 | ທ່ານເລຂາທິການໃຫຍ່ ຫງວຽນຟູ໋ຈ້ອງ ມີການພົບປະເຈລະຈາ ກັບປະທານພັກປະຊາທິປະໄຕເສລີ, ນາຍົກລັດຖະມົນຕີ ຍີ່ປຸ່ນ |
| ທ່ານເລຂາທິການໃຫຍ່ ຫງວຽນຟູ໋ຈ້ອງ ຢ້ຽມຢາມ ແລະ ອວຍພອນບຸນເຕັດ ຢູ່ ແຂວງ ບັກນິງ |
ທ່ານເອກອັກຄະລັດຖະທູດ ເລວັນບ່າງ, ອະດີດຮອງລັດຖະມົນຕີກະຊວງການຕ່າງປະເທດ ຫວຽດນາມ:
ທ່ານເລຂາທິການໃຫຍ່ ຫງວຽນຟູ໋ຈ້ອງ ແມ່ນຄູສອນທີ່ສຸດອົກສຸດໃຈ ແລະ ເຄົາລົບນັບຖື
ຂ້າພະເຈົ້າຈື່ໄດ້ວ່າ ຄັ້ງທຳອິດທີ່ໄດ້ພົບປະ ທ່ານເລຂາທິການໃຫຍ່ ຫງວຽນຟູ໋ຈ້ອງ ເມື່ອຕົນຍັງເປັນເອກອັກຄະລັດຖະທູດຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ອາເມລິກາ ຜູ້ທຳອິດ ປີ 1997. ໃນກອງປະຊຸມຄັ້ງນັ້ນ, ທ່ານເລຂາທິການໃຫຍ່ ໄດ້ຕັ້ງຄຳຖາມໃຫ້ພວກຂ້າພະເຈົ້າກ່ຽວກັບບັນຫາການເຊື່ອມໂຍງສາກົນ ແລະ ການພົວພັນກັບບັນດາປະເທດ. ຂ້າພະເຈົ້າໄດ້ກ່າວຄຳປາໄສວ່າ ບັນຫາການເຊື່ອມໂຍງເຂົ້າກັບສາກົນຄືກັບຫ້ວຍທີ່ໄຫຼອອກສູ່ແມ່ນ້ຳ, ຈາກແມ່ນ້ຳອອກສູ່ທະເລໃຫຍ່. ຫວຽດນາມ ພວມຕົກຢູ່ໃນສະພາບດັ່ງກ່າວ. ພວກເຮົາຄືກັບຫ້ວຍທີ່ໄຫຼອອກສູ່ແມ່ນໍ້າ, ຈາກແມ່ນ້ຳໄຫຼລົງສູ່ທະເລໃຫຍ່. ພວກເຮົາຕ້ອງອອກໄປສູ່ທະເລໃຫຍ່ ຖ້າບໍ່ດັ່ງນັ້ນ ພວກເຮົາຈະບໍ່ຮູ້ວ່າມ ທະເລໃຫຍ່ເປັນແນວໃດ. ນັ້ນແມ່ນບັນຫາການເຊື່ອມໂຍງເຂົ້າກັບສາກົນ, ເປັນບັນຫາຂອງໂລກາພິວັດ, ເປັນຜົນປະໂຫຍດຕໍ່ຊາດ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ເຫັນດີ ແລະ ສະໜັບສະໜູນທັດສະນະກ່ຽວກັບການເຊື່ອມໂຍງ, ຫວຽດນາມ ຕ້ອງອອກໄປສູ່ທະເລໃຫຍ່ ແລະ ປະຈຸບັນ ພວກເຮົາໄດ້ເຫັນຢ່າງຈະແຈ້ງໝາກຜົນແຫ່ງການເຊື່ອມໂຍງດັ່ງກ່າວ.
ຫຼັງຈາກນັ້ນ, ທີ່ກອງປະຊຸມທາງການທູດຫຼາຍຄັ້ງຕໍ່ມາ, ຂ້າພະເຈົ້າໄດ້ພົບປະ ແລະ ໄດ້ຮັບຟັງທ່ານເລຂາທິການໃຫຍ່ ຫງວຽນຟູ໋ຈ້ອງ ກ່າວຄຳປາໄສ. ບັນດາບົດຂຽນ ແລະ ຄຳຕັກເຕືອນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ໂດຍສະເພາະແມ່ນກ່ຽວກັບວຽກງານການທູດແບບໄມ້ໄຜ່, ແມ່ນປຶ້ມຄູ່ມືເພື່ອໃຫ້ພະນັກງານການທູດໄດ້ຮ່ຳຮຽນ ແລະ ປະຕິບັດຕາມ. ນັ້ນແມ່ນຄຳສິດສອນທີ່ ທ່ານເລຂາທິການໃຫຍ່ ໄດ້ຖອດຖອນຈາກຂະບວນການພັດທະນາປະຫວັດສາດຂອງການທູດແຫ່ງຊາດ. ໄມ້ໄຜ່ມີຄວາມເຂັ້ມແຂງ ແຕ່ມີຄວາມອ່ອນໂຍນ ແລະ ມັນໄດ້ປະກອບສ່ວນນຳ ຫວຽດນາມ ໄປສູ່ລະດັບສາກົນ ແລະ ມີຫຼາຍປະເທດ ໄດ້ຮ່ຳຮຽນຕາມ.
