 | ສະຖານທູດ ຫວຽດນາມ ປະຈໍາ ຕ່າງປະເທດຫຼາຍແຫ່ງ ໄດ້ເປີດປຶ້ມໄຫວ້ອາໄລ ແລະ ຈັດພິທີໄຫວ້ອາໄລເຖິງທ່ານເລຂາທິການໃຫຍ່ ຫງວຽນຟູ໋ຈ້ອງ |
| ກົງສຸນໃຫຍ່ ລາວ ປະຈໍານະຄອນ ດານັງ ອວຍພອນງານບຸນໃຫຍ່ວັນວິສາຂະບູຊາ |
ວັນທີ 27 ທັນວາ 2024 ຜ່ານມາ, ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບ ແລະ ຍື່ນໜັງສືແຕ່ງຕັ້ງຂອງ ທ່ານ ນາງ ຕະ ເຟືອງ ຢຸ້ງ ກົງສຸນໃຫຍ່ ແຫ່ງ ສສ ຫວຽດນາມ ຄົນໃໝ່ ປະຈຳ ນະຄອນປາກເຊ, ແຂວງຈໍາປາສັກ.
 |
ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບ ແລະ ຍື່ນໜັງສືແຕ່ງຕັ້ງຂອງ ທ່ານ ນາງ ຕະເຟືອງຢຸ້ງ ກົງສຸນໃຫຍ່ ແຫ່ງ ສສ ຫວຽດນາມ ຄົນໃໝ່ ປະຈຳ ນະຄອນປາກເຊ, ແຂວງຈໍາປາສັກ. |
ໂອກາດນີ້, ທ່ານ ໂພໄຊ ໄຂຄຳພິທູນ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ທ່ານ ນາງ ຕະ ເຟືອງ ຢຸ້ງ ທີ່ໄດ້ຮັບການແຕ່ງຕັ້ງ ມາດໍາລົງຕໍາແໜ່ງເປັນກົງສຸນໃຫຍ່ ແຫ່ງ ສສ ຫວຽດນາມ ຄົນໃໝ່ ປະຈໍາ 4 ແຂວງພາກໃຕ້ ຂອງ ລາວ ຄື ແຂວງແຂວງຈໍາປາສັກ, ສາລະວັນ, ອັດຕະປື ແລະ ແຂວງເຊກອງ ເຊິ່ງມີສໍານັກງານຕັ້ງຢູ່ ແຂວງຈໍາປາສັກ, ສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈຂອງ ພັກ-ລັດ ສສ ຫວຽດນາມ ທີ່ມີຕໍ່ສະຫາຍ, ພ້ອມທັງຕີລາຄາສູງຕໍ່ການພົວພັນຮ່ວມມືທີ່ດີ ແລະ ການປະສານງານຢ່າງແໜ້ນແຟ້ນ ກັບບັນດາແຂວງພາກໃຕ້ຂອງ ສປປ ລາວ ໃນການເປັນເສນາທິການ ແລະ ອຳນວຍຄວາມສະດວກໃຫ້ແກ່ ການແລກປ່ຽນ ຄະນະຜູ້ແທນ ລະຫວ່າງ ທ້ອງ ຖິ່ນ ແລະ ສູນກາງ ຂອງສອງປະເທດ ໃນໄລຍະຜ່ານມາ. ພິເສດ, ໃນວັນທີ 17-18 ທັນວາ 2024 ທີ່ຜ່ານມານີ້, ກົງສຸນໃຫຍ່ຫວຽດນາມ ປະຈຳ ປາກເຊ ຮ່ວມກັບອຳນາດການປົກຄອງ ແຂວງຈຳປາສັກ ຂອງ ສປປ ລາວ ໄດ້ສຳເລັດການຕ້ອນຮັບ ການເດີນທາງໄປຢ້ຽມຢາມ ແລະ ເຮັດວຽກ ທີ່ແຂວງຈຳປາສັກຂອງ ທ່ານ ບຸຍ ແທັງ ເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ພ້ອມດ້ວຍພັນລະຍາ ແລະ ຄະນະສະຫະພັນແມ່ຍິງກະຊວງການຕ່າງປະເທດຫວຽດນາມ ແລະ ລາວ ໄດ້ຮັບຜົນສຳເລັດຢ່າງຈົບງາມ. ພ້ອມກັນນີ້, ທ່ານ ຮອງລັດຖະມົນຕີ ກໍໄດ້ສະແດງຄວາມເຊື່ອໝັ້ນຕໍ່ ທ່ານ ນາງ ຕະ ເຟືອງ ຢຸ້ງ ໃນການນຳເອົາປະສົບປະການ ແລະ ຄວາມຮູ້ຄວາມສາມາດ ເພື່ອປະກອບສ່ວນເຂົ້າໃນການພັດທະນາ, ຊຸກຍູ້ປຸກລະດົມ, ເຕົ້າໂຮມຄວາມສາມັກຄີ ຊາວຫວຽດນາມ ທີ່ກຳລັງດຳລົງຊີວິດ ແລະ ທຳມາຫາກິນ ຢູ່ 4 ແຂວງພາກໃຕ້ຂອງລາວ ໃຫ້ສືບຕໍ່ປະກອບສ່ວນເຂົ້າໃນ ການພັດທະນາ ເສດຖະກິດ-ສັງຄົມ ຂອງ ສປປ ລາວ ກໍຄື ຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໂດຍສະເພາະ ຊຸກຍູ້ການພົວພັນຮ່ວມມື ແລະ ສົ່ງເສີມການຄ້າ-ການລົງທຶນ ລະຫວ່າງ 4 ແຂວງພາກໃຕ້ຂອງລາວ ກັບບັນດາແຂວງຂອງ ສສ ຫວຽດນາມ ໃຫ້ແຕກດອກອອກຜົນຍິ່ງໆຂຶ້ນ.
ໃນໂອກາດດຽວກັນນີ້, ທ່ານ ນາງ ຕະ ເຟືອງ ຢຸ້ງ ກໍໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນໃນຄັ້ງນີ້ ແລະ ໃຫ້ຄໍາໝັ້ນສັນຍາວ່າ ຈະສືບຕໍ່ໃຫ້ການຮ່ວມມືຢ່າງຕັ້ງໜ້າກັບ ກະຊວງການຕ່າງປະເທດ ແລະ ບັນດາຂະແໜງການທ້ອງຖິ່ນຂອງ ສປປ ລາວ, ພ້ອມທັງຊຸກຍູ້ການພົວພັນຮ່ວມມື ລະຫວ່າງ 4 ແຂວງພາກໃຕ້ຂອງລາວ ກັບບັນດາແຂວງຂອງ ສສ ຫວຽດນາມ ໃຫ້ນັບມື້ນັບແໜ້ນແຟ້ນ ແລະ ຈະເລີນງອກງາມຍິ່ງໆຂຶ້ນ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ຫວຽດນາມ-ລາວ.
 | ສະຖານທູດ ຫວຽດນາມ ປະຈໍາ ໄທ ອວຍພອນບຸນປີໃໝ່ລາວ ຍສໝ - ຢູ່ບາງກອກ, ວັນທີ 6 ເມສາ, ຄະນະພະນັກງານສະຖານທູດ ຫວຽດນາມ ປະຈຳ ໄທ ໂດຍທ່ານອຸປະທູດຊົ່ວຄາວນາງ ບຸ່ຍທິເຫ້ວ ນຳໜ້າ ໄດ້ມາຍັງສະຖານທູດລາວ ປະຈຳ ໄທ ເພື່ອອວຍພອນບຸນປີໃໝ່ປະເພນີຂອງ ລາວ. |
 | ກົງສູນໃຫຍ່ ສສ ຫວຽດນາມ ປະຈໍາ ນະຄອນປາກເຊ ອວຍພອນວັນຊາດ ສປປ ລາວ ຍສໝ - ກົງສູນໃຫຍ່ ສສ ຫວຽດນາມ ປະຈໍາ ນະຄອນປາກເຊ ນຳໂດຍສະຫາຍ ຫງວຽນວັນຈູງ ຫົວໜ້າກົງສູນໃຫຍ່ ໄດ້ໄປຢ້ຽມຢາມ ແລະອວຍພອນອົງຄະນະພັກ, ອໍານາດການປົກຄອງ ແລະປະຊາຊົນ 4 ແຂວງພາກໃຕ້ຂອງລາວ (ຈໍາປາສັກ, ອັດຕະປື, ເຊກອງ, ສາລະວັນ). |
ມີງດຶກ
