 | ໄວ້ອາໄລ ແລະ ເຮັດພິທີທາງສາສະໜາອັດຖິນັກຮົບອາສາສະໝັກ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ ລາວ ແລະ ກຳປູເຈຍ |
| ຫວຽດນາມ ແລະ ລາວ ເພີ່ມທະວີການຮ່ວມມືໃນວຽກງານກວດກາພັກ |
 |
| ສະຫາຍ ບຸນທອງ ຈິດມະນີ, ກໍາມະການກົມການເມືອງ, ຜູ້ປະຈຳຄະນະເລຂາທິການ, ຮອງປະທານປະເທດ ລາວ ໄດ້ໃຫ້ການຕ້ອນຮັບ ສະຫາຍ ເລກັວກມິນ ແລະ ຄະນະ. |
ຄະນະຜູ້ແທນໜັງສືພິມ ປະຊາຊົນ ຫວຽດນາມ ຍັງໄດ້ມີການພົບປະເຈລະຈາກັບຄະນະຜູ້ແທນໜັງສືພິມ ປະຊາຊົນ ລາວ ນຳໂດຍສະຫາຍ ວັນໄຊ ຕະວິນຍານ, ຮອງຫົວໜ້າກົມໂຄສະນາອົບຮົມສູນກາງ ພັກປະຊາຊົນ ປະຕິວັດ ລາວ, ທັງເປັນຫົວໜ້າບັນນາທິການໜັງສືພິມ ປະຊາຊົນ ລາວ. ເຂົ້າຮ່ວມກອງປະຊຸມກໍ່ມີສະຫາຍ ຟານມິນຈ໋ຽນ, ອັກຄະລັດຖະທູດທີ່ປຶກສາທູດ ສະຖານທູດ ຫວຽດນາມ ປະຈຳ ລາວ.
ທີ່ການຕ້ອນຮັບ, ສະຫາຍ ເລກັວກມິນ ໄດ້ລາຍງານຕໍ່ບັນດາການນຳລາວ ກ່ຽວກັບໝາກຜົນການຮ່ວມມືລະຫວ່າງໜັງສືພິມ ປະຊາຊົນ ຫວຽດນາມ ແລະ ໜັງສືພິມ ປະຊາຊົນ ລາວ, ຢືນຢັນວ່າ ການພົວພັນຮ່ວມມືລະຫວ່າງ 2 ຝ່າຍໃນໄລຍະມໍ່ໆມານີ້ ໄດ້ຮັບການເພີ່ມທະວີຢ່າງແໜ້ນແຟ້ນ ແລະ ມີປະສິດທິຜົນ, ໄດ້ສະແດງອອກລະອຽດຜ່ານ ໂຄງການຍົກລະດັບລະບົບຫນັງສືພິມເອເລັກໂຕນິກ, ຊ່ວຍໃຫ້ຫນັງສືພິມ ປະຊາຊົນ ລາວ ຂອງ ພັກ ປະຊາຊົນ ປະຕິວັດ ລາວ ຕອບສະຫນອງຄວາມຕ້ອງການ ແລະ ໜ້າທີ່ໃນໄລຍະໃຫມ່.
ສະຫາຍ ເລກັວກມິນ ໃຫ້ຮູ້ວ່າ: ໃນໄລຍະຈະມາເຖິງ, 2 ຝ່າຍຈະສືບຕໍ່ໂຄສະນາເຜີຍແຜ່ກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ; ຢືນຢັນດ້ວຍຄວາມຮູ້ສຶກພິເສດຄືອ້າຍນ້ອງໃນຄອບຄົວດຽວກັນຂອງສອງປະເທດ ຫວຽດນາມ - ລາວ, ໜັງສືພິມ ປະຊາຊົນ ຫວຽດນາມ ພ້ອມແລ້ວທີ່ຈະໜູນຊ່ວຍໜັງສືພິມ ປະຊາຊົນ ລາວ ເວົ້າສະເພາະ ແລະ ຊາວລາວ ເວົ້າລວມ...
