 | ຍີ່ປຸ່ນ ຍັງແມ່ນທ້ອງຕະຫຼາດສົ່ງອອກແຮງງານອັນດັບໜຶ່ງຂອງ ຫວຽດນາມ |
| ຈີນ ແລະ ລາວ ແມ່ນ 2 ທ້ອງຕະຫຼາດສົ່ງອອກໝາກເຜັດຕົ້ນຕໍຂອງ ຫວຽດນາມ |
ທ່ານ ຫວູຈຸງມິ້, ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳ ສາທາລະນະລັດ Bolivar Venezuela:
ໝູນໃຊ້ໂອກາດຈາກເຂດເສດຖະກິດພິເສດ ເວເນຊູເອລາ
ທາງດ້ານເສດຖະກິດ, ໂຄງປະກອບສິນຄ້າຂອງ ຫວຽດນາມ ແລະ ເວເນຊູເອລາ ບໍ່ມີການແຫ່ງແຍ້ງໂດຍກົງຫຼາຍປານໃດ. ຫວຽດນາມ ມີທ່າແຮງກ່ຽວກັບບັນດາຜະລິດຕະພັນກະເສດ, ຜະລິດຕະພັນແຜ່ນແພ, ເກີບໜັງ, ຢາງພາລາ, ເຄື່ອງປະກອບ, ອຸປະກອນເອເລັກໂຕນິກ. ໃນຂະນະນັ້ນ, ເວເນຊູເອລາ ມີທ່າໄດ້ປຽບໃນການຂຸດຄົ້ນບໍ່ແຮ່, ນ້ໍາມັນ, ການພັດທະນາການຜະລິດກະສິກໍາ ...
 |
| ທ່ານ ເອກອັກຄະລັດຖະທູດ ຫວູຈຸງມິ້ ໄດ້ເຂົ້າຮ່ວມກອງປະຊຸມເຈລະຈາສາກົນທາງອອນລາຍ. |
ໃນສະພາບທີ່ບັນດາລະບົບສະໜອງທົ່ວໂລກສືບຕໍ່ປະສົບກັບສິ່ງທ້າທາຍຫຼາຍຢ່າງ, ເວເນຊູເອລາ ດ້ວຍຈຳນວນປະຊາກອນປະມານ 30 ລ້ານຄົນ ຈະແມ່ນທ້ອງຕະຫຼາດທີ່ມີຄວາມສາມາດບົ່ມຊ້ອນໃຫ້ແກ່ສິນຄ້າຂອງບັນດາວິສາຫະກິດ ຫວຽດນາມ.
ເວເນຊູເອລາ ມີແຫຼ່ງຊັບພະຍາກອນທໍາມະຊາດທີ່ອຸດົມສົມບູນ, ສະພາບອາກາດທີ່ສະດວກ ແລະ ຈຸດທີ່ຕັ້ງພູມສາດຍຸດທະສາດ, ເປັນປະຕູສູ່ເຂດ Caribe, ເຂດ ອາເມລິກາກາງ ແລະ ອາເມລິກາໃຕ້. ໃນເດືອນສິງຫາ 2023, ເວເນຊູເອລາ ໄດ້ສ້າງຕັ້ງ 5 ເຂດເສດຖະກິດພິເສດ, ສ້າງເງື່ອນໄຂສະດວກໃຫ້ບັນດາວິສາຫະກິດຕ່າງປະເທດ, ພິເສດແມ່ນບັນດາວິສາຫະກິດ ຫວຽດນາມ ໃນການກໍ່ສ້າງບັນດາພື້ນຖານການຜະລິດ ແລະ ດຳເນີນທຸລະກິດ, ຮັບໃຊ້ບໍ່ພຽງແຕ່ທ້ອງຕະຫຼາດ ເວເນຊູເອລາ ເທົ່ານັ້ນ ຫາກຍັງທົ່ວພາກພື້ນອີກດ້ວຍ.
ໃນໄລຍະຈະມາເຖິງ, ຕ້ອງສຸມໃສ່ຍູ້ແຮງການພົວພັນດ້ານເສດຖະກິດ - ການຄ້າ ແລະ ການລົງທຶນໃຫ້ເໝາະສົມກັບການພົວພັນດ້ານການເມືອງທີ່ມີຄວາມໄວ້ເນື້ອເຊື່ອໃຈ, ດີງາມລະຫວ່າງ ຫວຽດນາມ ແລະ ເວເນຊູເອລາ. ບັນດາກະຊວງ, ຂະແໜງການ ແລະ ວິສາຫະກິດ 2 ຝ່າຍຕ້ອງຊອກຫາວິທີການຮ່ວມມືໃໝ່, ໃີຄວາມສາມາດເປັນໄປໄດ້, ນຳມາເຊິ່ງຜົນປະໂຫຍດໃຫ້ທັງສອງປະເທດ, ພິເສດແມ່ນສ້າງບາດກ້າວບຸກທະລຸ. ນີ້ຮຽກຮ້ອງໃຫ້ມີການປະສານງານຢ່າງໃກ້ຊິດ ແລະ ສົມທົບກັນປະຕິບັດການຜັນຂະຫຍາຍບັນດາຄໍາຫມັ້ນສັນຍາ, ຂໍ້ຕົກລົງທີ່ໄດ້ລົງນາມຢ່າງຄົບຊຸດ.
