| ສະຫາຍພົນໂທ ຮວ່າງຊວນຈ໊ຽນ ຕ້ອນຮັບຄະນະກົມພົວພັນຕ່າງປະເທດ ແລະພະນັກງານວິຊາການກະຊວງປ້ອງກັນປະເທດລາວ | |
| ທ່ານລັດຖະມົນຕີກະຊວງປ້ອງກັນປະເທດ ພົນໂທ ໂງຊວັນລິກ ພົບປະສອງຝ່າຍກັບ ລັດຖະມົນຕີກະຊວງປ້ອງກັນປະເທດລາວ |
ວັນທີ 10 ຕຸລາ, ທີ່ສໍານັກງານກະຊວງປ້ອງກັນປະເທດ, ທ່ານພົນໂທ ຮວ່າງຊວນຈ໊ຽນ ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຕ້ອນຮັບທ່ານພົນຕີ ບົວວັນ ວົງສາວັນທອງ ຫົວໜ້າກົມໃຫຍ່ສັນຕິບານ, ກະຊວງປ້ອງກັນຄວາມສະຫງົບ ລາວ ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ຫວຽດນາມ.
 |
| ພົນໂທ ຮວ່າງຊວນຈ໊ຽນ ແລກປ່ຽນກັບພົນຕີ ບົວວັນ ວົງສາວັນທອງ. ພາບ: qdnd.vn |
ທີ່ການຕ້ອນຮັບ, ທ່ານພົນໂທ ຮວ່າງຊວນຈ໊ຽນ ໄດ້ເນັ້ນໜັກເຖິງການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ; ຢັ້ງຢືນວ່າ ການນໍາຂັ້ນສູງສອງປະເທດ ຍາມໃດກໍຖືເປັນສໍາຄັນຕໍ່ການຮັກສາ, ປັບປຸງ ກໍຄືຄວາມປາດຖະໜາຢາກເພີ່ມພູນຄູນສ້າງໃຫ້ແກ່ການພົວພັນ ຫວຽດນາມ - ລາວ ທີ່ເຄີຍດີງາມມາແລ້ວນັ້ນ ໃຫ້ນັບມື້ນັບດີງາມກວ່າເກົ່າ. ທ່ານພົນໂທ ຮວ່າງຊວນຈ໊ຽນ ຊີ້ແຈ້ງວ່າ ໃນໄລຍະຜ່ານມາ, ການພົວພັນ ຫວຽດນາມ - ລາວ ສືບຕໍ່ພັດທະນາຢ່າງຮອບດ້ານ, ບັນລຸໝາກຜົນອັນໜັກແໜ້ນ. ພິເສດ, ສອງປະເທດ ໄດ້ສົມທົບກັນ ຈັດຕັ້ງສໍາເລັດ “ປີສາມັກຄີມິດຕະພາບ ຫວຽດນາມ-ລາວ, ລາວ-ຫວຽດນາມ 2022” ດ້ວຍຫຼາຍການເຄື່ອນໄຫວທີ່ມີຄວາມໝາຍ.
ທ່ານພົນຕີ ບົວວັນ ວົງສາວັນທອງ ໄດ້ແຈ້ງໃຫ້ທ່ານພົນໂທ ຮວ່າງຊວນຈ໊ຽນ ຮັບຊາບກ່ຽວກັບຜົນການພົບປະສອງຝ່າຍກ່ອນໜ້ານັ້ນໃນວັນດຽວກັນກັບກອງບັນຊາການທະຫານຊາຍແດນ. ຕາມນັ້ນແລ້ວ, ສອງຝ່າຍກໍ່ໄດ້ພ້ອມກັນຕີລາຄາຜົນ ການຮ່ວມມືໃນໄລຍະຜ່ານມາ ແລະ ເຫັນດີເປັນເອກະພາບຕໍ່ທິດທາງການຮ່ວມມືໃນຕໍ່ໜ້າ. ທ່ານພົນຕີ ບົວວັນ ວົງສາວັນທອງ ເນັ້ນໜັກວ່າ ຜົນການພົບປະສອງຝ່າຍ ຈະສືບຕໍ່ເປັນການຢັ້ງຢືນມູນເຊື້ອສາມັກຄີ, ການຊ່ວຍເຫຼືອເຊິ່ງກັນແລະກັນລະຫວ່າງສອງຝ່າຍ.
 |
| ບັນຍາກາດທີ່ການຕ້ອນຮັບ. ພາບ: qdnd.vn |
ໂດຍຮັບຮູ້ຜົນການຮ່ວມມືລະຫວ່າງກອງບັນຊາການທະຫານຊາຍແດນ ແລະ ກົມໃຫຍ່ສັນຕິບານ, ກະຊວງປ້ອງກັນຄວາມສະຫງົບ ລາວ ໃນໄລຍະຜ່ານມາ, ທ່ານພົນໂທ ຮວ່າງຊວນຈ໊ຽນ ສະເໜີວ່າ ໃນໄລຍະຈະມາເຖິງ ສອງຝ່າຍຄວນສືບຕໍ່ສົມທົບກັນ, ຜັນຂະຫຍາຍການພົວພັນຮ່ວມມືຢ່າງມີປະສິດທິຜົນ, ໂດຍສຸມໃສ່ເນື້ອໃນ: ການແລກປ່ຽນຂໍ້ມູນຂ່າວສານ; ການສົມທົບກັນຕໍ່ສູ້, ສະກັດກັ້ນ ແລະ ຕ້ານອາດຊະຍາກໍາຂ້າມຊາດປະເພດຕ່າງໆ, ການເຄື່ອນໄຫວອົບພະຍົບ, ຍ້າຍຖິ່ນຖານແບບເສລີ; ການໂຄສະນາ, ຂົນຂວາຍປະຊາຊົນຢູ່ສອງຟາກຊາຍແດນໃຫ້ມີຄວາມເຂົ້າໃຈແຈ້ງ ແລະ ປະຕິບັດກົດໝາຍຂອງແຕ່ລະປະເທດຢ່າງເຂັ້ມງວດ, ຍົກສູງສະຕິລະວັງຕົວ, ບໍ່ໃຫ້ພວກຄົນບໍ່ຊັກຊວນແກ່ດຶງ; ຍູ້ແຮງການເຄື່ອນໄຫວແຮກສ່ຽວລະຫວ່າງບັນດາກົມກອງ, ປະຊາຊົນຢູ່ສອງຟາກຊາຍແດນ... ທ່ານພົນໂທ ຮວ່າງຊວນຈ໊ຽນ ຢັ້ງຢືນວ່າ ກະຊວງປ້ອງກັນ ປະເທດຫວຽດນາມ ຍາມໃດກໍສະໜັບສະໜູນ ແລະ ສ້າງເງື່ອນໄຂສະດວກເພື່ອໃຫ້ບັນດາອົງການ ເພີ່ມທະວີການຮ່ວມມື, ປະກອບສ່ວນເຮັດໃຫ້ການພົວພັນລະຫວ່າງສອງປະເທດ ເລິກເຊິ່ງຂຶ້ນຕື່ມ.
ບູນມີ
