ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະໄປຢ້ຽມຢາມ ລາວ ແລະ ເປັນປະທານຮ່ວມກອງປະຊຸມຄັ້ງທີ 47 ຂອງຄະນະກຳມະການລະຫວ່າງລັດຖະບານຫວຽດນາມ

ຍສໝ - ຕາມແຈ້ງການຂອງກະຊວງການຕ່າງປະເທດຫວຽດນາມ, ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີແຫ່ງ ສປປ ລາວ ສອນໄຊ ສີພັນດອນ, ທ່ານນາຍົກລັດຖະມົນຕີ ສສ ຫວຽດນາມ ຟ້າມມິງຈິງ ພ້ອມກັບຄະນະຜູ້ແທນຂັ້ນສູງລັດຖະບານຫວຽດນາມ ຈະໄປຢ້ຽມຢາມ ລາວ ແລະ ເປັນປະທານຮ່ວມກອງປະຊຸມກອງປະຊຸມຄັ້ງທີ 47 ຂອງຄະນະກຳມະການລະຫວ່າງລັດຖະບານຫວຽດນາມ - ລາວ ແຕ່ວັນທີ 09-10 ມັງກອນ 2025.

	ນາຍົກລັດຖະມົນຕີ ຟ້າມມິງຈິ໊ງ ພົບປະກັບເອກອັກຄະລັດຖະທູດ, ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ
	ທ່ານນາຍົກລັດຖະມົນຕີ ຫວຽດນາມ ຫວັງວ່າ ຊາວຫວຽດນາມ ອາໄສຢູ່ຕ່າງປະເທດແຕ່ລະຄົນຈະເປັນທູດຂອງສາຍພົວພັນມິດຕະພາບຫວຽດນາມ - ຈີນ

ໃນໄລຍະຜ່ານມາ, ການພົວພັນດ້ານການເມືອງ, ການທູດລະຫວ່າງຫວຽດນາມ - ລາວ ສືບຕໍ່ພັດທະນາຢ່າງດີງາມ, ໃກ້ຊິດຕິດພັນ ແລະ ມີຄວາມໄວ້ເນື້ອເຊື່ອໃຈ; 2 ຝ່າຍໄດ້ຈັດຕັ້ງກອງປະຊຸມຄັ້ງທີ 46 ຂອງຄະນະກຳມະການລະຫວ່າງລັດຖະບານຫວຽດນາມ - ລາວ (7 ມັງກອນ 2024) ແລະ ຈັດຕັ້ງບັນດາການໄປຢ້ຽມຢາມຂອງການນຳຂັ້ນສູງ ແລະ ທຸກຂັ້ນຢ່າງຕັ້ງໜ້າ.

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະໄປຢ້ຽມຢາມ ລາວ ແລະ ເປັນປະທານຮ່ວມກອງປະຊຸມຄັ້ງທີ 47 ຂອງຄະນະກຳມະການລະຫວ່າງລັດຖະບານຫວຽດນາມ - ລາວ.

ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ສືບຕໍ່ໄດ້ຮັບການເພີ່ມທະວີທັງດ້ານຄຸນນະພາບ ແລະ ປະລິມານ. 2 ຝ່າຍກໍ່ໄດ້ຜັນຂະຫຍາຍບັນດາຂໍ້ຕົກລົງ, ແຜນການຮ່ວມມືຢ່າງຕັ້ງໜ້າໃນເຂດປ້ອງກັນປ້ອງກັນຊາດ-ປ້ອງກັນຄວາມສະຫງົບ; ປະສານສົມທົບກັນຄຸ້ມຄອງການເຂົ້າ-ອອກເມືອງ, ການເຄື່ອນຍ້າຍຖິ່ນຖານ, ພັກເຊົາທີ່ຜິດກົດໝາຍ; ມ້າງທຳລາຍ ແລະ ສະກັດກັ້ນອາດຊະຍາກຳຂ້າມຊາດທຸກປະເພດ, ພິເສດແມ່ນຊະຍາກຳຢາເສບຕິດ ແລະ ການຄ້າມະນຸດ. ປະຈຸບັນ, ສອງຝ່າຍພວມຄົ້ນຄ້ວາ ເພື່ອກ້າວໄປສູ່ການລົງນາມໃນສັນຍາສົ່ງຜູ້ຕ້ອງໂທດຂ້າມແດນ.

ການຮ່ວມມືດ້ານເສດຖະກິດ, ການຄ້າ ແລະ ການລົງທຶນສືບຕໍ່ມີການປ່ຽນແປງຢ່າງຕັ້ງໜ້າ. 2 ຝ່າຍໄດ້ລົງນາມໃນ “ບົດບັນທຶກຊ່ວຍຈຳກ່ຽວກັບການພັດທະນາ ແລະ ການເຊື່ອມຕໍ່ໂຄງລ່າງການຄ້າຊາຍແດນຫວຽດນາມ - ລາວ”, ສັນຍາການຄ້າຫວຽດນາມ - ລາວ; ຜັນຂະຫຍາຍສັນຍາການຄ້າຊາຍແດນຫວຽດນາມ - ລາວ ຢ່າງມີປະສິດທິຜົນ ເພື່ອສ້າງເງື່ອນໄຂສະດວກທີ່ສຸດໃຫ້ແກ່ວິສາຫະກິດ ແລະ ປະຊາຊົນສອງປະເທດ.

