 | ຫວຽດນາມ - Morocco ຊຸກຍູ້ການລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືລະຫວ່າງ 2 ສະມາຄົມມິດຕະພາບ |
| ປັບປຸງ ແລະ ເປີດກວ້າງການພົວພັນຄູ່ຮ່ວມມື ລະຫວ່າງ ຫວຽດນາມ ແລະ Morocco |
- ຂໍຮຽນທ່ານຮອງລັດຖະມົນຕີ, ທ່ານໃຫ້ຮູ້ຄວາມໝາຍ, ເປົ້າໝາຍຂອງການໄປປະຕິບັດງານຂອງທ່ານປະທານສະພາແຫ່ງຊາດ ເຈີ່ນແທງເໝີນ ເຂົ້າຮ່ວມກອງປະຊຸມສະມັດຊາໃຫຍ່ລະຫວ່າງລັດຖະສະພາ ບັນດາປະເທດອາຊີຕາເວັນອອກສ່ຽງໃຕ້ຄັ້ງທີ 46 (AIPA-46) ແລະ ການຢ້ຽມຢາມມາເລເຊຍ ຢ່າງເປັນທາງການ ໄດ້ບໍ?
ທ່ານປະທານສະພາແຫ່ງຊາດ ເຈີ່ນແທງເໝີນ ຈະຕາງໜ້າໃຫ້ການນຳພັກ ແລະ ລັດ ຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມສະມັດຊາໃຫຍ່ລະຫວ່າງລັດຖະສະພາ ບັນດາປະເທດອາຊີຕາເວັນອອກສ່ຽງໃຕ້ຄັ້ງທີ 46 (AIPA-46) ຕາມຄຳເຊີນຂອງທ່ານປະທານສະພາຕ່ຳ ມາເລເຊຍ, ທ່ານປະທານ AIPA 46 Dato’ Johari Bin Abdul ແລະ ການຢ້ຽມຢາມ ມາເລເຊຍ ຢ່າງເປັນທາງການຕາມຄຳເຊີນຂອງທ່ານປະທານສະພາສູງມາເລເຊຍ Dato' Awang Bemee Awang Ali Basah ແຕ່ວັນທີ 16-20 ກັນຍາ 2025.
 |
| ທ່ານຮອງລັດຖະມົນຕີການຕ່າງປະເທດ ເລແອງຕ໋ວນ. (ພາບ: ກະຊວງການຕ່າງປະເທດ) |
ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນຫວຽດນາມ ເຂົ້າເປັນສະມາຊິກ ອາຊຽນ ແລະ ເຂົ້າຮ່ວມ AIPA (1995-2025), ການໄປປະຕິບັດງານແມ່ນໂອກາດເພື່ອໃຫ້ ຫວຽດນາມ ຢືນຢັນບົດບາດ ແລະ ການປະກອບສ່ວນຂອງຕົນ, ເສີມຂະຫຍາຍບັນດາໝາກຜົນທີ່ບັນລຸໄດ້, ສືບຕໍ່ສົມທົບກັບບັນດາສະມາຊິກລັດຖະສະພາ ເພື່ອພະຍາຍາມປັບປຸງຄວາມສາມັກຄີ, ເປັນເອກະພາບກັນຢູ່ພາຍໃນປະເທດ, ຮັກສາສະພາບແວດລ້ອມສັນຕິພາບທີ່ໝັ້ນຄົງ, ກໍ່ສ້າງປະຊາຄົມທີ່ເຂັ້ມແຂງ ແລະ ເປັນເຈົ້າຕົນເອງ, ສືບຕໍ່ເປັນບົດບາດໃຈກາງໃນໂຄງປະກອບການຮ່ວມມືພາກພື້ນ.
