 | ໄວ້ອາໄລ ແລະ ເຮັດພິທີທາງສາສະໜາອັດຖິນັກຮົບອາສາສະໝັກ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ ລາວ ແລະ ກຳປູເຈຍ |
| ວິສາຫະກິດຫວຽດນາມ - ກຳປູເຈຍ - ລາວ 120 ແຫ່ງເຂົ້າຮ່ວມງານຕະຫຼາດນັດສາກົນຢູ່ ອານຢາງ |
ເຂົ້າຮ່ວມເວທີປາໄສການຮ່ວມມື ODA ມີ: ທ່ານ Lee Byung Hwa, ຜູ້ອຳນວຍການ KOICA ປະຈຳ ຫວຽດນາມ ; ທ່ານ Shin Sang Moon ຜູ້ອຳນວຍການໃຫຍ່ Medipeace; ຕາງໜ້າກົມອຸປະຖຳສັງຄົມ, ກະຊວງແຮງງານ, ທະຫານເສຍອົງຄະ ແລະ ສັງຄົມ; ບັນດາອົງການ, ຫົວໜ່ວຍຄູ່ຮ່ວມງານຈາກນະຄອນ ດານັງ, ກວາງນາມ, ກວາງບິ່ງ; ບັນດາອົງການຈັດຕັ້ງສາກົນ ແລະ ຄູ່ຮ່ວມມືຂອງ Medipeace ປະຈຳ ກຳປູເຈຍ ແລະ ລາວ ແລະ ຜູ້ຕາງໜ້າບັນດາພະແນກ, ຂະແໜງການ ແລະ ຫົວໜ່ວຍທີ່ກ່ຽວຂ້ອງຂອງແຂວງ ກວາງຈິ.
 |
| ເວທີປາໄສການຮ່ວມມື ODA ກ່ຽວກັບການພັດທະນາການເຊື່ອມໂຍງສຳລັບຄົນພິການຢູ່ 3 ປະເທດອະນຸພາກພື້ນແມ່ນ້ຳຂອງ (ກຳປູເຈຍ, ລາວ ແລະ ຫວຽດນາມ) ໂດຍພະແນກການຕ່າງປະເທດແຂວງ ກວາງຈິ ສົມທົບກັບອົງການ Medipeace (ສ.ເກົາຫຼີ) ຈັດຕັ້ງ. |
ທີ່ເວທີປາໄສ, ທ່ານຮອງປະທານຄະນະກຳມະການປະຊາຊົນແຂວງ ກວາງຈິ ຮວ່າງນາມ ໄດ້ຮັບຮູ້ ແລະ ຕີລາຄາສູງຂໍ້ລິເລີ່ມຈັດຕັ້ງເວທີປາໄສຮ່ວມມື ODA ກ່ຽວກັບການພັດທະນາການເຊື່ອມໂຍງສຳລັບຄົນພິການຢູ່ 3 ປະເທດອະນຸພາກພື້ນແມ່ນ້ຳຂອງ ດ້ວຍຈຸດໝາຍສຳຄັນແມ່ນເພີ່ມທະວີຄວາມຮູ້ ແລະ ໜູນຊ່ວຍໃຫ້ແກ່ຜູ້ປະສົບເຄາະຮ້າຍຈາກສົງຄາມ, ລະເບີດໝາກມິນ ແລະ ທາດພິດສີສົ້ມ, ໂດຍສະເພາະແມ່ນຄົນພິການ.
ຕາມທ່ານ Lee Byung Hwa ຜູ້ອຳນວຍການ KOICA ຫວຽດນາມ ແລ້ວ, ແຕ່ປີ 2002 ຮອດປະຈຸບັນ, KOICA ໄດ້ໜູນຊ່ວຍແຂວງ ກວາງຈິ ປະຕິບັດ 4 ໂຄງການດ້ວຍຍອດຈຳນວນທຶນ 27 ລ້ານ USD, ໃນນັ້ນມີໂຄງການສູນອຸປະຖຳສັງຄົມ - ຟື້ນຟູຮ່າງກາຍແຂວງ ກວາງຈິ ພວມຜັນຂະຫຍາຍປະຕິບັດດ້ວຍຈຳນວນທຶນ 12 ລ້ານ USD. KOICA ປາດຖະໜາວ່າ ຈະສະຫງວນຄວາມມານະພະຍາຍາມຫຼາຍຢ່າງໄວ້ໃຫ້ແກ່ຄົນພິການ, ມານະພະຍາຍາມຢ່າງສຸດອົກສຸດໃຈເພື່ອໜູນຊ່ວຍ ODA ໃຫ້ແກ່ການພັດທະນາຮອບດ້ານສຳລັບຄົນພິການຢູ່ພາກພື້ນແມ່ນ້ຳຂອງ.
