ງານຕະຫຼາດນັດສິນຄ້າ: ຂົວເຊື່ອມຕໍ່ການຄ້າລະຫວ່າງຫວຽດນາມ ແລະ ລາວ

ຍສໝ - ການຈັດງານຕະຫຼາດນັດການຄ້າລະຫວ່າງຫວຽດນາມ - ລາວ ເປັນປະຈຳ ບໍ່ພຽງແຕ່ມີບົດບາດເປັນຂົວຕໍ່ຢ່າງມີປະສິດທິຜົນໃຫ້ບັນດາວິສາຫະກິດ, ນັກລົງທຶນໄດ້ພົບປະ, ແລກປ່ຽນປະສົບການ, ຖ່າຍທອດເຕັກໂນໂລຢີ, ການຮ່ວມມືດ້ານການລົງທຶນ, ຮ່ວມທຸລະກິດເທົ່ານັ້ນ, ຫາກຍັງແມ່ນເຫດການການເມືອງ, ເສດຖະກິດ - ສັງຄົມທີ່ມີຄວາມໝາຍ ເພື່ອປະກອບສ່ວນປັບປຸງສາຍພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງພັກ, ລັດຖະບານ ແລະ ປະຊາຊົນຫວຽດນາມ - ລາວ.

	ສຸມກຳລັງແຮງໃສ່ການພັດທະນາພື້ນຖານໂຄງລ່າງເພື່ອ “ປຸກລຸກ” ການຄ້າຊາຍແດນຫວຽດນາມ - ລາວ
	ທ່ານນາຍົກລັດຖະມົນຕີ ຫວຽດນາມ: ນຳແຂວງ ຢຸນໜານ ແລະ ແຂວງ ລາວກາຍ ກາຍເປັນສູນເຊື່ອມຕໍ່ການຄ້າລະຫວ່າງຈີນ ກັບ ອາຊຽນ

“ໄຊຊະນະໃຫຍ່” ເມື່ອເຂົ້າຮ່ວມງານຕະຫຼາດນັດ ຫວຽດນາມ - ລາວ

ໃນເດືອນພະຈິກ 2024, ໂຮງງານຜະລິດນ້ຳກ້ອນສະອາດ, ນ້ຳດື່ມບໍລິສຸດອັດສະລິຍະ HENGHENG ຂອງບໍລິສັດຫຸ້ນສ່ວນອຸດສາຫະກຳແຊ່ເຢັນ ນາມຟູໄທ ໄດ້ເປີດຂຶ້ນຢ່າງເປັນທາງການຢູ່ວັງວຽງ, ແຂວງວຽງຈັນ, ປະເທດລາວ. ນີ້ແມ່ນໂຄງການບຸກເບີກຂອງວິສາຫະກິດ ຫວຽດນາມ ຢູ່ ລາວ ດ້ວຍເຕັກໂນໂລຢີອັດຕະໂນມັດຢ່າງຄົບຖ້ວນ, ການຄວບຄຸມທາງໄກຜ່ານອິນເຕີເນັດ ແລະ ສະມາດໂຟນ. ໂດຍສົມທົບກັບເຕັກໂນໂລຢີທີ່ທັນສະໄໝ ແລະ ບັນດາວິທີແກ້ໄຂສີຂຽວ, ນຳມາເຊິ່ງຄຸນຄ່າອັນພົ້ນເດັ່ນໃຫ້ແກ່ເສດຖະກິດ ແລະ ສິ່ງແວດລ້ອມທ້ອງຖິ່ນ.

ທ່ານ ສີວຽງໄຊ ອໍລະບູນ, ຫົວໜ້າຫ້ອງວ່າການ ແຂວງວຽງຈັນ ແມ່ນຜູ້ທີ່ໄດ້ກົດປຸ່ມເປີດການເຄື່ອນໄຫວຂອງໂຮງງານ. ທຸກຄົນໄດ້ພ້ອມກັນສະແດງຄວາມຊົມເຊີຍຕໍ່ເຫດການທີ່ເປັນຂີດໝາຍສຳຄັນນີ້. ນອກຈາກການສ້າງວຽກເຮັດງານທຳໃນລາວ ແລະ ຮັດແໜ້ນຄວາມສາມັກຄີຂອງສອງປະເທດແລ້ວ, ບໍລິສັດຍັງມຸ່ງໝັ້ນທີ່ຈະນຳເອົາຜະລິດຕະພັນນ້ຳກ້ອນ ແລະ ນ້ຳບໍລິສຸດທີ່ໄດ້ມາດຕະຖານ, ຮັບໃຊ້ບໍ່ພຽງແຕ່ຕະຫຼາດລາວເທົ່ານັ້ນ ແຕ່ຍັງຂະຫຍາຍໄປສູ່ພາກພື້ນອາຊີຕາເວັນອອກສຽງໃຕ້ອີກດ້ວຍ. ນອກຈາກໂຮງງານນ້ຳກ້ອນແລ້ວ, ບໍລິສັດຍັງເປັນບໍລິສັດຮັບເໝົາທົ່ວໄປໃຫ້ແກ່ໂຮງງານຜະລິດອາຫານ, ໝາກໄມ້, ແລະອາຫານທະເລໃນລາວ.

