ ພວມຮີບຮ້ອນປຶກສາຫາລືກັບບັນດາຄູ່ຮ່ວມມືສາກົນໂດຍໄວ ເພື່ອສຳເລັດແຜນການລະດົມຊັບພະຍາກອນ (RMP) ເພື່ອປະຕິບັດບັນດາເນື້ອໃນຂອງຖະແຫຼງການ ໃນໄລຍະສາມຫາຫ້າປີຕໍ່ໄປ. ທ່ານ Kerry ກໍ່ເນັ້ນໜັກວ່າ ອາເມລິກາ ພ້ອມແລ້ວທີ່ຈະປະຕິບັດການຮ່ວມມືຂັ້ນສູງກັບຫວຽດນາມ ເພື່ອຊຸກຍູ້ COP28 ໃຫ້ບັນລຸໄດ້ບັນດາຜົນສຳເລັດຢ່າງຕັ້ງໜ້າ.
ທ່ານທູດພິເສດ John Kerry ຢືນຢັນວ່າ ໃນຖານະເປັນເພື່ອນມິດມາແຕ່ດົນນານຂອງຫວຽດນາມ, ທ່ານຈະສືບຕໍ່ຊ່ວຍເຫຼືອເພີ່ມທະວີຄວາມສາມາດໃນການຕ້ານທານໃຫ້ບັນດາປະຊາຄົມທີ່ມີຄວາມສ່ຽງງ່າຍຢູ່ເຂດທົ່ງພຽງແມ່ນ້ຳຂອງ.
ມິງດຶກ