ທີ່ການຕ້ອນຮັບ, ການນຳຂັ້ນສູງຂອງລາວ ລ້ວນແຕ່ຢືນຢັນວ່າ ການຢ້ຽມຢາມ ລາວ ຄັ້ງນີ້ຂອງຄະນະ ຈະປະກອບສ່ວນຮັດແໜ້ນສາຍພົວພັນອັນດີງາມລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ເວົ້າລວມ ແລະ ລະຫວ່າງໜັງສືພິມຂອງສອງພັກ ເວົ້າສະເພາະ.
 |
| ສະຫາຍ ເລກັວກມິນ ແລະ ສະຫາຍ ວັນໄຊ ຕະວິນຍານ (ຂວາສຸດ) ແລະ ສະຫາຍ ລາວປາວຊົງ ນະວົງໄຊ (ກາງ), ຮອງຫົວໜ້າຄະນະໂຄສະນາອົບຮົມສູນກາງ ພັກປະຊາຊົນ ປະຕິວັດ ລາວ ໄດ້ກົດປຸ່ມເປີດລະບົບໜັງສືພິມເອເລັກໂຕນິກ ສະບັບໃໝ່ ໃຫ້ແກ່ໜັງສືພິມ ປະຊາຊົນ ລາວ. |
ການນຳລາວ ກໍ່ໄດ້ຂອບໃຈໜັງສືພິມ ປະຊາຊົນ ຫວຽດນາມ ທີ່ໄດ້ໃຫ້ການໜູນຊ່ວຍແກ່ໜັງສືພິມ ປະຊາຊົນ ລາວ ໃນເວລາທີ່ຜ່ານມາ; ຮຽກຮ້ອງໃຫ້ໜັງສືພິມ ປະຊາຊົນ ຫວຽດນາມ ສືບຕໍ່ໜູນຊ່ວຍໜັງສືພິມ ປະຊາຊົນ ລາວ ໃນໄລຍະຈະມາເຖິງ, ພິເສດແມ່ນໜູນຊ່ວຍວຽກງານການບໍລິຫານ, ຝຶກຝົນຫຼໍ່ຫຼອມເພື່ອນຳໃຊ້ລະບົບໃໝ່ໃຫ້ແກ່ໜັງສືພິມ ປະຊາຊົນ ລາວ; ຢືນຢັນຈະຊີ້ນຳໜັງສືພິມ ປະຊາຊົນ ລາວ ຢ່າງໃກ້ຊິດໃນການນຳໃຊ້ລະບົບໜັງສືພິມເອເລັກໂຕນິກໃໝ່ຢ່າງມີປະສິດທິຜົນ, ເພື່ອແນ່ໃສ່ເຜີຍແຜ່ຂໍ້ມູນຂ່າວສານທາງການຂອງພັກ ແລະ ລັດ ລາວ ອອກໃຫ້ກວ້າງຂວາງ, ພ້ອມທັງນຳສະເໜີຂ່າວບັນດາເຫດການສຳຄັນຂອງປະເທດ ໃນສະພາບທີ່ ລາວ ພວມດຳເນີນກອງປະຊຸມໃຫຍ່ຂອງພັກ ທຸກຂັ້ນ ແລະ ລາວ ດຳລົງຕຳແໜ່ງປະທານສະມາຄົມບັນດາປະເທດ ອາຊຽນ ປີ 2024.
ກ່ອນໜ້ານັ້ນ, ຕອນເຊົ້າວັນດຽວກັນ, ຄະນະຜູ້ແທນໜັງສືພິມ ປະຊາຊົນ ຫວຽດນາມ ກໍ່ໄດ້ມີການພົບປະກັບຄະນະຜູ້ແທນໜັງສືພິມ ປະຊາຊົນ ລາວ. ສິ້ນສຸດການເຈລະຈາ, 2 ຝ່າຍໄດ້ລົງນາມໃນສັນຍາຮ່ວມມືລະຫວ່າງໜັງສືພິມ ປະຊາຊົນ ຫວຽດນາມ ແລະ ໜັງສືພິມ ປະຊາຊົນ ລາວ ໄລຍະ ປີ 2024 – 2029, ເພື່ອແນໃສ່ຊຸກຍູ້ການຮ່ວມມືດ້ານໜັງສືພິມໃນໄລຍະຈະມາເຖິງ. ຕາມນັ້ນແລ້ວ, 2 ຝ່າຍກໍ່ເຫັນດີເປັນເອກະພາບຈະຍູ້ແຮງກວ່າການໂຄສະນາກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ; ສຸມໃສ່ເຜີຍແຜ່ນະໂຍບາຍ ແລະ ແນວທາງການຕ່າງປະເທດໃນການພົວພັນຮ່ວມມືລະຫວ່າງສອງປະເທດ; ສ່ອງແສງບັນດາການເຄື່ອນໄຫວ ແລະ ໝາກຜົນແຫ່ງການຮ່ວມມືລະຫວ່າງສອງປະເທດໃນຂົງເຂດຕ່າງໆ; ກ່ຽວກັບບັນດາການເຄື່ອນໄຫວພົບປະແລກປ່ຽນ ແລະ ມິດຕະພາບລະຫວ່າງປະຊາຊົນສອງປະເທດ.
