ເສົາຄໍ້າສໍາຄັນໃນສາຍພົວພັນ ຫວຽດນາມ - ບຣາຊິນ

	ສະເໜີສ້າງຕັ້ງສູນເຊື່ອມຕໍ່ການຄ້າສາກົນ ລະຫວ່າງ ຫວຽດນາມ ແລະ ບຣາຊິນ ແລະ ບັນດາປະເທດທະວີບອາເມລິກາ
	ທ່ານຮອງນາຍົກລັດຖະມົນຕີ ເວືອງດີງເຫວ້ ຕ້ອນຮັບເອກອັກຄະລັດຖະທູດ ອາເມລິກາ ແລະ ບຣາຊິນ

ທ່ານນາງ Luciana Santos ລັດຖະມົນຕີກະຊວງວິທະຍາສາດ, ເຕັກໂນໂລຊີ ແລະການປ່ຽນແປງໃໝ່ ບຣາຊິນ ມີການຢ້ຽມຢາມຫວຽດນາມ ແຕ່ວັນທີ 27 ຫາວັນທີ 30 ພະຈິກ. ໂອກາດນີ້, ທ່ານນາງ Luciana Santos ໄດ້ມີບົດຂຽນກ່ຽວກັບການຮ່ວມມືສອງຝ່າຍໃນຂົງເຂດວິທະສາຍາດ, ເຕັກໂນໂລຊີ ແລະນະວັດຕະກຳ.

ບັນດາປະເທດທີ່ມາຈາກຊີກໂລກໃຕ້ ໄດ້ຢັ້ງຢືນຄໍາໝັ້ນສັນຍາຕໍ່ສັນຕິພາບ, ລັດທິຫຼາຍຝ່າຍ, ການພັດທະນາແບບຍືນຍົງ ແລະຕ້ານໄພອຶດຫິວ. ບຣາຊິນ ແລະ ຫວຽດນາມ ສະເຫຼີມສະຫຼອງ 35 ປີ ແຫ່ງວັນສ້າງຕັ້ງການພົວພັນທາງການທູດ ໃນປີ 2024 ດ້ວຍການເລີ່ມການຮ່ວມມືສອງຝ່າຍຄືນໃໝ່. ບາດກ້າວທໍາອິດທີ່ໄດ້ປະຕິບັດແມ່ນການຢ້ຽມຢາມບຣາຊິນ ຂອງ ທ່ານ ຟ້າມມິງຈີ້ງ ນາຍົກລັດຖະມົນຕີຫວຽດນາມ ໃນເດືອນກັນຍາ ປີ 2023.

ທ່ານນາຍົກລັດຖະມົນຕີ ຟ້າມມິງຈີ້ງ ເຂົ້າຮ່ວມການໂອ້ລົມສົນທະນາກັບວິສາຫະກິດ ບຣາຊິນ ໃນການຢ້ຽມຢາມບຣາຊິນ ໃນເດືອນກັນຍາ ປີ 2023. ພາບ: ສໍານັກຂ່າວສານຫວຽດນາມ.

ຄວາມກ້າວໜ້າທາງດ້ານເສດຖະກິດ ແລະສັງຄົມຂອງຫວຽດນາມ ໃນທົດສະວັດຜ່ານມາແມ່ນມີຄວາມປະທັບໃຈທີ່ສຸດ. ດ້ວຍພົນລະເມືອງ 100 ລ້ານຄົນ ແລະມີລະດັບເຕີບໂຕເສດຖະກິດຢ່າງເຂັ້ມແຂງ, ຫວຽດນາມ ມີບັນດາເປົ້າໝາຍ ແລະສິ່ງທ້າທາຍຄ້າຍຄືກັນກັບ ບຣາຊິນ. ສິ່ງນີ້ໄດ້ປະກອບສ່ວນຊຸກຍູ້ການກະທໍາລວມລະຫວ່າງສອງປະເທດ ກ່ຽວກັບບັນດາຫົວຂໍ້ທີ່ໄດ້ຮັບຄວາມສົນໃຈໃນເວທີສາກົນ.

ສະພາບພູມສາດການເມືອງ ໄດ້ກໍ່ໃຫ້ເກີດວິກິດການທີ່ມີລັກສະນະແຕກຕ່າງກັນ, ເປັນຕົ້ນແມ່ນການປະທະກັນຢູ່ພາກພື້ນ, ປະກົດການສະພາບອາກາດທີ່ຮ້າຍແຮງ, ສະພາບສຸກເສີນກ່ຽວກັບບັນຫາສຸຂະພາບ ແລະຂາດຄວາມໝັ້ນຄົງດ້ານສະບຽງອາຫານ.

ສະພາບການດັ່ງກ່າວນັ້ນ ຮຽກຮ້ອງໃຫ້ສາກົນຕ້ອງເພີ່ມທະວີການຮ່ວມມື. ຍ້ອນສະພາບການທີ່ສັບສົນນີ້, ບຣາຊິນ ໄດ້ມີການກະທໍາຕົວຈິງເພື່ອປັບປຸງການພົວພັນທີ່ເປັນມູນເຊື້ອ ແລະຊອກຫາການພົວພັນຄູ່ຮ່ວມມືໃໝ່.

