ເພີ່ມທະວີການຮ່ວມມືຫຼາຍຝ່າຍລະຫວ່າງບັນດາອົງການປ້ອງກັນຊາດອາຊຽນ

	ທ່ານພົນໂທ ຫງວຽນຈີ໊ວິ້ງ ຕ້ອນຮັບຜູ້ອຳນວຍການ KOICA ປະຈຳ ຫວຽດນາມ
	ADMM ເເມ່ນເວທີທີ່ຊ່ວຍເຫຼືອບັນດາປະເທດອາຊຽນເຈລະຈາຢ່າງມີປະສິດທິຜົນສຳລັບບັນຫາປ້ອງກັນປະເທດ-ຄວາມສະຫງົບ ໃນພາກພື້ນ ແລະ ທົ່ວໂລກ

ໃນຂອບເຂດການເຮັດວຽກຢູ່ສິງກະໂປ, ວັນທີ 23 ສິງຫາ, ທ່ານພົນໂທ ຮວ່າງຊວນຈ໊ຽນ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໄປຢ້ຽມຊົມສູນຂໍ້ມູນຂ່າວສານ ແລະຄວາມໝັ້ນຄົງທາງອິນເຕີແນັດ ADMM, ກະຊວງປ້ອງກັນປະເທດສິງກະໂປ.

ຍິນດີຕ້ອນຮັບທ່ານພົນໂທ ຮ່ວາງຊວນຈ໊ຽນ ມາຢ້ຽມຢາມ, ທ່ານນາງ Yeo Seow Peng, ຜູ້ອໍານວຍການບໍລິຫານງານສູນ ໃຫ້ຮູ້ວ່າ: ການສ້າງຕັ້ງສູນດັ່ງກ່າວແມ່ນ ເພື່ອແນໃສ່ຊຸກຍູ້ບັນດາມາດຕະການສ້າງຄວາມໄວ້ເນື້ອເຊື່ອໃຈ, ເພີ່ມທະວີການແລກປ່ຽນຂໍ້ມູນຂ່າວສານ ແລະບຳລຸງສ້າງກຳລັງຄວາມສາມາດໃຫ້ບັນດາອົງການປ້ອງກັນປະເທດອາຊຽນ; ເພີ່ມທະວີການຮ່ວມມືຫຼາຍຝ່າຍລະຫວ່າງບັນດາອົງການປ້ອງກັນຊາດອາຊຽນ ຕ້ານການບຸກໂຈມຕີທາງອິນເຕີແນັດ, ຂ່າວປອມ, ຂ່າວທີ່ຜິດເຂວ, ເພື່ອສັນຕິພາບ ແລະຄວາມໝັ້ນຄົງລວມຂອງພາກພື້ນ.

ທ່ານພົນໂທ ຮວ່າງຊວນຈ໊ຽນ ຢ້ຽມຊົມສູນຂໍ້ມູນຂ່າວສານ ແລະຄວາມໝັ້ນຄົງທາງອິນເຕີແນັດ ADMM, ກະຊວງປ້ອງກັນປະເທດສິງກະໂປ. ພາບ: qdnd.vn

ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ ຫວຽດນາມ ສະໜັບສະໜູນ ແລະຕັ້ງໜ້າເຂົ້າຮ່ວມວິວັດການສ້າງຕັ້ງ ແລະການເຄື່ອນໄຫວຂອງສູນ; ຕີລາຄາສູງບົດບາດຂອງສູນໃນການໜູນຊ່ວຍຄວາມມານະພະຍາຍາມຮ່ວມກັນ ເພື່ອຮັບມືກັບສິ່ງທ້າທາຍຕ່າງໆໃນເຄືອຂ່າຍອິນເຕີແນັດ, ຜ່ານນັ້ນ, ຊຸກຍູ້ການສ້າງຄວາມເຊື່ອໝັ້ນ ແລະຍົກສູງຄວາມຮັບຮູ້ກ່ຽວກັບໄພອັນຕະລາຍທີ່ຊ້ອນແຝງ ແລະຜົນຮ້າຍຂອງໄພຂົ່ມຂູ່ຕໍ່ຄວາມໝັ້ນຄົງທາງອິນເຕີແນັດ, ຍົກສູງກຳລັງຄວາມສາມາດ ແລະການຮ່ວມມືສາກົນໃນຂົງເຂດນີ້.

