 | ບົດທີ 5 - ຈົ່ງເອີ້ນຊື່ຂອງປະເທດໃຫ້ດັງກ້ອງກັງວານ |
| ບົດທີ 4 - ທ່ານ ດຣ.ຫວຸມິງເຄື່ຶອງ: ຕ້ອງການກະບອກສຽງປຸກລະດົມຜູ້ເກັ່ງກ້າສາມາດ |
ຫວ່າງມໍ່ໆນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ໄດ້ເປັນປະທານກອງປະຊຸມທົ່ວປະເທດກ່ຽວກັບການສຶກສາສິດທິມະນຸດ. ກອງປະຊຸມໂດຍສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງ, ສົມທົບກັບກະຊວງສຶກສາ ແລະ ບຳລຸງສ້າງ, ກະຊວງປ້ອງກັນປະເທດ, ກະຊວງຕຳຫຼວດ, ກະຊວງແຮງງານ - ທະຫານເສຍອົງຄະ ແລະ ສັງຄົມ ຈັດຕັ້ງໂດຍກົງຢູ່ ຮ່າໂນ້ຍ ຈຸດເຊື່ອມຕໍ່ອອນລາຍເຖິງຈຸດເຊື່ອມຕໍ່ 63 ແຂວງ ແລະ ນະຄອນຂຶ້ນກັບສູນກາງ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ກ່າວຄຳປາໄສສະຫຼຸບກອງປະຊຸມ. |
ທ່ານ ສາດສະດາຈານ, ປະລິນຍາເອກ ຫງວຽນຊວນຖັງ, ກຳມະການກົມການເມືອງ, ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງ ເປັນປະທານຮ່ວມກອງປະຊຸມ. ເຂົ້າຮ່ວມກອງປະຊຸມມີຜູ້ຕາງໜ້າການນຳບັນດາຄະນະ, ກະຊວງ, ຂະແໜງການ ແລະ ອົງການສູນກາງ; ການນໍາຂອງບັນດາອົງການຈັດຕັ້ງການເມືອງ, ສັງຄົມ; ການນຳ 63 ແຂວງ, ນະຄອນ; ບັນດາສະຖາບັນການສຶກສາ ແລະ ບຳລຸງສ້າງ.
ປະກອບສ່ວນຍົກສູງຄວາມຮັບຮູ້ ແລະ ເສີມຂະຫຍາຍສິດທິມະນຸດ
ທີ່ພິທີເປີດກອງປະຊຸມ, ທ່ານສາດສະດາຈານ, ປະລິນຍາເອກ ຫງວຽນຊວນຖັງ ເນັ້ນໜັກວ່າ: “ໜຶ່ງໃນບັນດາຈຸດສຸມຂອງຍຸກໃໝ່, ດັ່ງທີ່ທ່ານເລຂາທິການໃຫຍ່ ໂຕເລິມ ໄດ້ປຶກສາຫາລືແມ່ນມຸ່ງໄປເຖິງຈຸດໝາຍ “ປະຊາຊົນທຸກຄົນມີຊີວິດທີ່ອີ່ມໜຳສຳລານ, ມີຄວາມຜາສຸກ, ໄດ້ຮັບການໜູນຊ່ວຍການພັດທະນາ, ສ້າງຄວາມຮັ່ງມີ; ປະກອບສ່ວນໃຫ້ແກ່ສັນຕິພາບ, ສະຖຽນລະພາບ, ການພັດທະນາຂອງພາກພື້ນ ແລະ ໃນໂລກ, ເພື່ອໃຫ້ຄວາມຜາສຸກຂອງມວນມະນຸດ ແລະ ຄວາມສີວິໄລທົ່ວໂລກໃຫ້ນັບມື້ນັບຫຼາຍຂຶ້ນ”.
ທີ່ກອງປະຊຸມ, ບັນດາຜູ້ແທນໄດ້ຮັບຟັງບົດລາຍງານສະຫຼຸບ ແລະ ປຶກສາຫາລື ເພື່ອຕີລາຄາບັນດາໝາກຜົນ ແລະ ຂໍ້ຈຳກັດໃນການປະຕິບັດມະຕິເລກທີ 1309/QD-TTg ລົງວັນທີ 5 ກັນຍາ ປີ 2017 ຂອງນາຍົກລັດຖະມົນຕີ ໄດ້ອະນຸມັດຜ່ານ “ໂຄງການນຳເອົາເນື້ອໃນກ່ຽວກັບສິດທິມະນຸດເຂົ້າໃນຫຼັກສູດການສຶກສາໃນລະບົບການສຶກສາແຫ່ງຊາດ” ແລະ ຄຳສັ່ງເລກທີ 34/CT-TTg ລົງວັນທີ 21 ທັນວາ ປີ 2021 ຂອງນາຍົກລັດຖະມົນຕີ ວ່າດ້ວຍການເພີ່ມທະວີການຈັດຕັ້ງປະຕິບັດໂຄງການ; ພ້ອມກັນນັ້ນ, ກໍ່ສະເໜີບັນດາໜ້າທີ່ ແລະ ວິທີແກ້ໄຂກ່ຽວກັບການສຶກສາສິດທິມະນຸດໃນສະພາບການໃໝ່.