ງານຕະຫຼາດນັດສິນຄ້າ: ຂົວເຊື່ອມຕໍ່ການຄ້າລະຫວ່າງຫວຽດນາມ ແລະ ລາວ

ງານຕະຫຼາດນັດການຄ້າຫວຽດນາມ - ລາວ ດ້ວຍຂະໜາດ 250 ຮ້ານຂອງທັງສອງປະເທດ.

ການກຳເນີດຂອງໂຮງງານ HENGHENG ແມ່ນໝາກຜົນພາຍຫຼັງບໍລິສັດຫຸ້ນສ່ວນອຸດສາຫະກຳແຊ່ເຢັນ ນາມຟູໄທ ໄດ້ເຂົ້າຮ່ວມງານຕະຫຼາດນັດການຄ້າຫວຽດນາມ - ລາວ ໂດຍກະຊວງອຸດສາຫະກຳ ແລະ ການຄ້າສອງປະເທດຫວຽດນາມ ແລະ ລາວ ສົມທົບກັນຈັດຕັ້ງ (ແຕ່ວັນທີ 25 ກໍລະກົດ 2024 – 29 ກໍລະກົດ 2024) ຢູ່ລາວ. ໂດຍໄດ້ຮູ້ວ່າ ຢູ່ງານຕະຫຼາດນັດຄັ້ງນີ້, ບໍລິສັດຫຸ້ນສ່ວນອຸດສາຫະກຳແຊ່ເຢັນ ນາມຟູໄທ ໄດ້ຮັບຜົນສຳເລັດໃນເບື້ອງຕົ້ນໃນການດຶງດູດລູກຄ້າທັງໃຫ້ຄຳປຶກສາກ່ຽວກັບຜະລິດຕະພັນ ແລະ ແກ້ໄຂວິສາຫະກິດພາຍໃນ ແລະ ຕ່າງປະເທດນັບຮ້ອຍແຫ່ງ. ນີ້ຖືວ່າເປັນເຫດການສໍາຄັນທີ່ຈະຊ່ວຍໃຫ້ບໍລິສັດສົ່ງເສີມຍີ່ຫໍ້ຂອງຕົນ; ນຳເອົາຜະລິດຕະພັນ ແລະ ວິທີແກ້ໄຂຂອງພວກເຮົາອອກສູ່ໂລກ, ຫຍັບ້ຂົ້າໃກ້ກັບລູກຄ້າໃນທ້ອງຕະຫຼາດລາວ ກວ່າອີກ.

ໃນຊຸມປີມໍ່ໆມານີ້, ງານຕະຫຼາດນັດການຄ້າຫວຽດນາມ - ລາວ ໄດ້ກາຍເປັນເຫດການປະຈຳປີ, ມີອິດທິພົນ, ເຊິ່ງເເມ່ນບ່ອນບັນດາວິສາຫະກິດຫວຽດນາມ ແລະ ລາວ ເຂົ້າຮ່ວມເພື່ອໂຄສະນາ, ແນະນຳບັນດາຜະລິດຕະພັນ, ທັງແມ່ນຈຸດໝາຍປາຍທາງໃຫ້ບັນດາການເລີ່ມດຳເນີນທຸລະກິດ ແລະ ການລົງທຶນລະຫວ່າງທ້ອງຕະຫຼາດຂອງສອງປະເທດ.

