| ລັດຖະບານ ອົດສະຕຣາລີ ແລະ ອົງການຢູນີເຊັບ ຂະຫຍາຍການ ສະໜັບສະໜູນ ການຮັບມືກັບພະຍາດໂຄວິດ-19 ໃນ ສປປ ລາວ | |
| ລັດຖະບານ ຈະສຸມໃສ່ຍົກສູງຄຸນນະພາບ ການສຶກສາ ແລະ ການບໍລິການຮັກສາສຸຂະພາບ |
 |
| ລັດຖະບານ ຫວຽດນາມ ໄດ້ປະຕິບັດ ຢ່າງທັນການ ແລະ ຢຶດໝັ້ນ “ເປົ້າໝາຍຄວບຄູ່” ທັງຂ້ຽວຂາດປ້ອງກັນຕ້ານໂລກລະບາດ ທັງສຸມໃສ່ຟື້ນຟູ ແລະ ພັດທະນາເສດຖະກິດ ສັງຄົມ, ຮັບປະກັນຊີວິດການເປັນຢູ່ຂອງປະຊາຊົນ. (ພາບປະກອບ) |
ປີ 2020 ເຖິງວ່າຖືກຜົນສະທ້ອນຢ່າງຫນັກຫນ່ວງຈາກໂລກລະບາດ ແຕ່ຫວຽດນາມ ກໍແມ່ນຫນຶ່ງໃນບັນດາປະເທດທີ່ມີການເຕີບໂຕສູງທີ່ສຸດໃນພາກພື້ນ ແລະ ໃນໂລກ ຍ້ອນມີກຳລັງແຮງພາຍໃນ, ຍາດແຍ່ງບັນດາກາລະໂອກາດເປັນຢ່າງດີ ແລະ ມີມາດຕະການຮັບມືຢ່າງມີໄຫວພິບ ແລະ ເປັນຫລາຍຮູບຫລາຍແບບຂອງພື້ນຖານເສດຖະກິດ. ຂອບຂະຫນາດ GDP ເຕີບໂຕປະມານ 1,4 ເທົ່າເມື່ອທຽບໃສ່ປີ 2015, GDP ສະເລ່ຍຕໍ່ຫົວຄົນປີ 2020 ຄາດວ່າຈະບັນລຸປະມານ 2.750 USD. ພ້ອມກັນນັ້ນ ຫວຽດນາມ ກໍສືບຕໍ່ຮັກສາ ແລະ ປັບປຸງພື້ນຖານເສດຖະກິດມະຫາພາກມີສະຖຽນລະພາບໃນສະພາບການໂລກ ແລະ ພາກພື້ນພວມມີການຜັນປ່ຽນຢ່າງແຮງ.
ເຖິງວ່າ ຖືກຜົນສະທ້ອນຈາກໂລກລະບາດໂຄວິດ 19 ກໍຕາມ ແຕ່ການຄ້າຂອງຫວຽດນາມ ຍັງຄົງສືບຕໍ່ບັນລຸບັນດາໝາກຜົນຕັ້ງຫນ້າ. ພິເສດ ການສົ່ງອອກຍັງສືບຕໍ່ບັນລຸການເຕີບໂຕເປັນບວກ ແລະ ສົ່ງອອກເກີນດຸນບັນລຸຢູ່ໃນລະດັບສູງທີ່ສຸດນັບແຕ່ກ່ອນມາຮອດປະຈຸບັນ. ຄາດຄະເນທັງປີ ຍອດວົງເງິນການນຳເຂົ້າສົ່ງອອກບັນລຸປະມານ 527 ຕື້ USD, ເພີ່ມຂຶ້ນປະມານ 1,8% ເມື່ອທຽບໃສ່ປີ 2019. ໃນນັ້ນ ວົງເງິນສົ່ງອອກສິນຄ້າບັນລຸປະມານ 267 ຕື້ USD, ເພີ່ມຂຶ້ນປະມານ 1% ເມື່ອທຽບໃສ່ປີ 2019.
ຕາມທ່ານ ຫງວຽນຈີຢູງ ລັດຖະມົນຕີແຜນການ ແລະການລົງທຶນ ຫວຽດນາມ ແລ້ວ, ການຄວບຄຸມພະຍາດໂຄວິດ-19 ເປັນຢ່າງດີແມ່ນພື້ນຖານເພື່ອໃຫ້ເສດຖະກິດ 3 ເດືອນທ້າຍປີຟື້ນຟູ. ໃນໄລຍະຈະມາເຖິງ, ຕ້ອງມີກົນໄກ, ມາດຕະການນະໂຍບາຍຢ່າງແຮງ, ຂ້ຽວຂາດເພື່ອສ້າງກຳລັງໜູນໃຫ້ທັງພື້ນຖານເສດຖະກິດ, ກະຕຸກຊຸກຍູ້ໃຫ້ທັງ 3 ກຳລັງໜູນເຕີບໂຕຕົ້ນຕໍ (ການລົງທຶນ, ການສົ່ງອອກ ແລະການໃຊ້ສອຍ) ເພື່ອສູ້ຊົນໃຫ້ບັນລຸຄາດໝາຍຂອງແຜນການພັດທະນາເສດຖະກິດ-ສັງຄົມ ປີ 2020 ໃນລະດັບສູງສຸດ. ພ້ອມກັນນັ້ນ, ສະພາບ “ຫຼັງພະຍາດໂຄວິດ-19” ແລະການປະຕິວັດອຸດສາຫະກຳຄັ້ງທີ 4 ພວມສ້າງກາລະໂອກາດ ແລະຄວາມສະດວກເພື່ອສ້າງໂຄງປະກອບຄືນໃໝ່, ຫັນປ່ຽນດີຈີຕອນ, ຫັນປ່ຽນຮູບແບບມຸ່ງໄປເຖິງການເຕີບໂຕໄວ, ຍືນຍົງ.