ໃນສະພາບທີ່ທັງອາຊຽນ ແລະ ຫວຽດນາມ ພວມກ້າວເຂົ້າສູ່ໄລຍະພັດທະນາໃໝ່, ພວກເຮົາຈະສົມທົບກັບບັນດາປະເທດ ອາຊຽນ ເພື່ອຊຸກຍູ້ການຜັນຂະຫຍາຍວິໄສທັດປະຊາຄົມອາຊຽນ 2045 ຢ່າງຄົບຖ້ວນ ແລະ ມີປະສິດທິຜົນ ແລະ ສົມທົບກັບບັນດາແຜນການຍຸດທະສາດ, ຮັບປະກັນການສົມທົບກັນຢ່າງແໜ້ນແຟ້ນກັບບັນດາແຜນການພັດທະນາ ແລະ ຍຸດທະສາດຂອງບັນດາປະເທດສະມາຊິກ, ໃນນັ້ນ, ຂຸດຄົ້ນບັນດາກຳລັງແຮງການເຕີບໂຕໃໝ່ຄື: ວິທະຍາສາດເຕັກໂນໂລຢີ, ນະວັດຕະກຳ, ເສດຖະກິດດີຈີຕອນ, ການຫັນເປັນສີຂຽວ ແລະ ອື່ນໆ ປະກອບສ່ວນຍູ້ແຮງການພັດທະນາແບບລວມ ແລະ ແບບຍືນຍົງຢູ່ພາກພື້ນ, ເໝາະສົມກັບຫົວຂໍ້ຂອງ ອາຊຽນ ແລະ AIPA ໃນປີນີ້.
ທີ່ກອງປະຊຸມສະມັດຊາໃຫຍ່ AIPA ຄັ້ງທີ 46 ນີ້, ຫວຽດນາມ ຈະເຂົ້າຮ່ວມ ແລະ ປະກອບສ່ວນຫຼາຍຂໍ້ສະເໜີ, ຂໍ້ລິເລີ່ມ ຢ່າງຕັ້ງໜາ້ ເພື່ອຊຸກຍູ້ການຮ່ວມມືໃນພາກພື້ນ ເປັນຕົ້ນແມ່ນບົດບາດ ແລະ ການປະກອບສ່ວນຂອງການທູດລັດຖະສະພາ. ໃນນັ້ນ, ຫວຽດນາມ ຈະສະເໜີເພີ່ມທະວີການຮ່ວມມື AIPA ໃນຫຼາຍຂົງເຂດບຸລິມະສິດສູງໃນປະຈຸບັນ, ເຊັ່ນ ຄວາມປອດໄພທາງອິນເຕີແນັດ, ເສດຖະກິດ ແລະ ການຫັນເປັນດີຈີຕອນ, ເພີ່ມທະວີການຄ້າພາຍໃນ, ຊຸກຍູ້ການພັດທະນາແບບຍືນຍົງ, ຍົກສູງປະສິດທິຜົນການຮ່ວມມືກັບບັນດາຄູ່ຮ່ວມມື ແລະ ອື່ນໆ.
ຫວຽດນາມ ຈະເຂົ້າຮ່ວມການແລກປ່ຽນ ແລະ ແບ່ງປັນປະສົບການໃນການສ້າງກົດໝາຍ ແລະ ຕິດຕາມກວດກາຂອງສະພາແຫ່ງຊາດ ເພື່ອແນໃສ່ອຳນວຍຄວາມສະດວກໃຫ້ແກ່ການເຕີບໂຕແບບກວມລວມ ແລະ ແບບຍືນຍົງ, ຮັບປະກັນໃຫ້ປະຊາຊົນທຸກຄົນໄດ້ຮັບໝາກຜົນແຫ່ງການພັດທະນາ ແລະ ບໍ່ມີໃຜຕົກຄ້າງ. ຄຽງຂ້າງນັ້ນ, ຫວຽດນາມ ຈະປຶກສາຫາລືກັບບັນດາປະເທດ, ສະເໜີບັນດາທິດທາງ ແລະ ມາດຕະການເພີ່ມທະວີການຮ່ວມມືໃນລັດຖະສະພາ, ໃນນັ້ນມີບົດບາດຂອງຊ່ອງທາງການທູດລັດຖະສະພາໃນການເຂົ້າຮ່ວມ, ແກ້ໄຂບັນຫາພາກພື້ນ, ຮັກສາສັນຕິພາບ ແລະ ສະຖຽນລະພາບ, ເຮັດໃຫ້ການພົວພັນ ແລະ ແລກປ່ຽນປະຊາຊົນທຸກຊັ້ນວັນນະເລິກເຊິ່ງກ່ວາອີກ
