ສາມັກຄີສ້າງເສັ້ນຊາຍແດນຫວຽດນາມ-ລາວ ຢ່າງມີສັນຕິພາບ, ມິດຕະພາບ, ການຮ່ວມມື ແລະພ້ອມກັນພັດທະນາ

	ຫວຽດນາມ-ລາວ ສ້າງເສັ້ນຊາຍແດນ ແຫ່ງສັນຕິພາບ, ມິດຕະພາບ, ຮ່ວມມື ແລະພ້ອມກັນພັດທະນາ
	ແຂວງ ກວາງນາມ-ແຂວງ ເຊກອງ (ລາວ) ຮ່ວມກັນໃນການກໍ່ສ້າງເສັ້ນຊາຍແດນ “ສັນຕິພາບ, ມິດຕະພາບ, ການຮ່ວມມື, ພັດທະນາ”

ໃນຕະຫຼອດຊຸມປີຜ່ານມາ, ສອງປະເທດຫວຽດນາມ ແລະລາວ ຍາມໃດກໍ່ຄຽງບ່າຄຽງໄຫຼ່ຕໍ່ສູ້ຕ້ານສັດຕູຜູ້ຮຸກຮານ. ຢູ່ເຂດຊາຍແດນມີຫຼາຍຂີດໝາຍທີ່ເຕັມໄປດ້ວຍຄວາມຮັກແພງອັນອົບອຸ່ນ ແລະໄຊຊະນະອັນສະຫງ່າລາສີຂອງປະຊາຊົນ ແລະທະຫານສອງປະເທດ.

ພິເສດແມ່ນປີ 1959, ເມື່ອກໍາເນີດເກີດຂຶ້ນກໍາລັງຕໍາຫຼວດປະຊາຊົນປະກອບອາວຸດ - ປະຈຸບັນແມ່ນທະຫານຊາຍແດນ, ບັນດາລຸ້ນພະນັກງານ, ນັກຮົບຊາຍແດນໄດ້ຕິດພັນກັບຊາຕາກຳຂອງປະເທດຊາດຢູ່ເຂດຊາຍແດນຢ່າງສຸດຈິດສຸດໃຈ ເພື່ອເພີ່ມພູນຄູນສ້າງນໍ້າໃຈມິດຕະພາບລະຫວ່າງສອງປະເທດ, ສະແດງໃຫ້ເຫັນຄວາມມີຊີວິດຊີວາດ້ວຍໄຊຊະນະຢູ່ເຂດຊາຍແດນທີ່ມີການສະໜັບສະໜູນ, ການຊ່ວຍເຫຼືອຂອງກໍາລັງປະກອບອາວຸດ ແລະປະຊາຊົນລາວ ບັນດາເຜົ່າອ້າຍນ້ອງ.

ໂດຍໄດ້ຮັບການມອບສິດຈາກກະຊວງປ້ອງກັນປະເທດ, ກອງບັນຊາການທະຫານຊາຍແດນແຂວງເຊີນລາ ສົມທົບກັບກອງບັນຊາການທະຫານແຂວງຫົວພັນ ມອບງົວແມ່ພັນໃຫ້ປະຊາຊົນຢູ່ເຂດຊາຍແດນສອງປະເທດໃນລາຍການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2. ພາບ: ວີ່ຮ້ຽນ