ທ່ານພົນໂທ ຮວ່າງຊວນຈ໊ຽນ ຢັ້ງຢືນວ່າຫວຽດນາມ ຖືເປັນສໍາຄັນຊຸກຍູ້ການຮ່ວມມືສອງຝ່າຍ ແລະຫຼາຍຝ່າຍໃນການຮັບມືກັບສິ່ງທ້າທາຍໃນເຄືອຂ່າຍອິນເຕີແນັດ. ກະຊວງປ້ອງກັນປະເທດຫວຽດນາມ ສົ່ງເສີມສູນ ແລະບັນດາຄູ່ຮ່ວມມືຂອງກະຊວງປ້ອງກັນປະເທດຫວຽດນາມ ຊຸກຍູ້ການຮ່ວມມືດ້ວຍຮູບການທີ່ມີໄຫວພິບ, ຄື: ແລກປ່ຽນຄະນະຜູ້ແທນໄປສຶກສາ, ຄົ້ນຄວ້າຕົວຈິງ; ຈັດຕັ້ງກອງປະຊຸມ, ກອງປະຊຸມສໍາມະນາ ແລະຝຶກອົບອົມວິຊາສະເພາະ. ທ່ານພົນໂທ ຮວ່າງຊວນຈ໊ຽນ ສະເໜີສູນຄົ້ນຄວ້າ ຄວາມສາມາດຮັບນາຍທະຫານວິຊາສະເພາະກ່ຽວກັບຄວາມໝັ້ນຄົງທາງອິນເຕີແນັດຂອງຫວຽດນາມ ມາຮໍ່າຮຽນ, ຜ່ານນັ້ນ ປະກອບສ່ວນຊຸກຍູ້ການພົບປະແລກປ່ຽນ, ຮ່ວມມື ແລະໜູນຊ່ວຍຍົກສູງກຳລັງຄວາມສາມາດ.

ກອງປະຊຸມລັດຖະມົນຕີປ້ອງກັນປະເທດອາຊຽນ (ADMM) ຄັ້ງທີ 17 ສຳເລັດຜົນຢ່າງຈົບງາມ ຍສໝ - ທ່ານ Prabowo Subianto ລັດຖະມົນຕີກະຊວງປ້ອງກັນປະເທດອິນໂດເນເຊຍ, ປະທານ ADMM ເນັ້ນໜັກວ່າ: ສັນຕິພາບ ແລະຄວາມໝັ້ນຄົງແມ່ນພື້ນຖານ ເພື່ອພັດທະນາເສດຖະກິດ ແລະຄວາມກ້າວໜ້າຂອງສັງຄົມ. ສະນັ້ນ, ຫົວຂໍ້ “ສັນຕິພາບ, ວັດທະນາຖາວອນ ແລະຄວາມໝັ້ນຄົງ” ຂອງ ADMM-17 ແມ່ນເໝາະສົມກັບສະພາບທີ່ໂລກມີການຜັນແປສັບສົນຄືໃນປະຈຸບັນນີ້ທີ່ສຸດ.

ພົນໂທ ຮວ່າງຊວນຈ໊ຽນ ຕ້ອນຮັບຫົວໜ້າກົມໃຫຍ່ສັນຕິບານ, ກະຊວງປ້ອງກັນຄວາມສະຫງົບ ລາວ ຍສໝ - ທ່ານພົນ ໂທ ຮວ່າງຊວນຈ໊ຽນ ສະເໜີວ່າ ໃນໄລຍະຈະມາເຖິງ ສອງຝ່າຍຄວນສືບຕໍ່ສົມທົບກັນ, ຜັນຂະຫຍາຍ ການພົວພັນຮ່ວມມືຢ່າງມີປະສິດທິຜົນ, ໂດຍສຸມໃສ່ເນື້ອໃນ: ການແລກປ່ຽນຂໍ້ມູນຂ່າວສານ; ການສົມທົບກັນຕໍ່ສູ້, ສະກັດກັ້ນ ແລະ ຕ້ານອາດຊະຍາກໍາຂ້າມຊາດປະເພດຕ່າງໆ, ການເຄື່ອນໄຫວອົບພະຍົບ, ຍ້າຍຖິ່ນຖານແບບເສລີ; ການໂຄສະນາ, ຂົນຂວາຍປະຊາຊົນຢູ່ສອງຟາກຊາຍແດນ ໃຫ້ມີຄວາມເຂົ້າໃຈແຈ້ງ ແລະ ປະຕິບັດກົດໝາຍຂອງແຕ່ລະປະເທດຢ່າງເຂັ້ມງວດ...