ນອກຈາກງານຕະຫຼາດນັດການຄ້າຫວຽດນາມ - ລາວ, ຢູ່ບັນດາແຂວງ, ນະຄອນຍັງໄດ້ຈັດຫຼາຍງານຕະຫຼາດນັດ ເພື່ອສົ່ງເສີມການຄ້າຂອງສອງປະເທດ. ໃນເດືອນຕຸລາ 2024, ຢູ່ແຂວງຊຽງຂວາງ, ທາງພາກເໜືອຂອງລາວ, ໄດ້ດຳເນີນງານຕະຫຼາດນັດສິນຄ້າທ່ອງທ່ຽວ ຫວຽດນາມ - ລາວ ປີ 2024. ງານຕະຫຼາດນັດ ໄດ້ວາງສະແດງ, ແນະນຳໂຄສະນາບັນດາຜະລິດຕະພັນວັດທະນະທຳ, ທ່ອງທ່ຽວ, ຜະລິດຕະພັນກະສິກຳຂອງຫວຽດນາມ ແລະ ລາວ. ງານຕະຫຼາດນັດມີຂອບຂະໜາດຫຼາຍກ່ວາ 20 ຮ້ານວາງສະແດງຜະລິດຕະພັນຂອງຫຼາຍແຂວງຂອງຫວຽດນາມ ແລະ ລາວ, ດ້ວຍເປົ້າໝາຍໂຄສະນາ, ແນະນຳບັນດາຜະລິດຕະພັນວັດທະນະທຳ, ການທ່ອງທ່ຽວ, ຜະລິດຕະພັນກະສິກຳຂອງ ຫວຽດນາມ ແລະ ລາວ ເພື່ອປະກອບສ່ວນຊຸກຍູ້ການຄ້າ, ພັດທະນາເສດຖະກິດ-ສັງຄົມຢູ່ຍັນດາແຂວງພາກເໜືອຂອງລາວ ແລະ ບັນດາທ້ອງຖິ່ນທີ່ມີຊາຍແດນລວມຂອງສອງປະເທດ, ໂດຍຜ່ານນັ້ນ ກໍ່ນຳໂອກາດເຂົ້າເຖິງບັນດາຜະລິດຕະພັນທີ່ເປັນເອກະລັກສະເພາະມາໃຫ້ປະຊາຊົນແຂວງຊຽງຂວາງ ແລະ ແຂກທ່ອງທ່ຽວ, ທັງເປັນການໂຄສະນາບັນດາທັດສະນີຍະພາບ, ຈຸດປາຍທາງທ່ອງທ່ຽວຂອງສອງປະເທດ.

ງານຕະຫຼາດນັດການຄາ້ທ່ອງທ່ຽວ ຫວຽດນາມ - ລາວ ປີ 2024 ແມ່ນໂອກາດເພື່ອໂຄສະນາບັນດາຮູບພາບແຫ່ງຊາດ ແລະ ວິສາຫະກິດ, ສ້າງເງື່ອນໄຂໃຫ້ບັນດາວິສາຫະກິດ ແລະ ບັນດາອົງການການຄ້າ, ນັກຜະລິດ, ນັກລົງທຶນຂອງສອງປະເທດໄດ້ພົບປະແລກປ່ຽນປະສົບການ, ຖ່າຍທອດເຕັກໂນໂລຢີ, ການລົງທຶນ, ການຮ່ວມມືທຸລະກິດ, ເຊື່ອມໂຍງຊຸກຍູ້ການນຳເຂົ້າ ແລະ ສົ່ງອອກ, ເປີດກ້ວາງເຄືອຂ່າຍການບໍລິໂພກສິນຄ້າ, ຜະລິດຕະພັນ.

ແຂກທ່ອງທ່ຽວມທີ່ມາຮ່ວມງານຕະຫຼາດນັດການຄ້າຫວຽດນາມ - ລາວ ປີ 2024 ຢູ່ແຂວງຊຽງຂວາງ.

