ກອງປະຊຸມໃຫຍ່ໄດ້ກຳນົດທິດນຳການເຄື່ອນໄຫວຂອງສະມາຄົມໃນໄລຍະຈະມາເຖິງແມ່ນ: “ເປັນເຈົ້າການ, ມີໄຫວພິບ, ມີຫົວຄິດປະດິດສ້າງ ແລະ ມີປະສິດທິຜົນ”.
ຕາມນັ້ນແລ້ວ, ສະມາຄົມຈະຊຸກຍູ້ບັນດາການເຄື່ອນໄຫວຕາມທິດຄື: ເພີ່ມທະວີບັນດາການເຄື່ອນໄຫວພົບປະແລກປ່ຽນ, ຈັດຕັ້ງບັນດາການເຄື່ອນໄຫວວັດທະນະທຳ ຫວຽດນາມ - ຍີ່ປຸ່ນ, ໃນນັ້ນມີບາງລາຍການເພື່ອແນໃສ່ຮັບໃຊ້ບັນດາຜູ້ຊົມໜຸ່ມ, ນັກຮຽນ ແລະ ນັກສຶກສາ.
ສະມາຄົມຈະສົມທົບກັບບັນດາຄູ່ຮ່ວມມືຈັດຕັ້ງບັນດາການເຄື່ອນໄຫວແນະນຳວັດທະນະທຳ ຫວຽດນາມ ຢູ່ ຍີ່ປຸ່ນ, ສົມທົບກັບບັນດາທ້ອງຖິ່ນຈັດຕັ້ງບັນດາລາຍການພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ ຢູ່ບັນດາແຂວງ, ນະຄອນອື່ນໆຢູ່ນອກຈາກ ຮ່າໂນ້ຍ.
ຍົກສູງຄຸນນະພາບການຮຽນ - ການສອນພາສາ ຍີ່ປຸ່ນ ຢູ່ສູນ ນຸ໋ຍຈຸກ, ສົ່ງຄູສອນຂອງສູນໄປຝຶກອົບຮົມເພື່ອຍົກລະດັບຄຸນນະພາບໃນການສິດສອນຢູ່ ຍີ່ປຸ່ນ ໂດຍຜ່ານກອງທຶນພົບປະແລກປ່ຽນສາກົນຂອງ ຍີ່ປຸ່ນ.
ເປັນເຈົ້າການໃນການສ້າງຕັ້ງ ແລະ ຮັກສາການພົວພັນກັບບັນດາຄູ່ຮ່ວມມື ຫວຽດນາມ - ຍີ່ປຸ່ນ ເພື່ອຍາດແຍ່ງກຳລັງບົ່ມຊ້ອນ ແລະ ທ່າແຮງຂອງຄູ່ຮ່ວມມື, ສົມທົບກັນຈັດຕັ້ງບັນດາການເຄື່ອນໄຫວພົບປະແລກປ່ຽນວັດທະນະທຳລະຫວ່າງ 2 ປະເທດບົນພື້ນຖານຫັນເປັນສັງຄົມ.
ເພີ່ມທະວີວຽກງານຂໍ້ມູນຂ່າວສານຕ່າງປະເທດຢ່າງມີປະສິດທິຜົນ ແລະ ນັບມື້ນັບເຜີຍແຜ່ອອກກວ້າງກວ່າອີກ.
ປະຕິບັດວຽກງານການກຸສົນມະນຸດສະທຳຄືເປັນໜຶ່ງໃນໜ້າທີ່ຮັບຜິດຊອບຕໍ່ສັງຄົມຂອງສະມາຄົມ.
