 | ຂົວເຊື່ອມຕໍ່ຢ່າງໝັ້ນແກ່ນສຳລັບການທູດປະຊາຊົນ ແລະ ການພັດທະນາແບບຍືນຍົງ |
| ທ່ານນາຍົກລັດຖະມົນຕີ: ຫວຽດນາມ ມີ 3 ພື້ນຖານສຳຄັນ ເພື່ອພັດທະນາຂະແໜງການ Halal |
ຜູ້ກໍ່ຕັ້ງຮູບແບບ “ແຮກສ່ຽວບ້ານ-ບ້ານ”
ມາຮອດປະຈຸບັນ, ເມື່ອຫວນຄືນວັນທີ 28 ເມສາ 2005, ທ່ານ ພົນຈັດຕະວາ ເຈີ່ນດິ່ງຢຸ້ງ, ອາດີດຮອງຜູ້ບັນຊາການທັງເປັນຫົວໜ້າເສນາທິການກອງບັນຊາການທະຫານຊາຍແດນແຂວງ ກວາງຈີ້ ຍັງຈື່ໄດ້ເຖິງຄວາມຮູ້ສຶກຕື່ນເຕັ້ນດີໃຈນັ້ນໄດ້ເປັນຢ່າງດີ. ນັ້ນແມ່ນວັນທີ່ບ້ານ ກາຕັງ (ເທດສະບານ ລາວບາວ, ເມືອງ ເຮື໋ອງຮວ໋າ, ແຂວງ ກວາງຈີ້) ໄດ້ລົງນາມໃນຂໍ້ກຳນົດກ່ຽວກັບລະບຽບການເຄື່ອນໄຫວແຮກສ່ຽວບ້ານ - ບ້ານກັບບ້ານແດນສະຫວັນ (ເມືອງ ເຊໂປນ, ແຂວງ ສະຫວັນນະເຂດ, ລາວ) ຢ່າງເປັນທາງການ.
 |
| ທ່ານ ພົນຈັດຕະວາ ເຈີ່ນດິ່ງຢຸ້ງ (ເບື້ອງຊ້າຍ), ອາດີດຮອງຜູ້ບັນຊາການທັງເປັນຫົວໜ້າເສນາທິການກອງບັນຊາການທະຫານຊາຍແດນແຂວງ ກວາງຈີ້ ໄດ້ແນະນໍາປະຊາຊົນບ້ານ ແດນສະຫວັນ ກ່ຽວກັບເຕັກນິກການບົວລະບັດຕົ້ນປູກ. (ພາບ: Viet Van) |
ທ່ານ ຢຸ້ງ ກ່າວວ່າ “ດົນນານມາແລ້ວ, ຂ້າພະເຈົ້າຄິດວ່າ ພວກເຮົາບໍ່ສາມາດຈັບມືກັນຢືນເປັນແຖວເພື່ອປົກປັກຮັກສາຊາຍແດນໄດ້, ແຕ່ຕ້ອງມີການຈັດວາງກຳລັງແຮງຂອງນ້ຳໃຈປະຊາຊົນ, ເສັ້ນຊາຍແດນແຫ່ງນ້ຳໃຈປະຊາຊົນ, ເຊື່ອມໂຍງກັບປະຊາຊົນສອງປະເທດທີ່ມີຊາຍແດນຮ່ວມ, ຖືຊາຍແດນເປັນຊາຍຄາລວມເພື່ອເພີ່ມພູນຄູນສ້າງ, ປົກປັກຮັກສາຮ່ວມກັນ”.
