 | ແນະນຳຄວາມສວຍງາມຂອງອ່າວຮ່າລອງ ໃຫ້ແກ່ຊາວ ເນປານ |
| ຫວຽດນາມ - ເນປານ ຈະສົມທົບກັນຈັດຕັ້ງຫຼາຍການເຄື່ອນໄຫວຮ່ວມມື, ແລກປ່ຽນປະຊາຊົນ |
ໃນລາຍການຢູ່ນະຄອນ ໂຮ່ຈີມິນ, ຄະນະໄດ້ໄປທັດສະນະສະຖານທີ່ທີ່ມີຊື່ສຽງຫຼາຍແຫ່ງຄື: ສຳນັກງານເອກະລາດ, ຫໍພິພິທະພັນວັດຖຸພັນສົງຄາມ, ອຸມົງໃຕ້ດິນ ກູຈີ, ໂບດ ເຕິນດິ້ງ; ໄປສະນີນະຄອນ; ບັນດາເຂດທ່ອງທ່ຽວແບບນິເວດຢູ່ ຕຽນຢາງ, ເບັນແຈ່....
 |
| ພຣະອາຈານ ທິກດຶກທ້ຽນ ພ້ອມກັບການນຳສະມາຄົມ ແລະ ບັນດາສະມາຊິກສະມາຄົມໄດ້ຖ່າຍຮູບທີ່ລະນຶກກັບຄະນະຜູ້ແທນ ເນປານ ທີ່ວັດ ເຟິດຕິກ (ບັກນິງ). |
ວັນທີ 26 ທັນວາ 2024, ຄະນະໄດ້ໄປຢ້ຽມຢາມວັດ ເຟິດຕິກ (ບັກນິງ). ຢູ່ທີ່ນີ້, ຄະນະໄດ້ຮັບຟັງພຣະອາຈານ ທິກດຶກທ້ຽນ-ເຈົ້າອະທິການວັດ, ເປັນຮອງປະທານ ທັງເປັນເລຂາທິການໃຫຍ່ ສັງຄະສະມາຄົມພຸດທະສາສະໜາ ຫວຽດນາມ ແລະ ເປັນຮອງປະທານສະມາຄົມມິດຕະພາບ ຫວຽດນາມ - ເນປານ ແບ່ງປັນກ່ຽວກັບປະຫວັດສາດ ແລະ ຄຸນຄ່າວັດທະນະທຳຂອງວັດ. ຫຼັງຈາກນັ້ນ, ຄະນະກໍ່ໄດ້ມີການເຮັດວຽກກັບວິສາຫະກິດຊີມັງມວນເບົາ - ວັດສະດຸບໍ່ເຜົາຂອງກຸ່ມ Viglacera ຢູ່ນະຄອນ ບັກນິງ.
ການເດີນທາງສືບຕໍ່ຢູ່ຮ່າໂນ້ຍ ດ້ວຍບັນດາການເຄື່ອນໄຫວຄື ໄປຢ້ຽມຊົມເຂດຮ່ອງຮອຍປະຫວັດສາດ ເຂດຮ່ອງຮອຍປະຫວັດສາດ ປະທານ ໂຮ່ຈີມິນ, ຫໍພິພິທະພັນປະຫວັດສາດ ຫວຽດນາມ ແລະ ຫໍພິພິທະພັນປະຫວັດສາດການທະຫານ ຫວຽດນາມ, ລົງຕົວຈິງວັດທະນະທຳກາເຟທາງລົດໄຟ ແລະ ເລາະຊົມນະຄອນດ້ວຍລົດເມສອງຊັ້ນ.
ໃນການຢ້ຽມຢາມເຂດຮ່ອງຮອຍປະຫວັດສາດ ປະທານ ໂຮ່ຈີມິນ, ບັນດາສະມາຊິກຂອງຄະນະໄດ້ໄປຢ້ຽມຢາມບ່ອນເຮັດວຽກ ແລະ ເຮືອນຢູ່ທີ່ລຽບງ່າຍຂອງປະທານ ໂຮ່ຈີມິນ, ພ້ອມກັນນັ້ນ ກໍ່ຊົມຮູບເງົາສາລະຄະດີສັ້ນສະທ້ອນໃຫ້ເຫັນບັນດາຈຸດເວລາສຸດທ້າຍຊີວິດຂອງເພິ່ນ. ການຢ້ຽມຢາມ ບໍ່ພຽງແຕ່ໄດ້ນຳມາບັນດາການລົງຕົວຈິງອັນເລິກເຊິ່ງເທົ່ານັ້ນ, ຫາກຍັງສະແດງໃຫ້ເຫັນຄວາມເຄົາລົບນັບຖືຂອງຄະນະຕໍ່ຜູ້ນຳທີ່ຍິ່ງໃຫຍ່ຂອງຫວຽດນາມ.
