| ນັກສຶກສາຫວຽດນາມ - ລາວ - ກຳປູເຈຍ ແລກປ່ຽນບົດຮຽນ | |
| ຫວຽດນາມ ແລະ ລາວ ມີຄວາມສາມາດບົ່ມຊ້ອນອັນໃຫຍ່ຫຼວງໃນການຮ່ວມມືດ້ານການທ່ອງທ່ຽວ |
ທີ່ການພົບປະ, ລັດຖະມົນຕີ 2 ທ່ານ ໄດ້ແລກປ່ຽນຂໍ້ມູນຂ່າວສານກ່ຽວກັບການພັດທະນາເສດຖະກິດ - ສັງຄົມ, ວິທະຍາສາດ, ເຕັກໂນໂລຊີ ແລະ ນະວັດຕະກຳຂອງແຕ່ລະປະເທດ, ພ້ອມທັງເນັ້ນໜັກເຖິງບັນດາຜົນງານດີເດັ່ນດ້ານເຕັກໂນໂລຢີ ແລະ ນະວັດຕະກຳທີ່ 2 ປະເທດບັນລຸໄດ້ໃນໄລຍະມໍ່ໆມານີ້. ສອງຝ່າຍເຫັນດີວ່າ ຄວາມກ້າວໜ້າດ້ານເຕັກໂນໂລຊີ ແລະ ນະວັດຕະກຳມີບົດບາດສຳຄັນໃນການພັດທະນາແບບຍືນຍົງ ແລະ ວັດທະນາຖາວອນຂອງເສດຖະກິດຂອງປະເທດ.
2 ຝ່າຍເຫັນດີເປັນເອກະສັນຈະເປີດກວ້າງການຮ່ວມມືດ້ານເຕັກໂນໂລຊີ ແລະ ນະວັດຕະກຳ, ຫັນບັນດາຮູບແບບການຮ່ວມມືເພື່ອຕອບສະໜອງຍຸດທະສາດພັດທະນາແບບຍືນຍົງຂອງແຕ່ລະປະເທດ ແລະ ສະພາບການສາກົນໃໝ່, ເໝາະສົມກັບການປະຕິວັດອຸດສາຫະກຳທີ 4 ແລະ ທ່າອ່ຽງພັດທະນາຂອງໂລກປະຈຸບັນ. 2 ຝ່າຍເຫັນດີສືບຕໍ່ດຳເນີນການປຶກສາຫາລືຢ່າງເປັນລະບົບກ່ຽວກັບການຈັດຕັ້ງ ແລະ ຄຸ້ມຄອງເຕັກໂນໂລຊີ ແລະ ນະວັດຕະກຳ ເພື່ອນຳໃຊ້ທ່າແຮງຂອງ 2 ປະເທດໃນຂົງເຂດນີ້ຢ່າງມີປະສິດທິຜົນ.