ຈາກຄວາມຄິດ ແລະ ຂໍ້ສັງເກດນັ້ນ, ໃນປີ 1996, ທ່ານ ຢຸ້ງ ພ້ອມກັບບັນດາອົງການວິຊາສະເພາະໄດ້ຄົ້ນຄວ້າ, ສ້າງໂຄງຮ່າງວິທະຍາສາດເພື່ອເປັນເສນາທິການໃຫ້ແຂວງ ກວາງຈີ້ ແລະ ອຳນາດການປົກຄອງບັນດາແຂວງຝ່າຍລາວ ເພື່ອຈັດຕັ້ງ “ແຮກສ່ຽວບ້ານ-ບ້ານ” ໃຫ້ບັນດາກຸ່ມບ້ານຕິດກັບຊາຍແດນ. ພາຍຫຼັງ 9 ປີແຫ່ງການປະຕິບັດຢ່າງອອກເຫື່ອເທແຮງ, ມາຮອດປີ 2005, ໂຄງຮ່າງວິທະຍາສາດໄດ້ເຂົ້າສູ່ຊີວິດເປັນຄັ້ງທຳອິດ ດ້ວຍເຫດການແຮກສ່ຽວລະຫວ່າງບ້ານ ກາຕັງ ແລະ ບ້ານ ແດນສະຫວັນ.
ຂໍ້ກຳນົດກ່ຽວກັບລະບຽບການສົບທົບບ້ານ-ບ້ານ ລວມມີ 12 ເນື້ອໃນຕ້ອງເຄົາລົບສັນຍາວ່າດ້ວຍຂໍ້ກຳນົດກ່ຽວກັບເສັ້ນຊາຍແດນ ຫວຽດນາມ - ລາວ, ກົດໝາຍຂອງແຕ່ລະປະເທດ ແລະ ເໝາະສົມກັບຮີດຄອງປະເພນີຂອງປະຊາຊົນບັນດາເຜົ່າຢູ່ຊາຍແດນ. ຈາກນີ້, ວຽກງານການຕ່າງປະເທດລະຫວ່າງສອງປະເທດກໍ່ກາຍເປັນບັນຫາລະອຽດຂອງໝູ່ບ້ານ, ຕາແສງ, ຂອງບັນດາວົງຕະກຸນຢູ່ສອງຟາກຊາຍແດນ.
ທ່ານ ໂຮ່ແທ່ງບິ່ງ ໃນຂະນະນັ້ນແມ່ນນາຍບ້ານ ກາຕັງ ໃຫ້ຮູ້ວ່າ ປະຊາຊົນສອງບ້ານ ສ່ວນຫຼາຍແມ່ນຊາວເຜົ່າ ບຣູ - ເວິນກຽວ ມີມູນເຊື້ອສາມັກຄີ, ຕຸ້ມລຸມ, ຊ່ວຍເຫຼືອເຊິ່ງກັນ ແລະ ກັນ. ເຖິງຢ່າງໃດກໍຕາມ, 2 ຝ່າຍຍັງປະສົບກັບຄວາມຫຍຸ້ງຍາກ, ສິ່ງກີດຂວາງຫຼາຍຢ່າງທີ່ຍາກຈະແກ້ໄຂ. ພາກສ່ວນໜຶ່ງຂອງ 2 ບ້ານ ຍັງບໍ່ທັນຍົກສູງສະຕິປົກປ້ອງເສັ້ນຊາຍແດນ, ຫຼັກໝາຍ, ຍັງມີສະພາບການໄປຢຶດທີ່ດິນເຮັດນາ ຫຼື ໄປດຳລົງຊີວິດທີ່ບ້ານອື່ນ; ການພັດທະນາການຜະລິດຂອງປະຊາຊົນເພື່ອນລາວ ຍັງປະສົບກັບຄວາມຫຍຸ້ງຍາກຫລາຍຢ່າງ...
