| ໄທ ຖືເປັນສຳຄັນການປົກປັກຮັກສາ ແລະ ພັດທະນາບັນດາສະຖານທີ່ຕິດພັນກັບການພົວພັນກັບ ຫວຽດນາມ | |
| ນັກທ່ອງທ່ຽວ ຊື່ນຊົມຍິນດີກັບການສຳຜັດກັບເທບໃນໝູ່ບ້ານທີ່ມີກິ່ນຫອມຂອງເມືອງເຫ້ວ |
ທີ່ກອງປະຊຸມພົບປະ, ສະຫາຍ ຢາງປ໋າວໝີ ກໍາມະການສູນກາງພັກ, ເລຂາຄະນະພັກແຂວງ, ປະທານສະພາປະຊາຊົນແຂວງ ລາຍເຈົາ ໄດ້ສະເໜີບັນດາຂໍ້ມູນໂດຍສັງເຂບກ່ຽວກັບເງື່ອນໄຂທຳມະຊາດ, ສະພາບການພັດທະນາເສດຖະກິດ - ສັງຄົມຂອງແຂວງ.
ສະຫາຍ ຢາງປ໋າວໝີ ເນັ້ນໜັກວ່າ ໃນຊຸມປີທີ່ຜ່ານມາ, ສາຍພົວພັນມິດຕະພາບ, ການຮ່ວມມືລະຫວ່າງແຂວງ ລາຍເຈົາ ແລະ ສອງແຂວງ ແຂວງ ຜົ້ງສາລີ, ແຂວງ ອຸດົມໄຊ ກໍໄດ້ຮັກສາ ແລະ ພັດທະນາຢ່າງບໍ່ຢຸດຢັ້ງ. ບັນດາຝ່າຍ ໄດ້ແລກປ່ຽນຈົດໝາຍທາງການ, ຈົດໝາຍຢ້ຽມຢາມຖາມຂ່າວ, ຈົດໝາຍອວຍພອນຢ່າງເປັນປະຈຳ ເນື່ອງໃນໂອກາດວັນບຸນສຳຄັນຂອງສອງປະເທດ ແລະ ຈັດຕັ້ງບັນດາການເຄື່ອນໄຫວພົບພະແລກປ່ຽນຄະນະຜູ້ແທນທຸກຂັ້ນ, ປະກອບສ່ວນຮັດແໜ້ນສາຍພົວພັນມິດຕະພາບ, ຄວາມຮັກແພງອັນເລິກເຊິ່ງລະຫວ່າງແຂວງ ລາຍເຈົາ ແລະ ແຂວງຜົ້ງສາລີ, ແຂວງ ອຸດົມໄຊ.
 |
| ຄະນະຜູ້ແທນແຂວງ ລາຍເຈົາ ໄດ້ລົງນາມໃນບົດເຈລາຈາຊ່ວຍຈຳກັບຄະນະຜູ້ແທນແຂວງ ອຸດົມໄຊ (ສປປ ລາວ). |
ນອກຈາກການພົບປະແລກປ່ຽນມິດຕະພາບແລ້ວ, ການຮ່ວມມືໃນຂົງເຂດແນວໂຮມ, ການພົວພັນຕ່າງປະເທດ, ສາທາລະນະສຸກ, ການທ່ອງທ່ຽວ, ປ້ອງກັນປະເທດ, ຄວາມໝັ້ຄົງ ກໍ່ໄດ້ຮັບຄວາມສົນໃຈເພື່ອປະຕິບັດຈາກທຸກຂັ້ນ, ຂະແໜງການ ແລະ ທ້ອງຖິ່ນ.
ແຂວງ ລາຍເຈົາ ໄດ້ ແລະ ພວມບຳລຸງສ້າງນັກສຶກສາແຂວງ ຜົ້ງສາລີ ແລະ ແຂວງ ອຸດົມໄຊ ຈໍານວນ 180 ຄົນ ໃນລະດັບປະລິນຍາຕີ ສາຂາແພດສາດຫຼາຍຂະແໜງ, ຄູອະນຸບານລະດັບຊັ້ນກາງ ແລະ ຊັ້ນສູງ.
