| ການຢ້ຽມຢາມທີ່ນຳການພົວພັນ ຫວຽດນາມ-ສ.ເກົາຫຼີ ໃຫ້ພັດທະນາຢ່າງແທດຈິງ, ມີປະສິດທິຜົນ ແລະຍາວນານ | |
| ຮັດແໜ້ນການຮ່ວມມື ແລະ ການພົບປະແລກປ່ຽນປະຊາຊົນລະຫວ່າງຫວຽດນາມ ແລະ ລາວ ຢ່າງເນື້ອແທ້ ແລະ ມີປະສິດທິຜົນ |
ໃນຂອບເຂດການຢ້ຽມຢາມລາວ ຢ່າງເປັນທາງການ, ຕອນເຊົ້າວັນທີ 27 ສິງຫາ, ທ່ານພົນໂທ ຈິ້ງວັນກວຽດ, ເລຂາທິການສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງ ກອງທັບປະຊາຊົນຫວຽດນາມ ແລະ ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ໄດ້ໄປຢ້ຽມຢາມຖາມຂ່າວທ່ານ ບຸນຍັງ ວໍລະຈິດ ອະດີດເລຂາທິການໃຫຍ່, ປະທານປະເທດລາວ.
ທ່ານພົນໂທ ຈິ້ງວັນກວຽດ ໄດ້ແຈ້ງໃຫ້ທ່ານ ບຸນຍັງ ວໍລະຈິດ ຮັບຊາບກ່ຽວກັບໝາກຜົນທີ່ຕັ້ງໜ້າຂອງຫວຽດນາມ ໃນການພັດທະນາເສດຖະກິດ - ສັງຄົມ; ວຽກງານກໍ່ສ້າງພັກ; ວຽກງານກະກຽມໃຫ້ແກ່ກອງປະຊຸມໃຫຍ່ຜູ້ແທນ ຄັ້ງທີ 14 ຂອງພັກກອມມູນິດຫວຽດນາມ; ສະພາບການກອງທັບປະຊາຊົນຫວຽດນາມ ແລະໝາກຜົນທີ່ຕັ້ງໜ້າໃນການຮ່ວມມືດ້ານປ້ອງກັນຊາດຫວຽດນາມ - ລາວ. ການຮ່ວມມືດ້ານປ້ອງກັນຊາດຫວຽດນາມ - ລາວ ໃນໄລຍະຜ່ານມາສືບຕໍ່ຮັກສາຢູ່ໃນທ່າພັດທະນາ.
 |
| ທ່ານພົນໂທ ຈິ້ງວັນກວຽດ ຢ້ຽມຢາມຖາມຂ່າວທ່ານ ບຸນຍັງ ວໍລະຈິດ ອະດີດເລຂາທິການໃຫຍ່, ປະທານປະເທດລາວ. ພາບ: TTXVN |
ສ່ວນສອງກົມໃຫຍ່ການເມືອງ, ໃນໄລຍະທີ່ຜ່ານມາ, ຍາມໃດສອງຝ່າຍກໍ່ໄດ້ຕິດຕາມກວດກາ ແລະປະກອບສ່ວນສຳຄັນເຂົ້າໃນການພັດທະນາການພົວພັນລະຫວ່າງສອງປະເທດ ແລະສອງກອງທັບຢ່າງບໍ່ຢຸດຢັ້ງ. ບັນດາອົງການ, ກົມກອງທີ່ກ່ຽວຂ້ອງຂອງສອງກົມໃຫຍ່ການເມືອງ ໄດ້ສົມທົບກັນຜັນຂະຫຍາຍຂົງເຂດການຮ່ວມມືຢ່າງຮອບດ້ານ, ມີປະສິດທິຜົນ. ທ່ານພົນໂທ ຈິ້ງວັນກວຽດ ສະແດງຄວາມເຄົາລົບນັບຖືຕໍ່ການປະກອບສ່ວນອັນໃຫຍ່ຫຼວງຂອງທ່ານ ບຸນຍັງ ວໍລະຈິດ ທີ່ມີຕໍ່ການປັບປຸງສາຍພົວພັນລະຫວ່າງສອງປະເທດ ແລະສອງກອງທັບ; ພ້ອມທັງຫວັງວ່າ ດ້ວຍບົດຮຽນ, ອາລົມຈິດອັນດີງາມທີ່ມີຕໍ່ຫວຽດນາມ, ທ່ານ ບຸນຍັງ ວໍລະຈິດ ຈະສືບຕໍ່ສະໜັບສະໜູນ ແລະມີການປະກອບສ່ວນຫຼາຍຢ່າງເພື່ອຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ - ລາວ, ລາວ - ຫວຽດນາມ.
