 | ພາສາຫວຽດນາມ ແລະ ການເດີນທາງບືນອອກໂລກ |
| Maysa - ນັກສຶກສາຕ່າງປະເທດນຳບັນດາຄຸນຄ່າອັນດີງາມຂອງວັດທະນະທຳ ຫວຽດນາມ ມາສູ່ປະເທດລາວ |
ຕ້ອນຮັບນັກຮຽນມັດທະຍົມຕອນປາຍ ລຸ້ນ 30 ຈຳນວນ 456 ຄົນ ແລະ ນັກສຶກສາລາວ 200 ກວ່າຄົນ, ທ່ານ ເລຟູຖັງ ໃຫ້ຮູ້ວ່າ ເພື່ອປະຕິບັດໜ້າທີ່ດັ່ງກ່າວ, ໂຮງຮຽນສືບຕໍ່ປະຕິບັດຄຳຂວັນ “ຮຽນໄປຄຽງຄູ່ກັບການປະຕິບັດຕົວຈິງ”. ເພື່ອຊ່ວຍໃຫ້ບັນດານັກສຶກສາສາກົນເຊື່ອມໂຍງ ແລະ ຊຳນານພາສາຫວຽດນາມ, ໂຮງຮຽນຈະຈັດຕັ້ງການເຄື່ອນໄຫວຫຼາຍຢ່າງທີ່ຕິດພັນກັບສະພາບຕົວຈິງ, ຊ່ວຍໃຫ້ນັກຮຽນມີຄວາມໝັ້ນໃຈໃນການສື່ສານ, ຮ່ຳຮຽນ ແລະ ຊອກຮູ້ວັດທະນະທຳຫວຽດນາມ. ຜ່ານນັ້ນ, ຄູອາຈານ ແລະ ນັກຮຽນກໍ່ພ້ອມກັນປົກປັກຮັກສາ, ປະກອບສ່ວນເພີ່ມພູນຄູນສ້າງນ້ຳໃຈມິດຕະພາບແບບພິເສດຫວຽດນາມ - ລາວ, ປັບປຸງນ້ຳໃຈສາມັກຄີຢ່າງແໜ້ນແຟ້ນລະຫວ່າງປະຊາຊົນສອງປະເທດ.
 |
| ທ່ານ ເລຟູຖັງ, ອຳນວຍການໂຮງຮຽນມິດຕະພາບ T78 ກ່າວຄຳປາໄສທີ່ພິທີ. |
ໃນສົກຮຽນ 2024-2025, ໂຮງຮຽນຍັງຈະສືບຕໍ່ຍົກສູງຄຸນນະພາບການສຶກສາຮອບດ້ານດ້ວຍຂະບວນການແຂ່ງຂັນ “ສອນດີ, ຮຽນດີ, ຮັບໃຊ້ດີ, ຄຸ້ມຄອງດີ”. ໂຮງຮຽນໄດ້ສຸມໃສ່ຢ່າງພິເສດຕໍ່ການສຶກສາອຸດົມການ, ຄຸນສົມບັດ ແລະ ແບບແຜນການດຳລົງຊີວິດ, ສົມທົບກັນສຶກສາກ່ຽວກັບຄວາມສາມັກຄີແຫ່ງຊາດ ແລະ ມິດຕະພາບ ຫວຽດນາມ - ລາວ. ສະພາບແວດລ້ອມໂຮງຮຽນທີ່ໄດ້ຮັບການກໍ່ສ້າງຢ່າງເປັນມິດ, ຕັ້ງໜ້າ ຈາກໂຮງຮຽນຕາມທິດນຳ "ໂຮງຮຽນແມ່ນບ້ານ, ຄູອາຈານແມ່ນພໍ່ແມ່, ໝູ່ເພື່ອນແມ່ນອ້າຍນ້ອງ".
ປ່ຽນແປງໃໝ່ວິທີການສອນ ແລະ ກວດກາຕີລາຄາ ເພື່ອພັດທະນາກຳລັງຄວາມສາມາດ ແລະ ຄຸນນະທາດຂອງນັກຮຽນ. ໂຮງຮຽນຈະຜັນຂະຫຍາຍໂຄງການເປັນເຈົ້າຕົນເອງ “ນັກຮຽນຊາວເຜົ່າ ກິ່ງ ຮຽນພ້ອມກັບນັກຮຽນກິນນອນຊົນເຜົ່າ” ແລະ ເຮັດສໍາເລັດໂຄງການ, ເອກະສານມັດທະຍົມຕອນປາຍ ໃຫ້ສຳລັບນັກສຶກສາລາວ, ປະກອບສ່ວນຊ່ວຍໃຫ້ນັກຮຽນລາວ ຮຽນເກັ່ງ ແລະ ສອບເສັງຈົບຊັ້ນຕາມຫຼັກສູດການສຶກສາສາມັນປີ 2018.