 |
ຫວຽດນາມ - ລາວ ຊຸກຍູ້ການຮ່ວມມືດ້ານເຕັກໂນໂລຊີ ແລະ ນະວັດຕະກຳ |
ຕີລາຄາສະພາບການຮ່ວມມືດ້ານເຕັກໂນໂລຊີ ແລະ ນະວັດຕະກຳໃນໄລຍະຜ່ານມາ, 2 ຝ່າຍໄດ້ຕີລາຄາສູງບັນດາໝາກຜົນແຫ່ງການຮ່ວມມືດ້ານເຕັກໂນໂລຊີ ແລະ ນະວັດຕະກຳລະຫວ່າງ 2 ປະເທດ ໂດຍຜ່ານບັນດາການເຄື່ອນໄຫວຄື: ແລກປ່ຽນຄະນະຜູ້ແທນໜູນຊ່ວຍ; ລົງນາມ ແລະ ປະຕິບັດສັນຍາຮ່ວມມືລະຫວ່າງບັນດາຫົວໜ່ວຍ; ພັດທະນາ ແລະ ປະຕິບັດໂຄງການຮ່ວມມືຄົ້ນຄວ້າລະຫວ່າງສອງປະເທດ; ພັດທະນາຊັບພະຍາກອນມະນຸດ ແລະ ຍົກສູງຄວາມສາມາດດ້ານວິຊາຊີບໃຫ້ແກ່ພະນັກງານລາວ ໂດຍຜ່ານການຝຶກອົບຮົມ; ພັດທະນາ ແລະ ປັບປຸງ ນະໂຍບາຍ ແລະ ເອກະສານນິຕິກໍາ ໃນຂົງເຂດເຕັກໂນໂລຊີ ແລະ ນະວັດຕະກໍາ ໃນລາວ; ຜັນຂະຫຍາຍການເຄື່ອນໄຫວສົ່ງເສີມເຕັກໂນໂລຊີ ແລະ ການເຊື່ອມຕໍ່ທຸລະກິດ; ຊຸກຍູ້ການຮ່ວມມືດ້ານເຕັກໂນໂລຊີ ແລະ ນະວັດຕະກຳຂອງທ້ອງຖິ່ນ, ພິເສດແມ່ນບັນດາທ້ອງຖິ່ນຊາຍແດນ.
2 ຝ່າຍເຫັນດີວ່າ, ໝາກຜົນການຮ່ວມມືນີ້ໄດ້ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວດ້ານເສດຖະກິດ, ສັງຄົມຂອງສອງປະເທດ; ຮັດແໜ້ນສາຍພົວພັນມິດຕະພາບ, ຮີດຄອງປະເພນີ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ; ພ້ອມກັນນັ້ນ, ທ່ານຍັງໄດ້ຮັບຮູ້ຄວາມມານະພະຍາຍາມຂອງຄະນະຜູ້ແທນກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ແລະ ກະຊວງເຕັກໂນໂລຊີ ແລະ ສື່ສານ ລາວ ໃນການປະຕິບັດບັນດາການເຄື່ອນໄຫວຮ່ວມມືຕາມຂໍ້ຕົກລົງຂອງບົດບັນທຶກຊ່ວຍຈຳລະຫວ່າງສອງປະເທດ.
ສອງຝ່າຍກໍ່ເຫັນດີເປັນເອກະພາບສົມທົບກັນຈັດຕັ້ງ 1-2 ຊຸດຝຶກອົບຮົມໃນແຕ່ລະປີໃຫ້ແກ່ສະຖາບັນເຕັກໂນໂລຊີຂໍ້ມູນຂ່າວສານ ແລະ ການສື່ສານ ດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ; ພ້ອມກັນນັ້ນ, ຊຸກຍູ້ໃຫ້ທັງສອງຝ່າຍເຂົ້າຮ່ວມບັນດາການເຄື່ອນໄຫວ ແລະ ການເຄື່ອນໄຫວຊຸກຍູ້ການເຊື່ອມຕໍ່ການສະໜອງ ແລະ ຄວາມຕ້ອງການ, ການຖ່າຍທອດເຕັກໂນໂລຢີ, ການເລີ່ມຕົ້ນ ແລະ ນະວັດຕະກຳທີ່ສອງຝ່າຍຈັດຂຶ້ນໃນແຕ່ລະປີ ເຊັ່ນ: ງານວາງສະແດງຂອງສອງປະເທດເພື່ອຊຸກຍູ້ການສົ່ງເສີມເຕັກໂນໂລຊີ. 2 ຝ່າຍໄດ້ປຶກສາຫາລືຢ່າງຕັ້ງໜ້າ ແລະ ເຫັນດີເປັນເອກະພາບກ່ຽວກັບບັນດາການເຄື່ອນໄຫວຮ່ວມມືສະເພາະ ແລະ ປະຕິບັດໃນແຕ່ລະປີ.
ຄຳຮຸ່ງ
