 | ນາຍົກລັດຖະມົນຕີ 2 ປະເທດຫວຽດນາມ ແລະ ລາວ ໄດ້ເປັນສັກຂີພິຍານພິທີລົງນາມໃນບັນດາເອກະສານຮ່ວມມືລະຫວ່າງ 2 ປະເທດ |
| ນາຍົກລັດຖະມົນຕີ: ຕ້ອງການສຸມໃສ່ຊຸກຍູ້ເສັ້ນທາງດ່ວນ ຮ່າໂນ້ຍ - ວຽງຈັນ (ລາວ) |
 |
| ທ່ານ ຟ້າມມິນຈິງ ນາຍົກລັດຖະມົນຕີ ຫວຽດນາມ ແລະ ທ່ານ ຄຳພັນ ພົມມະທັດ ປະທານຄະນະກຳມະການກວດກາສູນກາງ, ຫົວໜ້າຄະນະຕ້ານການສໍ້ລາດບັງຫຼວງສູນກາງ, ຫົວໜ້າອົງການກວດກາແຫ່ງລັດ ສປປ ລາວ - ພາບ: VGP/Nhat Bac. |
ທີ່ການຕ້ອນຮັບທ່ານ ຄຳພັນ ພົມມະທັດ ພ້ອມກັບຄະນະຜູ້ແທນຄະນະກວດກາສູນກາງ ແລະ ອົງການກວດກາແຫ່ງລັດ ລາວ ທີ່ມາຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ເຊື່ອໝັ້ນວ່າ ການໄປປະຕິບັດງານຈະປະສົບຜົນສຳເລັດ, ປະກອບສ່ວນປະຕິບັດບັນດາຂໍ້ຕົກລົງຂັ້ນສູງ ແລະ ກົນໄກຮ່ວມມືລະຫວ່າງລັດຖະບານ; ປະກອບສ່ວນເຂົ້າໃນການເພີ່ມທະວີການຮ່ວມມືລະຫວ່າງສອງຄະນະກວດກາສູນກາງ ແລະ ອົງການກວດກາແຫ່ງລັດຂອງສອງປະເທດ, ປະກອບສ່ວນເຂົ້າໃນການພັດທະນາຢ່າງແທດຈິງ ແລະ ມີປະສິດທິຜົນຂອງການພົວພັນລະຫວ່າງ ຫວຽດນາມ - ລາວ.
ໂດຍຢືນຢັນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃນການຮັດແໜ້ນ, ຮັກສາ ແລະ ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ; ພ້ອມແລ້ວທີ່ຈະຮ່ວມມື ແລະ ໜູນຊ່ວຍ ລາວ ໃນການກໍ່ສ້າງເສດຖະກິດເອກະລາດ ແລະ ເປັນເຈົ້າຕົນເອງ..., ທ່ານນາຍົກລັດຖະມົນຕີ ຫວຽດນາມ ຊົມເຊີຍບັນດາຜົນງານທີ່ພັກ, ລັດ ແລະ ປະຊາຊົນ ລາວ ໄດ້ບັນລຸໃນໄລຍະທີ່ຜ່ານມາ; ເຊື່ອໝັ້ນວ່າ ສປປ ລາວ ຈະປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກໃຫ້ປະສົບຜົນສຳເລັດຢ່າງຈົບງາມ, ສ້າງສາປະເທດ ລາວ ໃຫ້ມີຄວາມສັນຕິພາບ ແລະ ມີຄວາມຈະເລີນຮຸ່ງເຮືອງ, ນັບມື້ນັບຍົກສູງຖານະບົດບາດຂອງປະເທດ ລາວ ໃນພາກພື້ນ ແລະ ໃນໂລກ.
ທ່ານນາຍົກລັດຖະມົນຕີ ຫວຽດນາມ ແລະ ປະທານຄະນະກຳມະການກວດກາສູນກາງ, ຫົວໜ້າອົງການກວດກາແຫ່ງລັດ ລາວ ສະແດງຄວາມປິຕິຊົມຊື່ນຕໍ່ການພົວພັນຮ່ວມມື ຫວຽດນາມ - ລາວ ທີ່ໄດ້ຮັບການພັດທະນາຢ່າງບໍ່ຢຸດຢັ້ງ, ແທດຈິງ ແລະ ເລິກເຊິ່ງໃນໄລຍະຜ່ານມາ.