ທ່ານ ປອ ນາງ ລົກທິຖຸຍ, ນັກຊ່ຽວຊານທີ່ປຶກສາຍຸດທະສາດສະຖາບັນ ທະວີບອາເມລິກາ (ສະຖາບັນບັນດິດວິທະຍາສາດສັງຄົມ ຫວຽດນາມ):
ທ້ອງຕະຫຼາດທີ່ມີຄວາມສາມາດບົ່ມຊ້ອນຊ່ວຍໃຫ້ ຫວຽດນາມ ຫັນປ່ຽນໂຄງປະກອບເສດຖະກິດ
ເວເນຊູເອລາ ແມ່ນທ້ອງຕະຫຼາດທີ່ອຸດົມສົມບູນໄປດ້ວຍທ່າແຮງດ້ານພະລັງງານ, ແຮ່ທາດ ແລະ ຊັບພະຍາກອນທຳມະຊາດ, ເຊິ່ງສາມາດຊ່ວຍ ຫວຽດນາມ ຫັນປ່ຽນໂຄງປະກອບເສດຖະກິດ, ຈາກການຂຶ້ນກັບພະລັງງານແບບດັ້ງເດີມໄປສູ່ພະລັງງານສະອາດເຊັ່ນ: cobalt, lithium ແລະ ທອງ. ການຮ່ວມມືດ້ານກະສິກຳ ແລະ ການຜະລິດເຄື່ອງອຸປະໂພກຄວນຖືກພິຈາລະນາເປັນບຸລິມະສິດທີ່ສຳຄັນ, ພິເສດແມ່ນເມື່ອ ເວເນຊູເອລາ ມີປະຊາກອນໜຸ່ມ, ດ້ວຍ 70% ປະຊາກອນທີ່ມີອາຍຸຕ່ຳກວ່າ 40 ປີ.
 |
| ທ່ານ ປອ ນາງ ລົກທິຖຸຍ, ນັກຊ່ຽວຊານທີ່ປຶກສາຍຸດທະສາດສະຖາບັນ ທະວີບອາເມລິກາ (ສະຖາບັນບັນດິດວິທະຍາສາດສັງຄົມ ຫວຽດນາມ) |
ສຳລັບ ເວເນຊູເອລາ, ການຮ່ວມມືກັບ ຫວຽດນາມ ຈະເປີດກວ້າງການພົວພັນດ້ານການຄ້າ ແລະ ການລົງທຶນໄປຍັງ ອາຊີຕາເວັນອອກສ່ຽງໃຕ້ ແລະ ອາຊຽນ, ພ້ອມທັງຊຸກຍູ້ຂະບວນການເຈລະຈາເພື່ອເຂົ້າເປັນສະມາຊິກຂອງບັນດາສັນຍາການຄ້າຄື: ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມ ປາຊີຟິກ (CPTPP) ແລະ ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP), ໂດຍສະເພາະແມ່ນ ເວເນຊູເອລາ ມີການພົວພັນທີ່ດີກັບ ຈີນ ແລະ ຍີ່ປຸ່ນ.
ເພື່ອຊຸກຍູ້ການພົວພັນທາງການທູດກັບ ເວເນຊູເອລາ, ຫວຽດນາມ ຕ້ອງຮັກສາການຢ້ຽມຢາມຂັ້ນສູງລະຫວ່າງການນຳຂອງສອງປະເທດ, ພ້ອມກັນນັ້ນ ກໍ່ເພີ່ມທະວີການແລກປ່ຽນດ້ານທິດສະດີກັບພັກ PSUV ແລະ ລັດຖະບານຂອງທ່ານປະທານາທິບໍດີ Maduro. ການເຂົ້າໃຈຢ່າງຈະແຈ້ງວັດທະນະທຳ ແລະ ຄວາມຄິດຂອງຊາວ ເວເນຊູເອລາ ຈະຊ່ວຍໃຫ້ບັນດາວິສາຫະກິດ ຫວຽດນາມ ເປີດກວ້າງການລົງທຶນຢ່າງມີປະສິດທິຜົນ, ຫຼີກລ່ຽງການລົງທຶນແບບໄຫຼຫຼາກ ແລະ ບໍ່ມີຍຸດທະສາດ.
ທ່ານ ປອ ນາງ ໂງກ່ຽວແອວງ, ນັກຊ່ຽວຊານການທ່ອງທ່ຽວກະສິກຳ, ຊົນນະບົດ:
ພັດທະນາກະສິກຳອົງຄະທາດ - ທິດທາງແບບຍືນຍົງໃຫ້ແກ່ການຮ່ວມມືຫວຽດນາມ - ເວເນຊູເອລາ
ເວເນຊູເອລາ ມີເງື່ອນໄຂທາງທຳມະຊາດທີ່ເອື້ອອຳນວຍໃຫ້ແກ່ການພັດທະນາກະສິກຳອົງຄະທາດ ແລະ ການທ່ອງທ່ຽວຊົນນະບົດ. ຫວຽດນາມ ສາມາດໜູນຊ່ວຍ ເວເນຊູເອລາ ໃນການປູກເຂົ້າອິນຊີ, ບໍ່ພຽງແຕ່ຕອບສະໜອງຄວາມຕ້ອງການພາຍໃນປະເທດເທົ່ານັ້ນ ຫາກຍັງສາມາດສົ່ງອອກໄປຍັງບັນດາປະເທດ ອາເມລິກາລາຕິນ.
 |
| ທ່ານ ປອ ນາງ ໂງກ່ຽວແອວງ, ນັກຊ່ຽວຊານການທ່ອງທ່ຽວກະສິກຳ, ຊົນນະບົດ. |
ຂົງເຂດອື່ນທີ່ມີຄວາມສາມາດບົ່ມຊ້ອນແມ່ນການຄົ້ນຄວ້າ ແລະ ການນໍາໃຊ້ແໜແດງໃນກະສິກໍາ. ແໜແດງສາມາດນຳໃຊ້ເປັນຝຸ່ນຊີວະສາດ, ຊ່ວຍເພີ່ມທະວີປະສິດທິພາບເຂົ້າ ແລະ ປັບປຸງສະພາບແວດລ້ອມຂອງນ້ຳໃນເຂດປູກເຂົ້າ. ນອກຈາກນັ້ນ, ມັນຍັງສາມາດຖືກນໍາໃຊ້ເປັນອາຫານສັດ, ທາດກອງນໍ້າ ແລະ ໃນການຜະລິດຢາ. ການຮ່ວມມືໃນການແລກປ່ຽນປະສົບການ ແລະ ເຕັກໂນໂລຢີລະຫວ່າງ ຫວຽດນາມ ແລະ ເວເນຊູເອລາ ໃນຂົງເຂດນີ້ຈະສາມາດນຳມາເຊິ່ງຜົນປະໂຫຍດຫຼາຍຢ່າງໃຫ້ທັງ 2 ຝ່າຍ, ພ້ອມທັງປະກອບສ່ວນເຂົ້າໃນບັນດາຄວາມມານະພະຍາຍາມຫລຸດຜ່ອນອາຍພິດເຮືອນແກ້ວ ແລະ ປົກປັກຮັກສາສິ່ງແວດລ້ອມ.
 | ເວເນຊູເອລາ ເຄົບລົບນັບຖືມໍລະດົກຂອງປະທານ ໂຮ່ຈີມິນ ຍສໝ - ວັນທີ 17 ເມສາ (ຕາມເວລາທ້ອງຖິ່ນ), ທ່ານ ຮອງນາຍົກລັດຖະມົນຕີ ຫວຽດນາມ ເຈີ່ນລິວກວາງ ໄປຖະຫວາຍດອກໄມ້ທູບທຽນເພື່ອໄຫວ້ອາໄລຫາປະທານ ໂຮ່ຈີມິນ ທີ່ອະນຸສາວະລີ ໂຮ່ຈີມິນ ຢູ່ຖະໜົນຫຼວງ Simón Bolívar, ນະຄອນຫຼວງ Caracas. |
 | ໂຄສະນາຄວາມງາມຂອງວັດທະນະທຳ, ປະຊາຊົນ ຫວຽດນາມ ຕໍ່ລຸ້ນໜຸ່ມ ເວເນຊູເອລາ ຍສໝ - ວັນທີ 19 ມັງກອນ, ສະຖານທູດ ຫວຽດນາມ ປະຈຳ ເວເນຊູເອລາ ແລະ ມະຫາວິທະຍາໄລສັງລວມ Santa María (USM) ໄດ້ຈັດຕັ້ງເຫດການສະເຫຼີມສະຫຼອງວັນຫວຽດນາມ ຢູ່ນະຄອນຫຼວງ Caracas ເພື່ອໂຄສະນາກ່ຽວກັບປະຫວັດສາດທີ່ເປັນມູນເຊື້ອ, ຄຸນຄ່າທາງດ້ານວັດທະນະທຳ, ພ້ອມກັນນັ້ນ ກໍ່ແນະນຳຕໍ່ລຸ້ນໜຸ່ນ ເວເນຊູເອລາ ກ່ຽວກັບ ຫວຽດນາມ ທີ່ເຂັ້ມແຂງແຮງກ້າ ... |
ມີງດຶກ