 |
| ທ່ານສາດສະດາຈານ, ປະລິນຍາເອກ ຫງວຽນຊວນຖັງ ກຳມະການກົມການເມືອງ, ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງ ກ່າວຄຳປາໄສເປີດກອງປະຊຸມ. |
ກ່າວຄຳປາໄສສະຫຼຸບກອງປະຊຸມ ໄດ້ຮອງຮັບບັນດາຄຳເຫັນທີ່ຈິງໃຈ ແລະ ມີຄວາມຮັບຜິດຊອບຂອງບັນດາຜູ້ແທນ, ທ່ານນາຍົກລັດຖະມົນຕີ ຟ້າມມິງຈິ໋ງ ຖືວ່າ: ກອງປະຊຸມມີຄວາມໝາຍສຳຄັນ, ໄດ້ສົ່ງສານກ່ຽວກັບການປົກປ້ອງສິດທິມະນຸດ ແລະ ການສຶກສາກ່ຽວກັບສິດທິມະນຸດຂອງ ຫວຽດນາມ ໄປຍັງໂລກ, ຢືນຢັນບັນດາທິດທາງ, ນະໂຍບາຍ, ການຈັດຕັ້ງປະຕິບັດ ແລະ ມຸ່ງໄປເຖິງປະຊາຊົນກ່ຽວກັບສິດທິມະນຸດຂອງ ຫວຽດນາມ.
ໂດຍຊີ້ແຈງຫຼາຍບັນຫາກ່ຽວກັບສິດທິມະນຸດ ແລະ ການສຶກສາສິດທິມະນຸດໃນຂອບເຂດສາກົນ ແລະ ຢູ່ ຫວຽດນາມ, ທ່ານນາຍົກລັດຖະມົນຕີ ຟ້າມມິງຈິ໋ງ ໃຫ້ຮູ້ວ່າ: ບັນຫາສິດທິມະນຸດ ແລະ ການສຶກສາສິດທິມະນຸດແມ່ນໜຶ່ງໃນບັນດາເນື້ອໃນຫຼັກແຫຼ່ງຂອງແນວຄິດປະທານ ໂຮ່ຈີມິນ, ແມ່ນທັດສະນະຊອດທະລຸໃນທຸກແນວທາງ ແລະ ແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ ຫວຽດນາມ. ໃນບັນດາໂຄງການດຳເນີນງານ, ມະຕິ, ຄຳສັ່ງຂອງພັກ, ລັດຖະທຳມະນູນ, ກົດໝາຍຂອງລັດ ລ້ວນແຕ່ຖືເປັນສຳຄັນການຮັບປະກັນສິດທິມະນຸດ.
ໂດຍການປະຕິບັດນະໂຍບາຍດັ່ງກ່າວ, ລັດຖະບານ ແລະ ນາຍົກລັດຖະມົນຕີ ໄດ້ປະກາດໃຊ້ ແລະ ຊີ້ນຳການຈັດຕັ້ງປະຕິບັດຫຼາຍໂຄງການ, ແຜນການ, ມະຕິ, ບົດສະຫຼຸບກ່ຽວກັບສິດທິມະນຸດ, ໃນນັ້ນມີ “ໂຄງການນຳເອົາເນື້ອໃນກ່ຽວກັບສິດທິມະນຸດເຂົ້າໃນຫຼັກສູດການສຶກສາໃນລະບົບການສຶກສາແຫ່ງຊາດ”.
ຕາມບົດລາຍງານການພັດທະນາມະນຸດຂອງ UNDP, ດັດຊະນີການພັດທະນາມະນຸດ (HDI) ຂອງຫວຽດນາມ ໃນປີ 2024 ໄດ້ຫຍັບຂຶ້ນ 8 ລະດັບ ເມື່ອທຽບໃສ່ໄລຍະດຽວກັນທີ່ຜ່ານມາ, ຈາກອັນດັບ 115 ຂຶ້ນເປັນ 107/193 ປະເທດ; ຕາມການຈັດອັນດັບຂອງສະຫະປະຊາຊາດ, ດັດຊະນີຄວາມສຸກ ປີ 2024 ຂອງ ຫວຽດນາມ ຫຍັບຂຶ້ນ 11 ລະດັບ, ຢືນອັນດັບ 54/143; ດັດຊະນີການພັດທະນາແບບຍືນຍົງ (SDGs) ຂອງ ຫວຽດນາມ ໃນ ປີ 2024 ຫຍັບຂຶ້ນ 1 ລະດັບ ເມື່ອທຽບໃສ່ປີ 2023, ຢູ່ອັນດັບທີ 54/166; ປະຈຸບັນ ຫວຽດນາມ ແມ່ນສະມາຊິກ ແລະ ຕັ້ງໜ້າເຂົ້າຮ່ວມບັນດາການເຄື່ອນໄຫວຂອງສະພາສິດທິມະນຸດ ສປຊ ອາຍຸການ 2023-2025.