ບົນແງ່ມຸມສອງຝ່າຍ, ນີ້ແມ່ນການຢ້ຽມຢາມມາເລເຊຍຢ່າງເປັນທາງການຄັ້ງທຳອິດຂອງປະທານສະພາແຫ່ງຊາດຫວຽດນາມ ພາຍຫຼັງໄດ້ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານກັບມາເລເຊຍ ຢ່າງເປັນທາງການ (ເດືອນພະຈິກ 2024), ຜ່ານນັ້ນ ຊຸກຍູ້ການພົວພັນຮ່ວມມືຊ່ອງທາງລັດຖະສະພາສອງຝ່າຍລະຫວ່າງ ຫວຽດນາມ - ມາເລເຊຍ ນັບມື້ນັບມີປະສິດທິຜົນ, ແທດຈິງ, ປະກອບສ່ວນສ້າງກອບກົດໝາຍໃຫ້ແກ່ລັດຖະບານ, ວິສາຫະກິດ 2 ປະເທດ ເພື່ອຍູ້ແຮງການຮ່ວມມື.
ການຢ້ຽມຢາມຄັ້ງນີ້ຂອງທ່ານປະທານສະພາແຫ່ງຊາດ ຍັງເປັນການສະແດງໃຫ້ເຫັນຢ່າງຈະແຈ້ງກ່ຽວກັບນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ການຮ່ວມມື ແລະການພັດທະນາ, ການຫັນເປັນຫຼາຍຝ່າຍ ແລະ ຫັນເປັນຫຼາກຫຼາຍຂອງການພົວພັນຕ່າງປະເທດ, ຖືເປັນສຳຄັນ ແລະ ໃຫ້ບຸລິມະສິດແກ່ການພັດທະນາການພົວພັນກັບພາກພື້ນອາຊີຕາເວັນອອກສ່ຽງໃຕ້ ແລະ ອາຊຽນ, ໃນນັ້ນມີມາເລເຊຍ - ປະທານອາຊຽນ ໃນປີ 2025. ພ້ອມນັ້ນ, ນີ້ກໍ່ແມ່ນຄຳໝັ້ນສັນຍາຂອງ ຫວຽດນາມ ກໍ່ສົມທົບກັບ ມາເລເຊຍ ແລະ ບັນດາປະເທດອາຊຽນ ເພື່ອສ້າງປະຊາຄົມອາຊຽນ “ຍືນຍົງ ແລະ ກວມລວມ”, ສາມັກຄີ, ເຂັ້ມແຂງ, ປັບປຸງບົດບາດໃຈກາງຂອງອາຊຽນໃນໂຄງປະກອບພາກພື້ນ.
- ຂໍຮຽນທ່ານຮອງລັດຖະມົນຕີ, ທ່ານໃຫ້ຮູ້ກ່ຽວກັບການພົວພັນຫວຽດນາມ - ມາເລເຊຍ ແລະ ຄວາມຄາດຫວັງຂອງທ່ານຕໍ່ການຢ້ຽມຢາມຄັ້ງນີ້ ໄດ້ບໍ?
ປະຈຸບັນ, ການພົວພັນຫວຽດນາມ - ມາເລເຊຍ ພວມຢູ່ໃນໄລຍະພັດທະນາທີ່ດີງາມເປັນພິເສດ. 2 ປະເທດໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານໃນເດືອນພະຈິກ 2024 ເນື່ອງໃນການຢ້ຽມຢາມ ມາເລເຊຍ ຢ່າງເປັນທາງການຂອງທ່ານເລຂາທິການໃຫຍ່ ໂຕເລີມ, ເປີດກວ້າງກາລະໂອກາດຮ່ວມມືໃໝ່ຫຼາຍຢ່າງ, ພິເສດແມ່ນບັນດາຂົງເຂດທີ່ສອດຄ່ອງກັບທ່າອ່ຽງໃໝ່ຂອງໂລກເຊັ່ນ: ການຫັນເປັນດີຈີຕອນ ແລະ ການພັດທະນາແບບຍືນຍົງ. 2 ປະເທດພວມເພີ່ມທະວີການຮ່ວມມືຢ່າງກວ້າງຂວາງໃນຂົງເຂດການເມືອງ, ເສດຖະກິດ, ປ້ອງກັນປະເທດ, ຄວາມໝັ້ນຄົງ, ວັດທະນະທຳ, ການສຶກສາ ແລະ ການແລກປ່ຽນປະຊາຊົນ.
