 | ຫວຽດນາມ-ລາວ ເພີ່ມທະວີການຮ່ວມມືດ້ານປ້ອງກັນຄວາມສະຫງົບ |
| ສ້າງສາເຂດສາຊາຍແດນໃຫ້ມີຄວາມສະຫງົບສຸກ, ໝັ້ນຄົງເຂັ້ມແຂງ |
ແສງສະຫວ່າງຕາມຖະຫນົນຫົນທາງຊົນນະບົດ
ເປັນເວລາປະມານ 3 ເດືອນແລ້ວ, ຕອນຄ່ຳແຕ່ລະມື້, ຖະໜົນຫົນທາງໄປຫາໝູ່ບ້ານ ນາກ່າ ໄດ້ແຈ້ງສະຫວ່າງພາຍໃຕ້ແສງດອກໄຟພະລັງງານແສງຕາເວັນ. ປະຊາຊົນແຕ່ລະກຸ່ມໄດ້ຊວນກັນຍ່າງເລາະຫຼິ້ນ ແລະ ລົມກັນໃນບັນຍາກາດທີ່ສະຫງົບສຸກ. ນີ້ແມ່ນພາກສ່ວນໜຶ່ງໃນກິດຈະການຕິດຕັ້ງເສົາດອກໄຟ 40 ເສົາ ມີມູນຄ່າ 80 ລ້ານດົ່ງ ຂອງເຈົ້າໜ້າທີ່ຕຳຫຼວດແຂວງ ກາວບັງ ແລະ ຕຳຫຼວດເມືອງ ບ່າວເລີມ ເພື່ອແນໃສ່ຍົກສູງຊີວິດການເປັນຢູ່ ແລະ ຍົກສູງຄຸນນະພາບການດຳລົງຊີວິດຂອງພໍ່ແມ່ພີ່ນ້ອງຢູ່ 3 ຈຸດກຸ່ມຂາວປະເສີດໃນບໍລິເວນເມືອງຄື: ກຸ່ມຂ່າວປະເສີດຊາວເຜົ່າ ມົ້ງ ຢູ່ໝູ່ບ້ານ ນາກ່າ, ເມືອງ ປາກເມົ່າ; ກຸ່ມຂ່າວປະເສີດຊາວເຜົ່າ ຢ້າວ ຢູ່ໝູ່ບ້ານ ນາແຫງ, ຕາແສງ ນາມກວ່າງ; ກຸ່ມຂ່າວປະເສີດ ຂວຍເຢືອງ, ໝູ່ບ້ານ ນາແຫງ, ຕາແສງ ນາມກວ່າງ.
 |
| ຜູ້ຕາງໜ້າຕຳຫຼວດແຂວງ ກາວບັງ ໄດ້ມອບກິດຈະການ “ແສງສະຫວ່າງຄວາມສະຫງົບ” ໃຫ້ປະຊາຊົນບ້ານນາກ່າ. |
ທ່ານພັນໂທ ເຢືອງແທງຫາຍ, ຮອງຫົວໜ້າຕຳຫຼວດເມືອງ ບ່າວເລີມ ໃຫ້ຮູ້ວ່າ: ແນວຄິດປະຕິບັດກິດຈະການ “ແສງສະຫວ່າງຄວາມສະຫງົບ” ໄດ້ຮັບການຜັນຂະຫຍາຍພາຍຫຼັງໄດ້ເຫັນຊີວິດການເປັນຢູ່ທີ່ຫຍຸ້ງຍາກຂອງປະຊາຊົນຢູ່ເຂດເນີນສູງນີ້. ບັນດາພະນັກງານ - ນັກຮົບ ໄດ້ສະເໜີໃຫ້ຕໍາຫຼວດເມືອງ ແລະ ຕໍາຫຼວດແຂວງ ໜູນຊ່ວຍໃນການຕິດຕັ້ງເສົາດອກໄຟພະລັງງານແສງຕາເວັນລຽບຕາມເສັ້ນທາງເຂົ້າບ້ານ. ກິດຈະການດັ່ງກ່າວບໍ່ພຽງແຕ່ຊ່ວຍຮັບໃຊ້ຄວາມຕ້ອງການໃນການດຳລົງຊີວິດ, ການອອກແຮງງານເທົ່ານັ້ນ ຫາກຍັງຊ່ວຍເຫຼືອການຮັບປະກັນຄວາມເປັນລະບຽບຮຽບຮ້ອຍໃນເຂດດັ່ງກ່າວອີກດ້ວຍ.