ການສຶກສາດ້ານສິດທິມະນຸດຕ້ອງແທດຈິງ, ມີປະສິດຕິຜົນ, ບໍ່ເປັນພຽງຮູບການ
ໂດຍຍ້ອງຍໍບັນດາກະຊວງ, ຂະແໜງການ, ອົງການ, ທ້ອງຖິ່ນທີ່ໄດ້ມານະພະຍາຍາມປະຕິບັດຢ່າງຄົບຊຸດ, ຮອບດ້ານ, ໂດຍພື້ນຖານ ຮັບປະກັນຄວາມຄືບໜ້າ, ຄຸນນະພາບ, ປະສິດທິຜົນຂອງໂຄງການສຶກສາສິດທິມະນຸດ, ທ່ານນາຍົກລັດຖະມົນຕີ ຢັ້ງຢືນວ່າ: ວຽກງານປົກປ້ອງສິດທິມະນຸດ ແລະ ການສຶກສາສິດທິມະນຸດແມ່ນໜ້າທີ່ຂອງທົ່ວປວງຊົນ, ຮອບດ້ານ ແລະ ກວມເອົາທັງລະບອບການເມືອງ, ພາຍໃຕ້ການນຳພາຂອງພັກ, ການຄຸ້ມຄອງລັດ ແລະ ໂດຍປະຊາຊົນເປັນເຈົ້າ; ແມ່ນໂຄງການຢ່າງເປັນທາງການ, ຈັດໄວ້ໃນລະບົບພື້ນຖານການສຶກສາ ຫວຽດນາມ ສັງລວມ, ຖື “ນັກຮຽນເປັນໃຈກາງ, ຄູອາຈານເປັນແຮງຈູງໃຈ, ໂຮງຮຽນເປັນພື້ນຖານ”, ໃນສັງຄົມແຫ່ງການຮ່ຳຮຽນຮູ້, ປະຕິບັດການຮ່ຳຮຽນຕະຫຼອດຊີວິດ.
 |
| ບັນດາຜູ້ແທນເຂົ້າຮ່ວມກອງປະຊຸມ. |
ໂດຍເນັ້ນໜັກວ່າ ການສຶກສາສິດທິມະນຸດແມ່ນມີຄວາມໝາຍສຳຄັນ ແລະ ແມ່ນເນື້ອໃນພິເສດ, ມີຄວາມໝາຍຍຸດທະສາດສຳລັບການພັດທະນາຮອບດ້ານຂອງປະຊາຊົນສັງຄົມນິຍົມ ຫວຽດນາມ, ກໍ່ສ້າງລັດແຫ່ງອຳນາດກົດໝາຍສັງຄົມນິຍົມ, ໃນໄລຍະຈະມາເຖິງ, ທ່ານນາຍົກລັດຖະມົນຕີ ຮຽກຮ້ອງບັນດາກະຊວງ, ຂະແໜງການ, ອົງການ ແລະ ທ້ອງຖິ່ນ ສືບຕໍ່ຈັດຕັ້ງປະຕິບັດແນວທາງນະໂຍບາຍຂອງພັກ, ກົນໄກ, ນະໂຍບາຍ ແລະ ກົດໝາຍຂອງລັດ ກ່ຽວກັບການຮັບປະກັນສິດທິມະນຸດຢ່າງມີປະສິດທິຜົນ; ຫັນເປັນກົດບັນຢັດຢ່າງຄົບຊຸດ ແລະ ປະຕິບັດບັນດາເນື້ອໃນກ່ຽວກັບສິດທິມະນຸດທີ່ໄດ້ກຳນົດໄວ້ໂດຍລັດຖະທຳມະນູນ ປີ 2013 ຢ່າງມີປະສິດທິຜົນ.
