ເປີດນຳໃຊ້ຄູ່ດ່ານສາກົນ ລ໊ອງເຊີບ -ປ່າຮ່າງ

ຫວ່າງແລ້ວນີ້, ແຂວງລ້າງເຊີນ (ຫວຽດນາມ) ແລະແຂວງຫົວພັນ (ລາວ) ເປັນປະທານຮ່ວມຈັດຕັ້ງພິທີປະກາດໃຊ້ຄູ່ດ່ານສາກົນ ລ໊ອງເຊີບ (ເມືອງມົກເຈົາ, ແຂວງລ້າງເຊີນ, ຫວຽດນາມ) - ປ່າຮ່າງ (ເມືອງສົບເບົາ, ແຂວງຫົວພັນ, ລາວ), ເປີດກາລະໂອກາດພັດທະນາໃຫ້ປະຊາຊົນສອງແຂວງເຊີນລາ ແລະຫົວພັນ ກັບເພື່ອນມິດສາກົນ.

ຄູ່ດ່ານສາກົນລ໊ອງເຊີບ-ປ່າຮ່າງ ຕັ້ງຢູ່ຈຸດໃຈກາງການເຊື່ອມຕໍ່ລະຫວ່າງບັນດາແຂວງຢູ່ພາກເໜືອຂອງຫວຽດນາມ ກັບບັນດາແຂວງພາກເໜືອຂອງລາວ, ຢູ່ຫ່າງຈາກນະຄອນຫຼວງຮ່າໂນ້ຍ ຂອງຫວຽດນາມ 200 ກິໂລແມັດ, ຫ່າງຈາກໃຈກາງບັນດາແຂວງພາກເໜືອຂອງລາວ ແຕ່ 180 ກິໂລແມັດ ຫາ 400 ກິໂລແມັດ, ສ້າງຄວາມສະດວກພິເສດໃນການເຊື່ອມຕໍ່ເຂດທ່ອງທ່ຽວແຫ່ງຊາດ ມົກເຈົາ (ເຊີນລາ, ຫວຽດນາມ) ກັບບັນດາເຂດທ່ອງທ່ຽວຫຼວງພະບາງ-ເມືອງຫຼວງຂອງລາວ, ຫຼືວ່າຖານທີ່ໝັ້ນ ຊຳເໜືອ, ຊຽງຂວາງ ແລະສະຖານທີ່ທ່ອງທ່ຽວທີ່ມີຊື່ສຽງຢູ່ພາກເໜືອລາວ. ການນຳແຂວງເຊີນລາ ຢັ້ງຢືນວ່າ ຈະຂຸດຄົ້ນຄວາມສາມາດບົ່ມຊ້ອນຂອງຄູ່ດ່ານສາກົນ ລ໊ອງເຊີບ-ປ່າຮ່າງ ຢ່າງສຸດຂີດ ເພື່ອຮັບໃຊ້ການກໍ່ສ້າງແຂວງເຊີນລາ ແລະແຂວງຫົວພັນ ໃຫ້ມີການພັດທະນາໄວ ແລະຍືນຍົງ. ພາບ: ຫງວຽນຮົ່ງຊ໊າງ