ສອງຝ່າຍພວມຕັ້ງໜ້າປະຕິບັດບັນດາຂໍ້ຕົກລົງຂອງການນຳຂັ້ນສູງ ແລະ ແຜນການຮ່ວມມືລະຫວ່າງ 2 ລັດຖະບານ ປີ 2024, ຮັກສາການແລກປ່ຽນຄະນະຜູ້ແທນທຸກຂັ້ນ; ວົງເງິນການຄ້າສອງຝ່າຍໃນ 4 ເດືອນຕົ້ນປີບັນລຸປະມານ 620,6 ລ້ານ USD, ເພີ່ມຂຶ້ນກວ່າ 10% ເມື່ອທຽບໃສ່ໄລຍະດຽວກັນ, ຍູ້ແຮງການລົບລ້າງສິ່ງກີດຂວາງໃນບັນດາໂຄງການສຳຄັນ, ເຊື່ອມໂຍງບັນດາວິສາຫະກິດ ຫວຽດນາມ ຊອກຮູ້, ລົງທຶນດຳເນີນທຸລະກິດຢູ່ ລາວ ໃນບັນດາຂົງເຂດທີ່ລາວໃຫ້ບຸລິມະສິດ; ການຮ່ວມມືດ້ານປ້ອງກັນຄວາມສະຫງົບ, ການສຶກສາ, ວັດທະນະທຳ, ການພົບປະແລກປ່ຽນປະຊາຊົນໄດ້ຮັບຄວາມເອົາໃຈໃສ່ ແລະ ຊຸກຍູ້...
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ຕີລາຄາຢ່າງສູງການພົວພັນຮ່ວມມືລະຫວ່າງຄະນະກວດກາສູນກາງ ແລະ ອົງການກວດກາແຫ່ງລັດ 2 ປະເທດດ້ວຍຫຼາຍໝາກຜົນທີ່ຕັ້ງໜ້າ - ພາບ: VGP/Nhat Bac. |
ປະທານຄະນະກວດກາສູນກາງ, ອົງການກວດກາແຫ່ງລັດ ລາວ ທ່ານ ຄຳພັນ ພົມມະທັດ ໄດ້ສະແດງຄວາມເປັນກຽດ ແລະ ຂອບອົກຂອບໃຈທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ທີ່ໄດ້ສະຫຼະເວລາມາຕ້ອນຮັບຄະນະ; ໃຫ້ຮູ້ວ່າ, ຄະນະຜູ້ແທນຂັ້ນສູງອົງການກວດກາແຫ່ງລັດ ລາວ ໄດ້ມີການພົບປະເຈລະຈາກັບອົງການກວດກາລັດຖະບານ ຫວຽດນາມ ໃນວຽກງານກວດກາ, ຕ້ອນຮັບພົນລະເມືອງ, ແກ້ໄຂຄຳຮ້ອງທຸກ, ກ່າວໂທດ, ສະກັດກັ້ນ ແລະ ຕ້ານການສໍ້ລາດບັງຫຼວງ.
ໂດຍແຈ້ງໃຫ້ທ່ານນາຍົກລັດຖະມົນຕີ ຫວຽດນາມ ຊາບກ່ຽວກັບສະພາບເສດຖະກິດ-ສັງຄົມ, ວຽກງານກວດກາ ແລະ ຕ້ານການສໍ້ລາດບັງຫຼວງຂອງ ລາວ, ທ່ານ ຄຳພັນ ພົມມະທັດ ໄດ້ສະແດງຄວາມຂອບໃຈ ແລະ ຫວັງວ່າຈະສືບຕໍ່ໄດ້ຮັບການຮ່ວມມື ແລະ ໜູນຊ່ວຍຢ່າງຈິງໃຈຈາກພັກ, ລັດ ແລະ ປະຊາຊົນ ຫວຽດນາມ ໃຫ້ແກ່ພັກ, ລັດ ແລະ ປະຊາຊົນ ລາວ ເວົ້າລວມ, ໃນນັ້ນມີປະສົບການໃນການຄຸ້ມຄອງເສດຖະກິດມະຫາພາກ, ເຮັດໃຫ້ດ້ານກົນໄກ ແລະ ກົດໝາຍສົມບູນແບບ, ຍົກສູງຄວາມສາມາດ, ລະດັບວິຊາສະເພາະ, ວິຊາຊີບ ແລະ ປະສິດທິຜົນຂອງວຽກງານກວດກາ, ແກ້ໄຂຄຳຮ້ອງທຸກ, ກ່າວໂທດ, ສະກັດກັ້ນ ແລະ ຕ້ານການສໍ້ລາດບັງຫຼວງ.