ເມື່ອມີແຜນນະໂຍບາຍຈັດຕັ້ງການແຮກສ່ຽວລະຫວ່າງ 2 ບ້ານ ດ້ວຍຫຼາຍການເຄື່ອນໄຫວ ແລະ ຄໍາໝັ້ນສັນຍາໃນການປະຕິບັດຕົວຈິງ, ປະຊາຊົນ ກາຕັງ ແລະ ແດນສະຫວັນ ກໍ່ລ້ວນແຕ່ໄດ້ເຫັນດີ ແລະ ເຂົ້າຮ່ວມການຕອບສະໜອງ. ຫຼັງຈາກພິທີແຮກສ່ຽວແລ້ວ, ໃນທຸກໆ 3 ເດືອນຕໍ່ເທື່ອ ສອງຝ່າຍໄດ້ໜູນວຽນກັນຈັດຕັ້ງການພົບປະເພື່ອປຶກສາຫາລືສະພາບການ. ເມື່ອເກີດບັນຫາທີ່ບໍ່ຄາດຄິດ, ທັງສອງຝ່າຍຈະເຫັນດີເປັນເອກະພາບ ເພື່ອຊອກຫາວິທີການແກ້ໄຂ. ຍ້ອນແນວນັ້ນ, ຄວາມຫຍຸ້ງຍາກ, ບັນຫາທີ່ປະເຊີນໃນເມື່ອກ່ອນລະຫວ່າງ 2 ບ້ານ ກໍ່ໄດ້ຮັບການແກ້ໄຂເທື່ອລະກ້າວ.
“ນັບແຕ່ສອງບ້ານແຮກສ່ຽວ, ສະພາບການໄປຢຶດທີ່ດິນເຮັດນາ ຫຼື ດຳລົງຊີວິດທີ່ບ້ານອື່ນກໍ່ບໍ່ມີອີກ, ປະຊາຊົນທີ່ຂ້າມຊາຍແດນໄປຢ້ຽມຢາມ ຕ່າງກໍຖືເອກະສານປະຈຳຕົວ. ພວກຂ້າພະເຈົ້າຍັງພົບປະແລກປ່ຽນ, ຄ້າຂາຍສິນຄ້າເປັນປະຈຳຕາມຈິດໃຈທີ່ຕ່າງຝ່າຍຕ່າງມີຜົນປະໂຫຍດ. ໂດຍຮູ້ວ່າໝູ່ບ້ານຂອງຝ່າຍເພື່ອນມິດມີດິນເປົ່າຫວ່າງຫຼາຍແຫ່ງແຕ່ຍັງບໍ່ທັນໄດ້ຂຸດຄົ້ນຢ່າງມີປະສິດທິຜົນ, ປະຊາຊົນບ້ານ ກາຕັງ ໄດ້ສະໜັບສະໜູນເເນວພັນປູກ, ເຄື່ອງບາຍຫຍ້າແບບຖືດ້ວຍມື... ເພື່ອໃຫ້ເພື່ອນລົງທຶນເຂົ້າໃນການຜະລິດ”, ທ່ານ ບິ່ງ ກ່າວ.
ທະວີຄູນຮູບແບບພັດທະນາຢ່າງມີປະສິດທິຜົນ
ທ່ານ ສົມທັດ ຕິຍະວົງສາ, ນາຍບ້ານ ແດນສະຫວັນ ໃຫ້ຮູ້ວ່າ ພາຍຫຼັງ 20 ປີແຫ່ງການແຮກສ່ຽວກັບບ້ານ ກາຕັງ, ຊີວິດການເປັນຢູ່ຂອງປະຊາຊົນບ້ານ ແດນສະຫວັນ ໄດ້ມີຄວາມກ້າວໜ້າຢ່າງຈະແຈ້ງ. ຈາກຈຳນວນພັນແນວປູກທີ່ມອບໃຫ້, ປະຊາຊົນບ້ານ ແດນສະຫວັນ ໄດ້ຈັດຕັ້ງການປູກ, ບົວລະບັດ ແລະ ຕັ້ງໜ້າຮ່ຳຮຽນເອົາ, ແລກປ່ຽນປະສົບການທຳການຜະລິດກັບປະຊາຊົນບ້ານ ກາຕັງ. ຫວ່າງແລ້ວນີ້, ບ້ານ ແດນສະຫວັນ ໄດ້ເກັບກ່ຽວຕົ້ນໄມ້ຈາກຈຳນວນເເນວພັນປູກທີ່ທາງບ້ານ ກາຕັງ ມອບໃຫ້ 4 ຄັ້ງ ແລະ ຂາຍໄດ້ລາຍຮັບກວ່າ 2 ລ້ານກີບ. ສວນກ້ວຍເນື້ອທີ່ກວ້າງໃນບ້ານກໍ່ໄດ້ເກັບກ່ຽວ, ນຳມາເຊິ່ງແຫຼ່ງລາຍຮັບທີ່ດີໃຫ້ແກ່ບັນດາຄອບຄົວໃນບ້ານ.