ທ່ານນາງ Luciana Santos ລັດຖະມົນຕີກະຊວງວິທະຍາສາດ, ເຕັກໂນໂນຊີ ແລະການປ່ຽນແປງໃໝ່ ບຣາຊິນ. ພາບ: camara.leg.br

ລັດຖະບານຂອງປະທານາທິບໍດີ Lula ຖືວ່າ ໜຶ່ງໃນບັນດາເສົາຄໍ້າຂອງການພົວພັນ ບຣາຊິນ - ຫວຽດນາມ ແມ່ນການຮ່ວມມືດ້ານວິທະຍາສາດ, ເຕັກໂນໂລຊີ ແລະການປ່ຽນແປງໃໝ່, ບ່ອນທີ່ພວກເຮົາເຫັນວ່າມີຄວາມສາມາດບົ່ມຊ້ອນອັນໃຫຍ່ຫຼວງ. ໃນຂົງເຂດນີ້, ພວກເຮົາມີແງ່ຫວັງຊຸກຍູ້ບັນດາຂໍ້ລິເລີ່ມລວມກ່ຽວກັບການຫັນເປັນດີຈີຕອນ, ທາດເຄິ່ງຊັກນຳໄຟຟ້າ, ປັນຍາປະດິດ, ພະລັງງານທົດແທນ ແລະສະພາບແວດລ້ອມແຫ່ງການປ່ຽນແປງໃໝ່, ສຸມໃສ່ບໍລິສັດເລີ່ມດໍາເນີນທຸລະກິດ.

ບຣາຊິນ ຜັັນຂະຫຍາຍບັນດາການກະທໍາ ເພື່ອເປັນເຈົ້າຄວາມຮູ້ດ້ານວິທະຍາສາດ, ເຕັກໂນໂລຊີ ແລະສະມັດຕະພາບ. ຢູ່ໃນໂລກມີໜ້ອຍປະເທດທີ່ສຸດທີ່ມີນະໂຍບາຍລະອຽດທີ່ເອົາໃຈໃສ່ຂົງເຂດຍຸດທະສາດເປັນພິເສດຄື ທາດເຄິ່ງຊັກນໍາໄຟຟ້າ. ເພື່ອບັນລຸເປົ້າໝາຍນີ້, ລັດຖະບານຂອງພວກຂ້າພະເຈົ້າ ພວມລົງທຶນໃສ່ການຟື້ນຟູສູນເຕັກໂນໂລຊີເອເລັກໂຕນິກທີ່ກ້າວໜ້າແຫ່ງຊາດ S.A-Ceitec, ອົງການພັດທະນາ ແລະຜະລິດ Chip ສາທາລະນະ, ດ້ວຍເປົ້າໝາຍຟື້ນຟູຊ່ອງວ່າງກ່ຽວກັບການຜະລິດ ແລະເຕັກໂນໂລຊີ.

ຕາມທ່າອ່ຽງນີ້, ການຮ່ວມມືກັບຫວຽດນາມ ສາມາດສ້າງໂອກາດໃຫ້ແກ່ສອງປະເທດ ຊອກຫາໂອກາດ ແລະບົດບາດໃນລະບົບອາໄຫຼ່ເຄິ່ງຊັກນຳໄຟຟ້າ ແລະອາໄຫຼ່ທີ່ກ້າວໜ້າລະດັບທົ່ວໂລກ.

ນີ້ແມ່ນເປົ້າໝາຍການຢ້ຽມຢາມຫວຽດນາມ ຂອງຂ້າພະເຈົ້າ, ເພື່ອໃຫ້ມີໂອກາດໄດ້ພົບປະກັບອົງການຕ່າງໆຂອງລັດຖະບານ, ອົງການວິຊາການ, ຄົ້ນຄວ້າ ແລະເຂດເຕັກໂນໂລຊີ. ພວກຂ້າພະເຈົ້າ ຢາກຂຸດຄົ້ນການຮ່ວມມືສາກົນ, ວິທະຍາສາດ ແລະການປ່ຽນແປງໃໝ່ເພື່ອແກ້ໄຂສິ່ງທ້າທາຍໃຫຍ່ຂອງປະເທດ ແລະທົ່ວໂລກ, ພ້ອມທັງຊຸກຍູ້ການຖ່າຍທອດເຕັກໂນໂລຊີສູງໃຫ້ແກ່ບັນດາປະເທດ ພວມພັດທະນາອື່ນ.

ພວກຂ້າພະເຈົ້າເຂົ້າໃຈວ່າ ພວກເຮົາຈະສາມາດບັນລຸໄດ້ສັນຕິພາບ ແລະວັດທະນາຖາວອນ ຖ້າສາມາດຫຼຸດຜ່ອນຄວາມບໍ່ສົມສ່ວນໃນທົ່ວໂລກ ໃນການເຂົ້າເຖິງວິທະຍາສາດ, ເຕັກໂນໂລຊີ ແລະການປ່ຽນແປງໃໝ່, ເພື່ອໃຫ້ມວນມະນຸດສາມາດຮັບຮູ້ໄດ້ເຖິງຜົນປະໂຫຍດ.

ບູນມີ