ປະທານຄະນະກວດກາສູນກາງ, ອົງການກວດກາແຫ່ງລັດ ລາວ ທ່ານ ຄຳພັນ ພົມມະທັດ ຢືນຢັນວ່າ, ທ່ານ ແລະ ຄະນະກວດກາສູນກາງ, ອົງການຕ້ານການສໍ້ລາດບັງຫຼວງ, ອົງການກວດກາແຫ່ງລັດ ລາວ ຈະສືບຕໍ່ມານະພະຍາຍາມ, ປະກອບສ່ວນຮັກສາ ແລະ ເພີ່ມທະວີການຮ່ວມມືມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ຢ່າງບໍ່ຢຸດຢັ້ງ.
ທ່ານນາຍົກລັດຖະມົນຕີ ຫວຽດນາມ ຕີລາຄາຢ່າງສູງການຮ່ວມມືລະຫວ່າງຄະນະກວດກາສູນກາງ ແລະ ອົງການກວດກາແຫ່ງລັດຂອງ 2 ປະເທດທີ່ບັນລຸໄດ້ໝາກຜົນຕັ້ງໜ້າຫຼາຍຢ່າງ; ມີການແລກປ່ຽນເປັນປະຈຳ ແລະ ແບ່ງປັນປະສົບການໃນວຽກງານກວດກາ, ຕ້ອນຮັບພົນລະເມືອງ, ແກ້ໄຂຄຳຮ້ອງທຸກ,ກ່າວໂທດ, ສະກັດກັ້ນ ແລະ ຕ້ານການສໍ້ລາດບັງຫຼວງ; ຈັດຊຸດຝຶກອົບຮົມໄລຍະສັ້ນ ເພື່ອປັບປຸງທັກສະການກວດກາ; ສ້າງກົນໄກຮັບ ແລະ ແກ້ໄຂຄຳຮ້ອງທຸກຂອງຄົນຕ່າງປະເທດນັ້ນຢູ່ປະເທດເຈົ້າພາບ ຕາມລະບຽບກົດໝາຍຂອງແຕ່ລະປະເທດ...
ທ່ານນາຍົກລັດຖະມົນຕີ ຫວຽດນາມ ສະເໜີວ່າ ໃນໄລຍະຈະມາເຖິງ, ອົງການກວດກາແຫ່ງລັດ 2 ປະເທດ ຕ້ອງສົມທົບກັນສ້າງແຜນການຜັນຂະຫຍາຍການປະຕິບັດບັນດາຂໍ້ຕົກລົງຂັ້ນສູງ, ກົນໄກຮ່ວມມືທີ່ມີຢູ່ແລ້ວ, ໝາກຜົນຂອງກອງປະຊຸມຄັ້ງທີ 46 ຄະນະກຳມະການລະຫວ່າງລັດຖະບານ ຫວຽດນາມ - ລາວ.
ທ່ານນາຍົກລັດຖະມົນຕີ ຫວຽດນາມ ສະເໜີໃຫ້ສອງປະເທດຊຸກຍູ້ການພັດທະນາການຮ່ວມມືເສດຖະກິດດ່ານຊາຍແດນ, ຊຸກຍູ້ໂຄງການເຊື່ອມໂຍງຄົມມະນາຄົມ, ການຄ້າ, ການເຊື່ອມໂຍງເສດຖະກິດສອງປະເທດຄື: ທ່າກຳປັ່ນ ຫວູງອາງ ແລະ ທາງດ່ວນ ຮ່າໂນ້ຍ - ວຽງຈັນ.