2 ບ້ານໄດ້ຢື້ຢາມຖາມຂ່າວກັນເປັນປະຈຳ, ມອບຂອງຂວັນເນື່ອງໃນບັນດາເຫດການສຳຄັນຂອງ 2 ປະເທດ, 2 ທ້ອງຖິ່ນຄື: ອວຍພອນບຸນເຕັດປະຈຳຊາດ ຫວຽດນາມ ແລະ ບຸນປີໃໝ່ ລາວ, ວັນບຸນມະຫາສາມັກຄີທົ່ວປວງຊົນທັງຊາດ, ວັນແມ່ຍິງສາກົນ… ພ້ອມກັນນັ້ນ ກໍ່ສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນໃນການປ້ອງກັນ, ຕ້ານໂລກລະບາດ ແລະ ພະຍາດ, ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ອັກຄີໄພ.
 |
| ບ້ານ ກາຕັງ ແລະ ບ້ານ ແດນສະຫວັນ ໄດ້ລົງນາມໃນບົດບັນທຶກຊ່ວຍຈຳການເຄື່ອນໄຫວ 6 ເດືອນທ້າຍປີ 2023. (ພາບ: Manh Cuong) |
ທ່ານ ສົມທັດ ຕິຍະວົງສາ ຢັ້ນຢືນວ່າ ຮູບແບບແຮກສ່ຽວບ້ານ-ບ້ານ ແມ່ນການສະແດງຄວາມສາມັກຄີ, ຄວາມຮັກແພງ ແລະ ການຕຸ້ມລຸມເຊີ່ງກັນ ແລະ ກັນຢ່າງເລິກເຊິ່ງຂອງປະຊາຊົນສອງປະເທດ. ໂດຍຜ່ານການເຄື່ອນໄຫວແຮກສ່ຽວ, ສອງບ້ານໄດ້ສົມທົບກັນເພື່ອເສີມຂະຫຍາຍຈິດໃຈຮ່ວມມືສູງ, ບໍ່ພຽງແຕ່ສະໜັບສະໜູນເຊິ່ງກັນ ແລະ ກັນເທົ່ານັ້ນ, ຫາກຍັງສົມທົບກັນຢ່າງແໜ້ນແຟ້ນໃນການປົກປັກຮັກສາຄວາມປອດໄພດ້ານການເມືອງ, ຮັກສາຄວາມເປັນລະບຽບຮຽບຮ້ອຍຄວາມປອດໄພທາງສັງຄົງຢູ່ເຂດຊາຍແດນ.
ທ່ານພັນເອກ ຫງວຽນນາມຈຸງ, ຫົວໜ້າການເມືອງທະຫານປ້ອງກັນຊາຍແດນແຂວງ ກວາງຈີ້ ໃຫ້ຮູ້ວ່າ ໂດຍສືບສານຜົນສຳເລັດຂອງຄູ່ບ້ານ ກາຕັງ - ແດນສະຫວັນ, ມາຮອດປະຈຸບັນ ທັງໝົດ 24/24 ຄູ່ໝູ່ບ້ານທີ່ຢູ່ເຊິ່ງກັນສອງຟາກຊາຍແດນແຂວງ ກວາງຈີ້ ແລະ ແຂວງສາລະວັນ, ແຂວງ ສະຫວັນນະເຂດ ໄດ້ຈັດຕັ້ງການແຮກສ່ຽວ, ອັນໄດ້ນຳມາເຊິ່ງຜົນສຳເລັດຫຼາຍຢ່າງໃນວຽກງານປ້ອງກັນຊາຍແດນ. ປະສິດທິຜົນພົ້ນເດັ່ນຈາກຮູບແບບນີ້ແມ່ນບ້ານ ກາຕຽງ (ຕາແສງ ເຮື໋ອງຫວຽດ, ເມືອງ ເຮື໋ອງຮວ໋າ, ແຂວງ ກວາງຈີ້) ແລະ ບ້ານ ອາເວຍ (ກຸ່ມບ້ານ ລາໂກ່, ເມືອງ ເຊໂປນ, ແຂວງ ສະຫວັນນະເຂດ) ຫາກໍ່ສະເຫຼີມສະຫຼອງ 17 ປີແຫ່ງວັນສ້າງຕັ້ງການແຮກສ່ຽວ ( 2007-2024).
