ຕອນບ່າຍວັນທີ 22 ກັນຍາ, ໃນຂອບເຂດການໄປປະຕິບັດງານເພື່ອເຂົ້າຮ່ວມກອງປະຊຸມສຸດຍອດອະນາຄົດ, ສະມັດຊາໃຫຍ່ສະຫະປະຊາຊາດຊຸດທີ 79 ແລະ ເຮັດວຽກຢູ່ ອາເມລິກາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການພົບປະ ແລະ ແລກປ່ຽນກັບພັກກອມມູນິດ, ອົງການຈັດຕັ້ງຝ່າຍຊ້າຍ ແລະ ເພື່ອນມິດ ອາເມລິກາ ຢູ່ New York.
 |
| ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ. (ພາບ: Lam Khanh/TTXVN) |
ການພົບປະໄດ້ສົມທົບກັນຈັດຕັ້ງໂດຍຄະນະພົວພັນຕ່າງປະເທດສູນກາງ, ສະຫະພັນບັນດາອົງການມິດຕະພາບ ຫວຽດນາມ, ຄະນະຜູ້ແທນຫວຽດນາມ ແລະ ອົງການສະຫະປະຊາຊາດ.
ບັນດາຜູ້ແທນຈຳນວນຫຼວງຫຼາຍມາຈາກລັດຕ່າງໆ, ຜູ້ຕາງໜ້າທີ່ພົ້ນເດັ່ນສຳລັບເພື່ອນມິດ ອາເມລິກາ ທີ່ຮັກ ຫວຽດນາມ ນັບພັນຄົນ, ໃນນັ້ນມີການນຳພັກກອມມູນິດ ອາເມລິກາ, ບັນດາອົງການຊ້າຍຈັດ, ບັນດານັກເຄື່ອນໄຫວສັນຕິພາບ, ນັກຮົບເກົ່າ, ເພື່ອນມິດ, ຜູ້ຕາງໜ້າບັນດາອົງການການກຸສົນ, ມະນຸດສະທຳ , ສາສະໜາ, ອົງການບໍ່ຂຶ້ນກັບລັດຖະບານ ແລະ ວິສາຫະກິດ ໄດ້ເຂົ້າຮ່ວມການພົບປະ.
ໃນບັນຍາກາດທີ່ສະໜິດສະໜົມ, ອົບອຸ່ນ, ບັນດາຜູ້ແທນ ໄດ້ສະແດງຄວາມຮູ້ສຶກຕື້ນຕັນໃຈເມື່ອໄດ້ເຂົ້າຮ່ວມການພົບປະກັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ, ແບ່ງປັນຄວາມຮູ້ສຶກພິເສດ ແລະ ການສະໜັບສະໜູນ ຫວຽດນາມ ດ້ວຍຫຼາຍຮູບຫຼາຍແບບຜ່ານແຕ່ລະໄລຍະ.
Đồng Chủ tịch Đảng Cộng sản Hoa Kỳ Rossana Cambron bày tỏ ấn tượng sâu sắc và được truyền cảm hứng về một nước Việt Nam hiện đại, thịnh vượng với nền kinh tế thị trường định hướng xã hội chủ nghĩa, coi đây là mô hình cho tăng trưởng bền vững, nâng cao đời sống nhân dân và là mẫu mực của việc đưa lý thuyết về xã hội xã hội chủ nghĩa thành hiện thực; khẳng định mong muốn tăng cường quan hệ giữa hai Đảng trong thời gian tới.
ທ່ານ Rossana Cambron ປະທານຮ່ວມພັກກອມມູນິດ ອາເມລິກາ ໄດ້ສະແດງຄວາມປະທັບໃຈຢ່າງເລິກເຊິ່ງ ແລະ ໄດ້ສົ່ງແຮງບັນດານໃຈຄວາມຮັກແພງກ່ຽວກັບປະເທດຫວຽດນາມ ທີ່ທັນສະໄໝ, ວັດທະນາຖາວອນດ້ວຍພື້ນຖານເສດຖະກິດທ້ອງຕະຫຼາດຕາມທິດສັງຄົມນິຍົມ, ຖືວ່າ ນີ້ແມ່ນຮູບແບບໃຫ້ການເຕີບໂຕແບບຍືນຍົງ, ຍົກສູງຊີວິດການເປັນຢູ່ຂອງປະຊາຊົນ ແລະ ເປັນແບບຢ່າງຂອງການນຳທິດສະດີກ່ຽວກັບສັງຄົມນິຍົມເຂົ້າສູ່ຕົວຈິງ; ຢືນຢັນຄວາມປາດຖະໜາຢາກເພີ່ມທະວີການພົວພັນລະຫວ່າງສອງພັກໃນໄລຍະຈະມາເຖິງ.