ໃນປີ 2015, ເມື່ອ ທ່ານເລຂາທິການໃຫຍ່ ໄດ້ໄປຢ້ຽມຢາມ ອາເມລິກາ. ນັ້ນແມ່ນການຢ້ຽມຢາມຄັ້ງປະຫວັດສາດໃນການພົວພັນທາງການທູດຂອງສອງປະເທດ ແລະ ໃນປະຫວັດສາດມວນມະນຸດໂລກ, ເມື່ອ ທ່ານເລຂາທິການໃຫຍ່ ພັກກອມມູນິດ ໄດ້ຮັບການເຊີ້ອເຊີນຈາກ ອາເມລິກາ. ຫຼັງຈາກນັ້ນ, ທ່ານເລຂາທິການໃຫຍ່ ຍັງໄດ້ຕິດຕາມ ແລະ ປະກອບສ່ວນຫຼາຍຢ່າງໃຫ້ແກ່ການພົວພັນ ຫວຽດນາມ - ອາເມລິກາ.
ປີ 2023, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ໃຫ້ການຕ້ອນຮັບທ່ານປະທານາທິບໍດີ ອາເມລິກາ ແລະ ການພົວພັນລະຫວ່າງ 2 ປະເທດໄດ້ຮັບການຍົກຂຶ້ນສູ່ລະດັບການພົວພັນຄູ່ຮ່ວມມືຍຸດທະສາດຮອບດ້ານ. ສິ່ງນີ້ຈະເປັນປະໂຫຍດຫຼາຍສໍາລັບປະຊາຊົນ ແລະ ປະເທດຂອງພວກເຮົາ. ເຖິງແມ່ນວ່າບໍ່ໄດ້ມາຈາກຂະແໜງການທູດ, ແຕ່ພວກຂ້າພະເຈົ້າເມື່ອໃດກໍ່ຖືວ່າ ທ່ານເລຂາທິການໃຫຍ່ ເປັນຄູສອນທີ່ສຸດອົກສຸດໃຈ ແລະ ເຄົາລົບນັບຖື.
 |
| ທ່ານເລຂາທິການໃຫຍ່ ຫງວຽນຟູ໋ຈ້ອງ ເຂົ້າຮ່ວມກອງປະຊຸມການທູດ ຄັ້ງທີ 32 ທີ່ຈັດຂຶ້ນໃນປີ 2023. |
ທ່ານເອກອັກຄະລັດຖະທູດ ຫງວຽນແທງເຊີນ, ອະດີດຮອງລັດຖະມົນຕີກະຊວງການຕ່າງປະເທດ ຫວຽດນາມ:
ລຸງໄດ້ສົ່ງຕໍ່ຄວາມປາດຖະໜາເພື່ອຊຸກຍູ້ພະນັກງານການທູດພວກຂ້າພະເຈົ້າ
ຂ້າພະເຈົ້າໄດ້ພົບປະກັບ ທ່ານເລຂາທິການໃຫຍ່ ຫງວຽນຟູ໋ຈ້ອງ ຫຼາຍຄັ້ງ. ພິເສດແມ່ນ ປີ 2014, ເມື່ອຕົນຍັງເປັນເອກອັກຄະລັດຖະທູດຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສະຫະພັນ ລັດເຊຍ, ຂ້າພະເຈົ້າໄດ້ໃຫ້ການຕ້ອນຮັບທ່ານເລຂາທິການໃຫຍ່ ຫງວຽນຟູ໋ຈ້ອງ ມາຢ້ຽມຢາມ ສະຫະພັນ ລັດເຊຍ ຢ່າງເປັນທາງການ. ເນື່ອງໃນໂອກາດທີ່ຄະນະຜູ້ແທນພັກ ແລະ ລັດຂອງພວກເຮົາມາຢ້ຽມຢາມ ສະຫະພັນ ລັດເຊຍ, ທ່ານປະທານາທິບໍດີ ສະຫະພັນ ລັດເຊຍ Putin ໄດ້ຕີລາຄາສູງບົດບາດນຳພາຂອງ ທ່ານເລຂາທິການໃຫຍ່ ພັກກອມມູນິດ ຫວຽດນາມ.
ໃນຖານະເປັນປະເທດມະຫາອຳນາດໂລກ, ສະຫະພັນ ລັດເຊຍ ໄດ້ຕີລາຄາສູງສຳລັບແນວທາງ, ນະໂຍບາຍການຕ່າງປະເທດຂອງ ຫວຽດນາມ. ລັດເຊຍ ກໍ່ຢືນຢັນວ່າ ຫວຽດນາມ ປະສົບຜົນສຳເລັດແມ່ນຍ້ອນການຊີ້ນຳທີ່ມີຄວາມຕັດສິນໃຈສູງ ແລະ ຖືກຕ້ອງຂອງ ພັກກອມມູນິດ ຫວຽດນາມ. ຫວຽດນາມ ໄດ້ເຊື່ອມໂຍງເຂົ້າກັບໂລກ, ໃນນັ້ນ ມີຄວາມສາມັກຄີກັບປະຊາຊົນ ສະຫະພັນ ລັດເຊຍ.