 |
| ຄະນະບໍລິຫານງານສະມາຄົມພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ ອາຍຸການ 2024-2029 ໄດ້ເປີດຕົວ. |
ບັນດາຜູ້ແທນໄດ້ເລືອກຕັ້ງຄະນະບໍລິຫານງານສະມາຄົມ, ສະໄໝທີ 6 ອາຍຸການ 2024-2029, ລວມມີ 17 ທ່ານ, ຄະນະປະຈຳລວມມີ 5 ທ່ານ, ຄະນະກວດກາສະມາຄົມລວມມີ 3 ທ່ານ. ທ່ານ ເລຫງອກດິ້ງ, ອະດີດຮອງຫົວໜ້າກົມຮ່ວມມືສາກົນ ກະຊວງວັດທະນະທຳ, ກິລາ ແລະ ການທ່ອງທ່ຽວ, ປະທານສະມາຄົມພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ, ສະໄໝທີ 5, ສືບຕໍ່ໄດ້ເລືອກຕັ້ງເປັນປະທານສະມາຄົມ, ສະໄໝທີ 6, ອາຍຸການ 2024. -2029. ທ່ານ ເຈີ່ນເຫຍິ໋ດຮວ່າງ, ຮອງຫົວໜ້າກົມຮ່ວມມືສາກົນ, ກະຊວງວັດທະນະທຳ, ກິລາ ແລະ ການທ່ອງທ່ຽວ ໄດ້ຮັບເລືອກຕັ້ງເປັນຮອງປະທານ ແລະ ເລຂາສະມາຄົມ ສະໄໝທີ 6.
ກ່າວຄຳປາໄສທີ່ກອງປະຊຸມ, ທ່ານນາງ ເຈີ່ນຫາຍເວີນ, ຮອງຫົວໜ້າກົມຮ່ວມມືສາກົນ, ກະຊວງວັດທະນະທຳ, ກິລາ ແລະ ການທ່ອງທ່ຽວ ຕີລາຄາສູງບັນດາຜົນງານທີ່ບັນລຸໄດ້ໃນໄລຍະຜ່ານມາຂອງສະມາຄົມ. ດ້ວຍຫຼາຍວິທີການເຮັດວຽກທີ່ເປັນເຈົ້າການ, ມີຫົວຄິດປະດິດສ້າງ, ບົນພື້ນຖານບັນດາແຫຼ່ງທຶນຫັນເປັນສັງຄົມ, ສະມາຄົມໄດ້ຈັດຕັ້ງການເຄື່ອນໄຫວພົບປະແລກປ່ຽນວັດທະນະທຳທີ່ມີຄວາມໝາຍຫຼາຍຢ່າງໃນການຮ່ວມມື ຫວຽດນາມ - ຍີ່ປຸ່ນ, ໃນນັ້ນມີບັນດາໂຄງການມີຂອບຂະໜາດໃຫຍ່, ພິເສດແມ່ນເປັນຄັ້ງທຳອິດທີ່ໄດ້ຈັດຕັ້ງການເຄື່ອນໄຫວແນະນຳວັດທະນະທຳ ຫວຽດນາມ ຢູ່ ຍີ່ປຸ່ນ. ບັນດາການເຄື່ອນໄຫວຂອງສະມາຄົມໄດ້ຮັບການອອກຂ່າວຢ່າງກວ້າງຂວາງຈາກສື່ມວນຊົນຫວຽດນາມ ແລະ ຍີ່ປຸ່ນ, ດຶງດູດຄວາມສົນໃຈຂອງປະຊາຊົນເປັນຈຳນວນຫຼາຍ. ຄຽງຄູ່ກັບວຽກງານຂໍ້ມູນຂ່າວສານການຕ່າງປະເທດ, ໃນໄລຍະມໍ່ໆມານີ້, ສະມາຄົມໄດ້ຜັນຂະຫຍາຍຢ່າງມີແບບແຜນ ແລະ ມີປະສິດທິຜົນ, ອັບເດດຂໍ້ມູນຢ່າງທັນການກ່ຽວກັບບັນດາເຫດການສຳຄັນຂອງສະມາຄົມໃນຫຼາຍເວທີສື່ມວນຊົນທີ່ແຕກຕ່າງກັນດ້ວຍພາສາ ຫວຽດນາມ ແລະ ຍີ່ປຸ່ນ, ເຊິ່ງຊ່ວຍໃຫ້ຂໍ້ມູນຂ່າວສານບໍ່ພຽງແຕ່ໄດ້ເຜີຍແຜ່ຢູ່ ຫວຽດນາມ ເທົ່ານັ້ນ ຫາກຍັງຢູ່ທັງ ຍີ່ປຸ່ນ ອີກດ້ວຍ.
