 | ທ່ານເລຂາທິການໃຫຍ່ ຫງວຽນຟູ໋ຈ້ອງ ໃນດວງໃຈຊາວ ຫວຽດນາມ ອາໄສຢູ່ຕ່າງປະເທດ |
| ສະຫາຍເລຂາທິການໃຫຍ່ ຫງວຽນຟູ໋ຈ້ອງ ແມ່ນນັກການເມືອງດີເດັ່ນ ແລະ ເປັນຜູ້ນຳທີ່ເປັນແບບຢ່າງ |
ໃນຈົດໝາຍທີ່ເຕັມໄປດ້ວຍນ້ຳໃຈພິເສດຫຼາຍຢ່າງ, ທ່ານນາງ ນາລີ ສີສຸລິດ ໄດ້ສະແດງຄວາມຮູ້ສຶກສະເທືອນໃຈ, ໂສກເສົ້າເສຍດາຍຢ່າງສຸດຊຶ້ງ ເມື່ອໄດ້ຍິນສາມີຂອງຕົນບອກຂ່າວກ່ຽວກັບການເສຍຊີວິດຂອງ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ວ່າ: “ເອື້ອຍ ເມິ້ນ ເອີຍ, ໃນເວລານັ້ນ ນ້ອງຕົກໃຈ ຕົກຕະລຶງ ປາກບໍ່ອອກ ແລະ ນ້ອງບໍ່ສາມາດກັ້ນນ້ຳຕາເອົາໄວ້ໄດ້!
(...) ເອື້ອຍ ເມິ້ນ ທີ່ຮັກແພງເອີຍ, ທຸກຄົນຢູ່ ຫວຽດນາມ ແລະ ຫຼາຍໆຄົນຢູ່ ລາວ ຮູ້ຊື່ສຽງຮຽງນາມອ້າຍ ຈ້ອງ, ຮູ້ວ່າ ຕະຫຼອດຊີວິດຂອງເພິ່ນ ເພິ່ນໄດ້ອຸທິດທຸກສິ່ງຢ່າງເພື່ອປະເທດຊາດ ແລະ ເພື່ອປະຊາຊົນ ຫວຽດນາມ ຢ່າງລືມຄວາມອິດເມື່ອຍຈົນເຖິງນາທີສຸດທ້າຍຂອງຊີວິດເພິ່ນ”.
 |
| ຈົດໝາຍຂຽນດ້ວຍມືຂອງທ່ານນາງ ນາລີ ສີສຸລິດ ເຖິງ ທ່ານນາງ ໂງທິເມິ້ນ. |
ຕາມພັນລະຍາຂອງທ່ານເລຂາທິການໃຫຍ່, ປະທານປະເທດ ລາວ ແລ້ວ: "ເປັນເວລາຫຼາຍປີຜ່ານມາ ໃນການເປັນຜູ້ນຳຂອງເພິ່ນ ເຖິງວ່າພາລະກິດຂອງເພິ່ນຢູ່ປະເທດ ຫວຽດນາມ ແຕ່ລະມື້ຈະມີຢ່າງຫຼວງຫຼາຍ (ຮ້ອຍວຽກພັນວຽກງານ) ກໍ່ຕາມ ແຕ່ເພິ່ນກໍ່ຍັງແບ່ງປັນເວລາຄິດເຖິງປະເທດລາວ ແລະ ຄົນລາວຢ່າງບໍ່ລົດລະ ເພິ່ນໄດ້ຊ່ວຍເຫຼືອລາວ ຂອງພວກນ້ອງທັງຄວາມຄິດສະຕິປັນຍາບົດຮຽນ ລວມທັງວັດຖູປັດໄຈຕ່າງໆ…. ອ້າຍຈ້ອງ ເຄີຍເວົ້າວ່າ “ຊ່ວຍເພື່ອນກໍ່ຄືຊ່ວຍຕົນເອງ”.