ບໍ່ພຽງແຕ່ໃນຂອບເຂດແຂວງ ກວາງຈີ້ ເທົ່ານັ້ນ, ພາຍຫຼັງເກືອບ 20 ປີແຫ່ງການຜັນຂະຫຍາຍ, ຮູບແບບ “ແຮກສ່ຽວ ບ້ານ-ບ້ານ” ກໍ່ໄດ້ຮັບການທະວີຄູນໃນທົ່ວປະເທດຕາມຊື່ໃໝ່ເອື້ນວ່າ “ຂະບວນການແຮກສ່ຽວກຸ່ມປະຊາກອນສອງຟາກຊາາຍແດນ” ດ້ວຍຫຼາຍຮູບແບບທີ່ອຸດົມສົມບູນ, ເປັນສິລະປະການທະຫານ, ການທູດປະຊາຊົນໃນການປົກປ້ອງຊາຍແດນຂອງຊາດ.
ຕາມທ່ານພົນຈັດຕະວາ ເຈີ່ນດິ່ງຢຸ້ງ ແລ້ວ, ຍ້ອນການຮ່ວມມື, ການໜູນຊ່ວຍເຊິ່ງກັນ ແລະ ກັນຈາກປະຊາຊົນຢູ່ລຽບຕາມຊາຍແດນ, ຮູບແບບແຮກສ່ຽວໄດ້ນຳມາເຊິ່ງຫຼາຍປະຜົນສິດທິຜົນຢ່າງຕັ້ງໜ້າ. ທ່ານປາດຖະໜາວ່າ ໃນອະນາຄົດ “ຂະບວນການແຮກສ່ຽວກຸ່ມປະຊາກອນສອງຟາກຊາຍແດນ” ຈະສືບຕໍ່ແມ່ນພື້ນຖານເພີ່ມພູນຄູນສ້າງການພົວພັນແບບຍືນຍົງ ຫວຽດນາມ - ລາວ, ເພື່ອເຂດຊາຍແດນແຫ່ງສັນຕິພາບ, ສະຖຽນລະພາບ ແລະ ພັດທະນາ.
 | ບັນດານະໂຍບາຍໃຫມ່ຂອງກາຊັກສະຖານ ມຸ່ງໄປເຖິງການພັດທະນາແບບຍືນຍົງ ຍສໝ - ວັນທີ 15 ຕຸລາ, ສະຖານທູດກາຊັກສະຖານ ປະຈຳ ຫວຽດນາມ ໄດ້ຈັດຕັ້ງກອງປະຊຸມຖະແຫຼງຂ່າວ ກ່ຽວກັບສານປະຈຳປີ 2024 ຂອງປະທານາທິບໍດີ ກາຊັກສະຖານ Kassym-Jomart Tokaev. ກ່າວຄຳປາໄສທີ່ກອງປະຊຸມ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ກາຊັກສະຖານ ປະຈຳ ຫວຽດນາມ Kanat Tumysh ເນັ້ນໜັກວ່າ ກາຊັກສະຖານ ຈະແມ່ນປະຕູເພື່ອຊ່ວຍ ... |
 | ຍສໝ - ວັນທີ 8 ຕຸລາ 2024, ຢູ່ນະຄອນຫຼວງວຽງຈັນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການພົບປະກັບທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ເນື່ອງໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 44, 45. |
ມີງດຶກ
