ມຸ່ງໜ້າໄປເຖິງການສ້າງຕັ້ງສາຂາສະມາຄົມອະດີດນັກສຶກສາຫວຽດນາມທີ່ເຄີຍໄປຮຽນຢູ່ອິນເດຍ ປະຈຳດ່າໜັງ

17:19 | 10/08/2024

ຍສໝ - ສະມາຄົມມິດຕະພາບ ຫວຽດນາມ - ອິນເດຍ ນະຄອນ ດ່າໜັງ ຕ້ອງເຕົ້າໂຮມ ແລະ ຍາດແຍ່ງບັນດາການປະກອບສ່ວນຂອງຜູ້ທີ່ເຄີຍດຳລົງຊີວິດ, ສຶກສາ, ຄົ້ນຄວ້າ, ມີຄວາມຮູ້ກ່ຽວກັບອິນເດຍ ເພື່ອເປີດກວ້າງ, ເຊື່ອມຕໍ່ຄູ່ຮ່ວມມື ແລະເປັນຂົວຕໍ່ໃນບັນດາການເຄື່ອນໄຫວແລກປ່ຽນປະຊາຊົນລະຫ່ວາງ ດ່າໜັງ ກັບ ອິນເດຍ, ມຸ່ງໜ້າໄປເຖິງການສ້າງຕັ້ງສາຂາສະມາຄົມອະດີດນັກສຶກສາຫວຽດນາມທີ່ເຄີຍໄປຮຽນຢູ່ອິນເດຍ ປະຈຳດ່າໜັງ.

	ຫວຽດນາມ - ອິນເດຍ ມຸ່ງໄປເຖິງຈຸດໝາຍວົງເງິນການຄ້າສອງຝ່າຍບັນລຸ 20 ຕື້ USD
	ກອງປະຊຸມຄັ້ງທີ 10 ຂອງຄະນະປະທານສະຫະພັນບັນດາອົງການມິດຕະພາບ ຫວຽດນາມ: ມຸ່ງໄປເຖິງກອງປະຊຸມໃຫຍ່ຄັ້ງທີ 7 ດ້ວຍບາດກ້າວໃໝ່

ນີ້ແມ່ນການປະກອບຄໍາເຫັນຂອງ ທ່ານ ຫງວຽນຫງັອກບິ່ງ ປະທານສະຫະພັນບັນດາອົງການຈັດຕັ້ງມິດຕະພາບນະຄອນ ດ່າໜັງ ທີ່ກອງປະຊຸມໃຫຍ່ຄະນະຜູ້ແທນສະມາຄົມມິດຕະພາບ ຫວຽດນາມ - ອິນເດຍ ນະຄອນ ດ່າໜັງ (ສະມາຄົມ) ສະໄໝທີ III, ໄລຍະ 2024 – 2029 ເຊິ່ງດຳເນີນໄປໃນວັນທີ 2 ສິງຫາ.

Ban Chấp hành Hội hữu nghị Việt Nam - Ấn Độ thành phố Đà Nẵng nhiệm kỳ 2024 – 2029 ra mắt. (Ảnh: danang.gov.vn) ຄະນະບໍລິຫານງານສະມາຄົມມິດຕະພາບ ຫວຽດນາມ - ອິນເດຍ ນະຄອນ ດ່າໜັງ ໄລຍະ 2024 - 2029 ໄດ້ໄຂຂຶ້ນ. (ພາບ: ດ່າໜັງ.gov.vn)

ຄະນະບໍລິຫານງານສະມາຄົມມິດຕະພາບ ຫວຽດນາມ - ອິນເດຍ ນະຄອນ ດ່າໜັງ ໄລຍະ 2024 - 2029. (ພາບ: ດ່າໜັງ.gov.vn)

ທ່ານ ບິ່ງ ກໍ່ຮຽກຮ້ອງໃຫ້ສະມາຄົມຊຸກຍູ້ວຽກງານຂໍ້ມູນຂ່າວສານ, ໂຄສະນາກ່ຽວກັບບັນດາການເຄື່ອນໄຫວຂອງສະມາຄົມຢູ່ບັນດາພາຫະນະສື່ມວນຊົນ; ຜັນຂະຫຍາຍບົດບາດຂອງບັນດາກໍາມະການຄະນະບໍລິຫານງານໃນການປະສານສົມທົບໜ້າທີ່ວິຊາສະເພາະທີ່ກ່ຽວຂ້ອງເຂົ້າກັບການເຄື່ອນໄຫວຂອງສະມາຄົມຢ່າງມີໄຫວພິບ.

ຄະນະບໍລິຫານງານໄລຍະໃໝ່ຕ້ອງເປັນເຈົ້າການ, ມີຫົວຄິດປະດິດສ້າງ, ສືບຕໍ່ການປ່ຽນແປງເນື້ອໃນໃໝ່ ແລະຮູບແບບການເຄື່ອນໄຫວ, ເພີ່ມທະວີຈັດຕັ້ງເຄື່ອນໄຫວຄວາມສາມັກຄີ, ມິດຕະພາບ, ການເຄື່ອນໄຫວແລກປ່ຽນປະຊາຊົນກັບອິນເດຍ; ປະກອບສ່ວນປັບປຸງ, ພັດທະນາ ແລະລົງເລິກການພົວພັນກັບບັນດາທ້ອງຖິ່ນຂອງ ອິນເດຍ ເຊິ່ງນະຄອນ ດ່າໜັງ ໄດ້ເຮັດມາແລ້ວ ແລະກໍາລັງຮັກສາການພົວພັນຢູ່.