 |
| ທ່ານພົນໂທ ຈິ້ງວັນກວຽດ ກ່າວຄໍາເຫັນທີ່ໂຮງຮຽນທິດສະດີການເມືອງກອງທັບປະຊາຊົນລາວ. ພາບ: |
ໃນວັນດຽວກັນ, ເມື່ອໄປຢ້ຽມຢາມ ແລະກ່າວຄຳເຫັນທີ່ໂຮງຮຽນທິດສະດີການເມືອງກອງທັບປະຊາຊົນລາວ, ທ່ານພົນໂທ ຈິ້ງວັນກວຽດ ໄດ້ສະແດງຄວາມຕື້ນຕັນໃຈຕໍ່ອາລົມຈິດອັນອົບອຸ່ນ, ຄວາມສະໜິດສະໜົມຖານສະຫາຍອ້າຍນ້ອງຂອງຄະນະພັກ, ຄະນະອຳນວຍການໂຮງຮຽນ ພ້ອມດ້ວຍພະນັກງານ, ຄູອາຈານ, ນັກຮຽນ, ນັກຮົບ, ພາລະກອນ ຂອງໂຮງຮຽນທິດສະດີການເມືອງກອງທັບປະຊາຊົນລາວ; ພ້ອມທັງສະແດງຄວາມປະທັບໃຈຕໍ່ໝາກຜົນທີ່ເປັນໜ້າທະນົງໃຈທີ່ສຸດ ເຊິ່ງໂຮງຮຽນບັນລຸໄດ້ໃນໄລຍະ 5 ປີແຫ່ງການກໍ່ສ້າງ ແລະ ເຕີບໃຫຍ່ຂະຫຍາຍຕົວ. ທ່ານພົນໂທ ຈິ້ງວັນກວຽດ ເຊື່ອໝັ້ນວ່າ, ດ້ວຍຄວາມເອົາໃຈໃສ່ຂອງການນໍາກະຊວງປ້ອງກັນປະເທດ ແລະກົມໃຫຍ່ການເມືອງຂອງສອງປະເທດ, ການຮ່ວມມືລະຫວ່າງໂຮງຮຽນທິດສະດີການເມືອງກອງທັບປະຊາຊົນລາວ ກັບວິທະຍາຄານ, ໂຮງຮຽນແຫ່ງຕ່າງໆຂອງກອງທັບປະຊາຊົນຫວຽດນາມ ຈະນັບມື້ນັບແໜ້ນແຟ້ນ, ມີປະສິດທິຜົນ, ຮອບດ້ານກວ່າອີກ, ປະກອບສ່ວນເພີ່ມພູນຄູນສ້າງພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ກອງທັບສອງປະເທດໃຫ້ຍິ່ງໆຂຶ້ນ.
ກ່ອນໜ້ານັ້ນ, ທ່ານພົນໂທ ຈິ້ງວັນກວຽດ ແລະ ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ໄດ້ໄປຢ້ຽມຊົມເບິ່ງພື້ນຖານ ດ້ານວັດຖຸ, ຫ້ອງຮຽນ, ໂຄງການຍົກລະດັບເຮືອນຢູ່ໃຫ້ພະນັກງານ, ຄູອາຈານ, ນັກຮຽນ ແລະມອບຂອງຂວັນໃຫ້ໂຮງຮຽນວັດທະນະທໍາຊົນເຜົ່າກອງທັບປະຊາຊົນລາວ.
 |
| ທ່ານພົນໂທ ຈິ້ງວັນກວຽດ ກ່າວຄໍາເຫັນທີ່ບໍລິສັດ Unitel. ພາບ: |
ຕອນບ່າຍວັນດຽວກັນ, ຢູ່ນະຄອນຫຼວງວຽງຈັນ, ທ່ານພົນໂທ ຈິ້ງວັນກວຽດ ແລະ ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ໄດ້ໄປຢ້ຽມຢາມ ແລະເຮັດວຽກກັບບໍລິສັດ Star Telecom (Unitel) ຂຶ້ນກັບກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ Viettel.
 | ຫວຽດນາມ - ລາວ: ການພົວພັນດ້ານການເມືອງ ສືບຕໍ່ໄດ້ຮັບການເສີມຂະຫຍາຍຢ່າງເລິກເຊິ່ງ ແລະ ມີປະສິດທິຜົນ ຍສໝ - ຕອນເຊົ້າວັນທີ 6 ມັງກອນ, ຢູ່ທຳນຽບປະທານປະເທດ, ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານພິທີຕ້ອນຮັບທ່ານນາຍົກລັດຖະມົນຕີ ສປປ.ລາວ ສອນໄຊ ສີພັນດອນ ແລະ ພັນລະຍາ ເນື່ອງໃນໂອກາດມາຢ້ຽມຢາມ ຫວຽດນາມ ຢ່າງເປັນທາງການ, ເປັນປະທານຮ່ວມກອງປະຊຸມຄະນະກຳມະການລະຫວ່າງລັດຖະບານ ຫວຽດນາມ - ລາວ ຄັ້ງທີ 46 ... |
 | ຊຸກຍູ້ການພົວພັນຮ່ວມມືດ້ານປ້ອງກັນປະເທດ ຫວຽດນາມ - ອິດສະຣາແອນ ພັດທະນາຢ່າງແທດຈິງ ແລະ ມີປະສິດທິຜົນ ຍສໝ - ຕອນເຊົ້າວັນທີ 2 ມິຖຸນາ ຢູ່ຮ່າໂນ້ຍ, ທ່ານພົນໂທ ຮ່ວາງຊວນຈ້ຽນ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ; ທ່ານພົນຈັດຕະວາ Amir Eshel, ອະດີດຫົວໜ້າກົມໃຫຍ່ ກະຊວງປ້ອງກັນປະເທດ ອິດສະຣາແອນ ໄດ້ເປັນປະທານຮ່ວມກອງປະຊຸມປຶກສາຫາລືນະໂຍບາຍປ້ອງກັນປະເທດ ຫວຽດນາມ - ອິດສະຣາແອນ ຄັ້ງທີ 2. |
ແສງເດືອນ