 |
| ທ່ານ Rabinndra ຂຽນຄວາມຄິດເຫັນຂອງຕົນ, ສະແດງຄວາມເຄົາລົບນັບຖືຢ່າງເລິກເຊິ່ງຕໍ່ປະທານ ໂຮ່ຈິມິນ. |
ທີ່ການເຮັດວຽກກັບສະມາຄົມມິດຕະພາບ ຫວຽດນາມ - ເນປານ ໃນວັນທີ 27 ທັນວາ 2024, ທ່ານ Rabindra Adhikari, ຫົວໜ້າຄະນະຜູ້ແທນສະພາສັນຕິພາບ ແລະ ສາມັກຄີ ເນປານ, ໄດ້ສະແດງຄວາມປິຕິຊົມຊື່ນເມື່ອມາຢ້ຽມຢາມ ຫວຽດນາມ ແລະ ຕີລາຄາສູງບັນດາຜົນງານທີ່ພັກ, ລັດ ແລະ ປະຊາຊົນ ຫວຽດນາມ ບັນລຸໄດ້. ທ່ານຢືນຢັນຄວາມຮັກແພງອັນເລິກເຊິ່ງຂອງປະຊາຊົນ ເນປານ ທີ່ມີຕໍ່ປະທານ ໂຮ່ຈິມິນ ພ້ອມກັນນັ້ນ ກໍ່ສະເໜີເພີ່ມທະວີການຮ່ວມມືລະຫວ່າງ 2 ປະເທດດ້ວຍບັນດາເນື້ອໃນສຳຄັນຄື ເປີດສຳນັກງານຜູ້ຕາງໜ້າການທູດ ແລະ ເປີດເສັ້ນທາງການບິນ, ຊຸກຍູ້ການລົງທຶນ, ການຄ້າ ແລະ ການທ່ອງທ່ຽວ.
ທ່ານປະທານສະມາຄົມມິດຕະພາບ ຫວຽດນາມ - ເນປານ, ປອ ເຈິ່ນແອງຕວນ ເນັ້ນໜັກເຖິງຄວາມຈຳເປັນຕ້ອງສົມທົບກັນເພື່ອຜັນຂະຫຍາຍການຈັດຕັ້ງບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດໃນປີ 2025 ແລະ ເປັນຂົວເຊື່ອມຕໍ່ໃຫ້ບັນດາລາຍການຮ່ວມມືລະຫວ່າງ 2 ປະເທດ. ທ່ານຮຽກຮ້ອງໃຫ້ຝ່າຍ ເນປານ ສົມທົບກັນຢ່າງແໜ້ນແຟ້ນໃນການຜັນຂະຫຍາຍບັນດາເຫດການ, ເພີ່ມທະວີການແລກປ່ຽນຄະນະ ແລະ ໜູນຊ່ວຍບັນດາອົງການຈັດຕັ້ງ, ວິສາຫະກິດທີ່ເຂົ້າຮ່ວມໃນບັນດາຂົງເຂດເສດຖະກິດ, ວັດທະນະທໍາ, ທ່ອງທ່ຽວ, ແນໃສ່ປັບປຸງການພົວພັນມິດຕະພາບ ແລະ ການພົວພັນຮ່ວມມືສອງຝ່າຍ.
 |
ການຢ້ຽມຢາມ ຫວຽດນາມ ຂອງຄະນະສະພາສັນຕິພາບ ແລະ ສາມັກຄີ ເນປານ ໄດ້ປະສົບຜົນສຳເລັດຢ່າງຈົບງາມ, ບັນລຸໄດ້ບັນດາເປົ້າໝາຍທີ່ວາງອອກ ແລະ ປະກອບສ່ວນເພີ່ມທະວີການພົວພັນຮ່ວມມືອັນດີງາມລະຫວ່າງບັນດາອົງການຈັດຕັ້ງປະຊາຊົນຂອງສອງປະເທດ. ບັນດາສະມາຊິກໃນຄະນະໄດ້ສະແດງຄວາມຊົມເຊີຍ ແລະ ປະທັບໃຈຢ່າງເລິກເຊິ່ງຕໍ່ການພັດທະນາຮອບດ້ານຂອງ ຫວຽດນາມ, ພ້ອມກັນນັ້ນ ກໍ່ຢືນຢັນຄວາມຮັກແພງອັນຈິງໃຈທີ່ລັດຖະບານ ແລະ ປະຊາຊົນ ເນປານ ຍາມໃດກໍ່ມີຕໍ່ພັກ, ລັດ ແລະ ປະຊາຊົນ ຫວຽດນາມ. ການເດີນທາງຄັ້ງນີ້ບໍ່ພຽງແຕ່ແມ່ນຂີດໝາຍທີ່ສຳຄັນເທົ່ານັ້ນ, ຫາກຍັງປະກອບສ່ວນຮັດແໜ້ນສາຍພົວພັນມິດຕະພາບທີ່ຕິດພັນກັນລະຫວ່າງສອງປະເທດໃຫ້ແໜ້ນແຟ້ນຍິ່ງຂຶ້ນ.
 | ມອບຂອງຂວັນຂອງພຸດທະສາສະນິກກະຊົນຫວຽດນາມ ໜູນຊ່ວຍປະຊາຊົນອິນເດຍ ແລະ ເນປານ ຕ້ານໂລກລະບາດໂຄວິດ-19 ສະຖານທູດຫວຽດນາມ ປະຈຳອິນເດຍ ໄດ້ຈັດພິທີມອບ-ຮັບໜູນຊ່ວຍຂອງປະຊາຊົນ, ພຸດທະສາສະນິກກະຊົນຫວຽດນາມ ຊ່ວຍເຫຼືອປະຊາຊົນອິນເດຍ ແລະ ເນປານ ເພື່ອຮັບມືກັບໂລກລະບາດໂຄວິດ-19. |
 | ຫວຽດນາມ - ເນປານ ອອກຖະແຫຼງການຮ່ວມ ຍສໝ - ເນື່ອງໃນໂອກາດມາຢ້ຽມຢາມຫວຽດນາມຢ່າງເປັນທາງການໃນລະຫວ່າງແຕ່ວັນທີ 9 – 13 ພຶດສະພາ 2019 ຂອງທ່ານນາຍົກລັດຖະມົນຕີ ເນປານ Prasad Sharma Oli ຕາມຄໍາເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ວັນທີ 11 ພຶດສະພາ, ສອງຝ່າຍໄດ້ອອກຖະແຫຼງການຮ່ວມ. |
ແທັງຮັ່ງ