ແຕ່ປີ 1959 ຫາ 1962, ສະພາບການຢູ່ເຂດຊາຍແດນ ຫວຽດນາມ-ລາວ ມີຄວາມເຄັ່ງຕຶງທີ່ສຸດດ້ວຍການປະກົດຕົວຂອງພວກສອດແນມ, ກອມມັງໂດທີ່ອາເມລິກາ-ຫຸ່ນຝຶກຢູ່ລາວ ແລ້ວກໍ່ມາບຸກໂຈມຕີທຳລາຍພວກເຮົາ. ໃນຂະນະດຽວກັນ, ສົງຄາມກາງເມືອງຢູ່ລາວ ກໍ່ເກີດຂຶ້ນຢ່າງດຸເດືອດ, ພະນັກງານ ແລະປະຊາຊົນລາວ ທີ່ຮັກຊາດຖືກພວກປະຕິການຝ່າຍຂວາເຂັນຂ້າ ແລະໄລ່ຈັບ. ບັນດາຄ້າຍທະຫານຊາຍແດນ ແລະອຳນາດການປົກຄອງບັນດາແຂວງຊາຍແດນ ດ້ຽນບຽນ, ເຊີນລາ, ເງະອານ, ແທງຮວາ ໄດ້ຮັບເອົາປະຊາຊົນລາວ ແລະແກ້ໄຂບ່ອນກິນ, ບ່ອນຢູ່ໃຫ້ເຂົາເຈົ້ານັບພັນຄົນ.

ແຕ່ປີ 1967 ຫາປີ 1975, ຕໍາຫຼວດປະຊາຊົນປະກອບອາວຸດ ໄດ້ຈັດຕັ້ງ 96 ໜ່ວຍສອດແນມ ລວມມີສະມາຊິກ 215 ຄົນ, 130 ໜ່ວຍປະຕິບັດງານຂັ້ນຮາກຖານມີພະນັກງານ, ນັກຮົບ 830 ເທື່ອຄົນທີ່ເຄື່ອນໄຫວຢູ່ປະເທດເພື່ອນເປັນປະຈຳ. ບັນດາໜ່ວຍປະຕິບັດງານຂອງຫວຽດນາມ ກໍ່ໄດ້ຊ່ວຍເຫຼືອລາວ ຝຶກອົບຮົບ, ບໍາລຸງສ້າງຕຳຫຼວດ 737 ຄົນ, ຝຶກແອບທະຫານລາດ 4.300 ຄົນກ່ຽວກັບການລາດຕະເວນປົກປັກຮັກສາຊາຍແດນ, ສ້າງ 194 ໜ່ວຍສາມັກຄີຜະລິດ ແລະສູ້ຮົບ.

ວັນທີ 27 ກຸມພາ 1973 ໄດ້ລົງນາມໃນສັນຍາສ້າງສັນຕິພາບຄືນໃໝ່, ປະຕິບັດຄວາມປອງດອງຊາດຢູ່ລາວ. ວັນທີ 30 ເມສາ 1975, ບັ້ນຮົບໂຮ່ຈີມິນ ໄດ້ຮັບໄຊຊະນະຢ່າງສົມບູນ, ປະເທດຫວຽດນາມ ໄດ້ຮັບໄຊຊະນະ. ຫວຽດນາມ ແລະລາວ ເຂົ້າຮ່ວມຂະບວນການສ້າງສາປະເທດຊາດ. ວັນທີ 18 ກໍລະກົດ 1977, ສັນຍາກຳນົດຊາຍແດນແຫ່ງຊາດລະຫວ່າງສອງປະເທດໄດ້ຮັບການລົງນາມ. ໜຶ່ງປີຕໍ່ມາ, ສອງປະເທດໄດ້ເລີ່ມຂີດເສັ້ນ, ປັກຫຼັກໝາຍຊາຍແດນຢູ່ພື້ນທີ່ຕົວຈິງ.

ພາຍຫຼັງ 6 ປີແຫ່ງການເຄື່ອນໄຫວຢູ່ເທິງຍອດພູທີ່ອັນຕະລາຍ, ສະພາບອາກາດທີ່ຮ້າຍແຮງ, ດ້ວຍຄວາມຕັດສິນໃຈ ແລະຈິດໃຈສະໜັບສະໜູນເຊິ່ງກັນ ແລະກັນ, ກຳລັງຂີດເສັ້ນ, ປັກຫຼັກໝາຍຊາຍແດນຂອງທັງສອງຝ່າຍໄດ້ເຮັດສຳເລັດໜ້າທີ່. ລະບົບຫຼັກໝາຍຊາຍແດນແຫ່ງຊາດຫວຽດນາມ - ລາວ ໄດ້ຮັບການກໍ່ສ້າງສຳເລັດ 202 ຫຼັກ/ 2.067 ກິໂລເມັດ.

