ທີ່ກອງປະຊຸມ, ທ່ານ ປອ. ເຈີ່ນແອ່ງຕ໋ວນ, ປະທານສະມາຄົມມິດຕະພາບ ຫວຽດນາມ - ເນປານ ໄດ້ຕີລາຄາສູງການຮ່ວມມືຂອງ NPSC. ສິ່ງນີ້ສະແດງໃຫ້ເຫັນຄວາມປາຖະໜາອັນແທ້ຈິງຂອງການຮ່ວມມືລະຫວ່າງສອງປະເທດ ກໍ່ຄືຄວາມມຸ່ງມາດປາດຖະໜາຂອງການຮ່ວມມືໃນໄລຍະຈະມາເຖິງ ໃຫ້ໄດ້ຮັບໝາກຜົນຢ່າງຈົບງາມ.
2 ຝ່າຍ ໄດ້ຢືນຢັນຄືນໃໝ່ວ່າ 4 ເນື້ອໃນການຮ່ວມມືທີ່ໄດ້ເຫັນດີເປັນເອກະພາບໃນການຢ້ຽມຢາມ ເນປານ ຂອງສະມາຄົມມິດຕະພາບ ຫວຽດນາມ - ເນປານ ເມື່ອເດືອນພຶດສະພາ ຜ່ານມາ. ລະອຽດ: ສະເໜີເປີດອົງການຜູ້ຕາງໜ້າການທູດຢູ່ເຂດດິນແດນຂອງ ຫວຽດນາມ ແລະ ເນປານ; ເຊື່ອມຕໍ່ການສ້າງຕັ້ງສາຍການບິນໂດຍກົງລະຫວ່າງສອງປະເທດ; ເພີ່ມທະວີ ແລະ ພັດທະນາການພົວພັນດ້ານການລົງທຶນ, ການຄ້າ; ເຊື່ອມຕໍ່ ແລະ ພັດທະນາບັນດາການເຄື່ອນໄຫວທ່ອງທ່ຽວ ແລະ ໂຮງແຮມລະຫວ່າງ 2 ຝ່າຍ, ປະກອບສ່ວນພັດທະນາການພົວພັນລະຫວ່າງ ຫວຽດນາມ ແລະ ເນປານ.
 |
ການເຮັດວຽກລະຫວ່າງສະມາຄົມມິດຕະພາບ ຫວຽດນາມ - ເນປານ ແລະ ຄະນະກຳມະການສັນຕິພາບ ແລະ ຄວາມສາມັກຄີ ເນປານ. |
ເພື່ອຜັນຂະຫຍາຍບັນດາເນື້ອໃນການຮ່ວມມືດັ່ງກ່າວ, 2 ຝ່າຍ ໄດ້ເຫັນດີເປັນເອກະພາບສົມທົບກັນຈັດຕັ້ງສະເຫຼີມສະຫຼອງບັນດາງານບຸນສຳຄັນຂອງປະຊາຊົນສອງປະເທດ ດ້ວຍຮູບການທີ່ຫຼາກຫຼາຍ ແລະ ເນື້ອໃນທີ່ອຸດົມສົມບູນ. ຈັດຕັ້ງບັນດາກອງປະຊຸມສຳມະນາ, ເວທີປາໄສ, ງານຕະຫຼາດນັດ; ປະສານສົມທົບການພົບປະແລກປ່ຽນຄະນະຜູ້ແທນປະຈຳປີ, ກໍຄືແນະນຳບັນດາຄະນະວິສາຫະກິດ, ທ່ອງທ່ຽວເພື່ອຊອກຫາກາລະໂອກາດດຳເນີນທຸລະກິດຢູ່ 2 ປະເທດ. 2 ຝ່າຍກໍ່ໄດ້ສົ່ງເສີມຂໍ້ສະເໜີແນະໃຫ້ລັດຖະບານ 2 ປະເທດ ເຊີດຊູ, ຍ້ອງຍໍ ແລະ ມອບບັນດານາມມະຍົດອັນສູງສົ່ງໃຫ້ບັນດາອົງການ, ບຸກຄົນທີ່ມີບັນດາການປະກອບສ່ວນອັນໃຫຍ່ຫຼວງເຂົ້າໃນການກໍ່ສ້າງ ແລະ ຊຸກຍູ້ການພົວພັນມິດຕະພາບລະຫວ່າງປະຊາຊົນສອງປະເທດ.
ທີ່ການພົບປະ, ການນຳສະມາຄົມມິດຕະພາບ ຫວຽດນາມ - ເນປານ ໄດ້ສະເໜີໃຫ້ NPSC ມີບັນດາການເຄື່ອນໄຫວແລກປ່ຽນ ແລະ ຮ່ວມມືໃນບັນດາຂົງເຂດກິລາ ແລະ ສຶກສາບຳລຸງສ້າງ. ໂດຍສະເພາະແມ່ນ ໄດ້ສົ່ງຄະນະນັກກິລາ ເນປານ ໄປ ຫວຽດນາມ ເພື່ອຮ່ຳຮຽນພັດທະນາສິລະປະມວຍ Vovinam ແລະ ເຊີດສິງໂຕ; ສົ່ງກຸ່ມຄູສອນພາສາອັງກິດໄປຮ່ວມມື ແລະ ເຮັດວຽກຢູ່ບັນດາສະຖານທີ່ຝຶກອົບຮົມພາສາອັງກິດຢູ່ ຫວຽດນາມ... ສະໜອງຂໍ້ມູນຂ່າວສານກ່ຽວກັບປະເທດ, ປະຊາຊົນ ແລະ ວັດທະນະທຳຂອງ ເນປານ ເພື່ອໃຫ້ສະມາຄົມສາມາດໂຄສະນາ ແລະ ແນະນຳຕໍ່ຊາວ ຫວຽດນາມ ເປັນຈຳນວນຫຼວງຫຼາຍ.
ທ່ານປະທານ Rabinndra Adhikari ສະໜັບສະໜູນບັນດາຂໍ້ສະເໜີນີ້ ແລະ ຖືວ່າ: “ບັນດາການເຄື່ອນໄຫວເຊິ່ງສອງຝ່າຍ ໄດ້ ແລະ ພວມເຫັນດີເປັນເອກະພາບຜັນຂະຫຍາຍ ຈະແມ່ນຂີດໝາຍສຳຄັນໃນການສ້າງການພົວພັນທາງການທູດລະຫວ່າງ ຫວຽດນາມ ແລະ ເນປານ”.
ມິງດຶກ