2 ຝ່າຍກໍ່ເຫັນດີວ່າ ໃນແຕ່ລະປີຈະສົ່ງຄະນະຜູ້ແທນໄປຢ້ຽມຢາມ ແລະ ແລກປ່ຽນບົດຮຽນໃນວຽກງານຂ່າວສານ; ປະສານສົມທົບການຝຶກອົບຮົມ, ພັດທະນາວິຊາຊີບ ແລະ ແລກປ່ຽນປະສົບການນັກຂ່າວ ເຊັ່ນດຽວກັບວຽກງານຂ່າວສານອື່ນໆ...
ຕາງໜ້າໃຫ້ໜັງສືພິມ ປະຊາຊົນ ຫວຽດນາມ, ທ່ານ ເລກັວກມິນ ໄດ້ມອບລະບົບໜັງສືພິມເອເລັກໂຕນິກໃໝ່ທີ່ສົມບູນ, ໃນນັ້ນມີລະບົບໜ້າຈໍທີ່ບັນຈຸເນື້ອຫາໃໝ່ ແລະ ລະບົບຄຸ້ມຄອງບໍລິຫານເນື້ອໃນທີ່ທັນສະໄໝໃຫ້ໜັງສືພິມ ປະຊາຊົນ ລາວ.
ນີ້ແມ່ນລະບົບທີ່ມີຄວາມສະດວກດ້ານວິຊາການເຕັກນິກຫຼາຍຢ່າງ, ອະນຸຍາດໃຫ້ມີການເຊື່ອມຕໍ່ທີ່ດີກັບເວທີສັງຄົມ, ສະດວກສໍາລັບການຜະລິດເນື້ອໃນມັນຕິມີເດຍ ... ; ແມ່ນຂອງຂວັນຈາກໝູ່ຄະນະນັກຂ່າວ ປະຊາຊົນ ຫວຽດນາມ ມອບໃຫ້ແກ່ໝູ່ຄະນະນັກຂ່າວ ປະຊາຊົນ ລາວ, ເພື່ອປະຕິບັດຄຳໝັ້ນສັນຍາຂອງໜັງສືພິມ ປະຊາຊົນ ຫວຽດນາມ ກັບບັນດາການນຳຂອງຄະນະໂຄສະນາອົບຮົມສູນກາງ ພັກປະຊາຊົນ ປະຕິວັດ ລາວ, ບັນດາການນຳຂອງຄະນະໂຄສະນາສຶກສາສູນກາງ ພັກ ກອມມູນິດ ຫວຽດນາມ ກ່ຽວກັບການໜູນຊ່ວຍ ແລະ ປັບປຸງຍົກລະດັບລະບົບໜັງສືພິມ ເອເລັກໂຕນິກ ປະຊາຊົນ ລາວ .
 | ຫວຽດນາມ - ລາວ ຊຸກຍູ້ການຮ່ວມມືດ້ານເຕັກໂນໂລຊີ ແລະ ນະວັດຕະກຳ ຍສໝ - ຕາມສຳນັກຂ່າວສານຫວຽດນາມປະຈຳລາວ, ຕອນບ່າຍວັນທີ 28 ພຶດສະພານີ້, ຢູ່ນະຄອນຫຼວງວຽງຈັນ, ກອງປະຊຸມຄັ້ງທີ 1 ຄະນະກຳມະການຮ່ວມມືດ້ານເຕັກໂນໂລຊີ ແລະ ນະວັດຕະກຳ ຫວຽດນາມ - ລາວ. |
 | ຂີດໝາຍແຫ່ງຄວາມສາມັກຄີລະຫວ່າງປະຊາຊົນສອງປະເທດ ຫວຽດນາມ-ກູບາ ບົນດິນແດນ ໄຕນິງ ຍສໝ - ຮ່ອງຮອຍຫ້ອງການເຮັດວຽກຂອງສະຖານທູດ ສາທາລະນະລັດ ກູບາ ແລະ ໂຮງງານນ້ຳຕານ ກູບາ ຢູ່ເຂດຊາຍແດນຂຶ້ນກັບເມືອງ ເຕີນບຽນ ແລະ ເມືອງ ເຕີນເຈົາ, ແຂວງ ໄຕນິງ ເປັນຫຼັກຖານພະຍານໃຫ້ຄວາມມິດຕະພາບ, ຄວາມສາມັກຄີ, ການໜູນຊ່ວຍ, ຊ່ວຍເຫຼືອເຊິ່ງກັນ ແລະ ກັນລະຫວ່າງ ປະຊາຊົນສອງປະເທດ ກູບາ ແລະ ຫວຽດນາມ. |
ມິງດຶກ
