| ສົ່ງອອກສິນຄ້າປະມົງຫວຽດນາມໂດຍກ້າວໄປສູ່ຂະແໜງການບໍລິການສະບຽບອາຫານຢູ່ອາເມລິກາ | |
| ມູນຄ່າການນໍາເຂົ້າ-ສົ່ງອອກສິນຄ້າ ຂອງ ສປປ ລາວ ປະຈໍາເດືອນ 5 ປີ 2021 ບັນລຸ 904 ລ້ານໂດລາ |
ອ້າງຕາມແຫລ່ງຂ່າວ ວິທະຍຸກະຈາຍສຽງ ແຫ່ງຊາດຂອງ ຫວຽດນາມ (VOVWORLD) , ອ້າງຕາມຕົວເລກ ຫລ້າສຸດ ຂອງ ກົມໃຫຍ່ ສະຖິຕິ ລາຍງານວ່າ ໃນ 4 ເດືອນຕົ້ນປີນີ້, ວົງເງິນ ການສົ່ງອອກ ສິນຄ້າ ລວມມີປະມານ 108,57 ຕື້ໂດລາ ສະຫະລັດ, ຫລຸດລົງ 11,8% ເມື່ອທຽບໃສ່ ໄລຍະດຽວກັນ ຂອງ ປີກາຍ ຜ່ານມາ . ສ່ວນວົງເງິນ ນໍາເຂົ້າ ສິນຄ້າ ບັນລຸ ຫລາຍກວ່າ 102,22 ຕື້ໂດລາ ສະຫະລັດ. ໝາຍຄວາມວ່າ ໃນໄລຍະ 4 ຜ່ານມາ ຫວຽດນາມ ໄດ້ສົ່ງອອກ ເກີນດຸນກວ່າ 6,3 ຕື້ໂດລາ ສະຫະລັດ, ເພີ່ມຂຶ້ນ 4 ຕື້ໂດລາສະຫະລັດ, ເມື່ອທຽບໃສ່ ໄລຍະດຽວກັນ ຂອງປີກາຍ.
 |
ຫວຽດນາມ ສົ່ງອອກສິນຄ້າ ເກີນດຸນກວ່າ 6,3 ຕື້ໂດລາ ສະຫະລັດ. |
ໂດຍສະເພາະ ເດືອນເມສາ, ວົງເງິນການສົ່ງອອກ ສິນຄ້າ ລວມມີ 27,5 ຕື້ໂດລາສະຫະລັດ, ວົງເງິນນໍາເຂົ້າ ສິນຄ້າ 26 ຕື້ໂດລາ ສະຫະລັດ. ໃນຂະນະທີ່ ຕະຫລາດ ສົ່ງອອກ ແລະ ນໍາເຂົ້າ ສິນຄ້າໃນ 4 ເດືອນຕົ້ນປີນີ້ ໂດຍແມ່ນ ສ.ອາເມລິກາ ເປັນຕະຫລາດ ນໍາເຂົ້າ ຫລາຍທີ່ສຸດ ຂອງຫວຽດນາມ ດ້ວຍມູນຄ່າ 28,4 ຕື້ໂດລາ ສະຫະລັດ; ສ່ວນ ຈີນ ແມ່ນ ປະເທດ ສົ່ງອອກໄປຍັງ ຫວຽດນາມ ຫລາຍທີ່ສຸດ ລວມມິ 33,3 ຕື້ໂດລາສະຫະລັດ.
ຕາມກະຊວງອຸດສາຫະກຳ ແລະ ການຄ້າແລ້ວ, ໃນບັນດາຕະຫຼາດສົ່ງອອກທີ່ສຳຄັນຂອງຫວຽດນາມ, ຈີນ ພວມດຳລົງຕຳແໜ່ງເປັນຄູ່ຮ່ວມມືການຄ້າໃຫຍ່ທີ່ສຸດ ແລະ ແມ່ນຕະຫຼາດສົ່ງອອກໃຫຍ່ອັນດັບ 2 ຂອງ ຫວຽດນາມ ຖັດຈາກ ອາເມລິກາ.
"ໃນໄລຍະຈະມາເຖິງ, ຈີນຍັງເປັນຕະຫຼາດທີ່ມີຈຸດສົດໃສຫຼາຍ, ມີຫ້ອງຫຼາຍ, ຄາດຄະເນຄວາມຄາດຫວັງສູງສໍາລັບຄໍາສັ່ງສົ່ງອອກໃນໄຕມາດຕໍ່ໄປ", ອົງການດັ່ງກ່າວເນັ້ນຫນັກ.
ຄຳຮຸ່ງ