ລົງທຶນພື້ນຖານວັດຖຸເພື່ອຮັບໃຊ້ການຄຸ້ມຄອງ, ການສິດສອນ ແລະ ດຳເນີນຊີວິດໃຫ້ແກ່ນັກຮຽນ. ໂຮງຮຽນໄດ້ເປັນເຈົ້າການສົມທົບກັບຄະນະຄຸ້ມຄອງໂຄງການຂອງກະຊວງສຶກສາ ແລະ ບຳລຸງສ້າງ ເພື່ອຜັນຂະຫຍາຍບັນດາໂຄງການເປົ້າໝາຍແຫ່ງຊາດ, ພ້ອມກັນນັ້ນ ກໍ່ສະເໜີໃຫ້ເປີດກ້ວາງຂອບເຂດໂຮງຮຽນໃນໄລຍະ 2026-2030.
ປ່ຽນແປງໃໝ່ການຄຸ້ມຄອງ, ບໍລິຫານ ແລະ ເພີ່ມທະວີການຝຶກອົບຮົມພະນັກງານທັງທາງດ້ານວິຊາສະເພາະ, ການຄຸ້ມຄອງ ແລະ ທິດສະດີການເມືອງ. ໂຮງຮຽນສຸມໃສ່ຍົກສູງຄຸນນະພາບການດຳເນີນຊີວິດພັກ ແລະ ກຳລັງຕໍ່ສູ້ຂອງບັນດາໜ່ວຍພັກ, ກ້າວໄປສູ່ການຈັດຕັ້ງກອງປະຊຸມໃຫຍ່ອົງຄະນະພັກໂຮງຮຽນໃຫ້ປະສົບຜົນສໍາເລັດ ແລະ ມຸ່ງໄປເຖິງກອງປະຊຸມໃຫຍ່ພັກທຸກຂັ້ນ.
 |
| ການສະແດງສີລະປະຂອງນັກສຶກສາລາວທີ່ພິທີ. |
ກ່າວຄຳປາໄສທີ່ພິທີເປີດສົກຮຽນ, ທ່ານຮອງເອກອັກຄະລັດຖະທູດ ລາວ ປະຈຳຫວຽດນາມ ນາງ ລັດຕະນາ ສີຫາລາດ ໄດ້ສະແດງຄວາມຊົມເຊີຍບັນດາຜົນງານຂອງໂຮງຮຽນ ແລະ ລະດົມໃຫ້ບັນດານັກຮຽນມານະພະຍາຍາມສູ້ຊົນຢ່າງບໍ່ຢຸດຢັ້ງ, ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ລາວ ໃຫ້ແໜ້ນແຟ້ນ.
ໃນໂອກາດນີ້, ກະຊວງສຶກສາ ແລະ ບຳລຸງສ້າງ ຫວຽດນາມ ຍັງໄດ້ມອບທຸງແຂ່ງຂັນສົກຮຽນ 2023-2024 ໃຫ້ແກ່ໂຮງຮຽນມິດຕະພາບ T78, ໂດຍໄດ້ຮັບຮູ້ບັນດາຜົນງານດີເດັ່ນຂອງໂຮງຮຽນ.
 | ຄະນະສັນຕິພາບຫວຽດນາມ ແລະຄະນະສັນຕິພາບ ແລະສາມັກຄີຂອງລາວ ໄດ້ຈັດຕັ້ງກອງປະຊຸມພົບປະ ຍສໝ - ວັນທີ 22 ສິງຫາ, ຢູ່ຮ່າໂນ້ຍ, ທ່ານ ອວງຈູ່ລືວ, ປະທານຄະນະສັນຕິພາບ ຫວຽດນາມ ໄດ້ມີການພົບປະກັບທ່ານ ສົມມາດ ພົນເສນາ, ກຳມະການສູນກາງພັກ, ຮອງປະທານສະພາແຫ່ງຊາດ, ປະທານຄະນະກຳມະການສັນຕິພາບ ແລະສາມັກຄີຂອງລາວ ເນື່ອງໃນໂອກາດທີ່ຄະນະປະຕິບັດງານລາວ ໄປຢ້ຽມຢາມ, ເຮັດວຽກຢູ່ ຫວຽດນາມ. |
 | ນັກສຶກສາ ຮ່າໂນ້ຍ - ຟູກູໂອກະ ພົບປະແລກປ່ຽນວັດທະນະທຳ ແລະການສຶກສາ ຍສໝ - ນັກສຶກສາ 49 ນ້ອງມາຈາກບັນດາໂຮງຮຽນມັດທະຍົມປາຍແຂວງຟູກູໂອກະ (ຢີ່ປຸ່ນ) ໄດ້ມາຮອດຮ່າໂນ້ຍ ເພື່ອເຂົ້າຮ່ວມໂຄງການພົບປະແລກປ່ຽນວັດທະນະທຳ ແລະ ການສຶກສາ ຮ່າໂນ້ຍ - ຟູກູໂອກະ ຄັ້ງທີ 7 ປີ 2024 ເຊິ່ງຈັດຂື້ນແຕ່ວັນທີ 3-9 ສິງຫາ |
ມີງດຶກ