ອັນນີ້ ອ້າຍທອງລຸນ ເຄີຍເວົ້າສູ່ນ້ອງຟັງຫຼາຍເທື່ອ ແລະ ຫຼາຍອັນກ່ວານີ້ ຕໍ່ກັບອ້າຍຈ້ອງ ທີ່ມີຕໍ່ຄົນລາວ, ມີຕໍ່ການນຳລາວ ຕໍ່ປະເທດ ແລະ ປະຊາຊົນລາວ, ພິເສດມີຕໍ່ສ່ວນຕົວ ຂອງອ້າຍທອງລຸນ".
ທ່ານນາງ ນາລີ ສີສຸລິດ ໄດ້ຫວນຄືນບັນດາຄວາມຊົງຈຳອັນເລິກເຊິ່ງ ແລະ ເປັນໜ້າຈົດຈຳສຳລັບ ສະຫາຍເລຂາທິການໃຫຍ່ ຫງວຽນຟູ໋ຈ້ອງ ແລະ ພັນລະຍາ ໂງທິເມິ້ນ ໃນບັນດາການຢ້ຽມຢາມຂັ້ນສູງລະຫວ່າງສອງປະເທດວ່າ: “ນ້ອງຍັງຈົດຈຳໄດ້ດີ ເວລາທີ່ໄດ້ມີໂອກາດຕ້ອນຮັບອ້າຍຈ້ອງ ແລະ ເອື້ອຍເມິ້ນ ຢູ່ ລາວ - ພວກເຮົາໄດ້ນັ່ງເຮືອບິນ ນັ່ງລົດນຳກັນ ມີການສົນທະນາໂອ້ລົມກັນຢ່າງສະໜິດສະໜົມ ອົບອຸ່ນ ແລະ ໃນເວລາອ້າຍທອງລຸນ ຢ້ຽມຢາມທາງການຢູ່ ຫວຽດນາມ ນ້ອງກໍ່ໄດ້ຮັບການຕ້ອນຮັບຈາກເອື້ອຍດ້ວຍຄວາມສະໜິດສະໜົມອົບອຸ່ນທຸກໆຄັ້ງ ເມື່ອອ້າຍທອງລຸນ ໄດ້ມາເຮັດວຽກພົບປະກັບ ອ້າຍຈ້ອງ ເອື້ອຍເມິ້ນ ກໍ່ໄດ້ຝາກຄວາມຖາມຂ່າວເຖິງນ້ອງ.
ນ້ອງຮູ້ສຶກມີຄວາມອົບອຸ່ນ ເປັນຢ່າງຍິ່ງ, ແຕ່ລະຄັ້ງທີ່ອ້າຍຈ້ອງ ແລະ ອ້າຍທອງລຸນ ໄດ້ເຮັດວຽກຮ່ວມກັນ, ກິນເຂົ້ານຳກັນ ອ້າຍທອງລຸນ ມີແຕ່ນຳເອົາຂ່າວດີໆມາຕ້ອນນ້ອງທຸກໆຄັ້ງ ຈາກເອື້ອຍເມິ້ນ".
 |
| ສະຫາຍເລຂາທິການໃຫຍ່ ຫງວຽນຟູ໋ຈ້ອງ ຕ້ອນຮັບສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ. |
ທ່ານນາງໄດ້ສົ່ງກຳລັງໃຈທາງຈິດໃຈເຖິງພັນລະຍາ ແລະ ຄອບຄົວຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໃນເວລາທີ່ຫຍຸ້ງຍາກພິເສດນີ້ວ່າ: “ເຖິງວ່າອ້າຍຈ້ອງໄດ້ຈາກພວກເຮົາໄປແລ້ວ ແຕ່ຂໍໃຫ້ຄວາມຮັກແພງ, ຄວາມຜູກພັນ, ຄວາມເປັນເອື້ອຍນ້ອງຂອງພວກເຮົາຈົ່ງຢູ່ກັບພວກເຮົາ ແລະ ລູກຫຼານຂອງພວກເຮົາ ສືບຕໍ່ໃຫ້ຍາວນານໄປເລື້ອຍໆ".