ໂດຍແບ່ງປັນປະສົບການຈຳນວນໜຶ່ງກ່ຽວກັບການພັດທະນາເສດຖະກິດ - ສັງຄົມ, ວຽກງານຄຸ້ມຄອງເສດຖະກິດມະຫາພາກ, ວຽກງານກວດກາ, ການຕ້ອນຮັບພົນລະເມືອງ, ແກ້ໄຂຄຳຮ້ອງທຸກ, ກ່າວໂທດ, ສະກັດກັ້ນ ແລະ ຕ້ານການສໍ້ລາດບັງຫຼວງ, ທ່ານນາຍົກລັດຖະມົນຕີ ຫວຽດນາມ ສະເໜີໃຫ້ 2 ຝ່າຍ ເພີ່ມທະວີການແລກປ່ຽນປະສົບການ ແລະ ການຮ່ວມມືດ້ານກວດກາ, ແກ້ໄຂຄຳຮ້ອງທຸກ, ກ່າວໂທດ, ສະກັດກັ້ນ ແລະ ຕ້ານການສໍ້ລາດບັງຫຼວງ.; ຮັກສາການຈັດຊຸດຝຶກອົບຮົມ ແລະ ປັບປຸງວິຊາຊີບໃນຂົງເຂດການກວດກາໃຫ້ແກ່ພະນັກງານຂອງສອງຝ່າຍ.
ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ເນັ້ນໜັກວ່າ, ໃນສະພາບການຜັນແປສັບສົນ ແລະ ບໍ່ອາດຄາດເດົາຢູ່ພາກພື້ນ ແລະ ໂລກ, ຮຽກຮ້ອງຕ້ອງມີຄວາມຮ່ວມມືສາມັກຄີຂອງບັນດາປະເທດ, 2 ປະເທດຕ້ອງເພີ່ມທະວີການຮ່ວມມືເພື່ອຮັບມືກັບບັນດາສິ່ງທ້າທາຍລວມ, ເໝາະສົມກັບສະພາບການ, ເງື່ອນໄຂ ແລະ ຄວາມຕ້ອງການຂອງແຕ່ລະຝ່າຍ; ຢືນຢັນວ່າ ຫວຽດນາມ ຈະສະໜັບສະໜູນ ແລະ ໜູນຊ່ວຍ ລາວ ປະຕິບັດບັນດາໜ້າທີ່ຮັບຜິດຊອບສາກົນໃນປີ 2024 ຢ່າງສຳເລັດຜົນ, ໃນນັ້ນມີບົດບາດເປັນປະທານ ອາຊຽນ ປີ 2024.
ເນື່ອງໃນໂອກາດນີ້, ໂດຍຜ່ານທ່ານ ຄຳພັນ ພົມມະທັດ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ສົ່ງຄຳຢື້ຢາມຖາມຂ່າວເຖິງທ່ານນາຍົກລັດຖະມົນຕີ ລາວ ສອນໄຊ ສີພັນດອນ ແລະ ບັນດາການນຳຂອງພັກ ແລະ ລັດ ລາວ./.
 | ທ່ານລັດຖະມົນຕີ ຫວຽດນາມ ໂຕ່ເລີ່ມ ໄດ້ຮັບຕ້ອນຕາມມາລະຍາດທ່ານ ສອນໄຊ ສີພັນດອນ ນາຍົກລັດຖະມົນຕີ ລາວ ຍສໝ - ຕອນບ່າຍວັນທີ 29 ກັນຍາ, ຢູ່ນະຄອນຫຼວງວຽງຈັນ, ທ່ານພົນເອກ ໂຕ່ເລີ່ມ, ກຳມະການກົມການເມືອງ, ລັດຖະມົນຕີກະຊວງຕຳຫຼວດ ໄດ້ຮັບຕ້ອນຕາມມາລະຍາດສະຫາຍ ສອນໄຊ ສີພັນດອນ, ກຳມະການກົມການເມືອງພັກ ປະຊາຊົນປະຕິວັດລາວ, ນາຍົກລັດຖະມົນຕີລັດຖະບານ ສປປ ລາວ. |
 | ທ່ານນາຍົກລັດຖະມົນຕີ ຟ້າມມິນຈິງ ໄດ້ເຂົ້າຮ່ວມບັນດາເຫດການ 2 ຝ່າຍຢູ່ ອາເມລິກາ ຍສໝ - ທ່ານນາຍົກລັດຖະມົນຕີ ຊົມເຊີຍຄວາມສົນໃຈຂອງບັນດາວິສາຫະກິດຕໍ່ກັບຕະຫຼາດ ຫວຽດນາມ; ສະເໜີວິສາຫະກິດ ອາເມລິກາ ຫັນການສະໜັບສະໜູນຂອງ ອາເມລິກາ ກ່ຽວກັບປະເທດ ຫວຽດນາມ ເຂັ້ມແຂງ, ເອກະລາດ. |
ມິງດຶກ
