ຍົກສູງຄວາມຮັບຮູ້ ແລະສະຕິປົກປັກຮັກສາປ່າໄມ້ໃຫ້ແກ່ປະຊາຊົນຢູ່ເຂດຊາຍແດນ

ຍສໝ - ກອງບັນຊາການທະຫານຊາຍແດນແຂວງດ້ຽນບຽນ ສົມທົບກັບພະແນກກະສິກໍາ ແລະພັດທະນາຊົນນະບົດ, ຄະນະກໍາມະການປະຊາຊົນເມືອງດ້ຽນບຽນ ຈັດຕັ້ງພິທີປຸກລະດົມຂະບວນການ “ທົ່ວປວງຊົນເຂົ້າຮ່ວມການປ້ອງກັນ, ຕ້ານໄຟໄໝ້ປ່າ” ບ້ານປ່າເທີມ, ຕາແສງປ່າເທີມ, ເມືອງດ້ຽນບຽນ, ແຂວງດ້ຽນບຽນ ແລະບ້ານນາຫຼວງ, ກຸ່ມບ້ານສົບຮຸນ, ເມືອງໃໝ່, ແຂວງ ຜົ້ງສາລີ.

ເນື້ອໃນປຸກລະດົມ ແລະໂຄສະນາເຜີຍແຜ່ ລວມມີ: ກົດໝາຍວ່າດ້ວຍປ່າໄມ້; ວຽກງານຄຸ້ມຄອງ ແລະປົກປັກຮັກສາປ່າໄມ້, ການຄຸ້ມຄອງປ່າໄມ້, ປ້ອງກັນ ແລະຕ້ານໄຟໄໝ້ປ່າໄມ້; ບັນດາການກະທໍາຖືກເກືອດຫ້າມ; ຄວາມຮັບຜິດຊອບໃນການປົກປັກຮັກສາປ່າໄມ້ຂອງອໍານາດການປົກຄອງ ແລະປະຊາຊົນ... ຄຽງຂ້າງການໂຄສະນາເຜີຍແຜ່, ທະຫານຊາຍແດນແຂວງດ້ຽນບຽນ ກໍ່ໄດ້ສົມທົບກັບພະແນກກວດກາປ່າໄມ້ແຂວງດ້ຽນບຽນ ແຈກຢາຍໃບປິວ ແລະຈັດຕັ້ງໃຫ້ປະຊາຊົນລົງນາມໃນສັນຍາຄຸ້ມຄອງ ແລະປົກປັກຮັກສາປ່າໄມ້. ທີ່ພິທີປຸກລະດົມ, ກອງບັນຊາການທະຫານຊາຍແດນແຂວງດ້ຽນບຽນ ກໍ່ໄດ້ມອບຂອງຂວັນກວ່າ 50 ພູດ (ແຕ່ລະພູດມີມູນຄ່າ 500.000 ດົ່ງ) ໃຫ້ປະຊາຊົນບ້ານປ່າເທີມ ແລະບ້ານນາຫຼວງ. ພາບ: ຮ່າແຄ໊ງ