ເອື້ອຍເມິ້ນທີ່ຮັກ ນ້ອງຂຽນຈົດໝາຍສະບັບນີ້ໃຫ້ເອື້ອຍ ຍ້ອນຄິດຮອດອ້າຍຈ້ອງ ຜູ້ຈາກໄປ ແລະ ເປັນຫ່ວງເອື້ອຍ ຜູ້ທີ່ຍັງຢູ່…
ຈົດໝາຍທີ່ນ້ອງກຳລັງຂຽນຢູ່ນີ້, ເປັນຈົດໝາຍທີ່ຂຽນເຈືອປົນນ້ຳເມິກ ແລະ ນ້ຳຕາຂອງນ້ອງແທ້ໆ ນ້ອງບໍ່ແນ່ໃຈວ່າ ຈະໄດ້ເດີນທາງມາກັບຄະນະຂອງອ້າຍທອງລຸນ ມາຮ່ວມພິທີສົ່ງສະການອ້າຍຈ້ອງຫຼືບໍ່, ໃນກໍລະນີ ນ້ອງບໍ່ໄດ້ດ້ວຍຕົນເອງນ້ອງຈະໄດ້ມອບໃຫ້ ອ້າຍທອງລຸນ ນຳຈົດໝາຍນີ້ມາມອບໃຫ້ເອື້ອຍໂດຍກົງ.
ເອື້ອຍເມິ້ນທີ່ຮັກແພງ, ໃນບັນຍາກາດອັນໂສກເສົ້າຄິດຮອດຄິດເຖິງ ການຈາກໄປຂອງອ້າຍຈ້ອງນີ້ ນ້ອງຂໍພາວະນາໃຫ້ດວງວິນຍານຂອງເພິ່ນໄປສູ່ສຸຂະຕິພົບ. ສ່ວນເອື້ອຍ, ນ້ອງຂໍວີ້ງວອນໃຫ້ເອື້ອຍ ຮັກສາສຸຂະພາບ, ໃຫ້ເອື້ອຍມີອາຍຸໝັ້ນຍືນ ຢູ່ກັບລູກຫຼານບ້ານເມືອງ ໃຫ້ໄດ້ນານແສນນານເທິີ້ນ”.
ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແບ່ງປັນວ່າ: “ຈຳນວນຄັ້ງທີ່ຂ້າພະເຈົ້າໄດ້ໂອ້ລົມ ແລະ ສົນທະນາກັບສະຫາຍ ຫງວຽນຟູ໋ຈ້ອງ ແມ່ນນັບບໍ່ຖ້ວນ, ແຕ່ພາຍຫຼັງການພົບປະແຕ່ລະຄັ້ງ ຂ້າພະເຈົ້າກໍ່ຢາກພົບປະອີກຫຼາຍຄັ້ງ ເພາະວ່າສະຫາຍ ຫງວຽນຟູ໋ຈ້ອງ ຕໍ່ກັບປະຊາຊົນ ລາວ, ຜູ້ນຳ ລາວ ແລະ ສຳລັບຂ້າພະເຈົ້າເອງແມ່ນມີຄວາມໃກ້ຊິດສະໜິດສະໜົມ, ເປັນມິດສະຫາຍ ແລະ ອ້າຍນ້ອງຢ່າງແທ້ຈິງ".
“ສະຫາຍ ຫງວຽນຟູ໋ຈ້ອງ ເຄີຍບອກພວກຂ້າພະເຈົ້າວ່າ ພວກເຮົາເຮັດວຽກຮ່ວມກັນ, ກ້າວໄປໜ້າພ້ອມກັນ, ຖອດຖອນບົດຮຽນພ້ອມກັນ, ຫວຽດນາມ ຖອດຖອນບົດຮຽນໃຫ້ແກ່ ລາວ, ລາວ ກໍ່ມີບົດຮຽນຫຼາຍຢ່າງເພື່ອຖອດຖອນບົດຮຽນໃຫ້ ຫວຽດນາມ.
ໂດຍມີຄຳເວົ້າທີ່ທຸກຄັ້ງໄດ້ພົບປະ, ສະຫາຍລ້ວນແຕ່ເວົ້າວ່າ ພວກເຮົາຕ້ອງຖືການຊ່ວຍເຫຼືອເຊິ່ງກັນ ແລະ ກັນເປັນສຳຄັນຄືປະທານ ໂຮ່ຈີມິນ ໄດ້ກ່າວໄວ້ວ່າ ຊ່ວຍເຫຼືອເພື່ອນແມ່ນຊ່ວຍຕົນເອງ, ຂ້າພະເຈົ້າຈະບໍ່ມີວັນລືມ.
