ເຜີຍແພ່ບັນດາຄຸນຄ່າວັດທະນະທຳຂອງ ຫວຽດນາມ ເຖິງເພື່ອນມິດສາກົນ ແລະ ຊາວ ບຣາຊິນ

	ສ້າງ​ເງື່ອນ​ໄຂ​ ເພື່ອ​ຊາວ​ຫວຽດນາມ ອາ​ໄສ​ຢູ່​ຕ່າງປະ​ເທດ​ລົງທຶນ​ຢ່າງແຮງກວ່າ​ອີກ​ໃນ​ຂົງ​ເຂດ​ເຮືອນ​ຢູ່ ​ແລະ ອະສັງຫາລິມະຊັບຢູ່ ຫວຽດນາມ
	ເຊື່ອມຕໍ່ກາລະໂອກາດພັດທະນາເສດຖະກິດ, ການຄ້າ, ການລົງທຶນລະຫວ່າງ ຫວຽດນາມ ແລະ ບຣາຊິນ

ວັນ​ທີ 1 ມິຖຸນາ​, ຢູ່​ຫໍພິພິທະ​ພັນ​ສິລະ​ປະ Brasilia ໄດ້ຈັດງານຕະຫຼາດນັດວັດທະນະທຳ ແລະ ​ອາຫານ​ສາກົນ ໂດຍກຸ່ມພັນລະຍາ​ຂອງ​ຫົວໜ້າ​ບັນດາຄະນະຜູ້ແທນ ຈັດຕັ້ງ, ດ້ວຍການເຂົ້າຮ່ວມຂອງ 50 ກວ່າ​ປະ​ເທດ​ທີ່ຂຶ້ນກັບ ​ເອີ​ລົບ, ອາຊີ, ອາ​ເມ​ລິ​ກາ ​ແລະ ພາກພື້ນຕະ​ເວັນ​ອອກ​ກາງ.

ບັນດາ​ຜູ້​ແທນ​ເຂົ້າ​ຮ່ວມ​ງານ​ຕະຫຼາດນັດວັດທະນະທຳ ແລະ ​ອາຫານສາກົນ.

ໂດຍສືບ​ຕໍ່​ຜົນສຳ​ເລັດ​ຂອງເຫດການ​ປີ 2023, ງານ​ຕະຫຼາດນັດປີນີ້ ດ້ວຍຫົວຂໍ້ “​ເພື່ອ​ໂລກ​ສີຂຽວ”, ມຸ່ງ​ໄປ​ເຖິງ​ຄວາມ​ຍືນ​ຍົງ ​ແລະ ປະກອບສ່ວນ​ສ້າງ​ໜ່ວຍ​ໂລກ​ທີ່​ຂຽວ​ສົດ​ງົດ​ງາມ​ກວ່າ​ອີກ​ໃຫ້ບັນດາຮຸ່ນ​ອະນາຄົດ. ງານຕະຫຼາດນັດດັ່ງກ່າວ ໄດ້ຈັດຂຶ້ນດ້ວຍເປົ້າໝາຍໃນການບໍລິຈາກ ແລະ ປະຕິບັດການກຸສົນໃຫ້ແກ່ 5 ຮາກຖານ ເຊິ່ງເປັນສູນຊ່ວຍເຫຼືອ, ບ້ານໃຫ້ແກ່ຜູ້ທີ່ມີຄວາມອ່ອນແອໃນສັງຄົມເຊັ່ນ ເດັກນ້ອຍ, ແມ່ຍິງ ແລະ ຜູ້ເຖົ້າ.

ງານ​ຕະຫຼາດນັດ​ດັ່ງກ່າວ​ ​ໄດ້​ດຶງ​ດູດ​ນັກ​ທ່ອງ​ທ່ຽວ​ຫຼາຍ​ກວ່າ 5.000 ເທື່ອຄົນ, ໃນ​ນັ້ນ​ມີ​ເຈົ້າ​ໜ້າ​ທີ່​ນະຄອນຫຼວງ Brasilia, ຄະນະທູຕານຸທູດ, ປະຊາຊົນ​ ບຣາຊິນ ​ແລະ ບັນດາ​ປະ​ເທດ​ ອາ​ເມ​ລິ​ກາ​ ໃຕ້ ​ອື່ນໆ.