ເພື່ອຕອບແທນຄືນການໜູນຊ່ວຍດັ່ງກ່າວ, ປະຊາຊົນບັນດາກຸ່ມຂາວປະເສີດໄດ້ສົ່ງຈົດໝາຍຂອບໃຈເຖິງຕຳຫຼວດແຂວງ ກາວບັງ ແລະ ຕຳຫຼວດເມືອງ ບ່າວເລີມ. ໃນຈົດໝາຍສະບັບວັນທີ 22 ສິງຫາ, ທ່ານ ຮວ່າງວັນຊູງ ໄດ້ຂຽນວ່າ: “ນັບແຕ່ມີໄຟສະຫວ່າງດອກໄຟຂອງກິດຈະການ “ແສງສະຫວ່າງຄວາມສະຫງົບ”, ບັນດາສາສະນິກະຊົນຂາວປະເສີດ ແລະ ປະຊາຊົນໝູ່ບ້ານ ນາກ່າ, ເມືອງ ປາກເມົ່າ ໄດ້ມີຄວາມພາກພູມໃຈທີ່ສຸດ. ຕຳຫຼວດແຂວງ ກາວບັງ ແລະ ຕຳຫຼວດເມືອງ ບ່າວເລີມ ໄດ້ມອບດອກໄຟພະລັງງານແສງຕາເວັນໃຫ້ແກ່ກຸ່ມຂາວປະເສີດ ວຽກງານນີ້ໄດ້ຊ່ວຍໃຫ້ສາສະນິກະຊົນຂາວປະເສີດພວກຂ້າພະເຈົ້າມີເງື່ອນໄຂສະດວກກວ່າໃນການອອກແຮງງານ ແລະ ທຳການຜະລິດເພື່ອຫຼຸດພົ້ນອອກຈາກຄວາມທຸກຍາກ.
ທ່ານ ຟຸ່ງຕ່າຍຈ່ຽວ, ຫົວໜ້າກຸ່ມ 2 ບ້ານ ມາແຫງ, ຕາແສງ ນາມກວ່າງ ພ້ອມດ້ວຍຄຸນພໍ່ ຮວ່າງວັນນຸ່ງ, ຫົວໜ້າກຸ່ມ 1 ໝູ່ບ້ານ ມາແຫງ ກໍ່ໄດ້ຂອບໃຈຕຳຫຼວດແຂວງ ກາວບັງ ແລະ ຕຳຫຼວດເມືອງ ບ່າວເລີມ ທີ່ໄດ້ໃຫ້ການໜູນຊ່ວຍດອກໄຟພະລັງງານແສງຕາເວັນ. ໃນຈົດໝາຍໄດ້ຂຽນວ່າ: “ຖະໜົນຫົນທາງທີ່ເຄີຍມືດມົວ ມາຮອດປະຈຸບັນໄດ້ມີການໄຕ້ໄຟສະຫວ່າງໃຫ້ພໍ່ແມ່ພີ່ນ້ອງເດີນທາງໃນຕອນກາງຄືນໄດ້ປອດໄພ, ທຸກຄົນໃຜກໍ່ຮູ້ສຶກມີຄວາມສຸກ”.
ທ່ານ ມາເຖສີ໊ ປະທານຄະນະກຳມະການປະຊາຊົນເທດສະບານປາກເມົ່າ ໄດ້ຮັບຮູ້ຮູບແບບ “ແສງສະຫວ່າງຄວາມສະຫງົບ” ແມ່ນການຢັ້ງຢືນເຖິງຄວາມເອົາໃຈໃສ່ຂອງລັດຖະບານຕໍ່ຊີວິດຂອງປະຊາຊົນ.
ຮັບປະກັນຄວາມປອດໄພໂດຍຜ່ານຮູບແບບການຄຸ້ມຄອງດ້ວຍຕົນເອງ
ຄຽງຄູ່ກັບການຕິດຕັ້ງລະບົບດອກໄຟ, ຮູບແບບ “ຈຸດກຸ່ມສາສະໜາຄຸ້ມຄອງດ້ວຍຕົນເອງກ່ຽວກັບຄວາມເປັນລະບຽບຮຽບຮ້ອຍ” ກໍ່ໄດ້ຮັບການສ້າງຕັ້ງຂຶ້ນ. ຮູບແບບນີ້ບໍ່ພຽງແຕ່ຊ່ວຍຍົກສູງສະຕິປັນຍາຂອງປະຊາຊົນໃນການຮັກສາຄວາມສະຫງົບ ຫາກຍັງຮັບປະກັນໃຫ້ແກ່ສາສະນິກະຊົນຂາວປະເສີດສາມາດປະຕິບັດສາດສະຫນາຂອງເຂົາເຈົ້າໃນສະພາບແວດລ້ອມທີ່ປອດໄພ ແລະ ຫມັ້ນຄົງ. ໂດຍຜ່ານນັ້ນ, ປະຊາຄົມກໍ່ຮ່ວມມືກັນກໍ່ສ້າງຂະບວນການທົ່ວປວງຊົນປົກປັກຮັກສາຄວາມໝັ້ນຄົງແຫ່ງຊາດ.