ສິ່ງນັ້ນໄດ້ຢືນຢັນວ່າເປັນນະໂຍບາຍການຕ່າງປະເທດທີ່ຖືກຕ້ອງຂອງ ຫວຽດນາມ ແຕ່ອະດີດເຖິງປະຈຸບັນ.
ປີ 2023, ທ່ານເລຂາທິການໃຫຍ່ ໄດ້ມາເຂົ້າຮ່ວມກອງປະຊຸມການທູດ ຄັ້ງທີ 32 ກໍ່ໄດ້ຍົກອອກຢ່າງຈະແຈ້ງວ່າ: ການທູດ ຫວຽດນາມ ຕ້ອງຮັກສາແນວທາງ, ການທູດ ຫວຽດນາມ ຕ້ອງປະຕິບັດຕາມບັນດາທິດນຳຂອງມະຕິກອງປະຊຸມໃຫຍ່ຄັ້ງທີ 13 ຂອງພັກກອມມູນິດຢ່າງຄ່ອງແຄ້ວ. ນັ້ນແມ່ນການໜູນໃຊ້ຢ່າງຄ່ອງແຄ້ວ, ບໍ່ແຂງກະດ້າງ, "ເອົາວິ່ງທີ່ປ່ຽນແປງ ມາຮັບມືກັບການປ່ຽນແປງທັງຫມົດ". ໂດຍອີງຕາມສະພາບການ ແລະ ເງື່ອນໄຂເພື່ອນຳໃຊ້ບັນດາການຕັດສິນໃຈທີ່ເໝາະສົມ, ຮັບປະກັນຜົນປະໂຫຍດຂອງຊາດ ແລະ ແນວທາງ, ນະໂຍບາຍຂອງພັກ ແລະ ລັດ.
ແຕ່ໃນຂະນະນັ້ນ ກໍໃຫ້ເພື່ອນມິດໂລກເຫັນຢ່າງຈະແຈ້ງວ່າ ຫວຽດນາມ ຍາມໃດກໍ່ປາດຖະໜາຢາກສ້າງເພື່ອນມິດກັບທຸກປະເທດ. ຫວຽດນາມ ຮັກຫອມສັນຕິພາບ, ຮັກສາສັນຕິພາບ ແລະ ຫວຽດນາມ ຢາກນຳສັນຕິພາບມາໃຫ້ບັນດາປະເທດບໍ່ພຽງແຕ່ໃນພາກພື້ນເທົ່ານັ້ນ ຫາກຍັງຢູ່ໃນໂລກອີກດ້ວຍ. ເພາະສະນັ້ນ, ຄວາມຮັບຜິດຊອບຂອງ ຫວຽດນາມ ແມ່ນພົ້ນເດັ່ນເປັນພິເສດໃນໄລຍະຫຼັງກອງປະຊຸມໃຫຍ່ຄັ້ງທີ 13 ຂອງພັກ ແລະ ພິເສດແມ່ນເມື່ອ ຫວຽດນາມ ເຂົ້າຮ່ວມກຳລັງຮັກສາສັນຕິພາບຂອງໂລກ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ປາດຖະໜາວ່າ ການພົວພັນຕ່າງປະເທດຂອງ ຫວຽດນາມ ເວົ້າລວມ ຕ້ອງກ້າວໄປເຖິງລະບົບໃນແຜນ ແລະ ທັນສະໄໝ, ຫັນເປັນທັນສະໄໝ ແລະ ມາດຕະຖານພະນັກງານ, ເຮັດໃຫ້ພະນັກງານການທູດ ຫວຽດນາມ ເທົ່າທຽມກັບພະນັກງານການທູດຂອງໂລກ.
 | ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ມີການຢ້ຽມຢາມ ແລະ ໂອ້ລົມຢູ່ສະຖາບັນການເມືອງແຫ່ງຊາດໂຮ່ຈີມິນ ຍສໝ - ໃນວັນທີ 29 ມິຖຸນາ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ມີການຢ້ຽມຢາມ ແລະ ໂອ້ລົມກັບການນຳ, ພະນັກງານ, ຄູອາຈານ ແລະ ນັກສຶກສາຂອງສະຖາບັນການເມືອງແຫ່ງຊາດໂຮ່ຈີມິນ. ການໂອ້ລົມໄດ້ຖ່າຍທອດສົດທີ່ຊ່ອງ VTV1, ສະຖານີໂທລະພາບຫວຽດນາມ. |
 | ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ພົບປະກັບອະດີດເລຂາທິການໃຫຍ່ ແລະ ອະດີດປະທານປະເທດຫວຽດນາມ ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ມີການພົບປະກັບທ່ານອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ນົງດຶກແມ້ງ ແລະ ທ່ານອະດີດປະທານປະເທດຫວຽດນາມ ເຈິ່ນດຶກເລືອງ. |
ມິງດຶກ
