 | ຊຸກຍູ້ສາຍພົວພັນລະຫວ່າງຫວຽດນາມ ກັບມົງໂກນ, ໄອແລນ, ຝຣັ່ງ |
| ຝຣັ່ງ ຈັດຕັ້ງການເຄື່ອນໄຫວຫຼາຍຢ່າງເພື່ອໜູນຊ່ວຍການພັດທະນາເລື່ອງພາບຢູ່ ຫວຽດນາມ |
ບັນດາບົດບັນທຶກຊ່ວຍຈຳວ່າດ້ວຍການຮ່ວມມື 2 ຝ່າຍກ່ຽວກັບດ້ານການສຶກສາໄດ້ຮັບການສ້າງຕັ້ງຂຶ້ນລະຫວ່າງ 3 ໂຮງຮຽນຢູ່ນະຄອນ ເກີນເທີ ແລະ 3 ໂຮງຮຽນຢູ່ ຝຣັ່ງ ລວມມີ: ໂຮງຮຽນປະຖົມ ເຈີນກ໋ວກຕວານ ແລະ ໂຮງຮຽນປະຖົມລັດ Du Vieux Chêne; ໂຮງຮຽນປະຖົມ ໂງກວຽນ ແລະ ໂຮງຮຽນ Les Erables Dommartin le Franc; ໂຮງຮຽນປະຖົມ ໝາກດິ໊ງຈິ່ ແລະ ໂຮງຮຽນ Doulevant le Château.
 |
| ບັນດາຜູ້ແທນໄດ້ເປັນສັກຂີພິຍານພິທີລົງນາມການຮ່ວມມືລະຫວ່າງບັນດາໂຮງຮຽນປະຖົມໃນນະຄອນ ເກີນເທີ ກັບບັນດາໂຮງຮຽນປະຖົມຢູ່ ຟຣັ່ງ. |
ເນື້ອໃນການຮ່ວມມືປະກອບມີ: ແລກປ່ຽນຄູ-ອາຈານ ແລະ ນັກຮຽນ ເພື່ອເຂົ້າຮ່ວມບັນດາຫຼັກສູດການຮຽນ ແລະການສອນໃນໄລຍະສັ້ນ; ຈັດຕັ້ງບັນດາການເຄື່ອນໄຫວພົບປະແລກປ່ຽນວັດທະນະທຳ, ກິລາ ແລະ ສິລະປະ; ການແບ່ງປັນເອກະສານສຶກສາ, ວິທີການສິດສອນ ແລະ ປະສົບການການຄຸ້ມຄອງດ້ານການສຶກສາ; ຮ່ວມມືໃນບັນດາໂຄງການຄົ້ນຄວ້າ ແລະ ພັດທະນາການສຶກສາ. ບັນດາບົດບັນທຶກຊ່ວຍຈຳ ມີກຳນົດເວລາ 5 ປີ; ສອງຝ່າຍອາດຈະຕໍ່ກຳນົດເວລາ ຫຼື ປັບປຸງເນື້ອໃນບົດບັນທຶກຊ່ວຍຈຳເປັນເປັນລາຍລັກອັກສອນເມື່ອຈຳເປັນ.
