| ການເຄືື່ອນໄຫວຕ່າງໆຂອງທ່ານນາຍົກລັດຖະມົນຕີ ຫວຽດນາມ ໃນຂອບເຂດການຢ້ຽມຢາມລາຊະອານາຈັກ ແບນຊິກ ຢ່າງເປັນທາງການ | |
| ເພີ່ມທະວີການພົວພັນມິດຕະພາບ ແລະ ຄວາມສາມັກຄີໃນປະຊາຄົມ ອາຊຽນ ຢູ່ ແບນຊິກ |
ກ່າວຄຳປາໄສທີ່ພົບປະ, ທ່ານປະທານສະພາຕ່ຳ Éliane Tillieux ໃຫ້ຮູ້ວ່າ: ສະພາແຫ່ງຊາດ ແບນຊິກ ແມ່ນລັດຖະສະພາທຳອິດທີ່ຮຽກຮ້ອງໃຫ້ນຳໃຊ້ ທາດດັບສູນເຊື້ອແບັກທີເຣຍນິເວດທີ່ເປັນໂທດກຳຕ້ານຄືນມະນຸດຊາດ. ມະຕິໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ ຫວຽດນາມ ໄດ້ຮັບຄວາມເຫັນດີ 100% ຈາກບັນດາພັກການເມືອງ ແບນຊິກ, ສະແດງໃຫ້ເຫັນຄວາມສົນໃຈທີ່ແທ້ຈິງສຳລັບຜູ້ປະສົບເຄາະຮ້າຍຈາກທາດພິດສີສົ້ມຢູ່ຫວຽດນາມ ແລະ ໃນໂລກ ພ້ອມທັງບັນດາຄວາມສ່ຽງອັນໃຫຍ່ຫຼວງຕໍ່ສິ່ງແວດລ້ອມທີ່ເກີດຈາກທາດພິດສີສົ້ມນີ້.
 |
| ແບນຊິກ ຊຸກຍູ້ການຮ່ວມມືໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມຢູ່ຫວຽດນາມ.(ພາບ: TTXVN) |
ຕາມທ່ານນາງ Éliane Tillieux ແລ້ວ, ມະຕິນີ້ແມ່ນບາດກ້າວທຳອິດມຸ່ງໄປເຖິງບັນດາມະຕິໃນອະນາຄົດ ເພື່ອແນໃສ່ຊຸກຍູ້ການພົວພັນຮ່ວມມືລະອຽດກັບ ຫວຽດນາມ, ໄດ້ສະແດງໃຫ້ເຫັນການເຂົ້າຮ່ວມທາງການເມືອງ ແລະ ຄຳໝັ້ນສັນຍາຂອງ ແບນຊິກ. ແບນຊິກ ຕ້ອງດຳເນີນບັນດາການເຄື່ອນໄຫວຕົວຈິງຄືແຜນການໜູນຊ່ວຍດ້ານການເງິນ, ຜັນຂະຫຍາຍບັນດາການຄົ້ນຄວ້າດ້ານວິຊາການລະຫວ່າງບັນດາມະຫາວິທະຍາໄລແບນຊິກ ແລະ ຫວຽດນາມ... ເພື່ອບັນລຸໄດ້ບັນດາມາດຕະການແກ້ໄຂໃນໄລຍະຍາວ.
ທ່ານສະມາຊິກລັດຖະສະພາລັດ André Flahaut ຜູ້ທີ່ຍື່ນສະເໜີມະຕິຕໍ່ລັດຖະສະພາແບນຊິກ ເພື່ອໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມຢູ່ ຫວຽດນາມ ກໍ່ຢືນຢັນວ່າ ຕ້ອງມີບັນດາການກະທຳສະເພາະເພື່ອຜັນຂະຫຍາຍມະຕິ. ກ່ອນອື່ນໝົດ, ຝ່າຍແບນຊິກ ຕ້ອງປະກອບສ່ວນເຕັກໂນໂລຢີເພື່ອລ້າງພິດດິນທີ່ມີທາດ Dioxine ຢູ່ ຫວຽດນາມ.
ທ່ານ ຫງວຽນວັນຖາວ, ເອກອັກຄະລັດຖະທູດ ຫວຽດນາມ ປະຈຳ ແບນຊິກ ໄດ້ຕີລາຄາສູງການສະໜັບສະໜູນ ແລະ ຄວາມມານະພະຍາຍາມຂອງສະພາແຫ່ງຊາດ ແບນຊິກ ເພື່ອຮັບຮອງເອົາມະຕິນີ້. ສິ່ງດັ່ງກ່າວໄດ້ຊ່ວຍເພີ່ມທະວີຄວາມຮັບຮູ້ກ່ຽວກັບບັນຫາທາດພິດສີສົ້ມ ແລະ ຮຽກຮ້ອງປະຊາຄົມໂລກສະໜັບສະໜູນຜູ້ປະສົບເຄາະຮ້າຍ. ທ່ານຕີລາຄາວ່າ ນີ້ແມ່ນການກະທຳທີ່ມີຄວາມໝາຍທີ່ສຸດເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ, ທ່ານເອກອັກຄະລັດຖະທູດ ຫວຽດນາມ ຈະສົມທົບກັບຝ່າຍ ແບນຊິກ ຊຸກຍູ້ການຮ່ວມມືໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ.
ດີງເລື້ອງ