ທ່ານ John McAucliff ປະທານກອງທຶນໄກ່ເກ່ຍ ແລະ ພັດທະນາ ໄດ້ສະແດງຄວາມປະທັບໃຈກ່ຽວກັບການໄກ່ເກ່ຍລະຫວ່າງ 2 ປະເທດພາຍຫຼັງສົງຄາມ, ກ່ຽວກັບການພັດທະນາຢ່າງເຂັ້ມແຂງໃນທຸກຂົງເຂດໃນຂອບເຂດການພົວພັນຄູ່ຮ່ວມມືຍຸດທະສາດຮອບດ້ານ, ປາດຖະໜາວ່າ ຫວຽດນາມ ຈະແບ່ງປັນປະສົບການເພື່ອຊຸກຍູ້ການໄກ່ເກ່ຍ ແລະ ການພັດທະນາໃນການພົວພັນລະຫວ່າງບັນດາຊາດ.
ຜູ້ແທນຫຼາຍທ່ານໄດ້ແບ່ງປັນບັນດາເລື່ອງລາວ ແລະ ການລົງຕົວຈິງຂອງຕົນໃນຂະບວນການຊຸກຍູ້ຄວາມເຂົ້າໃຈລະຫວ່າງປະຊາຊົນສອງປະເທດ.
 |
| ພາບທີ່ກອງປະຊຸມພົບປະ. (ພາບ: VUFO) |
ຜູ້ອຳນວຍການຝ່າຍບໍລິຫານອົງການໂຄງການ 2, ທ່ານ Margot Delogne ໄດ້ສະແດງຄວາມຮູ້ສຶກຕື້ນຕັນໃຈແບ່ງປັນການປ່ຽນແປງຈາກຄວາມກຽດຊັງເປັນມິດຕະພາບຂອງລູກຫຼານຜູ້ສູນເສຍພໍ່ໃນສົງຄາມ ຫວຽດນາມ, ມານະພະຍາຍາມເຊື່ອມຕໍ່ບັນດາຜູ້ສູນເສຍພໍ່ແມ່ໃນສົງຄາມຢູ່ທັງສອງຝ່າຍ, ເພື່ອຊອກຫາຄວາມສະຫງົບໃນຈິດວິນຍານ ແລະ ຊຸກຍູ້ຄວາມເຂົ້າໃຈ, ສ້າງຄວາມມິດຕະພາບລະຫວ່າງປະຊາຊົນສອງປະເທດ.
ນັ້ນກໍ່ແມ່ນເລື່ອງຂອງບັນດາຄວາມມານະພະຍາຍາມເພື່ອສະໜັບສະໜູນສັນຕິພາບ, ຄັດຄ້ານການນຳໃຊ້ອາວຸດນິວເຄຼຍໃນສົງຄາມຫວຽດນາມ ຂອງບັນດາຜູ້ຕາງໜ້າຂະບວນການວັນທີ 12 ທັນວາ, ຫຼື ຂອງບຸກຄົນທ່ານ Peter ແລະ ທ່ານນາງ Cora Weiss ທີ່ກຽມພ້ອມຈະແບ່ງປັນປະສົບການໃນການເຈລະຈາສັນຕິພາບສຳລັບຝ່າຍຄະນະຜູ້ແທນ ຫວຽດນາມ ທີ່ກອງປະຊຸມ Paris, ໄດ້ບໍລິຈາກເພື່ອສົ່ງກຳປັ່ນຂົນບັນຈຸສະບຽງອາຫານໄປຫວຽດນາມ ໃນຊຸມປີທີ່ ຫວຽດນາມ ຍັງປະສົບກັບຄວາມຫຍຸ້ງຍາກຫຼາຍຢ່າງ.
ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ສະແດງຄວາມຂອບໃຈບັນດາສະຫາຍ, ເພື່ອນມິດທີ່ໄດ້ຈັດເວລາເພື່ອເຂົ້າຮ່ວມການພົບປະ; ສະແດງຄວາມເຄົາລົບນັບຖື, ຄວາມຮູ້ສຶກຕື້ນຕັນໃຈຕໍ່ການສະໜັບສະໜູນ, ຄວາມຮັກແພງຂອງບັນດາສະຫາຍກອມມູນິດ, ເພື່ອນມິດ, ປະຊາຊົນ ອາເມລິກາ ທີ່ມີຕໍ່ພັກ, ລັດ ແລະ ປະຊາຊົນ ຫວຽດນາມ ໃນໄລຍະຜ່ານມາ.
ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ແຈ້ງກ່ຽວກັບບັນດາຜົນງານຂອງ ຫວຽດນາມ ພາຍຫຼັງເກືອບ 40 ປີແຫ່ງການປ່ຽນແປງໃໝ່, ບັນດາໝາກຜົນທີ່ບັນລຸໄດ້ໃນການຜັນຂະຫຍາຍບັນດາເປົ້າໝາຍຂອງກອງປະຊຸມໃຫຍ່ຄັ້ງທີ 13; ແບ່ງປັນວ່າ ກອງປະຊຸມໃຫຍ່ຄັ້ງທີ 14 ຂອງພັກກອມມູນິດ ຫວຽດນາມ ໃນຕົ້ນປີ 2026 ຈະແມ່ນບາດກ້າວບຸກທະລຸທີ່ສຳຄັນ, ເປັນຂີດໝາຍສັງກາດແຫ່ງການເຕີບໂຕຂອງປະຊາຊົນ ຫວຽດນາມ ບົນເສັ້ນທາງກ້າວໄປສູ່ສັງຄົມນິຍົມ.