ໃນດ້ານການເມືອງ, ຄວາມປອດໄຟ, ປ້ອງກັນປະເທດ, 2 ຝ່າຍໄດ້ເພີ່ມທະວີການແລກປ່ຽນຄະນະຜູ້ແທນທຸກຂັ້ນ ແລະ ຂັ້ນສູງ. ການຮ່ວມມືທາງທະເລບັນລຸໄດ້ໝາກຜົນອັນຕັ້ງໜ້າ, ໂດຍສະເພາະແມ່ນການລົງນາມໃນບົດບັນທຶກຊ່ວຍຈຳສະບັບໃໝ່ກ່ຽວກັບການຮ່ວມມືດ້ານປ້ອງກັນປະເທດ (ເດືອນທັນວາ 2023) ພາຍຫຼັງ 5 ປີແຫ່ງການເຈລະຈາ. ສອງຝ່າຍໄດ້ເພີ່ມທະວີການຮ່ວມມືໃນບັນດາຂົງເຂດທີ່ມີທ່າແຮງ ແລະ ມີຄວາມສາມາດບົ່ມຊ້ອນຄື: ການຮ່ວມມືດ້ານການຝຶກອົບຮົມ, ຄົ້ນຄວ້າ ແລະ ຖ່າຍທອດເຕັກໂນໂລຢີປ້ອງກັນປະເທດ, ສົມທົບກັນຢ່າງແໜ້ນແຟ້ນໃນການປະຕິບັດສົນທິສັນຍາສາກົນຫຼາຍຝ່າຍກ່ຽວກັບການປ້ອງກັນ ແລະ ຄວບຄຸມອາດຊະຍາກຳເຊິ່ງ 2 ປະເທດເປັນສະມາຊິກ.
ດ້ານເສດຖະກິດ-ການຄ້າ-ການລົງທຶນລະຫວ່າງສອງປະເທດສືບຕໍ່ເປັນຈຸດທີ່ປະກາຍແຈ້ງໃນຊຸມປີມໍ່ໆມານີ້. ມາເລເຊຍຮັກສາທີ່ຕັ້ງຄູ່ຮ່ວມມືການຄ້າໃຫຍ່ອັນດັບ 3 ຂອງຫວຽດນາມໃນອາຊຽນ ແລະ ທີ 9 ໃນໂລກ ແລະ ຂຶ້ນກັບກຸ່ມ10 ປະເທດທີ່ມີການລົງທຶນໃຫຍ່ກວ່າໝູ່ຢູ່ຫວຽດນາມ. ວົງເງິນການຄ້າສອງປະເທດເພີ່ມຂຶ້ນຢ່າງບໍ່ຢຸດຢັ້ງໃນແຕ່ລະປີ, ບັນລຸກວ່າ 9,23 ຕື້ USD ໃນທ້າຍເດືອນ ກໍລະກົດ 2025, ເພີ່ມຂຶ້ນ 8% ເມື່ອທຽບໃສ່ໄລຍະດຽວກັນຂອງປີ 2024 ແລະ ບັນລຸເປົ້າໝາຍ 18 ຕື້ USD ໃນໄລຍະຈະມາເຖິງ.