ທີ່ເວທີປາໄສ, ຜູ້ຕາງໜ້າກະຊວງແຮງງານ, ທະຫານເສຍອົງຄະ ແລະ ສັງຄົມ, ພະແນກແຮງງານ, ທະຫານເສຍອົງຄະ ແລະ ສັງຄົມ ແຂວງ ກວາງຈິ, ສູນຟື້ນຟູຮ່າງກາຍຂອງ ລາວ, ຄະນະກຳມະການການກະທຳເພື່ອຄົນພິການ ກຳປູເຈຍ ແລະ ບັນດາສູນຟື້ນຟູຮ່າງກາຍ, ສູນຊ່ວຍເຫຼືອການພັດທະນາການເຊື່ອມໂຍງຄູ່ຮ່ວມມືຂອງ Medipeace ໄດ້ວິເຄາະທ່າອ່ຽງການປະຕິບັດບັນດານະໂຍບາຍ ODA ຢູ່ 3 ປະເທດຄື: ກຳປູເຈຍ, ລາວ ແລະ ຫວຽດນາມ.
 |
| ບັນດາຜູ້ແທນທີ່ເຂົ້າຮ່ວມເວທີປາໄສໄດ້ຖ່າຍຮູບທີ່ລະນຶກທີ່ເວທີປາໄສການຮ່ວມມື ODA ກ່ຽວກັບການພັດທະນາການເຊື່ອມໂຍງສຳລັບຄົນພິການຢູ່ 3 ປະເທດອະນຸພາກພື້ນແມ່ນ້ຳຂອງ. |
ບັນດາຫົວໜ່ວຍທີ່ເຂົ້າຮ່ວມຍັງໄດ້ຊອກຮູ້ກ່ຽວກັບລະບົບໜູນຊ່ວຍ ODA ຢູ່ບັນດາປະເທດຄູ່ຮ່ວມມື; ສ້າງຍຸດທະສາດເພື່ອໜູນຊ່ວຍສິດດ້ານສາທາລະນະສຸກ, ການສຶກສາ, ການຝຶກອົບຮົມວິຊາຊີບ, ການເຂົ້າຮ່ວມທາງສັງຄົມ ແລະ ລະບົບປົກປ້ອງສິດທິແກ່ຄົນພິການ. ຈາກນັ້ນ, ກໍ່ພັດທະນາບັນດານະໂຍບາຍໃຫ້ແກ່ການພັດທະນາຮອບດ້ານຂອງຄົນພິການໃນ 3 ປະເທດອະນຸພາກພື້ນແມ່ນ້ຳຂອງ ແລະ ຊອກຫາວິທີເພື່ອເພີ່ມທະວີຄວາມສາມາດໃນການປະຕິບັດ.
 | ນັກສຶກສາຫວຽດນາມ - ລາວ - ກຳປູເຈຍ ແລກປ່ຽນບົດຮຽນ ຊັ້ນວັນນະນັກສຶກສາເປັນ “ຂົວຕໍ່” ເພື່ອສ້າງສາຍພົວພັນອັນດີງາມລະຫວ່າງປະເທດເພື່ອນບ້ານ. |
 | ນັກສຶກສາ ລາວ ແລະ ກຳປູເຈຍ ມີຄວາມປະທັບໃຈກັບວັນທີ 8/3 ຢູ່ ສສ ຫວຽດນາມ ຍສໝ - ໂດຍເຂົ້າຮ່ວມເຄື່ອນໄຫວບັນດາກິດຈະກໍາຊຸມຊົນ; ມອບດອກໄມ້, ຊົມຖະໜົນຫົນທາງທີ່ເຕັມໄປດ້ວຍສີສັນ... ແມ່ນປະສົບການທີ່ໜ້າສົນໃຈຂອງນັກສຶກສາ ລາວ ແລະ ກຳປູເຈຍ ຈຳນວນໜຶ່ງທີ່ຮຽນຢູ່ ສສ ຫວຽດນາມ ເນື່ອງໃນໂອກາດວັນແມ່ຍິງສາກົນ (8 ມີນາ). |
ມິງດຶກ