ປະຈຸບັນ ຫວຽດນາມ ມີ 241 ໂຄງການການລົງທຶນຢູ່ລາວ ດ້ວຍຍອດຈຳນວນທຶນຈົດທະບຽນກວ່າ 5,5 ຕື້ USD, ສືບຕໍ່ຮັກສາອັນດັບ 3 ໃນຈຳນວນບັນດາປະເທດ/ເຂດແຄ້ວນ (ຖັດຈາກ ຈີນ ແລະ ໄທ). ວົງເງິນການຄ້າຫວຽດນາມ - ລາວ ໃນ 10 ເດືອນຕົ້ນປີ 2024 ບັນລຸ 1,7 ຕື້ USD (ເພີ່ມຂຶ້ນ 28,2% ເມື່ອທຽບໃສ່ໄລຍະດຽວກັນຂອງປີ 2023).

ສອງຝ່າຍໄດ້ສຳເລັດ ແລະ ມອບ-ຮັບໂຄງການສະໜາມບິນໜອງຄ້າງ (15 ພຶດສະພາ 2023, ຫົວພັນ) ແລະ ໂຮງໝໍມິດຕະພາບແຂວງຊຽງຂວາງ (17 ພຶດສະພາ 2023); Vietjet ເປີດເສັ້ນທາງບິນນະຄອນໂຮ່ຈີມິນ - ນະຄອນຫຼວງວຽງຈັນ (ວັນທີ 25 ກຸມພາ)... ມີໂຄງການຈຳນວນໜຶ່ງທີ່ຍັງມີບັນຫາຕິດຂັດເຊິ່ງກຳລັງແກ້ໄຂ.

ການຮ່ວມມືດ້ານການສຶກສາ, ບຳລຸງສ້າງ ແລະ ວັດທະນະທຳ ສືບຕໍ່ໄດ້ຮັບຄວາມເອົາໃຈໃສ່, ໂຄງການຮ່ວມມືດ້ານການສຶກສາຫວຽດນາມ - ລາວ ໄລຍະ 2021-2030, ອະນຸສັນຍາວ່າດ້ວຍການຮ່ວມມືບຳລຸງສ້າງຫວຽດນາມ - ລາວ ໄລຍະ 2022-2027; ແຜນການຮ່ວມມືດ້ານວັດທະນະທຳ-ສິລະປະ ແລະ ການທ່ອງທ່ຽວໄລຍະ 2021-2025 ແລະ ໜູນຊ່ວຍລາວໃນການສ້າງຍຸດທະສາດພັດທະນາກິລາລາວໄລຍະ 2023-2030 ພວມໄດ້ຮັບການປະຕິບັດຢ່າງຕັ້ງໜ້າ. ປະຈຸບັນມີນັກສຶກສາລາວປະມານ 14.050 ຄົນພວມຮ່ຳຮຽນຢູ່ບັນດາສະຖາບັນການສຶກສາຫວຽດນາມ 170 ກວ່າແຫ່ງ.

ການຮ່ວມມືລະຫວ່າງບັນດາທ້ອງຖິ່ນ, ພິເສດແມ່ນບັນດາທ້ອງຖິ່ນມີຊາຍແດນຮ່ວມກັນ ກໍ່ສືບຕໍ່ເພີ່ມທະວີ, ນັບມື້ນັບກ້າວເຂົ້າສູ່ຕົວຈິງ, ລົງເລິກ, ຮອບດ້ານໃນທຸກຂົງເຂດ, ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ, ຄວາມປອດໄພຢູ່ເຂດຊາຍແດນ 2 ປະເທດ.

2 ຝ່າຍສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສການຮ່ວມມືພາກພື້ນ ແລະ ສາກົນ; ພິເສດແມ່ນໃນຂອບຂອງອາຊຽນ, ສະຫະປະຊາຊາດ ແລະ ບັນດາກົນໄກອະນຸພາກພື້ນ. ໃນປີ 2024, ຫວຽດນາມ ໄດ້ຕັ້ງໜ້າສະໜັບສະໜູນ ແລະ ໜູນຊ່ວຍລາວ ໃຫ້ປະສົບຜົນສຳເລັດບັນດາບົດບາດສາກົນສຳຄັນຄື: ການເປັນປະທານອາຊຽນ 2024, ການເປັນປະທານ AIPA 45.

ທ່ານນາຍົກລັດຖະມົນຕີ: ຫວຽດນາມ ມີ 3 ພື້ນຖານສຳຄັນ ເພື່ອພັດທະນາຂະແໜງການ Halal

ຍສໝ - ວັນທີ 22 ຕຸລາ 2024, ກ່າວຄຳປາໄສທີ່ກອງປະຊຸມ “ເສີມຂະຫຍາຍກຳລັງແຮງພາຍໃນ, ເພີ່ມທະວີການຮ່ວມມືສາກົນ ເພື່ອຍູ້ແຮງການພັດທະນາຂະແໜງການ Halal ຫວຽດນາມ”, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໃຫ້ຮູ້ວ່າ ຫວຽດນາມ ມີ 3 ພື້ນຖານສຳຄັນ ເພື່ອພັດທະນາຂະແໜງການ Halal.

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເດີນທາງໄປລັດເຊຍ ເພື່ອເຂົ້າຮ່ວມກອງປະຊຸມບັນດາການນຳກຸ່ມ BRICS ເປີດກ້ວາງ

ຍສໝ - ຕອນເຊົ້າວັນທີ 23 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ເດີນທາງອອກຈາກນະຄອນຫຼວງ ຮ່າໂນ້ຍ ໄປເຂົ້າຮ່ວມກອງປະຊຸມບັນດາການນຳກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ (BRICS) ຢູ່ Kazan, ສະຫະພັນລັດເຊຍ ແຕ່ວັນທີ 23 – 24 ຕຸລາ 2024 ຕາມຄຳເຊີນຂອງທ່ານປະທານາທິບໍດີລັດເຊຍ Vladimir Putin, ...

ມີງດຶກ