 | ຄົ້ນຄ້ວາສ້າງຕັ້ງສະມາຄົມຕິດຕໍ່, ສະມາຄົມຍາດພີ່ນ້ອງກັບຄົນຫວຽດນາມຢູ່ຕ່າງປະເທດ ທີ່ມີບ້ານເກີດເມືອງນອນຢູ່ແຂວງ ດົ່ງນາຍ |
| ຂະຫຍາຍຂົວມິດຕະພາບ ດົ່ງນາຍ ແລະ ຝຣັ່ງ |
ວັນທີ 25 ຕຸລານີ້, ຢູ່ແຂວງ ດົ່ງນາຍ, ມີພະນັກງານເກືອບ 300 ຄົນຈາກບັນດາພະແນກ, ຄະນະ, ຂະແໜງການ, ສະມາຄົມອົງການຈັດຕັ້ງ, ບັນດາໂຮງຮຽນ ແລະ ຜູ້ຕາງໜ້າກົມກອງທີ່ມີໂຄງການບໍ່ຂຶ້ນລັດຖະບານຕ່າງປະເທດ ໄດ້ເຂົ້າຮ່ວມຊຸດຝຶກອົບຮົມ ໂດຍສະຫະພັນບັນດາອົງການຈັດຕັ້ງມິດຕະພາບແຂວງດົ່ງນາຍ ຈັດຂຶ້ນ. ນັກປາຖະກະຖາ ໂດ໋ຖິກິມຢຸງ ຮອງຫົວໜ້າຄະນະປະສານງານການຊ່ວຍເຫຼືອປະຊາຊົນ (ສະຫະພັນບັນດາອົງການຈັດຕັ້ງມິດຕະພາບຫວຽດນາມ) ແລະ ທ່ານ ຫງວຽນແທ່ງຈີ໋ ປະທານສະຫະພັນບັນດາອົງການຈັດຕັ້ງມິດຕະພາບແຂວງດົ່ງນາຍ ໄດ້ຖ່າຍທອດບັນດາເນື້ອໃນສຳຄັນກ່ຽວກັບຂັ້ນຕອນ, ທັກສະ ແລະ ປະສົບການຂອງການຂົນຂວາຍອຸປະຖຳຈາກອົງການທີ່ບໍ່ຂຶ້ນກັບລັດຖະບານຕ່າງປະເທດ.
 |
| ຜູ້ຮຽນທີ່ເຂົ້າຮ່ວມຫ້ອງບໍາລຸງວຽກງານການຂົນຂວາຍອຸປະຖຳຈາກອົງການທີ່ບໍ່ຂຶ້ນກັບລັດຖະບານຕ່າງປະເທດ ປີ 2024 ຢູ່ແຂວງດົ່ງນາຍ. (ພາບ: ໜັງສືພິມ ດົ່ງນາຍ) |
ທີ່ແຂວງເຫງະອານ, ສູນກາງສະຫະພັນແມ່ຍິງຫວຽດນາມ ໄດ້ຈັດກອງປະຊຸມສໍາມະນາ “ປຶກສາຫາລືກ່ຽວກັບທັກສະການເຂົ້າເຖິງ ແລະ ລະດົມຄູ່ຮ່ວມມືສາກົນເພື່ອໜູນຊ່ວຍການແກ້ໄຂບັນຫາຂອງແມ່ຍິງ ແລະ ເດັກນ້ອຍຢູ່ເຂດຊົນເຜົ່າສ່ວນໜ້ອຍ ແລະ ເຂດພູດອຍ”. ກອງປະຊຸມໄດ້ສຸມໃສ່ບັນດາທັກສະທີ່ຈໍາເປັນ ແລະ ອັບເດດກ່ຽວກັບສະພາບການໜູນຊ່ວຍຂອງອົງການທີ່ບໍ່ຂຶ້ນກັບລັດຖະບານຕ່າງປະເທດ ໃຫ້ແກ່ຕາງໜ້າສະມາຄົມແມ່ຍິງຢູ່ບັນດາແຂວງພາກກາງ. ງານຄັ້ງນີ້ແມ່ນກອງປະຊຸມສໍາມະນາຄັ້ງທຳອິດໃນ 3 ກອງປະຊຸມສໍາມະນານອນໃນໂຄງການ 8 “ການປະຕິບັດຄວາມສະເໝີພາບລະຫວ່າງ ຍິງ-ຊາຍ ແລະ ແກ້ໄຂບັນຫາຮີບດ່ວນຂອງແມ່ຍິງ ແລະ ເດັກນ້ອຍ” ໃນປີ 2024 ຂອງສູນກາງສະຫະພັນແມ່ຍິງຫວຽດນາມ, ແນໃສ່ຍົກສູງຄວາມສາມາດດ້ານການຕ່າງປະເທດ ແລະ ທັກສະການຂົນຂວາຍການຊ່ວຍເຫຼືອໃຫ້ແກ່ແມ່ຍິງໃນຂົງເຂດຊົນເຜົ່າສ່ວນໜ້ອຍ.
