2 ຝ່າຍໄດ້ເຫັນດີເປັນເອກະພາບຈະຮ່ວມມືໃນບັນດາຂົງເຂດຄື: ແນະນຳບັນດາລາຍການສະແດງສິລະປະຜ່ານການຈັດຕັ້ງບັນດາການເຄື່ອນໄຫວຂອງງານບຸນ, ແລກປ່ຽນ ແລະ ແບ່ງປັນປະສົບການໃນການສະແດງສິລະປະ ແລະ ດົນຕີພື້ນເມືອງ; ຍົກສູງຄວາມສາມາດທາງດ້ານວັດທະນະທໍາສິລະປະ ໂດຍຜ່ານການສຶກສາ ແລະ ແນະນໍາວັດທະນະທໍາ, ສິລະປະເຖິງປະຊາຊົນ; ເພີ່ມທະວີຄວາມເຂົ້າໃຈ ແລະ ຍົກສູງຄວາມຮັບຮູ້ໃນການປົກປັກຮັກສາ, ເສີມຂະຫຍາຍຄຸນຄ່າວັດທະນະທຳລວມຂອງສອງປະເທດ; ແນະນຳ, ໂຄສະນາຮູບພາບມໍລະດົກວັດທະນະທຳພື້ນເມືອງຂອງແຕ່ລະຝ່າຍໃນຊ່ອງທາງສື່ມວນຊົນຢ່າງເປັນທາງການ.
 |
| ພິທີລົງນາມໃນບົດບັນທຶກຊ່ວຍຈຳການຮ່ວມມືລະຫວ່າງສູນອະນຸລັກຮັກສາຮ່ອງຮອຍກຸງເກົ່າເຫ້ວ ແລະ ສາຂາສະມາຄົມ Yangpyeong ຂຶ້ນກັບສະມາຄົມວັດທະນະທຳ ແລະ ສິລະປະ ສ.ເກົາຫຼີ. (ພາບ: huefestival.com) |
ໂດຍສ້າງຕັ້ງຂຶ້ນໃນປີ 1961, ສາຂາສະມາຄົມ Yangpyeong ແມ່ນອົງການຈັດຕັ້ງສິລະປະມືອາຊີບ ກັບເປົ້າຫມາຍເພື່ອປົກປັກຮັກສາ, ສືບທອດ ແລະ ພັດທະນາວັດທະນະທໍາສິລະປະຂຶ້ນກັບເມືອງ Yangpyeong, ແຂວງ Gyeonggi, ສ.ເກົາຫຼີ. ສະມາຄົມ ໄດ້ພະຍາຍາມເພື່ອຍົກສູງບັນດາດົນຕີພື້ນເມືອງເຊັ່ນ ເຄື່ອງດົນຕີເຄາະ, ເຄື່ອງດົນຕີປະເພດສາຍ ແລະ ວັດທະນະທຳສິລະປະພື້ນເມືອງຂອງ ສ.ເກົາຫຼີ ຂຶ້ນສູ່ລະດັບສູງໃຫມ່. ພ້ອມກັນນັ້ນ, ກໍ່ເຂົ້າຮ່ວມບັນດາການເຄື່ອນໄຫວສ້າງສັນ, ສ້າງລັກສະນະວັດທະນະທຳໃໝ່ ຢ່າງຕັ້ງໜ້າ, ປະກອບສ່ວນເຂົ້າໃນການແລກປ່ຽນວັດທະນະທຳໃນທົ່ວໂລກ.
ໃນລາຍການສະແດງສິລະປະຢູ່ສັບປະດາ Festival ເຫ້ວ 2024, ສາຂາສະມາຄົມ Yangpyeong ໄດ້ເຂົ້າຮ່ວມລາຍການສະແດງຢູ່ງານບຸນຖະໜົນຫົນທາງ ດ້ວຍຫົວຂໍ້ “ສີສັນວັດທະນະທຳ” ໃນວັນທີ 8 ມິຖຸນາ ແລະ ໄດ້ສະແດງຢູ່ເວທີສະແດງປະຊາຄົມ ກົງວຽນ 3 ກຸມພາ ແຕ່ວັນທີ 8 – 9 ມິຖຸນາ.
 | ລົງນາມໃນຂໍ້ຕົກລົງການຮ່ວມມືດ້ານການທະຫານ - ການປ້ອງກັນປະເທດ ລະຫວ່າງແຂວງ ຮ່າຕິ້ງ ແລະ ແຂວງບໍລິຄຳໄຊ ຍສໝ - ໂດຍປະຕິບັດບັນດາເນື້ອໃນທີ່ໄດ້ລົງນາມ, ກອງບັນຊາການທະຫານແຂວງ ຮ່າຕິ້ງ ແລະ ບໍລິຄຳໄຊ ໄດ້ປະກອບສ່ວນຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຢູ່ເຂດຊາຍແດນ. |
 | ສຸມໃສ່ວຽກງານການສຶກສາລຸ້ນໜຸ່ມ ຫວຽດນາມ - ກູບາ ກ່ຽວກັບຄວາມຮັບຮູ້ໃນການພັດທະນາການພົວພັນລະຫວ່າງ 2 ປະເທດ ຍສໝ - ເຊື່ອມຕໍ່ບັນດາມະຫາວິທະຍາໄລ; ໄດ້ຈັດຕັ້ງຄະນະຊາວໜຸ່ມ ກູບາ ໄປຢ້ຽມຢາມ ຫວຽດນາມ ໃນໄລຍະພັກແລ້ງ 1-2 ອາທິດ ຢູ່ເຮືອນຂອງປະຊາຊົນ; ຈັດຕັ້ງບັນດາການແຂ່ງຂັນເພື່ອຊອກຮູ້ກ່ຽວກັບສອງປະເທດຂອງຊາວຫນຸ່ມ; ເຊີນເອກອັກຄະລັດຖະທູດ, ນັກປາຖະກະຖາພົບປະແລກປ່ຽນ, ໂອ້ລົມກັບຊາວໜຸ່ມ… ແມ່ນບັນດາການເຄື່ອນໄຫວ ເພື່ອເພີ່ມທະວີວຽກງານການສຶກສາລຸ້ນໜຸ່ມຂອງ 2 ປະເທດ ເຊິ່ງຈະໄດ້ຜັນຂະຫຍາຍໃນປີ 2024 ຂອງສະມາຄົມມິດຕະພາບ ຫວຽດນາມ - ກູບາ. |
ມິງດຶກ
