 | ເພື່ອນມິດສາກົນອວຍພອນ ທ່ານເລຂາທິການໃຫຍ່ ໂຕເລີມ |
| ເຊື່ອໝັ້ນວ່າ ສະຫາຍເລຂາທິການໃຫຍ່ ໂຕເລີມ ຈະສືບຕໍ່ນຳພາການພັດທະນາຂອງປະເທດຊາດ ແລະເສີມຂະຫຍາຍຈິດໃຈສາມັກຄີສາກົນ |
ຕາມແຈ້ງການຂອງກະຊວງການຕ່າງປະເທດວ່າ: ໄດ້ຮັບຄຳເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຈີນ, ປະທານປະເທດແຫ່ງສາທາລະນະລັດ ປະຊາຊົນ ຈີນ ສີຈິ້ນຜິງ ແລະ ພັນລະຍາ, ທ່ານເລຂາທິການໃຫຍ່ຄະນະບໍລິຫານງານສູນກາງ ພັກກອມມູນິດ ຫວຽດນາມ, ປະທານປະເທດແຫ່ງສາທາລະນະລັດ ສັງຄົມນິຍົມ ຫວຽດນາມ ໂຕເລີມ ແລະ ພັນລະຍາ ຈະໄປຢ້ຽມຢາມທາງລັດຖະກິດເຖິງ ສາທາລະນະລັດ ປະຊາຊົນ ຈີນ ແຕ່ວັນທີ 18 – 20 ສິງຫາ ປີ 2024.
 |
| ທ່ານເລຂາທິການໃຫຍ່, ປະທານປະເທດ ໂຕເລີມ. ພາບ: TTXVN |
ກ່ອນໜ້ານັ້ນ, ວັນທີ 3 ສິງຫາ ປີ 2024, ເນື່ອງໃນໂອກາດທີ່ທ່ານປະທານປະເທດ ໂຕເລີມ ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງ ພັກກອມມູນິດ ຫວຽດນາມ, ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ໄດ້ສົ່ງໂທລະເລກອວຍພອນ.
ຢູ່ໃນໂທລະເລກ, ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ຢືນຢັນວ່າ: ໃນຊຸມປີມໍ່ໆມານີ້, ພັກກອມມູນິດ ຫວຽດນາມ ໄດ້ເຊື່ອມຊຶມປະຕິບັດຈິດໃຈມະຕິກອງປະຊຸມໃຫຍ່ ຄັ້ງທີ 13, ເຂົ້າສູ່ລວງເລິກຊຸກຍູ້ການກໍ່ສ້າງພັກ, ບັນລຸໄດ້ບັນດາຜົນງານໃໝ່ໃນການຊຸກຍູ້ການກໍ່ສ້າງ ສັງຄົມນິຍົມ ແລະ ພາລະກິດຂອງການປ່ຽນແປງໃໝ່ເປີດປະຕູ.
“ຂ້າພະເຈົ້າພ້ອມແລ້ວທີ່ຈະຮ່ວມກັບທ່ານເລຂາທິການໃຫຍ່ ໂຕເລີມ ໃນການນຳພາກໍ່ສ້າງປະຊາຄົມແບ່ງປັນອະນາຄົດ ຈີນ - ຫວຽດນາມ ໃຫ້ນັບມື້ນັບແທດຈິງ ແລະ ເຂົ້າສູ່ລວງເລິກ, ຮ່ວມກັນເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ, ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ລົງເລິກການແລກປ່ຽນຍຸດທະສາດ, ຊຸກຍູ້ການຮ່ວມມືຢ່າງແທດຈິງ, ນຳມາເຊິ່ງຄວາມຜາສຸກໃຫ້ແກ່ປະຊາຊົນສອງປະເທດໃຫ້ຫຼາຍກວ່າອີກ, ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ ແລະ ຄວາມກ້າວໜ້າຂອງມວນມະນຸດ", ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ໄດ້ຂຽນ ແລະ ອວຍພອນໃຫ້ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ “ບັນລຸໄດ້ບັນດາຜົນງານໃໝ່ໃນຖານະທີ່ສູງສົ່ງຂອງຕົນ”.
 | ບັນດາອົງການປະຊາຊົນໃນທົ່ວໂລກຊົມເຊີຍ ສະຫາຍເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຍສໝ - ເນື່ອງໃນໂອກາດທີ່ ສະຫາຍກຳມະການກົມການເມືອງ, ປະທານປະເທດ ຫວຽດນາມ ໂຕເລີມ ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ບັນດາອົງການ, ບຸກຄົນໃນທົ່ວໂລກທີ່ເປັນເພື່ອນມິດ, ຄູ່ຮ່ວມມືຂອງສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກ ໄດ້ສົ່ງຈົດໝາຍ, ໂທລະເລກ ເພື່ອຊົມເຊີຍທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ. |
 | ການນຳບັນດາປະເທດຊົມເຊີຍ ສະຫາຍເລຂາທິການໃຫຍ່, ປະທານປະເທດ ໂຕເລີມ ຍສໝ - ບັນດາການນຳຂອງບັນດາພັກ ແລະ ບັນດາປະເທດໄດ້ສົ່ງຈົດໝາຍ ແລະ ໂທລະເລກຊົມເຊີຍສະຫາຍ ກຳມະການກົມການເມືອງ, ປະທານປະເທດ ຫວຽດນາມ ໂຕເລີມ ທີ່ໄດ້ຮັບການເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ. |
ມິງດຶກ