ນີ້​ແມ່ນ​ໂອກາດ ທັງ​ເຂົ້າ​ຮ່ວມ​ ແລະ ​ເຄື່ອນ​ໄຫວ​ການກຸສົນ, ທັງສົມທົບແນະນຳກ່ຽວກັບ​ວັດທະນະທຳ, ອາຫານ​ພື້ນ​ເມືອງ​ ຫວຽດນາມ ​ຄື ຢໍ່ຈືນ, ກາ​ເຟ, ຊາຂຽວ, ຊາ​ໝາກ​ນາວ​ດ້ວຍ​ສະ​ໝຸນ​ໄພ​ຖັງເຊົ່າ, ຜະລິດຕະພັນກະເສດ, ຜະລິດຕະພັນພິເສດຫວຽດນາມ. ງານ​ຕະຫຼາດນັດປີນີ້ ແມ່ນ​ໂອກາດທີ່​ດີ​ເພື່ອ​ໂຄສະນາຮູບພາບ​​ປະ​ເທດ​ຊາດ, ປະຊາຊົນ ຫວຽດນາມ ດ້ວຍ​ບັນດາ​ຄຸນຄ່າ​ວັດທະນະທຳ​ທີ່​ເປັນ​ເອກະລັກ​ສະ​ເພາະ​ ເຖິງເພື່ອນ​ມິດສາ​ກົນ ​ແລະ ປະຊາຊົນ​ປະຈຳ​ຖິ່ນ.

ຂໍ້​ມູນ​ກ່ຽວ​ກັບ ​ຫວຽດນາມ ​​ໄດ້​ຮັບ​ການ​ແນະນຳ​ຢ່າງ​ວ່ອງ​ໄວ, ມີ​ປະສິດທິ​ຜົນ, ​ເໝາະ​ສົມ​ກັບ​ເປົ້າໝາຍທັງ​ໝົດ, ສ້າງ​ຄວາມ​ປະ​ທັບ​ໃຈ​ອັນດີງາມຕໍ່​ແຂກ​ທ່ອງ​ທ່ຽວ.

ຮ້ານຫວຽດນາມ.

ໂດຍຜ່ານ​ເຫດການ, ເພື່ອນ​ມິດສາ​ກົນ, ພິ​ເສດ​ແມ່ນ​ບັນດາ​ປະ​ເທດ​ທີ່​ມີ​ຂໍ້​ມູນ​​ໜ້ອຍ​ກ່ຽວ​ກັບ ຫວຽດນາມ, ຈະສາມາດ​ເຂົ້າ​ໃຈຢ່າງຈະ​ແຈ້ງ ​ແລະ ຖືກຕ້ອງກ່ຽວ​ກັບ ຫວຽດນາມ, ຕີ​ລາຄາ​ຄວາມ​ສາມາດ​ບົ່ມ​ຊ້ອນ, ທ່າ​ໄດ້​ປຽບ ​ແລະ ການ​ປະກອບສ່ວນ​ຂອງ​ປະ​ເທດ​ ຫວຽດນາມ ເຂົ້າໃນຂະ​ບວນການ​ພັດທະນາ​ລວມ​ຂອງ​ພາກ​ພື້ນ, ​​ໂລກ ​ຢ່າງ​ຖືກຕ້ອງ.

ເສົາຄໍ້າສໍາຄັນໃນສາຍພົວພັນ ຫວຽດນາມ - ບຣາຊິນ ຍສໝ - ບຣາຊິນ ແລະ ຫວຽດນາມ ສະເຫຼີມສະຫຼອງ 35 ປີ ແຫ່ງວັນສ້າງຕັ້ງການພົວພັນທາງການທູດ ໃນປີ 2024 ດ້ວຍການເລີ່ມການຮ່ວມມືສອງຝ່າຍຄືນໃໝ່. ບາດກ້າວທໍາອິດທີ່ໄດ້ປະຕິບັດແມ່ນການຢ້ຽມຢາມ ບຣາຊິນ ຂອງ ທ່ານ ຟ້າມມິງຈີ້ງ ນາຍົກລັດຖະມົນຕີຫວຽດນາມ ໃນເດືອນກັນຍາ ປີ 2023.

ພັກກອມມູນິດ ຫວຽດນາມ ແລະ ບຣາຊິນ ເພີ່ມທະວີການແລກປ່ຽນ ແລະ ແບ່ງປັນບົດຮຽນໃນບັນດາຂົງເຂດ ຍສໝ - ຕອນບ່າຍວັນທີ 28 ພະຈິກ, ຢູ່ສຳນັກງານຄະນະ​ການ​ຕ່າງປະ​ເທດ​ສູນ​ກາງ, ສະຫາຍ ເລຮວ່າຍຈູງ, ເລຂາທິການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ ໄດ້ໃຫ້ການຕ້ອນຮັບສະຫາຍ ນາງ Luciana Santos, ປະທານພັກກອມມູນິດ ບຣາຊິນ (PcdoB), ລັດຖະມົນຕີກະຊວງວິທະຍາສາດເຕັກໂນໂລຊີ ແລະ ປ່ຽນແປງໃໝ່ຂອງ ບຣາຊິນ.