ຮອດປີ 1979, ຕໍາຫຼວດປະຊາຊົນປະກອບອາວຸດໄດ້ປ່ຽນໂຄງປະກອບການຈັດຕັ້ງ ແລະໄດ້ປ່ຽນຊື່ເປັນກອງບັນຊາການທະຫານຊາຍແດນ. ພາຍໃຕ້ການຊີ້ນຳໂດຍກົງຂອງຄະນະພັກການທະຫານສູນກາງ ແລະກະຊວງປ້ອງກັນປະເທດ, ບັນດາການເຄື່ອນໄຫວພົວພັນຕ່າງປະເທດໄດ້ຮັບການຜັນຂະຫຍາຍໂດຍທະຫານຊາຍແດນຫວຽດນາມ ດ້ວຍຄວາມເຫັນດີເຫັນພ້ອມຂອງກຳລັງຄຸ້ມຄອງ, ປົກປັກຮັກສາຊາຍແດນຂອງປະເທດເພື່ອນ, ການສະໜັບສະໜູນຂອງອໍານາດການປົກຄອງ 10 ແຂວງຢູ່ເຂດຊາຍແດນຫວຽດນາມ-ລາວ. ໃນວຽກງານຂົນຂວາຍປະຊາຊົນ, ທະຫານຊາຍແດນຫວຽດນາມ ໄດ້ຊ່ວຍປະເທດເພື່ອນກໍ່ສ້າງ ແລະຍົກລະດັບພື້ນຖານໂຄງລ່າງ, ປຸກລະດົມປະຊາຊົນເຂົ້າຮ່ວມການຄຸ້ມຄອງເສັ້ນຊາຍແດນ, ຫຼັກໝາຍຊາຍແດນ, ສ້າງຫໍມິດຕະພາບ, ຫໍວັດທະນະທຳຊຸມຊົນ, ໂຮງຮຽນ, ສຸກສາລາ...

ທ່ານພັນເອກພິເສດ ບ່ານວັນແຈງ, ຮອງຫົວໜ້າການທະຫານກອງບັນຊາການທະຫານຊາຍແດນແຂວງເຊີນລາ ໃຫ້ຮູ້ວ່າ ບັນດາກຳລັງປະກອບອາວຸດຂອງສອງຝ່າຍໄດ້ສົມທົບກັນແກ້ໄຂທຸກຄວາມຫຍຸ້ງຍາກ, ຂາດເຂີນ, ຄວາມແຕກຕ່າງທາງດ້ານພາສາເພື່ອສົມທົບກັນຢ່າງແໜ້ນແຟ້ນ, ມີປະສິດທິຜົນໃນວຽກງານຄຸ້ມຄອງ, ປົກປັກຮັກສາຊາຍແດນ ແລະປ້ອງກັນ, ຕ້ານອາດຊະຍາກໍາ. ທ່ານ ພັນເອກ ວົງທອງ ຂັນທະວົງສາ, ຮອງຫົວໜ້າການທະຫານກອງບັນຊາການທະຫານແຂວງຫົວພັນ (ລາວ) ໄດ້ແບ່ງປັນວ່າ: “ພວກຂ້າພະເຈົ້າໄດ້ສົມທົບກັນຝຶກແອບ, ຖອດຖອນບົດຮຽນຫຼາຍຢ່າງໃນການຕໍ່ສູ້, ສະກັດກັ້ນອາດຊະຍາກຳຂ້າມຊາດປະເພດຕ່າງໆ. ຄວາມສາມັກຄີ ແລະມິດຕະພາບລະຫວ່າງບັນດາກຳລັງປົກປັກຮັກສາເສັ້ນຊາຍແດນຂອງສອງປະເທດນັບມື້ນັບສະໜິດສະໜົມຂຶ້ນກວ່າອີກ”.