ຂົວເຊື່ອມຕໍ່ຢ່າງມີປະສິດທິຜົນສຳລັບບັນດາວິສາຫະກິດ

ງານຕະຫຼາດນັດການຄ້າ ແລະ ການທ່ອງທ່ຽວ - ຂົວຂ້າມ ອາຊີ - ກວາງຈີ້ ໄດ້ເປີດໃນເວລາ 18:00 ໂມງຂອງວັນທີ 6 ມິຖຸນາ 2024 ຢູ່ສູນການບໍລິການ - ຫໍປະຊຸມແຂວງ ກວາງຈີ້ (ເລກທີ 252 ຮຸ່ງເວືອງ, ນະຄອນ ດົງຮ່າ, ແຂວງ ກວາງຈີ້, ຫວຽດນາມ). ງານຕະຫຼາດນັດແມ່ນຈັດຂຶ້ນທຸກໆ 3 ປີ. ງານຕະຫຼາດນັດປີນີ້ ດ້ວຍຂອບຂະໜາດມີຮ້ານວາງສະແດງ 300 ກວ່າຮ້ານຂອງວິສາຫະກິດ, ອົງການຈັດຕັ້ງພາຍໃນ ແລະ ຕ່າງປະເທດເກືອບ 200 ແຫ່ງ. ງານຕະຫຼາດນັດກໍ່ແມ່ນໂອກາດໃຫ້ບັນດາແຂວງ, ນະຄອນຂອງຫວຽດນາມ; ບັນດາແຂວງ, ນະຄອນບົນແລວເສດຖະກິດຕາເວັນຕົກຕາເວັນອອກ (EWEC), ອະນຸພາກພື້ນແມ່ນ້ຳຂອງເປີດກ້ວາງ (GMS) ແນະນຳບັນດາຜົນງານດ້ານການເມືອງ, ເສດຖະກິດ, ວັດທະນະທຳ - ສັງຄົມ; ບັນດາຄວາມສາມາດບົ່ມຊ້ອນ, ທ່າໄດ້ປຽບ, ນະໂຍບາຍບຸລິມະສິດເພື່ອດຶງດູດນັກລົງທຶນພາຍໃນ ແລະ ຕ່າງປະເທດ.

ຢູ່ທີ່ນີ້, ມີຮ້ານຄ້າຂອງວິສາຫະກິດລາວ ແລະ ໄທ 100 ກວ່າຮ້ານ ໂດຍສຸມໃສ່ບັນດາປະເພດສິນຄ້າ, ຜະລິດຕະພັນທີ່ຫຼາກຫຼາຍຄື: ເຄື່ອງເຟີນີເຈີໄມ້; ອາຫານພື້ນເມືອງ (ປີ້ງໄກ່ເຊໂນ, ໄກ່ປີ້ງນາພົງ, ໄສ້ກອກ, ເບຍລາວ, ເຫຼົ້າແວງໂສມ...); ຜະລິດຕະພັນກະສິກໍາ (ຊາ, ນໍ້າເຜິ້ງ, ກາເຟ, ໝາກອາງຸຸ່ນແຫ້ງ...); ຫັດຖະກຳສິລະປະ (ໂຖດອກໄມ້, ຖາດທອງເຫຼືອງ...); ເຄື່ອງປະດັບ... ໃນຕອນທ້າຍຂອງງານຕະຫຼາດນັດ, ຕາມສະຖິຕິຂອງຄະນະຈັດຕັ້ງ, ບັນດາການແລກປ່ຽນການຄ້າໄດ້ບັນລຸຕົວເລກຫຼາຍສິບຕື້ດົ່ງ.

ຕາມຜູ້ຕາງໜ້າກະຊວງອຸດສາຫະກຳການຄ້າແລ້ວ, ໃນຫຼາຍປີມານີ້, ຫວຽດນາມ ແລະ ລາວ ໄດ້ຈັດຕັ້ງງານຕະຫຼາດນັດເປັນປະຈຳປີຢູ່ຫຼາຍຂອບຂະໜາດທີ່ຕ່າງກັນ. ການເຄື່ອນໄຫວນີ້ໄດ້ສ້າງເງື່ອນໄຂແລກປ່ຽນການຄ້າ, ມີບົດບາດເປັນຂົວຕໍ່ຢ່າງມີປະສິດທິຜົນໃຫ້ບັນດາວິສາຫະກິດ, ນັກລົງທຶນຫວຽດນາມ - ລາວ ໄດ້ພົບປະ ແລະ ແລກປ່ຽນປະສົບການ, ຖ່າຍທອດເຕັກໂນໂລຢີ, ຮ່ວມມືລົງທຶນ, ຮ່ວມມືທຸລະກິດ. ງານຕະຫຼາດນັດຍັງແມ່ນເຫດການການເມືອງ, ເສດຖະກິດ - ສັງຄົມທີ່ມີຄວາມໝາຍ ເພື່ອປະກອບສ່ວນປັບປຸງສາຍພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງພັກ, ລັດຖະບານ ແລະ ປະຊາຊົນ ຫວຽດນາມ - ລາວ.