ປີ 2020, ໂລກລະບາດໂຄວິດ 19 ເກີດຂຶ້ນ ໄດ້ເຮັດໃຫ້ສະພາບການເສດຖະກິດ ສັງຄົມຂອງຫວຽດນາມ ຖືກຜົນສະທ້ອນຢ່າງຫນັກຫນ່ວງ ແຕ່ ຫວຽດນາມ ຍັງສືບຕໍ່ແມ່ນຫນຶ່ງໃນຈຳນວນສອງປະເທດ ຂອງ ອາຊີ ບັນລຸການເຕີບໂຕເປັນບວກ, ຊີວິດການເປັນຢູ່ຂອງປະຊາຊົນຍັງຄົງໄດ້ຮັບປະກັນ, ບໍ່ຕົກເຂົ້າສູ່ສະພາບວິກິດການ.
 | ນະຄອນໂຮ່ຈີມິນ ແລະນະຄອນ Busan: ແບ່ງປັນບັນດາບົດຮຽນໃນວຽກງານປ້ອງກັນ, ຕ້ານພະຍາດໂຄວິດ-19 ແລະການຟື້ນຟູ, ພັດທະນາເສດຖະກິດ ຍສໝ - ການນໍາສອງນະຄອນເຫັນດີເປັນເອກະພາບນຳກັນວ່າ ໃນສະພາບພະຍາດໂຄວິດ-19 ຜັນແປຢ່າງສັບສົນນັ້ນ, ການເຮັດວຽກທາງໄກໄດ້ສະແດງໃຫ້ເຫັນຄວາມຕັດສິນໃຈ ແລະຄວາມປາດຖະໜາຂອງທັງສອງທ້ອງຖິ່ນເພື່ອແນໃສ່ຊຸກຍູ້ການພົວພັນຮ່ວມມືລະຫວ່າງສອງນະຄອນກວ່າອີກ. |
 | ເພື່ອແນໃສ່ສະກັນກັ້ນການແຜ່ລະບາດຂອງເຊື້ອໄວຣັດໂຄວິດ-19 ລັດຖະບານ ລາວ ສືບຕໍ່ປິດດ່ານປະເພນີ, ດ່ານທ້ອງຖິ່ນ ແລະ ດ່ານສາກົນ ລັດຖະບານ ລາວ ເຫັນດີໃຫ້ສືບຕໍ່ປິດດ່ານປະເພນີ, ດ່ານທ້ອງຖິ່ນ ແລະ ດ່ານສາກົນ ສຳລັບການເຂົ້າ-ອອກ ຂອງບຸກຄົນທົ່ວໄປ, ຍົກເວັ້ນລົດຂົນສົ່ງສິນຄ້າ ແລະ ຜູ້ທີ່ໄດ້ຮັບການອະນຸຍາດຈາກຄະນະສະເພາະກິດເທົ່ານັ້ນ. |
 | ຫວຽດນາມ ໄດ້ ແລະ ພວມຕັ້ງໜ້າຮ່ວມມືກັບບັນດາປະເທດເພື່ອຄວບຄຸມໂລກລະບາດ Covid – 19 ແລະ ຟື້ນຟູການພັດທະນາເສດຖະກິດ - ສັງຄົມ ຍສໝ - ຫວຽດນາມເຊື່ອໝັ້ນວ່າ ຜ່ານບັນດາກົນໄກຮ່ວມມື, ແລກປ່ຽນ, ໂອ້ລົມທາງໂທລະສັບດ້ວຍຈິດໃຈສ້າງສັນ ແລະ ມີຄວາມຮັບຜິດຊອບ, ບັນດາປະເທດ ແລະ ປະຊາຄົມໂລກຈະພ້ອມກັນຄວບຄຸມ, ຍູ້ໂລກລະບາດໃຫ້ຖອຍໄປໂດຍໄວ ພ້ອມທັງຟື້ນຟູການພັດທະນາເສດຖະກິດ - ສັງຄົມເທື່ອລະກ້າວ. |
ໄຊພອນ