ກ່ອນໜ້ານັ້ນ, ຢູ່ນະຄອນຕຸຍຮົ່ວ (ແຂວງຝູອຽນ), ພະແນກການຕ່າງປະເທດແຂວງ ສົມທົບກັບກົມການຕ່າງປະເທດ (ກະຊວງການຕ່າງປະເທດ) ແລະ ສະຫະພັນບັນດາອົງການຈັດຕັ້ງມິດຕະພາບນະຄອນ ໂຮ່ຈິມິນ ໄດ້ຈັດການປຶກສາຫາລືເພື່ອຊອກຫາວິທີແກ້ໄຂໃນການຍົກສູງປະສິດທິຜົນວຽກງານທີ່ບໍ່ຂຶ້ນກັບລັດຖະບານຕ່າງປະເທດ. ບັນດາຜູ້ແທນໄດ້ປຶກສາຫາລືກ່ຽວກັບການຄຸ້ມຄອງການເຄື່ອນໄຫວບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດ, ບັນດາດຳລັດທີ່ກ່ຽວຂ້ອງຂອງລັດຖະບານ, ພ້ອມກັບປະສົບການປະສານງານ ແລະ ຄວາມຕ້ອງການການຊ່ວຍເຫຼືອຢູ່ບໍລິເວນແຂວງຝູອຽນ, ປະກອບສ່ວນສ້າງພື້ນຖານອັນໜັກແໜ້ນໃຫ້ແກ່ວຽກງານການຕ່າງປະເທດ ແລະ ໜູນຊ່ວຍການພັດທະນາທ້ອງຖິ່ນໃນໄລຍະຈະມາເຖິງ.
 | ຊາວໜຸ່ມ ຝະຣັ່ງ ເຮັດວຽກເປັນ “ຜູ້ຊ່ວຍຊ່າງກໍ່ສ້າງເຮືອນຊານ" ເພື່ອສ້າງເຮືອນແຫ່ງຄວາມຮັກແພງໃຫ້ແກ່ປະຊາຊົນທຸກຍາກຢູ່ແຂວງ ດົ່ງນາຍ ຍສໝ - ໃນຕົ້ນເດືອນມັງກອນປີ 2024, ກຸ່ມອາສາສະໝັກຂອງອົງການ Les Enfants Du Dragon (ຝະລັ່ງ) ໄດ້ມີໜ້າຢູ່ແຂວງ ດົ່ງນາຍ ເພື່ອໜູນຊ່ວຍກໍ່ສ້າງເຮືອນແຫ່ງຄວາມຮັກແພງ 2 ຫຼັງໃຫ້ບັນດາຄອບຄົວທີ່ປະສົມກັບຄວາມຫຍຸ້ງຍາກຢູ່ຕາແສງ ຢ່າແກ່ງ, ເມືອງ ດິ້ງກວານ. |
 | ດົ່ງນາຍ ເພີ່ມທະວີການສຶກສາ ແລະ ໂຄສະນາໃຫ້ລຸ້ນໜຸ່ມກ່ຽວກັບສາຍພົວພັນແບບພິເສດຫວຽດນາມ - ລາວ ຍສໝ - ວັນທີ 13 ທັນວາ, ຢູ່ສະຫະພັນບັນດາອົງການມິດຕະພາບແຂວງ, ສະມາຄົມມິດຕະພາບຫວຽດນາມ - ລາວ ແຂວງ ດົ່ງນາຍ ໄດ້ຈັດຕັ້ງກອງປະຊຸມຄະນະບໍລິຫານງານ ຄັ້ງທີ 7, ອາຍຸການ 3 ເພື່ອຕີລາຄາໝາກຜົນການເຄື່ອນໄຫວໃນປີ 2023, ປະກາດທິດທາງ ແລະ ວຽກງານປີ 2024. |
ທອງມີ ສີຫາວົງ