ຕາມທ່ານນາງ ເລທິແທງຢ່າງ, ປະທານສະຫະພັນບັນດາອົງການມິດຕະພາບນະຄອນ ເກີນເທີ ແລ້ວ, ການລົງນາມລະຫວ່າງບັນດາໂຮງຮຽນດັ່ງກ່າວ ແມ່ນເພື່ອແນໃສ່ຍົກສູງຄຸນນະພາບການສຶກສາ, ແບ່ງປັນປະສົບການ ແລະ ວິທີການສິດສອນ, ກໍ່ຄືຊຸກຍູ້ການແລກປ່ຽນວັດທະນະທຳລະຫວ່າງນັກຮຽນ ແລະ ຄູອາຈານ. ພ້ອມກັນນັ້ນ, ກໍ່ຮັກສາ ແລະ ພັດທະນາຂະບວນການສິດສອນ ແລະ ການຮຽນພາສາຟຣັ່ງ ຢູ່ນະຄອນ ເກີນເທີ ຜ່ານບັນດາການເຄື່ອນໄຫວທີ່ແທດຈິງ ແລະ ມີປະໂຫຍດ, ປະກອບສ່ວນຮັດແໜ້ນມິດຕະພາບໃນຂົງເຂດການສຶກສາ, ມຸ່ງໄປເຖິງການກໍ່ສ້າງ ແລະ ພັດທະນາການພົວພັນຮ່ວມມື ແລະ ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ຝຣັ່ງ ໃຫ້ຫຼາຍກວ່າອີກ.
 |
| ທ່ານນາງ ເລທິແທງຢ່າງ, ປະທານສະຫະພັນບັນດາອົງການມິດຕະພາບນະຄອນ ເກີນເທີ ໄດ້ມອບຂອງຂວັນທີ່ລະນຶກໃຫ້ແກ່ຜູ້ຕາງໜ້າສະມາຄົມການເຕີບໃຫຍ່ ແລະ ການເປັນຜູ້ໃຫຍ່ (G&D/France) ທີ່ພິທີລົງນາມ. |
ກ່າວຄຳປາໄສທີ່ພິທີລົງນາມ, ທ່ານ ຫງວຽນຟຸກຕັງ, ຮອງຫົວໜ້າພະແນກການສຶກສາ ແລະ ບຳລຸງສ້າງ, ປະທານສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ເກີນເທີ - ຫວັງວ່າ ການຮ່ວມມືນີ້ ຈະຊ່ວຍໃຫ້ບັນດາຄູອາຈານ ແລະ ນັກຮຽນ ມີໂອກາດດີທີ່ສຸດ ເພື່ອແລກປ່ຽນປະສົບການການສອນ / ການຮຽນ ແລະ ກ່ອນອື່ນຫມົດແມ່ນການຝຶກຝົນທັກສະພາສາຂອງຕົນເອງ.
ກ່ອນນັ້ນ, ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ຝຣັ່ງ ນະຄອນເກີນເທີ ກໍ່ໄດ້ຈັດຕັ້ງຖ້ຽວການໄປພົບປະແລກປ່ຽນມິດຕະພາບຢູ່ສາທາລະນະລັດ ຝຣັ່ງ ໃນກັນຍາ 2024. ໃນຂອບເຂດການເດີນທາງໄປຄັ້ງນີ້, ຄະນະປະຕິບັດງານ ໄດ້ໄປຢ້ຽມຢາມ ແລະ ເຮັດວຽກກັບບັນດາຄູ່ຮ່ວມມື ຝຣັ່ງ ແລະ ບັນດາໂຮງຮຽນປະຖົມ, ມະຫາວິທະຍາໄລຢູ່ ຝຣັ່ງ ເຊັ່ນ: ໂຮງຮຽນ Doulevant-le-Château, ໂຮງຮຽນ Dommartin le Franc, ໂຮງຮຽນປະຖົມລັດ Du Vieux Chêne, ມະຫາວິທະຍາໄລ Lyon 1, ສະມາຄົມນັກສຶກສາ ຫວຽດນາມ ຢູ່ Lyon, ສະມາຄົມນັກສຶກສາຊາວໜຸ່ມ ຫວຽດນາມ ຢູ່ ຝຣັ່ງ. ການເດີນທາງຄັ້ງນີ້ ຍັງມີຄວາມໝາຍທີ່ແທດຈິງ ເພື່ອແນໃສ່ຍົກສູງຄຸນນະພາບການສຶກສາ, ເປີດກ້ວາງໂອກາດການຮຽນພາສາ ຝຣັ່ງ ໃຫ້ແກ່ບັນດານັກຮຽນ; ພ້ອມກັນນັ້ນ, ເພີ່ມທະວີບັນດາການເຄື່ອນໄຫວພົບປະແລກປ່ຽນ, ຮ່ຳຮຽນປະສົບການ ແລະ ວັດທະນະທຳລະຫວ່າງຄູ-ອາຈານກັບນັກຮຽນ ລະຫວ່າງບັນດາໂຮງຮຽນເວົ້າສະເພາະ ແລະ ຫວຽດນາມ - ຝຣັ່ງ ເວົ້າລວມ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກທີ່ພິທີລົງນາມ. |
ໂດຍໄດ້ຮູ້ວ່າ ແຕ່ປີ 2013 ຮອດປະຈຸບັນ, ສະມາຄົມການເຕີບໃຫຍ່ ແລະ ການເປັນຜູ້ໃຫຍ່ (G&D/France) ໄດ້ສົມທົບກັບສະຫະພັນບັນດາອົງການມິດຕະພາບນະຄອນ ເພື່ອປະຕິບັດບັນດາໂຄງການປະກອບສ່ວນຍົກສູງກຳລັງຄວາມສາມາດ ແລະ ການເບິ່ງແຍງດູແລສຸຂະພາບຂອງຊຸມຊົນ, ໜູນຊ່ວຍໃນການດຳລົງຊີວິດ , ສ້າງພື້ນຖານໃຫ້ແກ່ການພັດທະນາເສດຖະກິດ - ສັງຄົມຂອງນະຄອນ. ນອກຈາກນັ້ນ, ອົງການ G&D/France ກໍ່ໄດ້ເຊື່ອມຕໍ່ຊ່ວຍໃຫ້ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ຝຣັ່ງ ຢູ່ນະຄອນ ເກີນເທີ ຊອກຫາບັນດາຄູ່ຮ່ວມມືໃນຂົງເຂດການສຶກສາ ແລະ ບຳລຸງສ້າງ, ປະກອບສ່ວນເພີ່ມທະວີ, ແລກປ່ຽນວຽກງານການຮຽນ-ການສອນພາສາ ຝຣັ່ງ ລະຫວ່າງ 2 ຝ່າຍ.
 | ສົມທົບກັນຈັດຕັ້ງວັນວັດທະນະທຳ ຫວຽດນາມ - ສ.ເກົາຫຼີ ປີ 2024 ຢູ່ນະຄອນ ເກີນເທີ ຍສໝ - ຄະນະກຳມະການປະຊາຊົນນະຄອນ ເກີນເທີ ຫາກໍ່ປະກາດໃຊ້ແຜນການສົມທົບກັນຈັດຕັ້ງວັນວັດທະນະທຳ ຫວຽດນາມ - ສ.ເກົາຫຼີ ຢູ່ນະຄອນ ເກີນເທີ ປີ 2024. |
 | ເຊື່ອມຕໍ່, ໜູນຊ່ວຍບັນດານັກສຶກສາ ຫວຽດນາມ ທີ່ມາຮຽນຢູ່ ຝຣັ່ງ ເພື່ອຮ່ຳຮຽນ ແລະ ເຮັດວຽກ ຍສໝ - ວັນທີ 7 ກໍລະກົດ, ຢູ່ນະຄອນ ເກີນເທີ, ສະຫະພັນບັນດາອົງການຈັດຕັ້ງມິດຕະພາບນະຄອນ ສົມທົບກັບ Campus France Viet Nam (ພາກສ່ວນຮັບຜິດຊອບໄປຮຽນຢູ່ຕ່າງປະເທດຂອງສະຖານທູດ ຝຣັ່ງ ປະຈໍາ ຫວຽດນາມ), ສະມາຄົມຊາວໜຸ່ມນັກສຶກສາ ຫວຽດນາມ ປະຈຳ ຝຣັ່ງ (UEVF) ແລະ ມະຫາວິທະຍາໄລ ເກີນເທີ ... |
ແທັງຮັ່ງ