ຜ່ານການເວລາ, ໂດຍໄດ້ຮັບການທົດສອບຜ່ານຄວາມຫຍຸ້ງຍາກລຳບາກ, ນໍ້າໃຈມິດຕະພາບຫວຽດນາມ-ລາວ ນັບມື້ນັບເລິກເຊິ່ງຂຶ້ນ, ມີຄວາມສະໜິດສະໜົມກວ່າອີກ. ເສັ້ນຊາຍແດນເປັນສິ່ງທີ່ຈັບຕ້ອງໄດ້, ແຕ່ສອງປະເທດ, ສອງຊາດໄດ້, ກໍາລັງສືບຕໍ່ແບ່ງປັນເພື່ອໃຫ້ຄວາມຮັກແພງລະຫວ່າງສອງປະເທດບໍ່ແຕກຫັກກັນແຕ່ສືບຕໍ່ຜູກພັນ, ຮັກສາຄວາມສາມັກຄີ ແລະສາມັກຄີກັນເພື່ອສ້າງໃຫ້ສອງປະເທດນັບມື້ນັບຈະເລີນຮຸ່ງເຮືອງ, ເພື່ອໃຫ້ການຮ່ວມມືດ້ານການທະຫານເວົ້າລວມ ແລະການຮ່ວມມືຊາຍແດນເວົ້າສະເພາະຍາມໃດກໍ່ເປັນເສົາຄ້ຳທີ່ສຳຄັນໃນສາຍພົວພັນສາມັກຄີແບບພິເສດລະຫວ່າງຫວຽດນາມ-ລາວ.

ເພີ່ມທະວີນໍ້າໃຈສາມັກຄີ, ການຮ່ວມມື ແລະມິດຕະພາບລະຫວ່າງສະຫະພັນແມ່ຍິງກອນຕູມ ແລະສະຫະພັນແມ່ຍິງອັດຕະປື, ເຊກອງ (ລາວ) ຍສໝ - ສະຫະພັນແມ່ຍິງແຂວງກອນຕູມ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກກັບສະຫະພັນແມ່ຍິງແຂວງອັດຕະປື ແລະ ແຂວງເຊກອງ (ສາທາລະນະລັດ ປະຊາທິປະໄຕ ປະຊາຊົນລາວ).

ຮວ່າບິ່ງ-ຫົວພັນ ຍົກລະດັບການພົວພັນມິດຕະພາບ, ການຮ່ວມມື ຍສໝ - ແບ່ງປັນຄວາມຫຍຸ້ງຍາກ, ຂອງການນຳແຂວງຫົວພັນ, ພ້ອມທັງວາງອອກບັນດາເປົ້າໝາຍ, ທິດທາງເປີດກວ້າງການພົວພັນຮ່ວມມືມິດຕະພາບລະຫວ່າງ 2 ແຂວງ, ທ່ານ ຫງວຽນຟີລອງ, ກໍາມະການສໍາຮອງຄະນະບໍລິຫານງານສູນກາງ, ເລຂາພັກແຂວງ ເນັ້ນໜັກວ່າ: ດ້ວຍນ້ຳໃຈອ້າຍນ້ອງ ແລະເພື່ອນມິດສະຫາຍ “ຄອບຄົວດຽວກັນ” ທີ່ສະໜິດສະໜົມ, ຮວ່າບິ່ງ ແລະຫົວພັນ ສືບຕໍ່ສະໜັບສະໜູນ, ປຸກລະດົມ ແລະໜູນຊ່ວຍກັນກໍ່ສ້າງ 2 ປະເທດ ແລະ ...