ທ່ານເລຂາທິການໃຫຍ່, ປະທານປະເທດ ຫວຽດນາມ ກໍ່ຢືນຢັນແນວທາງເອກະລາດ, ເປັນເຈົ້າຕົນເອງ, ສັນຕິພາບ, ການຮ່ວມມື, ມິດຕະພາບ ແລະ ພັດທະນາໃນການພົວພັນມິດຕະພາບຂອງຫວຽດນາມ ກັບບັນດາປະເທດ, ໃນນັ້ນມີ ອາເມລິກາ, ເນັ້ນໜັກເຖິງສານຂອງ ຫວຽດນາມ ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ການໄກ່ເກ່ຍໃນໂລກ, ເຂົ້າຮ່ວມການແກ້ໄຂສິ່ງທ້າທາຍລວມທີ່ມວນມະນຸດພວມປະເຊີນໜ້າ.
ທີ່ການພົບປະ, ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ສະແດງຄວາມຊົມເຊີຍ ແລະ ຖືເປັນກຽດມອບຫຼຽນໄຊມິດຕະພາບໃຫ້ບັນດາບຸກຄົນທີ່ມີຫຼາຍການປະກອບສ່ວນຢ່າງຕັ້ງໜ້າ, ສຳຄັນ, ປະກອບສ່ວນເພີ່ມທະວີການພົວພັນມິດຕະພາບລະຫວ່າງປະຊາຊົນສອງປະເທດ.
ຕາງໜ້າບັນດາຜູ້ໄດ້ຮັບຫຼຽນໄຊມິດຕະພາບ, ທ່ານ John McAuliff ແລະ ທ່ານນາງ Cora Weiss ສະແດງຄວາມຂອບອົກຂອບໃຈ, ຄວາມຮູ້ສຶກຕື້ນຕັນໃຈ ແລະ ຖືເປັນກຽດທີ່ໄດ້ຮັບລາງວັນອັນສະຫງ່າລາສີນີ້ ແມ່ນເປັນກຽດສັກສີຂອງຊາວອາເມລິກາ ຫຼາຍສິບພັນຄົນ ທີ່ຮັກແພງ ແລະ ສະໜັບສະໜູນ ຫວຽດນາມ, ຢັ້ງຢືນວ່າ ຈະສືບຕໍ່ມານະພະຍາຍາມເພີ່ມທະວີຄວາມເຂົ້າໃຈ, ຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງ 2 ຝ່າຍໃນໄລຍະຈະມາເຖິງ.
 | ທ່ານເລຂາທິການໃຫຍ່ ຫງວຽນຟູ໋ຈ້ອງ ໃນດວງໃຈຊາວ ຫວຽດນາມ ອາໄສຢູ່ຕ່າງປະເທດ ຍສໝ - ໄປໃສກໍຕ້ອງຄິດວ່າຕົນເອງເປັນ “ລູກຫຼານ ລາກຮົ່ງ”, ບໍ່ວ່າຈະເຮັດຫຍັງກໍຕ້ອງຄິດວ່າຕົນເອງເປັນຊາວ ຫວຽດນາມ; ຮັກສາສີສັນຂອງຊາດ, ຮັກສາພາສາ ຫວຽດນາມ, ໂຄສະນາພາບພົດຂອງ ຫວຽດນາມ ໄປສູ່ເພື່ອນມິດໃນທົ່ວໂລກ... ນັ້ນແມ່ນຄຳຕັກເຕືອນຂອງ ທ່ານເລຂາທິການໃຫຍ່ ຫງວຽນຟູ໋ຈ້ອງ ເຖິງຊາວ ຫວຽດນາມ ອາໄສຢູ່ຕ່າງປະເທດ. |
 | ຫວຽດນາມ ສົ່ງອອກສິນຄ້າ ເກີນດຸນກວ່າ 6,3 ຕື້ໂດລາ ສະຫະລັດ ຍສໝ - ຍອດວົງເງິນການຄ້າສິນຄ້າໃນ 4 ເດືອນຕົ້ນປີນີ້ ຄາດວ່າຈະມີຍອດມູນຄ່າການຄ້າປະມານ 6,35 ຕື້ USD, ໃນຂະນະທີ່ໄລຍະດຽວກັນຂອງປີກາຍມີຍອດມູນຄ່າການຄ້າ 2,35 ຕື້ USD. |
ມີງດຶກ