ທ່ານສະຖານກົງສຸນໃຫຍ່ຫວຽດນາມ ປະຈໍາຫຼວງພະບາງ ນາງ ກ່ຽວທິຮັ່ງຟຸກ ກ່າວວ່າ ຫວຽດນາມ ແລະ ລາວ ມີຈຸດໄດ້ປຽບທາງດ້ານພູມສາດທີ່ໃກ້ຊິດ, ສະດວກໃນການຄົມມະນາຄົມ, ມີຄວາມຄ້າຍຄືກັນທາງດ້ານວັດທະນະທໍາຫຼາຍດ້ານ. ພິເສດ, ມີເສັ້ນທາງຊາຍແດນລວມຍາວກວ່າ 2.300 ກິໂລແມັດ. ນອກນີ້, ໃນໄລຍະມໍ່ໆມານີ້, ຄຽງຄູ່ກັບທ່າອ່ຽງເຊື່ອມໂຍງພວມດຳເນີນຢ່າງເຂັ້ມແຂງ, ເລິກເຊິ່ງກ້ວາງຂວາງ ແລະ ເຊື່ອມຊຶມແນວທາງພົວພັນຕ່າງປະເທດຂອງສອງພັກ, ສອງລັດ, ບັນດາກະຊວງ, ຂະແໜງການ, ທ້ອງຖິ່ນ, ວິສາຫະກິດຂອງສອງປະເທດ ໄດ້ເປັນເຈົ້າການໃນການສົມທົບກັນ, ຜັນຂະຫຍາຍບັນດາຂໍ້ຕົກລົງຮ່ວມມືຢ່າງຕັ້ງໜ້າ ແລະ ບັນລຸໄດ້ໝາກຜົນພໍສົມຄວນໃນທຸກຂົງເຂດ, ໃນນັ້ນມີການຮ່ວມມືດ້ານເສດຖະກິດ, ການຄ້າ, ປະກອບສ່ວນເຂົ້າໃນຄວາມສະຖຽນລະພາບ ແລະ ພັດທະນາເສດຖະກິດຂອງແຕ່ລະປະເທດ.

“ດ້ວຍເປົ້າໝາຍເພີ່ມທະວີ, ຊຸກຍູ້ການຮ່ວມມືດ້ານເສດຖະກິດ, ການຄ້າ, ງານຕະຫຼາດນັດແມ່ນໂອກາດເພື່ອໂຄສະນາຮູບພາບ ແລະ ວັດທະນະທຳຂອງປະເທດຊາດ, ສ້າງເງື່ອນໄຂໃຫ້ບັນດາວິສາຫະກິດ, ອົງການຈັດຕັ້ງການຄ້າ, ນັກຜະລິດ, ນັກລົງທຶນຂອງສອງປະເທດໄດ້ພົບປະ, ແລກປ່ຽນປະສົບການ, ຖ່າຍທອດເຕັກໂນໂລຢີ, ລົງທຶນ, ຮ່ວມມື, ຮ່ວມທຸລະກິດ, ເຊື່ອມຕໍ່, ຊຸກຍູ້ການນຳເຂົ້າ ແລະ ສົ່ງອອກ, ເປີດກວ້າງເຄືອຂ່າຍການບໍລິໂພກສິນຄ້າ, ຜະລິດຕະພັນ”, ທ່ານສະຖານກົງສູນໃຫຍ່ ຫວຽດນາມ ແບ່ງປັນ.

ຊຸກຍູ້ການຮ່ວມມື, ແລກປ່ຽນວັດທະນະທຳ, ຊາວໜຸ່ມລະຫວ່າງ ຫວຽດນາມ - UAE

ຍາໝ - ວັນທີ 29 ສິງຫາ, ຢູ່ຮ່າໂນ້ຍ, ສະຖານທູດ UAE ໄດ້ຈັດຕັ້ງໂຄງການແລກປ່ຽນວັດທະນະທຳ UAE - ຫວຽດນາມ ໂດຍມີການເຂົ້າຮ່ວມຂອງຄະນະສູນກາງຊາວໜຸ່ມກອມມູນິດ ໂຮ່ຈີມິນ.

ຫຼາຍຂໍ້ສະເໜີເພື່ອເພີ່ມທະວີການຮ່ວມມືລະຫວ່າງ ຫວຽດນາມ ແລະ ຍີ່ປຸ່ນ ບົນຊ່ອງທາງປະຊາຊົນ

ຍສໝ - ວັນທີ 22 ກໍລະກົດ ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ຕ້ອນຮັບທ່ານ Takebe Tsutomu, ທີ່ປຶກສາພິເສດສະຫະພັນລັດຖະສະພາມິດຕະພາບ ຍີ່ປຸ່ນ - ຫວຽດນາມ ເນື່ອງໃນການຢ້ຽມຢາມ ແລະ ເຮັດວຽກຢູ່ ຫວຽດນາມ.

ມີງດຶກ