ຍີ່ປຸ່ນ ໄດ້ມອບຫຼຽນໄຊອາທິດອຸໄທ ໃຫ້ທ່ານ ຮວ່າງບິ່ງກວນ

	ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ
	ສື່​ມວນ​ຊົນ​ຍີ່ປຸ່ນ​ໄດ້​ຕີ​ລາຄາ​ສູງ​ການ​ຢ້ຽມຢາມ​ຍີ່ປຸ່ນ​ຂອງ​ທ່ານ​ປະທານ​ປະ​ເທດ ຫວໍວັນເຖືອງ

ທ່ານ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ​ແຫ່ງ ​ຍີ່ປຸ່ນ ປະຈຳ ຫວຽດນາມ Ito Naoki ຕາງໜ້າ​ລັດຖະບານ ຍີ່ປຸ່ນ ​ໄດ້​ມອບ​ຫຼຽນ​ໄຊ ອາທິດອຸໄທ, ດາວ​ຄຳ ​ແລະ ດາວເງິນ ​ໃຫ້​ທ່ານ ຮວ່າງ​ບິ່ງ​ກວນ (ພາບ: ໜັງສືພິມ​ປະຊາຊົນ).

ໃນ​ວັນ​ທີ 15 ທັນວາ, ຢູ່​ສຳນັກງານ​ສະຖານທູດ​ ຍີ່ປຸ່ນ ປະຈຳ ​ຫວຽດນາມ, ທ່ານ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມແຫ່ງ ຍີ່ປຸ່ນ ປະຈຳ ຫວຽດນາມ Ito Naoki ​ໄດ້​ຕາງໜ້າ​ໃຫ້​ລັດຖະບານ ຍີ່ປຸ່ນ ​ມອບ​ຫຼຽນ​ໄຊ ອາທິດອຸໄທ, ດາວ​ຄຳ ​ແລະ ດາວເງິນ ​ໃຫ້​ທ່ານ ຮວ່າງບິ່ງກວນ ອະດີດກຳມະການ​ສູນ​ກາງ​ພັກ, ອະດີດ​ຫົວໜ້າ​ຄະນະ​ພົວພັນການ​ຕ່າງປະ​ເທດ​ສູນ​ກາງພັກກອມມູນິດ ຫວຽດນາມ.

ກ່າວ​ຄຳ​ປາໄສ​ທີ່​ເຫດການ, ທ່ານ​ເອກ​ອັກຄະ​ລັດຖະທູດ ຍີ່ປຸ່ນ Ito Naoki ​ໄດ້​ຮັບ​ຮູ້ ​ແລະ ຕີ​ລາຄາ​ສູງ​ບັນດາ​ການ​ປະກອບສ່ວນ​ຂອງ​ສະຫາຍ ຮວ່າງ​ບິ່ງ​ກວນ ​ໃນ​ບັນດາ​ຖານະຕຳແໜ່ງ​ວຽກງານ, ພິ​ເສດ​ແມ່ນ​ຫົວໜ້າ​ຄະນະ​ພົວພັນ​ການຕ່າງປະ​ເທດ​ສູນ​ກາງ ​ແລະ ​ເລຂາເອກ​ສູນກາງຄະນະຊາວໜຸ່ມກອມມູນິດ ​ໂຮ່ຈີ​ມິນ ປະກອບສ່ວນ​ຊຸກຍູ້ການ​ພົວພັນ ​ຍີ່ປຸ່ນ - ຫວຽດນາມ ​ພັດທະນາ​ຢ່າງ​ເຂັ້ມແຂງ, ພິ​ເສດ​ແມ່ນ​ການ​ຊຸກຍູ້​ແລກປ່ຽນ​ຂັ້ນ​ສູງ, ສ້າງ​ພື້ນຖານ​ໃຫ້ 2 ປະ​ເທດ​ຍົກ​ລະດັບ​ການ​ພົວພັນ​ຂຶ້ນ​ສູ່​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ເພື່ອ​ສັນຕິພາບ ​ແລະ ວັດທະນາ​ຖາວອນ​ຢູ່ ອາຊີ ແລະ ໃນໂລກ.

