| ນະໂຍບາຍຄ້ຳປະກັນຊີວິດສັງຄົມ ໃຫ້ຜູ້ອອກແຮງງານ ເຢຍລະມັນ ແລະ ຄຸນຄ່າການສໍາຫຼວດ ຕໍ່ກັບຫວຽດນາມ | |
| ພິທີແນະນຳວັດທະນະທຳຫວຽດນາມ ດ້ວຍຫົວຂໍ້ “ເສື້ອຍາວ - ຄຸນຄ່າວັດທະນະທຳຫວຽດນາມ”. |
ເຂົ້າຮ່ວມກອງປະຊຸມ ມີທ່ານ ດົງຮູຍເກື່ອງ, ຫົວໜ້າສະຖາບັນຄົ້ນຄວ້າສາກົນ ແລະ ການຕ່າງປະເທດປະຊາຊົນ, ສະຫະພັນບັນດາອົງການມິດຕະພາບ ຫວຽດນາມ; ການນຳສະຫະພັນບັນດາອົງການມິດຕະພາບ 11 ແຂວງ, ນະຄອນ ກຸ່ມ 1 (ລວມມີ: ບັກຢາງ, ບັກນິງ, ຮ່າໂນ້ຍ, ຫາຍເຢືອງ, ຫາຍຟ່ອງ, ນາມດິງ, ເງ້ອານ, ນິງບິ່ງ, ໄທບິ່ງ, ແທງຮ່ວາ ແລະ ວິງຟຸກ).
 |
| ທ່ານ ດົງຮູຍເກື່ອງ, ຫົວໜ້າສະຖາບັນຄົ້ນຄວ້າສາກົນ ແລະ ການຕ່າງປະເທດປະຊາຊົນ ກ່າວຄຳປາໄສທີ່ກອງປະຊຸມສຳມະນາ. (ພາບ: VUFO) |
ທີ່ກອງປະຊຸມ, ບັນດາຜູ້ແທນໄດ້ໃຫ້ຂໍ້ສັງເກດວ່າ: ການພັດທະນາຂອງສະຫະພັນບັນດາອົງການມິດຕະພາບທ້ອງຖິ່ນໄດ້ຄ່ອຍໆຕອບສະໜອງຄວາມຮຽກຮ້ອງຂອງວຽກງານການຕ່າງປະເທດປະຊາຊົນໃນສະພາບການໃໝ່. ຜ່ານນັ້ນ ກໍ່ປະກອບສ່ວນຮັກສາຄວາມໝັ້ນຄົງທາງດ້ານການເມືອງ, ຄວາມເປັນລະບຽບຮຽບຮ້ອຍສັງຄົມ, ຮັດແໜ້ນຄວາມສາມັກຄີແຫ່ງຊາດ, ດຶງດູດການລົງທຶນ, ພັດທະນາເສດຖະກິດ, ວັດທະນະທຳ, ສັງຄົມຂອງທ້ອງຖິ່ນ.
ເຖິງຢ່າງໃດກໍ່ຕາມ, ຫຼາຍຄຳເຫັນກໍ່ແບ່ງປັນຄວາມຫຍຸ້ງຍາກໃນການເຄື່ອນໄຫວຄື: ລະບອບ ແລະ ນະໂຍບາຍໃຫ້ແກ່ພະນັກງານ, ລັດຖະກອນ, ຜູ້ອອກແຮງງານໃນສະຫະພັນບັນດາອົງການມິດຕະພາບທ້ອງຖິ່ນຍັງບໍ່ເປັນປົກກະຕິ; ຂາດຄວາມຄົບຊຸດໃນການປະຕິບັດລະບອບ ແລະ ນະໂຍບາຍໃຫ້ແກ່ພະນັກງານວິຊາສະເພາະ; ຄະນະພັກ, ອຳນາດການປົກຄອງບາງຂັ້ນ ຍັງບໍ່ທັນເອົາໃຈໃສ່ຢ່າງເຖິງຖອງ ແລະ ສ້າງເງື່ອນໄຂໃຫ້ແກ່ບັນດາການເຄື່ອນໄຫວວຽກງານການຕ່າງປະເທດປະຊາຊົນ; ພື້ນຖານດ້ານວັດຖຸ, ເງື່ອນໄຂການເຮັດວຽກ ແລະ ລາຍຈ່າຍໃນການດຳເນີນງານຍັງຈຳກັດ ແລະ ຫຍຸ້ງຍາກ, ບໍ່ເໝາະສົມກັບທີ່ຕັ້ງ ແລະ ບົດບາດຂອງການຕ່າງປະເທດປະຊາຊົນໃນໄລຍະໃໝ່...
ບົນພື້ນຖານຄວາມເຫັນທີ່ປຶກສາຫາລື, ກຸ່ມ 1 ຈະມີຂໍ້ສະເໜີແນະລະອຽດສຳລັບບັນດາຄະນະ, ກະຊວງ, ຂະແໜງການສູນກາງ, ສະຫະພັນບັນດາອົງການມິດຕະພາບ ຫວຽດນາມ ແລະ ບັນດາຄະນະພັກ, ອຳນາດການປົກຄອງທ້ອງຖິ່ນ ກ່ຽວກັບຄວາມຫຍຸ້ງຍາກທີ່ຕ້ອງແກ້ໄຂ. ຜ່ານນັ້ນ ກໍ່ປະກອບສ່ວນກໍ່ສ້າງພື້ນການທູດຮອບດ້ານ ແລະ ທັນສະໄໝ ດ້ວຍ 3 ເສົາຄ້ຳຄື: ການຕ່າງປະເທດພັກ, ການທູດແຫ່ງລັດ ແລະ ການຕ່າງປະເທດປະຊາຊົນ.
ແລະກໍ່ໃນວັນດຽວກັນ, ກຸ່ມ 1 ໄດ້ຈັດຕັ້ງການຜັນຂະຫຍາຍທິດທາງ ແລະ ໜ້າທີ່ວຽກງານການຕ່າງປະເທດປະຊາຊົນໃນປີ 2024. ຕາມນັ້ນແລ້ວ, ສະຫະພັນບັນດາອົງການມິດຕະພາບແຂວງ ວີງຟູກ ເປັນຫົວໜ້າກຸ່ມ 1 ໃນປີ 2024.
ດີງເລື້ອງ
