ວັນທີ 17 ຕຸລາ 2024, ທີ່ການປະຊຸມຖະແຫຼງຂ່າວປະຈຳຂອງກະຊວງການຕ່າງປະເທດ ຫວຽດນາມ, ໂດຍຕອບຄຳຖາມຂອງນັກຂ່າວ ກ່ຽວກັບສະພາບການພົນລະເມືອງຫວຽດນາມ ຢູ່ອິດສະຣາແອນ, ລີບັງ ແລະ ອີຣານ ໃນສະຖານະການຄວາມເຄັ່ງຕຶງທີ່ພວມເພີ່ມຂຶ້ນ ຢູ່ພາກພື້ນຕາເວັນອອກກາງ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ:
ຕາມຂໍ້ມູນຈາກບັນດາອົງການຜູ້ຕາງໜ້າ ຫວຽດນາມ ຢູ່ພາກພື້ນຕາເວັນອອກກາງ, ບັນດາພົນລະເມືອງ ຫວຽດນາມ ໃນປະຈຸບັນຍັງມີຄວາມປອດໄພ. ບັນດາອົງການຜູ້ຕາງໜ້າ ໄດ້ອັບເດດຂໍ້ມູນ, ສະພາບການໃໝ່ໃຫ້ປະຊາຊົນຢ່າງຕໍ່ເນື່ອງ ແລະ ໄດ້ອອກບັນດາຄຳເຕືອນໃຫ້ຊາວຫວຽດນາມ ຕິດຕາມສະພາບການຢ່າງໃກ້ຊິດ, ເອົາໃຈໃສ່ເຖິງການເດີນທາງ ແລະ ເປັນເຈົ້າການໃນການເຄື່ອນຍ້າຍໄປລີ້ໄພຢູ່ບັນດາສະຖານີລົດໄຟໃຕ້ດິນໃນກໍລະນີສຸກເສີນ.
ປະຈຸບັນຍັງມີພົນລະເມືອງ ຫວຽດນາມ 700 ກວ່າຄົນ ຢູ່ອິດສະຣາແອນ; ພົນລະເມືອງ ຫວຽດນາມ 13 ຄົນ ຢູ່ ລີບັງ ແລະ ພົນລະເມືອງ ຫວຽດນາມ 8 ຄົນ ຢູ່ ອີຣານ.
ໂດຍປະຕິບັດຕາມຄວາມເຫັນຊີ້ນຳຂອງກະຊວງການຕ່າງປະເທດ, ບັນດາອົງການຜູ້ຕາງໜ້າ ຫວຽດນາມ ຢູ່ພາກພື້ນຕາເວັນອອກກາງ ສືບຕໍ່ສົມທົບກັນຢ່າງແໜ້ນແຟ້ນກັບບັນດາອົງການທີ່ມີໜ້າທີ່ຢູ່ທ້ອງຖິ່ນ, ບັນດາຜູ້ຕິດຕໍ່ປະສານງານໃນຊຸມຊົນ ເພື່ອອັບເດດສະພາບການ, ເປັນເຈົ້າການຢື້ຢາມຖາມຂ່າວ, ປຸກລະດົມປະຊາຄົມຊາວ ຫວຽດນາມ ທີ່ຢູ່ບັນດາເຂດພວມມີການປະທະກັນເກີດຂຶ້ນຢ່າງເປັນປະຈຳ, ຂຶ້ນແຜນ ແລະ ກຽມພ້ອມບັນດາແຜນງານປົກປ້ອງ, ອົບພະຍົບພົນລະເມືອງໃນກໍລະນີທີ່ຈຳເປັນ.
 |
| ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ. |
ເມື່ອຕອບຄຳຖາມຂອງນັກຂ່າວ ກ່ຽວຂ້ອງກັບວຽກງານປົກປ້ອງ ແລະ ສະພາບການຂອງບັນດາພົນລະເມືອງ ຫວຽດນາມ ທີ່ຖືກຄື້ນທະເລຢູ່ທະເລ Ibaraki, ປະເທດ ຍີ່ປຸ່ນ ພັດໄຫຼໄປນັ້ນ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ:
ຕາມຂໍ້ມູນຈາກບັນດາອົງການທີ່ມີໜ້າທີ່ ຍີ່ປຸ່ນ, ຕອນຄ່ຳວັນທີ 12 ຕຸລາ 2024, ພົນລະເມືອງ ຫວຽດນາມ 4 ຄົນ ເມື່ອພວມໄປຫາປາຢູ່ແຄມຝັ່ງທະເລ ເມືອງ Kamisu , ແຂວງ Ibaraki (ພາກຕາເວັນອອກຍີ່ປຸ່ນ) ໄດ້ຖືກຄື້ນທະເລພັດໄຫຼໄປ. ບັນດາກຳລັງທີ່ມີໜ້າທີ່ ໄດ້ຊອກເຫັນ 2 ຄົນມີອາການສຸຂະພາບປົກກະຕີ ແລະ ກຳລັງພະຍາຍາມຊອກຫາບັນດາຜູ້ຫາຍສາບສູນ.
ກະຊວງການຕ່າງປະເທດ ໄດ້ຊີ້ນຳບັນດາອົງການຜູ້ຕາງໜ້າ ຫວຽດນາມ ປະຈຳ ຍີ່ປຸ່ນ ເລັ່ງສົມທົບກັບບັນດາອົງການທີ່ມີໜ້າທີ່ຢູ່ທ້ອງຖິ່ນ ເພື່ອຊອກຮູ້ກ່ຽວກັບເຫດການ, ສົມທົບກັນຢັ້ງຢືນຕົວຕົນ ແລະ ໜູນຊ່ວຍການຊອກຫາ, ກູ້ຊີບ, ຄົ້ນຫາບັນດາຜູ້ຫາຍສາບສູນ.
 | ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ ຍສໝ - ວັນທີ 27 ແລະ 28 ພະຈິກ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວຢ່າງຫຼວງຫຼາຍກ່ຽວກັບການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານປະທານປະເທດ ຫວຽດນາມ ຫວໍວັນເຖືອງ, ໃນນັ້ນໄດ້ເນັ້ນໜັກເຖິງເລື່ອງທ່ານປະທານປະເທດ ຫວໍວັນເຖືອງ ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ເຫັນດີຍົກລະດັບການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ... |
 | ທ່ານປະທານປະເທດ ຫວໍວັນເຖືອງ ແລະ ພັນລະຍາຕ້ອນຮັບເຈົ້າຊາຍ ແລະ ເຈົ້າຍິງ ຍີ່ປຸ່ນ ຍສໝ - ການຢ້ຽມຢາມຂອງເຈົ້າຊາຍ ແລະ ເຈົ້າຍິງ ຄັ້ງນີ້ຈະປະກອບສ່ວນສຳຄັນເຂົ້າໃນການເພີ່ມທະວີຄວາມເຂົ້າໃຈລະຫວ່າງປະຊາຊົນ 2 ປະເທດ |
ແທັງຮັ່ງ