ການນຳແຂວງ ລາຍເຈົາ ແລະ ສອງແຂວງ ຜົ້ງສາລີ, ອຸດົມໄຊ ໄດ້ຕີລາຄາໝາກຜົນການຮ່ວມມືໃນໄລຍະຜ່ານມາ, ເຫັນດີເປັນເອກະພາບກ່ຽວກັບທິດທາງການຮ່ວມມືໃນໄລຍະຈະມາເຖິງບົນບັນດາຂົງເຂດລວມມີ: ເພີ່ມທະວີການພົວພັນມິດຕະພາບ, ແລກປ່ຽນປະສົບການໃນການກໍ່ສ້າງລະບົບການເມືອງ; ຊຸກຍູ້ການຮ່ວມມືດ້ານເສດຖະກິດ, ວັດທະນະທຳ, ທ່ອງທ່ຽວ, ສາທາລະນະສຸກ, ການສຶກສາ, ປ້ອງກັນຊາດ - ປ້ອງກັນຄວາມສະຫງົບ. ບັນດາຝ່າຍສະໜັບສະໜູນການຮັກສາການພົວພັນມິດຕະພາບ, ສ້າງເງື່ອນໄຂສະດວກໃຫ້ບັນດາອົງການການເມືອງ - ສັງຄົມ ແລະ ປະຊາຊົນມາຢ້ຽມຢາມ, ແລກປ່ຽນ, ແບ່ງປັນປະສົບການ, ຊອກຮູ້ວັດທະນະທຳ, ຮີດຄອງປະເພນີຂອງກັນແລະກັນ; ປະກອບສ່ວນປັບປຸງ, ເພີ່ມທະວີນ້ຳໃຈສາມັກຄີ, ມິດຕະພາບລະຫວ່າງປະຊາຊົນສອງປະເທດ.
ສະຫາຍ ຢາງປ໋າວໝີ ປາດຖະໜາວ່າ ແຂວງ ລາຍເຈົາ ແລະ ສອງແຂວງຜົ້ງສາລີ, ອຸດົມໄຊ ຈະສືບຕໍ່ເປີດກວ້າງ, ຍົກສູງຄຸນນະພາບ, ປະສິດທິຜົນການຮ່ວມມືໃນທຸກຂົງເຂດ; ເພີ່ມທະວີບັນດາການເຄື່ອນໄຫວພົບປະແລກປ່ຽນມິດຕະພາບ, ແລກປ່ຽນຂໍ້ມູນຂ່າວສານ, ແບ່ງປັນປະສົບການ, ໜູນຊ່ວຍການບຳລຸງສ້າງ, ການເຝິກອົບຮົມ, ຖ່າຍທອດເຕັກໂນໂລຢີ, ສ້າງການພົວພັນຮ່ວມມືແທດຈິງ, ມີປະສິດທິຜົນລະຫວ່າງຂະແໜງການ ແລະ ທ້ອງຖິ່ນຂອງສອງຝ່າຍ.
ພ້ອມກັນນັ້ນ, ບັນດາຝ່າຍເປັນເຈົ້າການ, ຕັ້ງໜ້າສົມທົບກັນແຈ້ງຂໍ້ມູນກ່ຽວກັບສະພາບການພັດທະນາເສດຖະກິດ-ສັງຄົມ, ໂຄສະນາຄວາມສາມາດບົ່ມຊ້ອນ, ທ່າແຮງ, ການດຶງດູດການລົງທຶນ; ໜູນຊ່ວຍການບໍລິໂພກຜະລິດຕະພັນ, ພິເສດແມ່ນຜະລິດຕະພັນກະເສດທີ່ມີທ່າແຮງຂອງແຕ່ລະຝ່າຍ; ຊຸກຍູ້ການຮ່ວມມືດ້ານວັດທະນະທຳ, ສົມທົບກັນຈັດຕັ້ງບັນດາການເຄື່ອນໄຫວການພົບປະແລກປ່ຽນປະຊາຊົນ, ພົບປະແລກປ່ຽນວັດທະນະທຳ ເພື່ອປະກອບສ່ວນໂຄສະນາບັນດາຈຸດທີ່ເປັນເອກະລັກພິເສດຂອງແຕ່ລະຝ່າຍ. ບັນດາຝ່າຍ ກໍໄດ້ຊຸກຍູ້ການພັດທະນາການທ່ອງທ່ຽວ, ສົ່ງເສີມ, ສ້າງເງື່ອນໄຂ ເພື່ອວິສາຫະກິດຂອງສອງປະເທດຮ່ວມມືສ້າງຮູບແບບບັນດາ tour, ເສັ້ນທາງການທ່ອງທ່ຽວ; ສືບຕໍ່ສົມທົບກັນບຳລຸງສ້າງ, ຍົກສູງຄຸນນະພາບແຫຼ່ງຊັບພະຍາກອນມະນຸດ ໃຫ້ເໝາະສົມກັບສະພາບຕົວຈິງຂອງແຕ່ລະແຂວງ, ປະກອບສ່ວນຢ່າງຕັ້ງໜ້າເຂົ້າໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດຂອງແຕ່ລະປະເທດ.
ມິງດຶກ