ທ່ານ ຫງວຽນຫງັອກບິ່ງ ກ່າວວ່າ: “ສະຫະພັນບັນດາອົງການມິດຕະພາບນະຄອນຈະຮ່ວມກັບສະມາຄົມມິດຕະພາບ ຫວຽດນາມ - ອິນເດຍ ໂດຍພ້ອມທີ່ຈະໃຫ້ການໜູນຊ່ວຍດ້ານມະນຸດສະທຳ ແລະ ການເງິນເພື່ອໃຫ້ສະມາຄົມໄດ້ດຳເນີນໄປດ້ວຍວິທີໃດໜຶ່ງຢ່າງມີປະສິດທິຜົນທີ່ສຸດ.

ກອງປະຊຸມໄດ້ເຈລະຈາເລືອກຕັ້ງຄະນະບໍລິຫານງານ ແລະ ຄະນະກວດກາ, ສະໄໝທີ III, ໄລຍະ 2024 – 2029. ທ່ານ ຫງວຽນຍໍກິມ ຍັງຄົງສືບຕໍ່ໄດ້ຮັບຄວາມໄວ້ເນື້ອເຊື່ອໃຈ ແລະ ເລືອກຕັ້ງເປັນປະທານສະມາຄົມ.

ຕາມບົດລາຍງານທີ່ກອງປະຊຸມໃຫຍ່ແລ້ວ, ໄລຍະ 2024 – 2029, ສະມາຄົມສືບຕໍ່ເພີ່ມທະວີການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບລະຫວ່າງປະຊາຊົນນະຄອນ ດ່າໜັງ ແລະ ປະຊາຊົນ ອິນເດຍ; ຊຸກຍູ້ບັນດາການເຄື່ອນໄຫວຮ່ວມມືທາງດ້ານການສຶກສາ, ວັດທະນະທຳ - ກິລາ, ການລົງທຶນ, ເຊື່ອມໂຍງທຸລະກິດ ຫວຽດນາມ - ອິນເດຍ ຢູ່ນະຄອນ ດ່າໜັງ; ລະດົມຜູ້ທີ່ເຄີຍສຶກສາ, ຄົ້ນຄ້ວາຢູ່ອິນເດຍ ເຂົ້າຮ່ວມບັນດາການເຄື່ອນໄຫວຂອງສະມາຄົມ. ເນື່ອງໃນໂອກາດນີ້, ສະມາຄົມໄດ້ຮຽບຮຽງບົດກະວີທີ່ມີຫົວຂໍ້ວ່າ “ດອກໄມ້ລະດູບານໃໝ່” ເນື້ອໃນເວົ້າເຖິງຄວາມຮັກຕໍ່ທຳມະຊາດ, ສັນຕິພາບ ແລະ ມິດຕະພາບລະຫວ່າງປະຊາຊົນ ຫວຽດນາມ - ອິນເດຍ.

ບົດລາຍງານທີ່ກອງປະຊຸມໃຫ່ຍໄດ້ໃຫ້ຮູ້ວ່າ: ຜ່ານກອງປະຊຸມ 2 ຄັ້ງ, ມາຮອດປະຈຸບັນ, ສະມາຄົມມິດຕະພາບ ຫວຽດນາມ - ອິນເດຍ ນະຄອນດ່າໜັງ ໄດ້ຈັດການເຄື່ອນໄຫວຫຼາຍຢ່າງ, ໃນນັ້ນມີການເຄື່ອນໄຫວບາງຢ່າງທາງດ້ານການເມືອງ - ການຕ່າງປະເທດຂັ້ນສູງ, ປະກອບສ່ວນເຂົ້າໃນບັນດາຜົນງານລວມຂອງນະຄອນ ດ່າໜັງ ໃນຂົງເຂດການທູດປະຊາຊົນ; ປະກອບສ່ວນຢ່າງແທດຈິງ ເຮັດໜ້າທີ່ເປັນຂົວເຊື່ອມຕໍ່ເພີ່ມທະວີນໍ້າໃຈມິດຕະພາບ ແລະຄວາມເຂົ້າໃຈເຊິ່ງກັນແລະກັນລະຫວ່າງປະຊາຊົນສອງປະເທດ.

ໄລຍະ 2019 – 2024, ສະມາຄົມໄດ້ສົມທົບກັບບັນດາອົງການ, ຫົວໜ່ວຍທີ່ກ່ຽວຂ້ອງຈັດຕັ້ງຫຼາຍການເຄື່ອນໄຫວທີ່ມີຄວາມໝາຍແທດຈິງ ແລະມີປະສິດທິຜົນ. ໂດຍສະເພາະ ແຕ່ປີ 2022 ມາຮອດປະຈຸບັນ, ສະມາຄົມພ້ອມດ້ວຍສະຫະພັນບັນດາອົງການຈັດຕັ້ງມິດຕະພາບນະຄອນ ດ່າໜັງ ໄດ້ປະສານສົມທົບກັບສະຖານທູດອິນເດຍ ປະຈຳຫວຽດນາມ ແລະ ສູນວັດທະນະທຳ Swami Vivekananda ຈັດຕັ້ງພິທີສະເຫຼີມສະຫຼອງວັນ Yoga ສາກົນ (21 ມິຖຸນາ) ດ້ວຍຫຼາຍຮູບຫຼາຍແບບ, ມີຂອບຂະໜາດໃຫຍ່, ນໍາມາເຊິ່ງປະສິດທິຜົນທີ່ແທດຈິງ ແລະແຜ່ກະຈາຍຢ່າງກ້ວາງຂວາງ.

ທອງມີ ສີຫາວົງ