ຂ້າພະເຈົ້າໄດ້ເລົ່າເລື່ອງນີ້ໃຫ້ບັນດາການນຳຂັ້ນສູງຂອງປະເທດ ລາວ, ໄດ້ເລົ່າສູ່ພະນັກງານ, ລັດຖະກອນ, ເລົ່າສູ່ຄອບຄົວຂອງຂ້າພະເຈົ້າ, ໄດ້ເລົ່າເລື່ອງນີ້ໃຫ້ບັນດາຄອບຄົວຂອງບັນດາລູກຫຼານຂອງຂ້າພະເຈົ້າວ່າ ຕ້ອງຈົດຈຳຄຳເວົ້ານີ້ຂອງສະຫາຍເລຂາທິການໃຫຍ່ ຫງວຽນຟູ໋ຈ້ອງ, ສະຫາຍໄດ້ຊ່ວຍເຫຼືອປະເທດເຮົາຫຼາຍຢ່າງ, ສະຫາຍຖືນັ້ນແມ່ນການຊ່ວຍເຫຼືອຕົນເອງ, ແຕ່ຄວາມໝາຍອັນເລິກເຊິ່ງຂອງສະຫາຍ ຫງວຽນຟູ໋ຈ້ອງ ແມ່ນວ່າ ພວກເຮົາແມ່ນເພື່ອນມິດສະຫາຍ, ແມ່ນອ້າຍນ້ອງ ທີ່ທີ່ແທ້ຈິງ ແລະ ຫາຍາກຫຼາຍ”, ສະຫາຍເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ກ່າວ.
 | ຍສໝ - ນີ້ແມ່ນການແບ່ງປັນຂອງທ່ານ Peter ຮົ່ງ, ກຳມະການສູນກາງແນວໂຮມປະເທດຊາດ ຫວຽດນາມ, ປະທານສະມາຄົມນັກທຸລະກິດຊາວຫວຽດນາມ ອາໄສຢູ່ຕ່າງປະເທດ ກ່ຽວກັບທີ່ຕັ້ງຂອງປະເທດຊາດພາຍໃຕ້ການນຳພາຂອງ ສະຫາຍເລຂາທິການໃຫຍ່ ຫງວຽນຟູ໋ຈ້ອງ. |
 | ຍສໝ - ວຽກງານການຕ່າງປະເທດແມ່ນໜຶ່ງໃນບັນດາຂົງເຂດທີ່ສະແດງໃຫ້ເຫັນຫຼາຍຈຸດພົ້ນເດັ່ນຂອງສະຫາຍ ຫງວຽນຟູ໋ຈ້ອງ. ຄະນະບໍລິຫານງານສູນກາງພັກ, ກົມການເມືອງ, ຄະນະເລຂາທິການພາຍໃຕ້ການນຳພາ ແລະ ຊີ້ນຳຂອງສະຫາຍໃນຖານະເປັນ ເລຂາທິການໃຫຍ່ ໄດ້ອອກມະຕິ, ບົດສະຫຼຸບ ແລະ ຄຳສັ່ງຫຼາຍຢ່າງກ່ຽວກັບການກໍ່ສ້າງ ແລະ ເຮັດສຳເລັດແນວທາງການພົວພັນຕ່າງປະເທດຂອງພັກ ແລະ ລັດຂອງຫວຽດນາມໃນໄລຍະແຫ່ງການປ່ຽນແປງໃໝ່. ຖານຂໍ້ມູນຂ່າວສານເອເລັກໂຕນິກຂອງລັດຖະບານ ຂໍຖືເປັນກຽດແນະນຳບົດຂຽນຂອງທ່ານກຳມະການສູນກາງພັກ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທງເຊີນ ກ່ຽວກັບ “ສະຫາຍ ... |
ມິງດຶກ