ທ່ານ​ອະດີດ​ຫົວໜ້າ​ຄະນະ​ພົວພັນການ​ຕ່າງປະ​ເທດ​ສູນ​ກາງ ຮວ່າງ​ບິ່ງ​ກວນ ​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ລັດຖະບານ​ຍີ່ປຸ່ນ​ ທີ່​ໄດ້​ມອບ​ຫຼຽນ​ໄຊ ​ອາທິດອຸໄທ, ​ດາວ​ຄຳ ​ແລະ ດາວເງິນ, ເປັນລາງວັນ​ອັນ​ປະເສີດເລີດລ້ຳຂອງ​ຍີ່ປຸ່ນ. ໂດຍສະ​ແດງ​ຄວາມ​ປິ​ຕິ​ຊົມ​ຊື່ນ​ຕໍ່​ການ​ພັດທະນາ​ການ​ພົວພັນ ​ຫວຽດນາມ - ຍີ່ປຸ່ນ ​ໃນ​ທຸກ​ຂົງ​ເຂດ, ທ່ານ​ອະດີດ​ຫົວໜ້າ​ຄະນະ​ພົວພັນການ​ຕ່າງປະ​ເທດ​ສູນ​ກາງ ​ເຊື່ອ​ໝັ້ນ​ວ່າ ໃນລະດັບສູງໃໝ່, ການ​ພົວພັນ ຫວຽດນາມ - ຍີ່ປຸ່ນ ຈະສືບ​ຕໍ່​ພັດທະນາ​ຢ່າງ​ເຂັ້ມແຂງກວ່າອີກໃນ​ໄລຍະ​ຈະ​ມາ​ເຖິງ.

ທ່ານ ຮວ່າງ​ບິ່ງ​ກວນ ຢືນຢັນ​ຈະ​ສືບ​ຕໍ່​ມານະ​ພະຍາຍາມ​ປະກອບສ່ວນ​ເຂົ້າ​ໃນ​ການ​ພົວພັນ​ລະຫວ່າງ 2 ປະ​ເທດ​ໃນ​ຖານະ​ຕຳ​ແໜ່​ງຂອງຕົນ, ​ໃນ​ນັ້ນ​ ກໍ່ມີ​ການ​ຊຸກຍູ້​ການ​ແລກປ່ຽນ ​ແລະ ການ​ຮ່ວມ​ມື​ລະຫວ່າງ​ບັນດາ​ອົງການ​ດຳ​ເນີນ​ທຸລະ​ກິດ​ໜຸ່ມ​ຂອງ 2 ປະ​ເທດ, ປັບປຸງ​ພື້ນຖານ​​ສັງຄົມ​ຢ່າງໝັ້ນແກ່ນໃຫ້ແກ່ການ​ພົວພັນ​​ສອງ​ປະ​ເທດ​ພັດທະນາເປັນ​ຢ່າງ​ດີ, ​ຍືນ​ຍົງ ແລະ ​ຍາວ​ນານ.

ຜູ້ອາຍຸສູງປະມານ 21.000 ຄົນໄດ້ຍົກສູງຄຸນນະພາບຊີວິດຈາກໂຄງການໂດຍຍີ່ປຸ່ນ ອຸປະຖຳ ຍສໝ - ວັນທີ 28 ພະຈິກ, ຢູ່ນະຄອນ ດ່າໜັງ, ສະມາຄົມອາຍຸສູງຂອງ 6 ແຂວງ, ນະຄອນ ສົມທົບກັບອົງການ HelpAge International (HAI) ໄດ້ຈັດຕັ້ງກອງປະຊຸມສະຫຼຸບໂຄງການ “ຫຼຸດຜ່ອນລັກສະນະການຖືກຄວາມເສຍຫາຍໄດ້ງ່າຍກ່ຽວກັບລາຍຮັບ ແລະ ສຸຂະພາບຂອງຜູ້ອາຍຸສູງ ຢູ່ ຫວຽດນາມ”.

ສື່ມວນຊົນ ຍີ່ປຸ່ນ ໄດ້ໃຫ້ຂ່າວ ແລະ ບົດກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ ຍສໝ - ໃນລະຫວ່າງວັນທີ 19 – 20 ຕຸລາ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວ ແລະ ບົດກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ Suga Yoshihide.