 |
| ຈົດໝາຍຂອບໃຈຂອງທ່ານ ຮວ່າງວັນຊູງ, ຫົວໜ້າກຸ່ມຂາວປະເສີດຊາວເຜົ່າ ມົ້ງ ຢູ່ບ້ານ ນາກ່າ. |
ໂດຍຜ່ານການກຳໄດ້ສະພາບການ, ຕຳຫຼວດເທດສະບານປາກເມົ່າ ເຫັນວ່າ ກຸ່ມຂາວປະເສີດຊາວເຜົ່າ ມົ້ງ ຢູ່ໝູ່ບ້ານ ນາກ່າ ມີນ້ຳໃຈສາມັກຄີ, ຮັກແພງເຊິ່ງກັນ ແລະ ກັນ, ປະຕິບັດແນວທາງນະໂຍບາຍຂອງພັກ, ກົດໝາຍຂອງລັດ ແລະ ລະບຽບການຂອງທ້ອງຖິ່ນກ່ຽວກັບການຄຸ້ມຄອງ, ດຳເນີນກິດຈະກຳທາງສາສະໜາ. ປະຊາຊົນ, ຜູ້ມີຍົດສັກຕຳແໜ່ງ, ພະນັກງານ ແລະ ສາສະນິກະຊົນຢູ່ສະຖານທີ່ກຸ່ມຂາວປະເສີດ ມົ້ງ ໄດ້ເຫັນດີເປັນເອກະພາບຢ່າງສິ້ນເຊິງ ແລະ ເຫັນດີຕໍ່ການກໍ່ສ້າງຮູບແບບເພື່ອຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຢູ່ຈຸດຂອງກຸ່ມ. ສະນັ້ນ, ວັນທີ 20 ມິຖຸນາ ປີ 2024, ຄະນະກຳມະການປະຊາຊົນເທດສະບານ ປາກເມົ່າ ໄດ້ສ້າງຕັ້ງຮູບແບບ “ກຸ່ມສາສະໜາຄຸ້ມຄອງດ້ວຍຕົນເອງ ກ່ຽວກັບຄວາມເປັນລະບຽບຮຽບຮ້ອຍ” ຢູ່ໝູ່ບ້ານ ນາກ່າ.
ມາຮອດປະຈຸບັນ, ທົ່ວແຂວງ ກາວບັງ ໄດ້ສ້າງຕັ້ງ 150 ກວ່າກຸ່ມຄຸ້ມຄອງດ້ວຍຕົນເອງກ່ຽວກັັບເຂດຊາຍແດນ, ຫຼັກໝາຍຊາຍແດນແຫ່ງຊາດຢູ່ບັນດາໝູ່ບ້ານຊາຍແດນ ແລະ ເກືອບ 400 ກຸ່ມຄຸ້ມຄອງດ້ວຍຕົນເອງກ່ຽວກັບຄວາມສະຫງົບ, ປະກອບສ່ວນຮັກສາຜືນແຜ່ນດິນຂອງປະເທດຊາດ.
 | ຍສໝ - ທີ່ການພົບປະ, ຕາງໜ້າການນຳກອງບັນຊາການປ້ອງກັນຄວາມສະຫງົບ ແລະກອງບັນຊາການທະຫານແຂວງຫົວພັນ (ສປປ ລາວ), ທ່ານພົນຈັດຕະວາ ຄຳເມືອງ ໂຄດວົງຄູນ, ຫົວໜ້າການທະຫານກອງບັນຊາການທະຫານແຂວງຫົວພັນ ໄດ້ສົ່ງຄຳອວຍພອນປີໃໝ່ເຖິງພະນັກງານ, ນັກຮົບ ຂອງກອງບັນຊາການທະຫານຊາຍແດນແຂວງເຊີນລາ; ພ້ອມທັງສະແດງຄວາມປາດຖະໜາວ່າ ສາຍພົວພັນການຮ່ວມມືລະຫວ່າງທະຫານຊາຍແດນແຂວງເຊີນລາ ກັບກອງບັນຊາການປ້ອງກັນຄວາມສະຫງົບ ແລະກອງບັນຊາການທະຫານແຂວງຫົວພັນ ຈະນັບມື້ນັບສະໜິດຕິດພັນຮັດແໜ້ນຂຶ້ນຕື່ມ. |
 | ການປ້ອງກັນຊາດ - ປ້ອງກັນຄວາມສະຫງົບແມ່ນໜຶ່ງໃນບັນດາເສົາຄ້ຳສຳຄັນໃນສາຍພົວພັນພິເສດ ຫວຽດນາມ - ລາວ ຍສໝ - ທ່ານພົນໂທ ຝຸ່ງສີ໊ເຕີນ ເນັ້ນໜັກວ່າ, ການຮ່ວມມືດ້ານປ້ອງກັນຊາດສອງຝ່າຍ ຫວຽດນາມ - ລາວ ໃນໄລຍະຜ່ານມາສືບຕໍ່ໄດ້ຮັບການຊຸກຍູ້ ແລະຜັນຂະຫຍາຍຢ່າງມີປະສິດທິຜົນ, ພິເສດແມ່ນໃນບັນດາຂົງເຂດ ຄື: ການແລກປ່ຽນຄະນະຜູ້ແທນ (ພິເສດແມ່ນຄະນະຜູ້ແທນຂັ້ນສູງ), ການບຳລຸງສ້າງຊັບພະຍາກອນມະນຸດ, ການໂຄສະນາເຜີຍແຜ່ກ່ຽວກັບການພົວພັນສາມັກຄີລະຫວ່າງສອງປະເທດ ແລະສອງກອງທັບ, ການຄຸ້ມຄອງ ແລະປົກປັກຮັກສາຊາຍແດນ.. |
ມິງດຶກ