ທ່ານນາຍົກລັດຖະມົນຕີ ເຊື່ອໝັ້ນວ່າ ດ້ວຍຄວາມສາມັກຄີ, ເປັນເອກະພາບ, ຄວາມມານະພະຍາຍາມຮ່ວມ ແລະ ຄວາມພ້ອມຈິດພ້ອມໃຈຂອງທົ່ວລະບົບການເມືອງ ແລະ ທົ່ວປວງຊົນ, ວຽກງານປົກປ້ອງສິດທິມະນຸດ ແລະ ການສຶກສາສິດທິມະນຸດຈະນັບມື້ນັບບັນລຸໄດ້ບັນດາໝາກຜົນທີ່ດີ, ປະກອບສ່ວນສຳຄັນເຂົ້າໃນການປະຕິບັດຄວາມມຸ່ງມາດປາດຖະໜາສ້າງສາປະເທດ ຫວຽດນາມ ສັງຄົມນິຍົມ, ປະຊາຊົນຮັ່ງມີ, ປະເທດເຂັ້ມແຂງ,ມີປະຊາທິປະໄຕ, ຍຸຕິທຳ, ສີວິໄລ, ກ້າວເຂົ້າສູ່ຍຸກໃໝ່, ຍຸກຮັ່ງມີເຂັ້ມແຂງ ແລະ ວັດທະນາຖາວອນຂອງປະເທດຊາດ.
 | ບົດທີ 3 - ເສດຖະກິດການຕະຫຼາດແມ່ນປັດໄຈຕັດສິນຊີ້ຂາດ ຍສໝ - ເສດຖະກິດການຕະຫຼາດບໍ່ພຽງແຕ່ແມ່ນວິທີການຈັດຕັງພື້ນຖານເສດຖະກິດທີ່ມີປະສິດທິຜົນທີ່ສຸດໃນປັດຈຸບັນຫາກຍັງແມ່ນກຳລັງໜູນ, ປັດໄຈຕັດສິນກ່ຽວກັບຮູບແບບ, ໂຄງປະກອບພັດທະນາວັດທະນະທຳ, ສັງຄົມ, ການເມືອງ… ຂອງມວນມະນຸດ. ເມື່ອຮັບຮູ້ຢ່າງຖືກຕ້ອງ ແລະ ດັດສົມຢ່າງເໝາະສົມ, ການເຄື່ອນໄຫວຂອງມັນຈະສ້າງເປັນລັກສະນະສາມັກຄີ, ການຮ່ວມມື, ກະຕຸ້ນຫົວຄິດປະດິດສ້າງ, ຄວາມເສລີດ້ານແນວຄິດ, ຄວາມຮັບຜິດຊອບຂອງປະຊາຄົມ, ການແບ່ງຜົນປະໂຫຍດຢ່າງປອດໄສ, ເໝາະສົມ… ຖ້າຫາກສ້າງພື້ນຖານວັດທະນະທຳທີ່ກ້າວໜ້າ, ເຕັມໄປດ້ວຍສີສັນໄດ້ນັ້ນ ຄວາມວັດທະນາຖາວອນ, ຄວາມຈະເລີນຮຸ່ງເຮື່ອງ, ຄວາມຜາສຸກກໍ່ຈະຕາມມາ. |
 | ບົດທີ 2 - ທ່ານ ປອ. ເລດຶກທີ້ງ: "ລັດຮ່ວມເດີນທາງກັບປະຊາຊົນ" ຍສໝ - ຂ້າພະເຈົ້າເຫັນວ່າບໍ່ວ່າບັນດາວຽກງານນ້ອຍ ຫຼື ໃຫຍ່ທີ່ຈັດຕັ້ງປະຕິບັດພາຍໃຕ້ຮູບແບບ “ລັດ ແລະປະຊາຊົນຮ່ວມກັນປະຕິບັດ” ລ້ວນແຕ່ປະສົບຜົນສໍາເລັດທີ່ສຸດທັງດ້ານຄຸນນະພາບ, ປະສິດທິຜົນ ແລະ ສ້າງເປັນຈິດຕະສາດ, ຄວາມຮູ້ສຶກທາງສັງຄົມທີ່ດີຂຶ້ນ. ຖ້າລັດຮ່ວມກັບປະຊາຊົນໃນການສ້າງສາ ແລະປະຕິບັດເປົ້າໝາຍຢ່າງສະເໝີພາບ, ໂປ່ງໃສ ກ່ຽວກັບສິດຜົນປະໂຫຍດ ແລະ ຄວາມຮັບຜິດຊອບ, ຮູ້ຮັບຟັງ ແລະ ການສ້າງເພື່ອໃຫ້ປະຊາຊົນເປັນເຈົ້າ ແມ່ນ "ເຖິງຈະຫຍຸ້ງຍາກປານໃດກໍ່ຕາມ ແຕ່ຖ້າພໍ່ແມ່ປະຊາຊົນເຮັດ ກໍ່ຈະສໍາເລັດຜົນ". ... |
ມິງດຶກ