 |
| ການສະແດງສິລະປະທີ່ກອງປະຊຸມໃຫຍ່. |
ທ່ານນາງ ເຈີ່ນຫາຍເວີນ ໃຫ້ຮູ້ວ່າ: ກະຊວງວັດທະນະທຳ, ກິລາ ແລະ ການທ່ອງທ່ຽວ ຍາມໃດກໍ່ຮ່ວມເດີນທາງ, ຕັ້ງໜ້າສະໜັບສະໜູນໃຫ້ສະມາຄົມໃນບັນດາການເຄື່ອນໄຫວຊຸກຍູ້ການພົວພັນພົບປະແລກປ່ຽນ ແລະ ການຮ່ວມມືດ້ານວັດທະນະທຳລະຫວ່າງ ຫວຽດນາມ - ຍີ່ປຸ່ນ. ທ່ານນາງສະເໜີໃຫ້ສະມາຄົມເອົາໃຈໃສ່ຫຼາຍກວ່າອີກໃນບາງໜ້າທີ່ຄື: ເປີດກວ້າງການຈັດຕັ້ງການເຄື່ອນໄຫວພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ ໄປຍັງທ້ອງຖິ່ນອື່ນ, ຢູ່ນອກນະຄອນຫຼວງ ຮ່າໂນ້ຍ ເຊັ່ນ: ໄທຫງ່ວຽນ, ໂຮ້ຍອານ, ນະຄອນ ໂຮ່ຈີມິນ ເພື່ອເຜີຍແຜ່ຈິດໃຈພົບປະແລກປ່ຽນວັດທະນະທຳລະຫວ່າງສອງປະເທດ.
ຄຽງຂ້າງນັ້ນ, ສະມາຄົມຍັງຕ້ອງໄດ້ສືບຕໍ່ການຄົ້ນຄວ້າຍົກສູງຄຸນນະພາບການຮຽນ - ການສອນພາສາ ຍີ່ປຸ່ນ ຢູ່ສູນ ນຸ໋ຍຈຸກ ຕື່ມອີກ, ພິເສດແມ່ນໃນສະພາບການຫັນເປັນດິຈິຕອນທີ່ພວມດຳເນີນໄປຢ່າງໍແຮງໃນທຸກຂົງເຂດ; ເຊື່ອມໂຍງບັນດາການເຄື່ອນໄຫວຂອງສະມາຄົມກັບແຜນການເຮັດວຽກຂອງບັນດາກະຊວງ, ຂະແໜງການ ແລະ ທ້ອງຖິ່ນ ເພື່ອສາມາດນຳໃຊ້ ແລະ ເສີມຂະຫຍາຍແຫຼ່ງກຳລັງໃນການພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ.
 | ຍສໝ - ທ່ານ ຮວ່າງບິ່ງກວນ, ອະດີດກຳມະການສູນກາງພັກ, ອະດີດຫົວໜ້າຄະນະພົວພັນຕ່າງປະເທດສູນກາງ, ເມື່ອບໍ່ດົນມານີ້ ໄດ້ຮັບຫຼຽນໄຊອາທິດອຸໄທ ໂດຍລັດຖະບານຍີ່ປຸ່ນ ມອບໃຫ້ ຍ້ອນມີການປະກອບສ່ວນເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ. |
 | ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ ຍສໝ - ວັນທີ 27 ແລະ 28 ພະຈິກ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວຢ່າງຫຼວງຫຼາຍກ່ຽວກັບການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານປະທານປະເທດ ຫວຽດນາມ ຫວໍວັນເຖືອງ, ໃນນັ້ນໄດ້ເນັ້ນໜັກເຖິງເລື່ອງທ່ານປະທານປະເທດ ຫວໍວັນເຖືອງ ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ເຫັນດີຍົກລະດັບການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ... |
ມິງດຶກ