ການຮ່ວມມືສະພາແຫ່ງຊາດ ແມ່ນໜຶ່ງໃນບັນດາຊ່ອງທາງທີ່ສຳຄັນປະກອບສ່ວນປັບປຸງຄວາມໄວ້ເນື້ອເຊື່ອໃຈຍຸດທະສາດລະຫວ່າງສອງປະເທດ. ນີ້ບໍ່ພຽງແຕ່ແມ່ນຊ່ອງທາງການເຈລະຈາດ້ານການເມືອງ, ກົດໝາຍທີ່ສຳຄັນເທົ່ານັ້ນ, ຫາກຍັງຊຸກຍູ້ການແລກປ່ຽນລະຫວ່າງສະມາຊິກສະພາໜຸ່ມ, ເພີ່ມທະວີການແລກປ່ຽນປະສົບການດ້ານກົດໝາຍ, ເພີ່ມທະວີການພັດທະນາເສດຖະກິດ, ການລົງທຶນ ແລະ ການແລກປ່ຽນປະຊາຊົນລະຫວ່າງ 2 ຝ່າຍ.
ຂ້າພະເຈົ້າເຊື່ອວ່າ ການຢ້ຽມຢາມທີ່ຈະມາເຖິງຂອງປະທານສະພາແຫ່ງຊາດ ຈະບໍ່ພຽງແຕ່ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງ ແລະ ລົງເລິກບັນດາເນື້ອໃນການຮ່ວມມືລະຫວ່າງ ຫວຽດນາມ ແລະ ມາເລເຊຍ ເທົ່ານັ້ນ, ຫາກຍັງກຳນົດທິດສະເພາະເພື່ອປະຕິບັດການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃນຂົງເຂດທີ່ຫຼາກຫຼາຍ, ພິເສດແມ່ນເພີ່ມທະວີການຮ່ວມມືລະຫວ່າງສະພາແຫ່ງຊາດຫວຽດນາມ ແລະ ລັດຖະສະພາມາເລເຊຍ, ກາຍເປັນຂົວທາງດ້ານການເມືອງ, ກົດໝາຍທີ່ໝັ້ນຄົງ, ປະກອບສ່ວນແທດຈິງເຂົ້າໃນການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ.
 | ເສີມຂະຫຍາຍບົດບາດສຳຄັນຂອງການທູດລັດຖະສະພາໃນການຊຸກຍູ້ສັນຕິພາບ, ການຮ່ວມມື ແລະ ການພັດທະນາ ຍສໝ - ໂດຍໄດ້ຮັບຄຳເຊີນຂອງທ່ານປະທານສະພາແຫ່ງຊາດ Senegal El Malick Ndiaye, ທ່ານປະທານສະພາສະພາຕ່ຳລາຊະອານາຈັກ Morocco Rachid Talbi Alami, ທ່ານປະທານສະຫະພັນລັດຖະສະພາສາກົນ (IPU) Tulia Ackson ແລະ ທ່ານເລຂາໃຫຍ່ IPU Martin Chungong, ທ່ານປະທານສະພາແຫ່ງຊາດ ເຈີ່ນແທງເໝີນ ໄດ້ຢ້ຽມຢາມ Senegal ... |
 | ທ່ານຮອງນາຍົກລັດຖະມົນຕີ ຫງວຽນຮ່ວາງຮ້ຽບ ໄດ້ຮັບການແຕ່ງຕັ້ງເປັນປະທານສະມາຄົມມິດຕະພາບ ແລະ ການຮ່ວມມືຫວຽດນາມ - ບຣາຊິນ ອາຍຸການ 2025-2030. ຍສໝ - ວັນທີ 15 ກໍລະກົດນີ້, ຢູ່ຮ່າໂນ້ຍ, ສະມາຄົມມິດຕະພາບ ແລະ ການຮ່ວມມື ຫວຽດນາມ - ບຣາຊິນ ໄດ້ຈັດກອງປະຊຸມໃຫຍ່ຄັ້ງທີ 3 ອາຍຸການ 2025-2030. ທ່ານ ຫງວຽນຮ່ວາງຮ້ຽບ, ຮອງລັດຖະມົນຕີກະຊວງກະສິກຳ ແລະ ສິ່ງແວດລ້ອມ ໄດ້ຮັບເລືອກຕັ້ງເປັນປະທານສະມາຄົມອາຍຸການໃໝ່. |
ມີງດຶກ
